اليواب

اليواب

- ‎فيالثقافة و التراث
36
التعليقات على اليواب مغلقة

اليواب من الفنون الشعبيه القديمه حيث يمتاز بتحلق مجموعه من أبناء الشحوح خلف الشاعر الذي يبدأ قصيدته قائلا :

( ياهل السيف يواب )  ليرد عليه الجتمعين ( يواب )

ليواصل قائلا جواب

يا أهل الضيف يواب ياعيال العم يواب يا أهل الدم يواب يا عيال شح يواب

 

الالف الفت الكلام = بمدح شبان ولام
الحمد ياللي ما ينام = يبري عنا كل هم
والبا بلطفك يالطيف = ياراحم العبد الضعيف
انت زبون المستخيف = تنشي الخلايق من عدم
والتا ترانا في حماك = يا رب ما نرجوا سواك
عندك تدابير لفلاك = بيدك واجريت القلم
والثا ثبتنا ما نحول = نمشي على نهج الرسول
الله يزل اللي يقول = قولة واخر ما يتم
والجيم جارو بلبلاد = ربع يريدون الفساد
اللي عصا رب لعباد = لاز م يحل بهم نقم
والحا حمينا دارنا = الله رفع مقدارنا
ما نعيب في خطارنا = والضيف معنا لة حشم
والخا خبرنا مشتهر = والربع معنا معتمر
والجار لة حوز وقدر = بديارنا ما ينهضم
والدال دولاب الدهر = يرويك بالدنيا عبر
الخير كلة بالصبر = والنصر بالله والعزم
والذال ذاق المقتدي = سما وهو المبتدي
والجور متمورة ردي = الله يشوفاللي ظلم
والرا روا الحاسد محان = ما يريد لة غير الزوال
في قدرة الله ذو الجلال = بنيانهم با ينهدم
والزا زحموا يبوا لبلد = قوم كثرة بلا عدد
والسين سمعوا بالصياح = ربعي ونشوا بلفراح
ما ردهم قتل وجراح = واللي يقصر عمرة يتم
والشين شبان وشيب = من فعلهم قلبي يطيب
حس التفق سوا نحيب = هم عصبتي كم وكم
والصاد صالوا كالذياب = كل منهم ما يهاب
سوا عن الديرة احجاب = يحمونها برواحهم
والضاد ضل اللي يقول = عسق ويسفيهم بهول
يرويك صولات لفحول = شروا الذيب في غنم
والطا طلع نور الفجر = والكل منهم قد ظهر
بامهات شوكة وام عشر = وارصاصهم مسقاي سم
والظا ظعن المايشد = وتنظفت منة البلد
لخمام ما نبغية يرد = حاشى ولا نعطي سجم
والعين عانوني بزود = ياللي يتمون الوعود
اولاد شح ذيك الاسود = اهل الشجاعة والكرم
والغين غيبات الرجال = منا تبين حزات لفعال
اولاد شح هم ادقال = واعيال مالك والنعم
والفا فعلهم مستبين = اولاد شح الوالمين
الله يزل الشامتين = اش حصلوا غير الندم
والقاف قلبي في وزى = عن بوهنيدي ما عزى
سيف الذي كم اعتزى = يوم العمر طايل سلم
والكاف كفينا الخصيم = وبعزة الله الكريم
يلظ باروت النعيم = يحدك يسار لا يمين
واللام لله الامر = عن قدرتة ما من مفر
ما يستجيم الا الصبر = بالله انلوز ونعتصم
والميم ما ظني تكون = صحبة من بعد الفنون
اللي جراحهم ما تهون = ارصاصهم مسقاي سم
والنون نيات العهود = الله عليهم يا اسود
لو نسكن ابطون اللحود = ما قادنا قود البهم
والهاء هم لي ينفضون = حوض المنية يوردون
ما قصروا باللي يكون = خلوا البطاح تسيل دم
والواو وين اهل الوطن = اهل الحمية والشيم
ما قصروا وقت الم = خلوا البطاح تسيل دم
واليا يسدون الخصيم = خلوا السيب على النخيل
ما كادهم شمسا وليل = ولا يهابون الخصم
والختم صلوا عالنبي = يا سامعين القول ضم
اللي تضمن للضبي = ومتقا صخرا اصم