• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

رواية نور / للكاتبة : وديمة العطا..؛

جرحي جديم..!

๑ . . عضو مؤسس . . ๑
التسجيل
29 مارس 2006
رقم العضوية
4674
المشاركات
15,223
مستوى التفاعل
541
الجنس
الإقامة
rak
اي اي ..
تعبت من القرايه خخخخخخخخخخ
بس بعدني ما قريتها كلها

" يوم اخلص منها ببدي رآيي فيها "

=}
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
السمووحة ع التأخير
بي صارت لي ظروف عشان كده ماا كملت
واليوم بختم القصة
واتمنى لكم قراايه ممتعة..؛
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
الجزء التاسع والثلاثون


في الكوشه وبينما يد روضه مازالت في يد بدر الي ماتركها وهو يحتويهاهمس الها
بدر:تدرين من البارحه وانا مش طبيعي
ابتسمت وتمت ساكته
بدر:من رتبن البنات غرفتيه وحطن سمانج فيها وانا علوميه علوم
قرصته عشان يسكت
بدر:تخيلي ادخل الحجره والاقيها مدخنه ومعطره وفيها الفرشه الي صدق خبلتبيه تعتقدين كيف بتكون حالتيه عقب
بهمس يادوووب ينسمع:خلااااااص
بدر:ههههه طلعت نازل لسيارتيه باخذ حاجه ورجعت لقيت الاخ منكت في الفرشه ماغط ايديه وريوله كل وحده في صووووب بغيت اموووت عقب العطر والدخون ايي اهو عشان ينسدح عليها بريحته الخايسه وهو توه ياي من الدوام
روضه:هههه بس عااده
بدر:هههه...قربت امنه وانه ينخر والله ينخر ميت اتقولين واحد عده بالرقاد من مية سنه
تمت مبتسمه وتحاول تمنع ضحكتها
بدر ومازال يهمس الها من قريب:حاولت اطلعه قطع قلبيه وانا الفه في المطرح واسحبه برا الغرفه لخمام معضل ووزنه زاد من عقب ملجته
زادت ابتسامتها
ضغط على يدها :والله انيه مابت الا اقوم واقعد ظاربتنيه حفوز واتخيلج في كل مكان في الغرفه مش مصدق ان بس باقيه ليله
لفت بويهها عنه للجهه الثانيه منحرجه
بدر:عاد تدرين يوم اتخيلج معايه عند الفرشه
قرصته بقو:بسسسسس ارجووووك بس عاااده
بدر:هههه لا لا تفهمين غلط كنت اتخيل شي ثاااني قصدي يعني
استمرت في القرص
بدر:ههههه خلاااص انزين بسكت بس الله ايعينج على خباليه الليله
كان ويهها محمر والكل عنده فضول يعرف سبب ضحك بدر واحمرار ويهها

.................................................


رجع زايد لبيته من وقت وهو يحس بوجع في ظهره كان فرحااان لبدر اول مادخل لغرفته سمع صوت ماي في الحمام تقدم لباب الحمام وداس على شي وانصعق انه الفستان العشبي
قعد على الارض ماسكنه
زايد:نووور
رفع راسه ايشوف باب الحمام معقوله اهيه داخل
التفت للكرسي القريب وقعد عليه وتم ينتظر طلعت نور وتفاجئت به
لفت الفوده علي ويهها زين وهيه ماسكتنها من جدام
نور بتلعثم:انا انااا اسفه كنت اريييد اثياااب لان ماشي تحت
تم ايطالعها وهو ساكت بدون ولا كلمه
خطت نور خطوه جدام بتردد مفتشله وهيه كل شوي ترفع راسها وتنزله وتمت اتجر خطواتها لين طلعت وهو مسمت بس ايطالعها بعد ماراحت رمش بعيونه
وهو ايشوف الفستان على الارض هل هيه كانت موجوده فعلا او انها كانت خيال من الخيالات الي يتخيلها دوووم
وقف بسرعه وطلع وراها يركض عشان يتاكد
كان ينزل السلم بسرعه واول ماشاف هنيه يايه
زايد:هنيه....نوور وين؟
هنيه وهيه متخربطه:معليش يا باااشه امسحها فيه دي الست نووور اتصلت لي وطلبت مني اجيها الفرح عشان ترجع ولما جينا هنا لقينا ان ملابسها كلها في بيت الحجه ام راشد...التالها ان ليها ملابس هينا وقينا وشفتهم وااالت انها حتاخد دش سريع وتطلع انا ياباااشه نزلت نسيت الميه بتغلي على النار الت اطفيها وارجع ليها ماكنتش عارفه انك حتيقي دلواتي

زايد دقات قلبه تمت اتزيد وهو مش مصدق انها كانت عنده فوق
نزل بقية السلم ووقف جدام هنيه وهو يحرك يده في جيبه
زايد:ماطاعت اتي في الجناح تحت
هنيه:لاء ياباااشه
زايد:بتم اهنيه؟
هنيه:بتقووول ان بيت الحجه فيه نااس كتير وعايزه تكون بعيده
زايد خذ نفس وهو مش عارف شو يقول التفت عن هنيه وصعد السلم على الاقل الفستان رجع بعد ماضم جسدها
احلى ليله يا زاااايد خلك مع الخياااال عايش


.................................................. .


اليازي:الو فهد وين انته
فهد وهو يتقدم بسيارته:انتي الي واقفه عند البوابه
اليازي:هييه
فهد وقف السياره عدالها ونزل الدريشه:هلا
اليازي وهيه تلتفت:بنادي ميوووه
فهد:تعالي تعالي مي بتي مع ابويه واميه تعالي اركبي انا مستعيل
تمت اليازي متخربطه كيف بتروح وبتخلي مي
اليازي:هذيه ورايه اهيه
نزل فهد وفتحلها الباب وركبها ودار بسرعه
اليازي:الله ايهديك الحين بتم ادورنيه
فهد:ماعليها شر ههههه بكشتج ماتبين كشته
اليازي:الحييينه وانا بالفستااان
فهد:همممممم بالفستاااان وانا ماليه رب اشوفه عليييج
اليازي:لا فهد حرام عليك ودنيه البيت ما اريدك اتشوفه
فهد:لييييش
اليازي:مابيعجبك اكيد
فهد:ليييش
اليازي:لانه لانه عريااان شويه
فهد:ايواااااا وعقيتي العباه
اليازي:لا والله اصلا ماشي اغاني عشااان...
فهد:عشان شوووه
اليازي:يعني عشان ننعش
فهد:حلوه هذي عشان ننعش
اليازي:هههه انزين خلااص انا اصلا واعدتنك ما اسوي شي الابشورك
فهد:وليش ماشاورتينيه على الفستاان
اليازي:امزح معاك مش عريااان
فهد:افا
اليازي:هاااه
فهد:هههه شرايج انروح العرشان الي عند الكورنيش ناخذ النا عريش خاص النا
اليازي:كيف يعني
فهد:هو مطعم ايقدم الوجبات للعوائل كل عائله في عريش
اليازي:لالا انرد البيت
فهد:انتي شمنه متروعه اريد اقولج شي اهنااك
سكتت اليازي وتوجه فهد للمكان الي قاله

عند البوابه كانت ام بدر واقفه ومي وراها قربت مي منها
مي:عمتيه شبلاااج
ام بدر:مادري يابنتيه احس بهبوط
مسكتها مي وساندت الها
ام بدر:وصلينيه يابنتيه السياره برا ترقبنيه
مي:ان شالله
مشت مي مع ام بدر لين السياره ونزل مروان اول ماشاف ان امه مش طبيعيه
مروان:اميه شبلااااج
ام بدر:اااه اهه ركبنيه السياره
مي:اتحس بهبوط مادري يمكن ضغطها نازل
رقع قلبه وهو يسمع الصوت وساعد امه تركب السياره وهيه واقفه وراه ومتقبعه بعباتهاواطراف فستانها طالع من تحت التفت الها
مروان:بتين معانا
مي:مادري ارووح معاكم
مروان وهو يلف للجهه الثانيه:اركبي اركبي
ركب وركبت مي في نفس الوقت وهيه خايفه على ام بدر
على طووول مروان اتوجه للمستشفي
مروان:الله يهديج يا اميه قلتلج الوقفه وايد على ريولج تتعبجج
ام بدر:شو اسوي مستانسه يا ولديه والعرب لازم حد ايرحب ابهم الحين اخوك وحرمته راحو البيت ومحد جدامهم
مروان:ماعليهم
وصل المستشفي ونزلو
كانت تتبعهم ومفتشله من شكلها
فحصو على ام بدر وحطو عليا مغذي وحطوها في وحده من غرف الطوارئ المنعزله والها باب
كشفت مي عن ويهها وقربت من ام بدر
مي:اخبارج عمووه بخير الحين
ام بدر:بخير فديتج...مروان وين
مي:مادري طلع اكيد بيي الحين
دخل مروان وقرب من امه:هااه الغلا اخبارج
ام بدر:لاتستهم ان شالله بخير
مي راحت وقعدت على كرسي في الطرف وحس بدر انه مايقدر ايلف ويهه ناحيتها اطمن على امه لاكنه ايحس بنااااار مش عارف شو يسوي عنبوووه شو الي تغير
اااه صارت حرمتيه وحلاليه وكاشفه بس اليه انا وبس ادري انهاكاشفه ويهها بس انا بلاها ارقبتيه جمدت
رفع نظره لامه وشافها مغمضه عيونها
وقف وحط ايديه في مخباه والتفت تكلم معاها وهو ايحس انه مايشوفها مع انها قاعده جدامه
مروان:انا بروح شويه وبايي اذا صار شي كلمي الممرضه
رفعت له نظرها وهزت راسها وطلع اهو على طووول
حست مي بحره امنه لانها فكرته مايعطي ويه....معقوله انه طلبها للعرس ...اكيد ندم والكل لومه لانها صغيره
سحبت غشوتها وتغطت ابها وسندت راسها على طرف الجدار وغمضت عيونها
بعد عشر دقايق رجع وهو ياي ومتشجع انه ايحط عينه في عينها لاكنه تفاجئ ابها نايمه ابتسم
مسرع ماترقد سحب كرسي وقعد في مكان يقدر ايشوف امه ومي في نفس الوقت وطاااال انتظاره


.....................................




شكل البيت محد فيه شراييج
نزل وشلها
روضه:اووووه بدر
بدر:ياعيووون بدر وروووح بدر...عشان تتذكرين انج اول مره ركبتي فيه السلم كنت شالنج فيها
ابتسمت وهيه اطالعه لين وصلو للجناح الخاص ابهم ونزلها عند الباب
استانست روضه على ترتيبات الغرفه
بدر:عجبتج
روضه:وااايد
مسكها من يدها
بدر:تعالي برويج الفرشه هههههه
هزت راسها وهيه مبتسمه من وقاحته وتبعته

......................................
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
دخلت اليازي مع فهد للعريش المسكر وله باب بقفل
اليازي:بعااااد بتقفل
فهد:حياااتي شبلاااج انا ريلج ليش متروعه
اليازي:لا فديتك انتو الريايل مامنكم امان اطيحون الي في راسكم وعقب اتقولون مالنا خص
فهد:حد قالج انيه اريد اطيح الي في راسيه خبل اتم بدون مخ
اليازي:انزين شتريد؟
فهد:تعالي قعدي وعقي هالعباااه
اليازي:بتبطي
بصوت حاد:يزوووي
التفتت له متروعه
ابتسم الها:عقي العباه
اليازي:بعقها وماليه خص
فهد:هههه مالج خص شو فيه
اليازي:مادري
عقت اليازي العباه وحبس فهيدان انفاسه والله انج هب هينه يا يزووووي
قعد:تعالي اقعدي عداليه
اليازي:بقعد اهنيه عشان اشوفك زين
فهد بابتسامه:على راحتج
اليازي:شووو عندك؟
فهد:امممممم وبدون مقدمات انا بسافر
رفعت نظرها له:وين بترووح؟
فهد:بعثه دراسيه لمدة سنتين
اليازي:شوووه؟
بدت الدموع تتجمع في عيونها
قام وقعد عدالها:هاه هاه شو هذا
بدت دموعها تنزل:لا فهد لاتسافر وتخلينيه اترك الدراسه هذي
فهد:ما اقدر اريد اخلص بسرعه وبعدين انا بدرس سنه وبرجع عشان انسوي العرس وبوديج معايه
هزت راسها بلاا مش موافقه
فهد:يزوووي لاتصعبين عليه الامور...اصلا هذا زين النا مايصير متزوجين وقاعدين في بيت واحد وعايشين كل واحد في مكان قلبيه ينحرق يوم اشوفج انتي ماتدرين بالي يصير اليه
اليازي مازالت اتهز راسها بلا:ودنيه معاك
فهد:يالييييييت خلصي انتي السنه هذي دراسه وعقب ايصير خيير
اليازي:اذا المشكله منيه بروح بيت عميه خليفه بس اشوفك قريب
لفها فهد بيده:يووووه ياليازي ماتخيلت ردة فعلج هذي قلت بتقولين فكه احسن
التفتت له :حتى لو قلت بيكون من ورا قلبيه...فهد انته الامان بالنسبه اليه وين بتروح وبتخلينيه
فهد:ماعليه تراها الاسنه وبتعدي بسرعه
تم فهد يقنع اليازي وهيه اتصييح ووهق عمره معاها

...............................


مروان ياس ان الحبيبه توعا ولا تنتبه
ام بدر:مروان
مروان وهو يوقف:هلاا هااه بخير الحين
ام بدر:الحمدلله خلهم يا ولديه ايعقون لمغذي وسرينا لبنيه حليلها منهد حيلها اهيه بعد من الوقفه طول الوقت
التفت مروان الها:انزين ماعليه بروح اناديهم
طلع ورجع بعد اشويه مع الممرضه وشاف مي واقفه عدال امه وهيه رافعه غطاها
مروان وهو مبتسم"شعور جميل انها رافعتنه لانها تدري انها زوجتيه يا ويييييل حاليه من الصبر
التفتت وتلاقت نظراتهم وبسرعه ابعد نظره عنها وهو مش حاااس ومتخربط ووجه نظره لامه
مروان:هااه اميه مشينا
هو الي شافه شي الجمه من الكلام او توجيه نظره الها خصايل من الغره نازله على جبينها معطيتنها شكل طفولي اكثر وفستان هي نك مخلنها بشكل خطير
سحبت الممرضه الابره من يد ام بدر واعطتهم الاذن بالخروج
توجهو عقبها للسياره وتوجهو للبيت...طول الطريق وقلبه طبوووول
مروان على طووول توجه لبيتهم عشان ينزل امه
نزلت امه وهمت مي بالنزول
مروان:خليج بوصلج
مي بارتباك:لالا مايحتاي هذوه البيت قريب
ونزلت مش معطيتنه فرصه يتكلم
نزل على طووول والتفت للجهه الي مشت فيها متوجهه لبوابة بيتهم الخلفيه عشان تطلع من الخلف وتروح بيتهم امه بعدها ما وصلت الباب وماقدر يناديها او يلحقها لاكن خطرت في باله فكره وطلع بسرعه من الباب الجدامي وركض بسرعه في السكه عشان ايلاقيها اول ماتطلع من باب بيتهم الخلفي وصل منقطع الانفاس والتفت الها وهيه طلعت وتفاجئت فيه شهقت خايفه اول شي
مروان بنفس منقطع:هذا انا مروان
وقفت وهيه تحاول تستوعب وكانت رافعه غطاها تمت تتنفس بتنفس سريع وخطت خطواتها بسرعه وهيه تبتعد رايحه البيت
حاول ايوقفها وماقدر ضرب بيده على جنبه منقهر من سكوته وتضيييعه للفرصه مره ثانيه
اما اهيه كانت تحس بدقات قلبها اتزيد لان حركته هذي ماتوقعتها معناه انه كان ايريد ايكلمها ههههه بس شبلاااه هل استصغرها مره ثانيه
لحضات رومانسيه قضاها فهد مع اليازي وعقب رجعو للبيت بينما بدرقضى ليلته كلها رومانسيه مع روضه


............................

كانت نوره راقده في لفراش وهيه مبتسمه انها قدرت الليله تبيت خليفه برا الغرفه ماعليه يا خليفه
سمعت دقات الباب وكان الوقت فجر قريب الاذان غمضت عيونها وتجاهلت الدق
خليفه وهو فاتح شويه من الباب:نوووره نوووره ممكن ادخل
ابتسمت وهيه ويههها للجهه الثانيه وطنشته
دخل:زين راقده
قرب من السريروتم ايطالعها مع لبسها المثير
خليفه:يعني ليش هذا العذاااب؟
اعتدلت بسرعه ولمت لفراش الها:انته شو تسوي اهنيه؟
خليفه:هاااه ااا انا اريد اخذ الاب توب ماليه
نوره وهيه اطالع الساعه:الحين لابتوب
خليفه:شو اسوي مايانيه رقاااد الكرسي كسر ظهريه
نوره:انته وين رقدت؟
خليفه:اهنيه برا في الصاله
نوره:وليش مانزلت تحت؟
خليفه:ما اتذكر مفتاح القسم تحت وين حطيته
نوره:انزين خذ لابتوبك
ورجعت تنسدح وهيه تحضن المخده
رجع خليفه والتفت ناحيتها:انزين شو بيستوي لو ارقد اهنيه مابييج
نوره:لاا تبا ترقد اهنيه قل انا بطلع
خليفه:لا خلااص خذي راحتج انا برقد برا
اخذ خليفه الاب توب وطلع
نوره:سكر الباب عدل

..................................


مروان وهو مار من قسم بدر دق الباب بقو وشرد
قفزت روضه:شووو هذا
اعتدل بدر الي طار قلبه بعد:يابنت الحلال اهدي هذا مرواان الله ايعينا عاده على مغثته
روضه وهيه اتحط يدها على قلبها:طير قلبيه
بدر بابتسامه:فديت قلبج انا...وانا حاضر ارده لج
روضه:انته ليييش صاير تفكيرك غلط في غلط ابدا ماتخيلتك جذيه
بدر:ههههه بعدج ماشفتي شي خلينا الحين في قلبج كيف انرده

..................................................

في نفس اليوم سوت ام بدر عشى للعرسان وعزمت حريم الحاره على العشا وماشالله يوها ناااس وايد وصديقات روضه بعد حضرن العشا

كان مروان متوجه للمطبخ الداخلي من الباب الخلفي وقبل لايدخل لمح بنت اندست بسرعه ورا باب المطبخ لانها شافته قبل لايقرب من الباب
عيونه تمت عند الباب وحصل الخدامه ووصاها اطرش الميلس عصير بارد
مرت ام بدر من جدام المطبخ ولمحت مروان
ام بدر:مرواان
قرب بسرعه من الباب وقف قريب امنه وماسك طرفه بحيث ان الي ورا الباب بس ايشوف نصف كتفه
مروان:هلا اميه
ام بدر:تبون شي يا ولديه
مروان:لا فديتج بس انتي لاتمين واقفه وايد
ام بدر:لا فديتهن حريم عياليه قايمات بكل شي
ابتسم مروان يعني احتمال انها اهيه بس الخوف لو اتكون روضه
مروان:علوم حرمة اخويه عند الضيوف
ام بدر:لا فديتها راحت فوق مع صديقاتها يبن ايشوفن قسمها
هز مروان راسه وقلبه ايقوله ان الي ورا الباب اهيه مي
قربت بنت خالة امه ام سعود وتمت تتكلم مع امه بعد ماسلمت على مروان الي تم ماسك الباب حط جبينه على حافة الباب وحرك راسه اشويه يمين عشان يسمح لعينه تلمح منو ورا الباب وشافها بسرعه ورجع متكي براسه على الطرف الثاني وهو مبتسم
اما اهيه فمااااتت من الاحراج بعد مالمحته انه لمحها مفتشله وهيه بدون عباه ولابسه فستان هادي وفاتحه شعرها الي ماكان مروان يدري انه طويل
حرك يده الي في جهتها وهو يشوف امه وبنت خالتها ونظراته مبتسمه تحركت ام سعود رايحه وتمت امه تنفخ الدخون وهيه تمشي بخطئ بطيئه لاحقه بنت خالتها
فرد يده جدامها مطالبنها تعطيه يدهاواتحطها في يده
تمت مي تعض شفايفها من الاحراج ومش متخيله انها في هالموقف او اهو شو يطلبها
حرك يده بمعنى هاتي يدج وهو مغمض عيونه وساند راسه على الطرف الثاني وكانه حاضن الباب
بتردد وخووووف ورعشه تسري في جسمها رفعت يدها وهيه تحاااول وتحااااول اتحطها في يده ومازااالت متردده
مروان:احمممم
على طووول حطتها ومسكها بقو وهو يغمض مره ثانيه بقو ورعشة قلبه تسري في جسمه كله
سحب نفس وهو ينفث الهوا بصعوبه
حس برجفة يدها وضغط قوي
مروان وهو ينادي الخدامه:تعالي
الخدامه:شو في بابه
مروان:شوفي في حد برا اريد اروح فوق في حد نفرات داخل طريق
التفتت الخدامه للصاله برا وهزت راسها:لا باباه مافي
مروان:روحي لين باب مجلس الحريم وشوفي مايخلي حد يطلع
بدت مي ترتجف وهيه تدري بنيته
راحت الخدامه وطل عليها وهو ماسك يدها
مروان:تعالي بسرعه
وسحبها بسرعه وراه وهو يركض للسلم وهيه تركض وراه وشعرها يتطاير وراهم لاكنه قبل لايصعد سمع صوت نازل وبسرعه اتلاحق واندس ورا عمود كبيره كانت قريبه من السلم ومي واقفه وراه تتنافض
نزلت وحده من البنات وراحت وبعد ما اطمن مروان انها ابتعدت وهدا الصوت من المكان ضغط بيده على يدها وحثها تسرع وراه
تصعد السلم وطار ابها لفوووق وهم يتراكضون مثل الحراميه
مروان وماباقي عن غرفته الا شويه:خلاص خلاص وصلنا وصلنا ماباقي شي
سحب يده من يدها وهو ايطلع المفتاح من جيبه ويحاول يفتح الباب بسرعه مع سماعه لاصوات طالعه من قسم بدر
وبسررررعه دخل وسحبها وراه ونسى المفتاح في الباب برا وقف وهيه واقفه وراه عدال الباب وانفاسهم تتسارع
التفت براسه الها:نسيت المفتاح برا
كانت الاصوات تقرب من جدام باب غرفته وهو يسمع ويدعو ان ماينتبه للمفتاح حد
زفر اخيرا زفرة راحه مع ابتعاد الاصوات وطلع يده بسرعه وسحب المفتاح ودخله وقفل الباب

.................................................. ....


قعد خليفه عدال نوره في الصاله تحت وهم كلهم قاعدين ايطالعون التلفزون
خليفه:ليش مابقيتي اتروحين العزيمه
نوره:متوله على اليهال واريد ارتب سمانهم حصلت الدنيا معفوسه ماشالله وايد تعرف اترتب وانته اطلع الهم ثيابهم
خليفه اعتدل وتم ايطالعا:انا اطلع ثيابهم ...منو قال
نوره:هم قالو هذي العفسه بس كلها عشان اطلع الهم بس بجامات
رجع خليفه وسند ظهره على الكرسي وهو مبتسم:عشان اتعرفين انه مالنا غنى عنج
نوره:وانته ليش مارحت تتعشى؟
خليفه:لا انا تعباان من الصبح مع زايد في المستشفي
التفتت له نوره:لييش؟
خليفه:مودر التمارين الطبيعيه وماثر على ظهره اصبح اليوم مايقدر يتحرك
نوره:الله يشفيه
طوق خليفه خصرها بيده وقرب منها
نوره وهيه تبعد يده عنها:احممم
خليفه:عادي اطيح على ريلج
وما اعطاها مجال وهو ينسدح على ريلها وتمت اطالعه بنظرات مقهوره وهو ايطالعها مبتسم عقبها رفع يده لخصايل شعرها وتم يلعب فيهن
نوره بهمس:وقح قم ياله
اعتدل خليفه وهو يصرخ:شباااب تعالو بقولكم شي
اليهال كلهم ركضو ناحيته
حط خليفه راسه على بطن نوره:تعتقدون في بيبي داخل
نوره من بين ضروسها:ووووووووقحححححح
خليفه:تعالي دانووه اسمعي احس انيه اسمع صوت داخل
الكل تم ايقول انا انا
خليفه:صبرو صبرو خلونيه اتاكد اول شي
احمر ويه نوره من القهر والاحراج
خليفه:دانوه تعالي اسمعي
وشلها وحطها جدامه وقرب راسها من بطن نوره
خليفه:هااه شي تسمعييين؟
دانووه:هيييه ايقول انقااااا انقااااا
رفع خليفه راسه بصدمه ايطالع نوره الي انفجرت من الضحك
نوره:ههههه والله انكم مينن...قومووو بطيتو بطنيه وعن التوهيمات هذي
قامت وشلة فطامي وراحت فوق التفتت في نصف السلم
نوره:انته عليك الباقي تصبحون على خيير
خليفه:توه الوقت بترقدين الحين
نوره:هيييه انود
وطلعت عنهم

............................................
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس

التفت مروان الها وتمت اطالعه وهيه تتنفس بسرعه وتخطو خطواتها راجعه ورا كان شكلها غيييير وشعرها متناثر حوليها بعد ركيضها وصدرها يرتفع وينزل
عيونه كانت اتجول في كل قطعه فيها في محاوله انه يستوعب انها اهيه وكان ايقرب ناحيتها خطوه كل ماحس انها ترجع خطوه لين اصطدمت بالجدار حينها مروان كان قريييب وايد وفرد ايديه حواليها متكي على الجدار وهو تنفسه مسموع عندها
قرب اكثر وهيه عيونها اتراقبه وقرب اكثر ولامس جبينه جبينها وعيونهم متواجهه تمو على هالحال دقيقه لين ماحسو ان تنفسهم هدا من بعد الركيض
مروان:اخيرا
شهقت وحطت ايديها على ويهها والتفتت على جنب
مروان:مي طالعينيه خلينيه استوعب اشويه
ضغطت اكثر بيديها على ويهها
وقرب اكثر وهو يهمس:ما بوعدج انيه مابسوي شي ...لانيه اريد اقتنع ان الي سويته صح مش غلط انتي فاهمتليه
هزت راسها بلااا وابتسم
مروان:هل انا حبيت ياهل مثل مايقولون ؟
اعطته ظهرها وهيه تنتفض وتم ايطالع كل معالم جسمهاوشعرها الي ماكان يتخيله بهالطوول حط يده على كتفها وارتجفت
مروان:مي انتي متروعه منيه ولا شوووه
زادت رجفتها وتوتر اهو اكثر مسكها ولفها ناحيته ومازالت حاطه ايديها على ويهها مروان بتوتره وهو يحاول يبعد ايديها :شو السالفه انتي متروعه منيه
اخير ابعد ايديها بالقو وهو ينزل راسه تحت عشان ايشوف ويهها الي كانت اتنزله اكثر
مروان:مي انتي متروعه منيه؟
هزت راسها بلا
مروان:عيل شبلاااج؟
ابتسم بعدها:مستحيه
هزت راسها بنعم وزادت ابتسامته
مروان وهو يحاول يرفع ويهها:انزين ارفعي راسج خلينيه اشوفج زين
زادت اكثر بتنزيل راسها
مسكها من يدها:تعالي
وقادها لين السرير وخلاها تقعد على طرفه وهو قعد على ركبه مجابلنها في محاوله انه ايشوف ويهها وكان ماسك ايديها عن لاترفعهن لويهها
مروان:ميمي طالعينيه
هزت راسها رافضه
تنهد
مروان:انا غلطت بالي سويته
بصعوبه رفعت نظرها وتلاقت بسرعه بنظراته ورجعت اطالع تحت
وعشان يقدر ايشوفها اكثر قعد على الارض وهو منزل راسه اكثر ايطل في ويهها
مروان وهو ايحس بفرحه غريبه تجتاحه:انزين ارفعي راسج اشويه رقبتيه عورتنيه ماقلتيليه غلطت بالي سويته
رفعت نظرها له:شو سوييت؟
مروان بابتسامه:انيه حبيتج
احمرت اخدودها اكثر ووقفت وهيه ترتجف:ارييد انزل بـ...بطل اليه الباااب
رفع راسه فووووق ايطالعها وهو قاعد
مروان:قعدي يا مي وريحينيه الله يخليج
مشت بسرعه رايحه للباب ولحقها بسرعه ومسكها لافنها ناحيته
مروان :بخلييج بس اريد اثبااات واثبااات ملموس ان الي سويته مش غلط
حطت عيونها في عيونه بتسال:مــ...مااااافهمت
تم يخطو ناحيتها وهيه تتراجع لين ماصدمت الباب واتكى بيديه على الباب وهيه واقفه جدامه مد يده ورفع ويهها اكثر
مروان :ابا احس بمشااااعر اعمق
وحبست انفاسها وهو يحبسها بانفاسه و يضمها له اكثروحصل على الي يريده وهو استجابتها معاه
ابتعد عنها وهو مبتسم وطاااير
على طووول دفنت راسها في صدره من الفشيله
ولف ايديه حوليها ايهديها
مروان:تعتقدين مروان عنده صبر سنتين ولا ثلاااث .....حديه اصبر نصف السنه وبس
مي :اريييد اطلع بطل الباااب
مروان:مش اول ايروح الاحمرار عن ويهج والرجفه هذي
وفعلا كانت ترتجف بقو
مروان:ههه خلااااص مابعيدها
مي بهمس:اريييد اطلع
مروان:مي مابحصل فرصه مره ثانيه ابا اتكلم معااج وتكلمينيه ابا اتعرف عليج اكثر
ابعدها شويه عنه وهيه مغمضه عيونها ومستحيه
مروان:مي طالعينيه....تعالي
ومشاها مره ثانيه للسرير وقعد عدالها
مروان:ارفعي راسج وكلمينيه
فتحت عيونها وطالعته وبدت الدموع تتجمع في عيونها وويهها يحمر اكثر
مروان:لييييش
رجع وقعد على الارض مجابلنها واهيه دموعها اتزيد وتمسحهن وجهت نظره له وشافته مبتسم
مي:اريد اطلع
مروان:وانتي بالحال هذا ما اقدر اول شي اهدي وخلي ويهج يرجع طبيعي لاتنسين ان ناس وايد تحت شو بيقولون ان شافوج جذيه
استمرت في مسح دموعها الي ماوقفت
تنهد مروان وقرب وهو ايحط راسه على ريولها وهو قاعد على الارض
مروان:ما بطالعج بصد عنج لين تهدين وتقدرين تتكلمين معايه عقب
كان ايحس برجيف ريولها مد يده ومسك ريلها في محاوله ايهديها ومادراى ان رجيفها زاد
رفع راسه وطالعها مبتسم عقب رجع وحطه
مروان:مابقوم لين تهدين
وتم على هالحال وهيه تحاول تهدا وتمسح دموعها تمت تقرا بعض الايات عشان تهدا وسحبت نفس طويل وحست براحه شويه وهيه تشوف راسه المتكي على ريولها وشعره خذت نفس ثاني مسموع وحست انها احسن
رفع راسه اشويه والتفت الها
مروان:هااه
ابتسمت له ونزلت راسها
مروان وهو مبتسم:اعطيج فرصه بعد
زادت ابتسامتها
ورفع راسه اكثر
مروان:يعني نقدر نتكلم الحين
تخللت اصابعه شعره وهو يعتدل في قعدته مجابلنها
مروان:لاخليت من هالابتسامه
مي:اريد اروح يمكن يدورونيه الحين
مروان:الحين ناس وحشره محد بيفتقد حد
مي:بس عمتيه تبالها حد ايساعدها
مروان:اشويه بس وعقب بخليج روحي اغسلي ويهج وانتظرينيه
وعقبها وقف
مروان وهو متجه للباب:بروح اطالعلنا شي في ثلاجة العرسان تحملي تطلعين
وطلع بسرعه متجه قسم بدر وروضه
وعلى طوول للمطبخ التحضيري حصل صنيه فيها مكسرات وبسكوت وحلويات شله وفتح الثلاجه وخذله بارد وطلع بسرعه
دخل لغرفته وسكرها غافل الباب
طلعت مي من الحمام وهيه تمسح ويههابالمنديل وتفاجئت بالي يايبنه وهيه عاضه على شفايفها
قعد على الارض
مروان:تعالي اقعدي اهنيه
قربت بتردد وقعدت وكانت قعدتها على جنب لان الفستان كان ضيق عليها ومتكيه على يد وحده وشعرها من وراها نازل ملامس الارض وماخذ راحته عليها
كان مروان ايرقبها ويحاول مايوترها بنظراته
فتح الها علبه عصير ومده الها خذته وهيه مبتسمه
مروان:شوفي متنعم الاخ وانا حليليه الله يعلم بحاليه ويقولون اليه بعد اصبر كم سنه
نزلت نظرها تحت منحرجه
شربت اشويه من العصير ورفعت راسها له
مي:منيه كانت الي كلمتها في البر؟
رفع مروان نظره الها ايريد يفهم اهيه شوتقول:هااه
مي:هذاك اليوم يوم طلعت من خيمة الحريم وصلك اتصال من حرمه وتميت اتكلمها وعقب تميت اتغني تعال اسكن وسط صدري
تم فاتح عيونه ماهمه الاتهام الي وجهته له او كيف يتعذر الها كل الي كان ايفكر فيه ان هذي ايسمونها غيره
حط علبة العصير من يده وزحف ناحيتها متكي على ايديه وتراجعت اهيه ورا لين طاحت على ظهرها وهو يزحف ناحيتها وصار مواجه لويهها وهيه تتنفس بتنفس سريع وهو متكي على ايديه ايطالعها
بلعت ريجها وهيه اطالعه مستغربه تصرفه
مروان:كأن سوالج فيه شي من الغيره
مي التفتت لجنب:تنكر يعني
مروان وهو مش عارف كيف ايعبر عن سعادته:يعني اتصال عصببج وتحاسبينيه عليه..وانا المسكين من يوم شفتج هذاك اليوم والله يعلم بحاليه
كل ما اقول لا هذا بس اعجاااب وبيروح وشفتج عقبها في الجمعيه وزاااد الشعور عنديه ومن عقبها في المستشفي وانا احاول اقنع نفسيه هذا شي عااادي لاكن الحااال قام ايزيد من اسوء لاسوء
وخبلت بكل ربعيه صافيه وصافيه وعقبها اتفاجئ بج تدخلين وتعقين عمرج على زايد وبدر حب وملاوء ويصعقونيه انج صغيره وبيبي يعني لحمير مايشوفون طولج وجسمج
ويقولون بيبي ...يحرقونيه وهم مايدرون والله انه ماكان حال حاليه لين ماقال اليه عميه انج مش صغيره وان الي اصغر عنج يعرسن
يايه الحين اتحاسبينيه على اتصال من مسؤلة قسم تنتظر طلبيتها وانا منحرق من الاساس
تمت اطالعه
مروان:والاغنيه يعني ماتدرين انها للي ولعت قلبيه وحرقته منحرق وامووووت ومحد يدريبيه
احمر ويهها والتفتت للجهه الثانيه وهو مازال متكي بيديه حوليها
مروان:وانتي شدراج بالاتصال والاغنيه؟
التفتت له :كنت قاعده عند تاير السياره من ورا
مروان وهو ايدقق اكثر في ويهها:تبعتينيه؟
مي:هممم
مروان :يعني السناره غامزه عندج من هذاك الوقت
ابتسمت وصدت للجهه الثانيه:من يوم لقيت الاعمي وارشانيه بمية درهم
ابتسم مروان وارخى وحده من ايديه مقرب صدره منها
مي:مرواااان ارجووووك اريد اروووح
مروان :من وين بييب الصبر يا ناااس؟
مي وهيه تزحف لفوق عشان تشرد عنه:الله يخليك خلنيه اروووح
اعتدل ومسك يدها وساعدها توقف وتم ايطالع ويهها
مروان:شو بيصبرنيه يعني مش اشهر ...سنتين حرام اريد اشوف عياليه
مي باحراااج:لااااا ماريد الحينه ارجوووك اريد اكمل دراستيه
مروان:وانا مابحرمج منها وبوفرلج كل سبل الراحه ومستعد احطلج مدرسات وكل شي تبينه
مي:مادري ..بفكر بصلي الاستخاره
مروان:اللـــــــــــــه يعين ويعين من ابتلى بحب صغير السن...على رااااحتج يالغلا ...بس خلينيه اشوفج دوووم يعني لاتقطعين اختج بالزياره
ابتسمت:ان شالله
لفها بيديه وهو يقربها له
مروان:هذاك اليوم بغيت امووووت يوم دخل زايد وبدر داخل عشان ايسلمون على عذوووب ااقصد يدتج هههه قلت الحين مابيقصرون فيها بالحب
لاكن وااايد استانست وهم يايين هادين عليه يتحسبونيه انا الي طلبت منج تتغطين
مي وهيه تحاول تبعد ايديه:زايد وبدر غاليين عليه وانا احبهم من يوم كنت اصغيره والله كان صعب عليه اودر موايههم وهم ابدا مش مقتنعين انيه كبرت
مروان:اااه كبرتي يعني
مي:هييه وصرت حرم النقييب مروان من يوم كنت صغيره وزايد ايقول اليه يوم بتكبرين بزوجج واحد شرطي
مروان:ايوووا....فديت انا زايد صب قلبيه يوم قام وشل الدفتر وهو ايطالعنيه بنظرات مش مفهومه والاخ بدير ماكل قلبيه بعدها صغيره
مي:انزيين ممكن تتركنيه اريد اروح
سحبها له بقو:مش قبل


.................................................. .


نزلت نوره للصاله تحت وحصلت الكل راقد خليفه ولعيال
نوره:ياسلاام على السهره
توجهت لاحمد وناصر ووعتهم
نوره:ناصر امسك يد اخوك وروحو فوق
وصلتهم لين اخر السلم ورجعت اتوعي هند
نوره:هنوووده حبيبتي قووومي فديتج روحي فوووق...الله يعينا على دانوووه
نادت وحده من الخدامات وطلبت منها تاخذها فوق
تمت تجمع اشيا اليهال الي خلوها
خليفه رفع المخده عن ويهه:وعمهم محد بيوعيه ايوديه فوووق
التفتت له بابتسامه:لااا انا اشوف الكنب هذا اريح لك من الي فوووق ....احلااام سعيده
التفتت عنه وراحت فوووق
اول مانكتت في فراشها عدال فطامي وصلتها رساله
خليفه"واهووون عليج في البرد ارقد
نوره:عندك القسم تحت فيه ثلاااث غرف واللحف وااايد
خليفه"انزين شو لينه بنتم على هالحااال
نوره"تونا يا خليفه تونا ماعدن علينا يومين ومش عاجبك الحال محد قالك اتوافق على الشرط
خليفه"انزين ارضي عليه بس خلينيه ابات قريب منج
نوره"لاااااااا ما اريد ما اظمن نفسيه هههههه
اعتدل خليفه وزفر:اوووووففففف تلعب والله باعصابيه

نزلت مي بسرعه من السلم بعد ماقدرت تهرب من مروان وقلبها ايدق بقو وتوجهت للمطبخ وحمدت الله ان ماحد فيه شربت ماي وابتسمت باحراااج شوي
الا وهو مار بسرعه وابتساته شاقه حلجه
مروان:يا عيني على الي ماخذين راحتهم في البيت سيري البسي عباتج يمكن ايطب الحين بدر في اي وقت
ارسل الها قبله وطلع
وصلت روضه رساله
بدر"هااااه مابيفارجن صديقاتج هذيلاااااا
روضه"لااا مطولاااات عادي عااادي انتظر اشويه
بدر"انا ماليه خص بدخل وجانهن عاده مايفهمن بكيفهن لاتبطين عليه
ابتسمت روضه الي كانت في غرفتها تنتظره


...........................................
استقبلت هنيه زايد الي كان راجع من المستشفي
هنيه:ازيك يا باااشه
رفع نظره الها وغمض عيونه وطلع رايح فووق
هنيه وهيه تلطم خدها:يلهوي دالباااشه حالته مش عجباااني دا زي الي ميت ليه حد
نور:هنيه منو تكلمين
التفتت هنيه لنوور
هنيه:نووور الباشه مش بخييير ابدا
نور بتوتر وهيه تصرف نظرها بعيد:ما شوف فيه شي بس يتوهم لج
هنيه:لا والله انا عارفه الباااشه ...عمره مكان كده دا زي الي كاتم في صدره حاااجه ومش اااادر يعمل حاااجه
نور:اكيد مستهم على الانتخبات
هنيه:لاء في حاجه تانيه ربنا يستر
مشت عنها هنيه وخلتها

في اليوم الثاني سافر بدر وروضه اسبوع العسل لان الاسبوع الثاني بدر كان ايريد يتفضا لترتيب الانتخابات وتعذر لروضه وماعارضت
اما خليفه فهو في محاولااات دائما فاشله في ترقيق قلب نوره عليه وفي مره من المرات قبل لا يرقد وصله مسج من عندها
نوره"حياك ارقد فوووق
اعتدل مش مصدق الي مكتوب وعلى طووول قام وشل ثوبه وركض لفوق لاكنه يوم فتح الباب حصل نوره فارشه فراش طويييل واليهال كلهم رقود عليه تم ايطالعهم منصدم
التفتت له نوره الي كانت لابسه بجامه وهيه مبتسمه:حياك في يوم العائله للاءلفه والمحبه
خليفه:هاااه
ضحكت نوره:تعال تعال اليوم خصصناه انبات فيه كلنا مع بعض عشان انحس بالحنان والمحبه وهذا بيكون يوم في الاسبوع او في الشهر نرقد فيه كلنا مع لعيال
تراهم حتى لو كبرو يحتاجون ايحسوون بالالفه بين فتره وفتره عشان جذيه بنرقد كلنا مع بعض وعدال بعض مش حلو يا حلوييين
العيال :حلووووووو
نوره:هههههه شفت ياله تعال اختار لك مكان بينهم
تم ايطالعه بنظرات ووهو حايس ثمه على جنب وفر ثوبه على السرير وراح يرقد عدالهم ابتسمت وسكرت الباب وانكتت عداله ومحوطه كتفه
نوره:هااه شرايك ماتحس بالحميميه
طالعها بطرف عينه وطالع كتفه الي لاويه عليه وهيه اتشوفه بابتسامه
خليفه:حميميه
نوره وهيه ترمش له :هممممم
خليفه:وانتي بترقدين اهنيه
نوره:اهنيه اشويه وعقب ببدل كل شويه في مكان بوزع حناني عليهم كلهم
خليفه:زيين وليش ماتخلينيه انا اخر واحد
نوره:امممم مادري
التفت ناحيتها وسحب اللحاف ودعس ويهه في حضنها
خليفه:ويوووم انتي متولهه عليه جذيه ليش يعني مسويه هالحركه جان ناديتينيه وانتهى الامر لازم اتغثينا ابهم يهني
نوره:قلتلك هذا يوم عائلي
خليفه:انزيين انا ترانيه اكثر واحد محتااااج حنااان خليج عداليه لين ارقد
نوره:وقح لز عنيه انته ابدا ماتفهم
خليفه:ههههه تعالي وين رحتي
غيرت نوره مكانها من وقاحته وراحت بين البنات

.................................................. ..
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس


وبدت الايام اتمر وزايد حالته اتسوء يوم بعد يوم يدريبها انها عداله بس شي فيه يرفض ايسوي الي يريده ومش عاااارف كيف
اتصلت عليع اميره في يوم
زايد:ماقلنا توووبه
اميره:ههههه لا بس اوعدك هذا اخر اتصال منيه لك تدري اتذكرتك اليوووم شفت ناس وذكرونيه بك
زايد:خييير ومنو هالناس ؟
اميره:حرمكم المصووون
زايد:نووور
اميره:ههههه اهيه بعدها على ذمتك سمعت انك طلقتها لا حبيبي انا اقصد حرمكم بنت ابو سعد اعتقد اسمها ليلى
زايد:وعلومج منها ؟
اميره:تدري وين شفتها ....كنت رايحه لصالون وااايد حلو ومشهووور انا كنت رايحه اخذ اليه بعض لكريمات اشتريها دوووم منهم وتفاجئت انها من زباين هذا الصالون
زايد:والزبده
اميره:على فكره هذا الصالون كل العاملين فيه ريايل شووو قصااات ايسونها ولا في الخيااال
زايد وبدا يفهم مغزاها ومش مصدق الي يسمعه
اميره :انا تونيه طالعه من الصالون اذا تحب تتاكد خذ رقمه وتراها الحين تحت ايدين امهر واحد اسمه جوزيف مستمتع الاخ بشعر المداااام ههههه
اعطته اسم الصالون واسم صاحبه وعلى طووول زايد اتصل وطلب ايكلم صاحب الصالون وكلمه جوزيف نفسه
جوزيف:اهليييين حياااتي
زايد وهو يحس بشي ايفور في داخله:المدام ليلى راشد سعد موجوده عندك
جوزيف:ايييه هيها عم بعمل الها شعراتها
زايد:انته تعملها الها
جوزيف:ولو ليلى زبونتنا من زمااان
زايد:عطني اياها
ليلى:هاااي
زايد:ليلى
ليلى:منو معااي
زايد:انتي طااااالق
ليلى:عفوا
زايد:انتظري ورقتج توصلج وسلمي على الوالد
سكر عنها وهو يحس ان شي كان كابت على صدره ورفعه
بعدها بكم يوووم رجع بدر وبدا مع زايد ترتيبات الانتخابااات
بدر:ماعليك من ابو سعد الاصوات الي خسرناها من صوبه ما اثرت بشي اضمن لك الفوز يا زايد والله ايتمم كل شي على خييير

على المسا وقبل لايصعد لفوق
نور:زاااايد
التفت الهاوتفاجئ ابها ميته من الصياااح
زايد وقلبه طلع من مكانه:شبلاااج يا نووور
نور:زايد:الحرمه الي ربتنيه يوم كنت صغيره واهيه صديقة اميه سوت حااادث وبين الحياه والموووت وتريد اتشوفنيه قبل لا تموووت
انا اريييد اسااافر بس ما اعرف مع منووو عميه ابو فهد وعميه خليفه قالوليه انهم راحو عمان ارجووووك زايد اريد اسافر باي طريقه
تم ايطالعها وحس بتوتر
زايد:كيف بتسافرين بدون محرم
نور وهيه مستمره في الصياااح :ماااادري مااادري دبرليه اي حد ايودينيه وخل هنيه اتروحمعايه بس بشوفها وعقب بنرجع
زايدوهو يحس برعشه تجتاااحه وتردد في الي بيقوله:مافي حد غيريه بيوديج اذا تبين
نور:بس انته طلقتنيه
زاايد:بعدج في العده
وبتوتر وهو يلتفت ويطلع فووووق
زايد:اذا تبين اتسافرين باااجر الصبح تعااالي باتي عنديه الليله وعلى طيارة الصبح بنطير
وتركها وهو يصعد السلم بخطوات سريعه
نور تمت واقفه مصدووومه من الي قاله وهيه تحس برجفه قويه اتسيطر عليها
اما زااايد فكان الي قاله بالنسبه له مجهوووود كبير بذله قعد على الكرسي في الصاله وهو يحس برعشاااات تسري في اوصاله
يا ترا هل بتنفذ الي طلبه وبتيي

مرات الساعااات وزايد توتره وترقبه ماوقف قايم قاعد في انتظار اي شي ايعلمه هل بتي او لاااا
كم مره مسك التيلفون عشان يتصل ويسال هنيه عن نوور لاكنه في الاخير يتراجع
الساعه وصلت اثناعشر والحبيبه مابينت...حتى الرقاااد جافا عينه متامل في شوووه يا زااايد معقوله بترضى بعد كل الي سويته
تم واقف عند البلكونه في محاوله لتهدئه دقات قلبه وطرد التوتر الي لفه وكأنه سمع دق على باااب الغرفه دخل الغرفه بسرعه ودقااات قلبه تعلن هجوووم اقوء وهو يتاكد من الدق سحب نفسه بقو وتوجه للباب فتحه وطل لوراه وشافها قاعده على طقم الكراسي الي فووق لابسه جلابيه ولافه ليلال عليها ومنزله راسها
اول مره ايحس بخطواته ثقيله مشى ناحيتها وهو ايطالعها ويطالع احمرار ويهها الي منزلتنه
على اقرب كرسي له قعد وهو يتاملها مش مصدق ومش قااادر ينطق بحرف وطاااال تامله الها وهيه تحس بتوتر من نظراته وهيه تفرك ايديها ومنزله راسها بعدها رفعت راسها ناحيته وكانت عيونها محمره من اثر الصياااح قام وقرب منها لين ماحط كل يد على طرف الكرسي الي قاعده عليه نوور التفتت نور لجهة السلم وانتبه اهو لهنيه الي قاعده عند السلم نازله بس درجتين
تم ايطالعها متفاجئ
زايد:منووو هذي؟
نور:هنيه
زايد:وهنيه شو تسوي اهنيه؟
نور:تنتظرنيه لين اخلص كلاميه معااك
انصعق زايد واعتدل واقف:شوووه
نور:ارجوووك زايد اريد اساافر خل بدر وروضه على الاقل ايودونيه مافي حل غير جذيه
زايد وعيونه تتسع:والحل الي قلته لج؟
نور:انته عطيتنيه حل تعجيزي وتدري انيه مابوافق عليه...حرام علييك شوو مشكلتك عشان تمنعنيه من السفر
التفت عنها وهو يرتجف من الغيض والقهر:انا ما عطيتج حل تعجيزي
نور:وبعدين يا زااايد الي طلبته معناه ارد لعصمتك وبعدييين ناوي اطلقنيه مره ثانيه
التفت الها وبتوتر ايزيد:انتي ليييش اتفكرين في بعدييين ماتبين اتسافرين
نور:انته مش مجبور على هالشي وانا ما اريد اسافر بالطريقه هذي
زايد:يوووه انتي شو تبين بالظبط
نوور:هد اعصابك قلتلك مش مجبووور عليه امنيتيه بس انيه اشوفها قبل ايصير الها وقلتلك الحل خلنيه اسافر مع بدر وروضه
زايد وهو مش عااارف شو يقول:بدر مشغووول هذي الايام ومايقدر ايسافر
نور:انزين اسافر انا وهنيه وزوجها اي حد يا زايد اي حد
زايد بعصبيه:لااااا مابتسافرين الا بالطريقه الي قلتلج عليها
شهقت بالصياااح والتفت ناحيتها
نور:حرااام عليك هالتعجيز انا مستحيييييل اوافقك على الي تباااه مستحييييل اهين نفسيه عندك مره ثااانيه ماصار هذا بينا في الاوقات الحلوه الي بينا تباها اتصير الحين والقلوب تنزف حرااام علييك والله حرااام
وقامت بسرعه وركضت تحت وتم واقف وهو يحس بعجزه مسيطر عليه وتراجع لاقرب كرسي وقعد وهو يمسح على ويهه ويمسك راسه بين ايديه

كانت اصعب ليله قضاها زايد وهو كاره نفسه وكاره تكبره وغروره
بعد كم يوووم اتصل مروان على بدر وخبره انهم مسكو شخصين حاولو ياذون زايد وطلعو هم نفسهم الاشخاص الي حاولو قتله في البدايه
بدر:الحمدلله الحمدلله والله انيه كنت شال همه طووول الوقت...وابشرك الاصواات ارتفعت وااايد
مروان:بالتوفيق ....بس بعد احتياااط احنا حاطين حراسه عليه....بدر زايد شبلاااه البارحه طووول الوقت في الميلس وهو ساااكت وماله مزاااج
بدر بتنهيده:ااااااه شو بقولك يا مروان شكله يبا ايرد نور ومش عارف كيف ...ايحس انها صاده عنه
مروان:وهو شحقه ايسويلها واحد اثنين
بدر بابتسامه:ههههه ايقول يكفيها الي ياها منيه ما اريد اجبرها
مروان:الله يهديهم


...................................

كان يوم ماساااوي اليوم الي صحا امنه زايد وحصل نفسه مره ثانيه مش قاااادر يحرك نفسه كل عضلااات ظهره جمدت وبعد المووووت قدر يوصل للتيلفون ويتصل على بدر
الي طلبله سيارة اسعاف ويت وخذته
بعدساعااات وهو تحت الفحص طلع الدكتور وبدر يلحقه
الدكتور:لالالا يا اخ بدر حالته صارت صعبه كثييير ...لازم الدكتور الي سواله العمليه يكشف عليه بنفسه وانا اطمنك ماعليه اي خطوره من السفر ومستعد انا اسافر معاكم
بدر بتوتر وعدم اقتناع:بس يا دكتور ...لاحول ولا قوة الا بالله خلاااص صار اليوم احجز وخلك مستعد
طلع بدر وهو متضااايق لان الانتخابات بعد ماشي باقي عنها وللمره الثانيه مابيتوفق فيها زااايد رتبو كل شي للسفر وقبل السفر بكم ساعه
زايد وعيونه في السقف وراقد على ظهره:عطنيه التلفون يا فهد
اعطى فهد التيلفون لزايد واتصل على هنيه
هنيه :ايوااا ياباااشه مية الف سلااامه علييك يا باااشه الشر في عدوييينك دانته قاتك عين ماصلت على النبي
زايد:اعطينيه نوور
هنيه:حااادر دلوقتي اديها لييك
ناولت هنيه نور التيلفون
نور:السلام عليكم ورحمة الله
زايد :وعليكم السلام والرحمه
تمت ساكته
زايد:نووور
نور:نعم
زايد:يعني ماسالتي عنيه ولا زرتينيه
نور:هنيه طمنتنا عليك
زايد:قالولج انيه بسافر
نور:تروح وترجع بالسلامه
زايد:مابتسافرين معايه
نوروهيه اتهز راسها بلااا
نور:اسافر معاااك باي صفه وبعدين معاك الي بيسافرون معاك
زايد:اسميج دعيتي ربج من الخاطر انه يرفع عنج البلوه الي ابتيليتي ابها
نور:الحمد لله ما دعيته الا واستجاب اليه
زايد:لهدرجه صار قلبج قاسي
نور:اشويه من الي عندك يا ولد عميه...على العموووم اتروح وترجع بالسلامه ودعواتنا معاك تبا شي ثاني
زايد بابتسامه ذابله:سلااامتج
سكر عنها وهو يحس بروحه مذبوووووحه
في المطار وصى زايد مروان:نووور يا مروااان تحمل ان طلعت من العده خاليه يزوجها حد
مروان هز له راسه ان شالله
وطلعو بعدها بزايد على سرير متنقل ومعاه بدر وروضه


مر اسبوع وتحسنت حالة زايد بعد ماسوو له عمليه بسيطه ونصحه الدكتور بالتمارين الطبيعيه
طبعا خلال الاسبوع هذا نور طلعت من العده وراحت بيت يدتها وتفاجئت في يوم بعمها ابو فهد ايكلمها عن موضوع منصور
نور:لا يا عميه انا نفسيه طايبه من العرس ما اريييد
ابو فهد:بس انا عطيت الريال كلمه
نور وهيه تلتفت ناحيته:عطيته كلمه؟
ابو فهد:هييه شاورتج المره الي فاتت وعطيتينيه موافقتج وعلى اساسها انا قلت للريال انج موافقه وهو تامل خيير يابنتيه مايصير الحين انرد في كلامنه المومنين اذا وعدو صدقو
حست نور انها مش مستوعبه الي يقوله ابو فهد
نور:عميه زايد مش موافق عليه
ابو فهد:وانتي شعليج من زايد ..زايد باعج وماسوالج قيمه ومنصور ريال الكل يشهد له بيعوضج
وبيحطج على راسه
نور:لا لا يا عميه ما اقدر
ابو فهد:الله يسامحج يا بنتيه بتسوينيه في كلمتيه للريال وانا اعطيته كلمه من بعد موافقتج
نورفي محاوله تلاقي الها حل:انزيين اصبر يا عميه لين ايي زايد اهو ولد عميه واله كلمه بعد
ابو فهد:يا بنتيه زايد مابيوافق تدرين عاده ليييش ...لانه قال انه مايرضى لصديقه الي مايرضاه لنفسه ...زايد مسترخصنج ومستحقر ان امج باكستانيه
وصدقينيه تفكيره هذا مابيودره تدرين ليييش ابوووه من قبل كان جذيه مايداني الباكستانيين ايقول انهم جتلو اخووه وكرهه هذا غذا به زايد كان ايدوس البتاني تحت اريوله ويقول لزايد هذولا مايفيد فيهم الا الدوووس وانهم مايسووون شي في الدنيا الصبي ربى على كرههم وبغضهم من بغض ابوه الهم
مستحيييل يابنتيه انه يرضابج ومابيدورلج الا الي يقهرج وسعادتج اخر شي ايفكر فيه
كانت نور متفاجئه من كلام ابو فهد معقوووله كرهه للباكستانيين لهذا السبب يعني كانت عنده اسباب مخليتنه يكرهها ويحتقر امها ياتراى كيف قدر ابوه ايكرهه فيهم
تم ابو فهد ايكلمها ويقنعها لين ياست ووافقت وهيه مسلمه امرها لله وتفاجئت عقب ان المليج ومنصور في الميلس يستعيلون الملجه كل شي تم بالسريه وماخبرو حد انتهت ملجة منصور على نور وطلب انه ياخذها اليوم لانه بيسافر الليله وتم كل شي وودعت نور يدتها والبنات وكلا يصييح على جنب
مروان اول ما وصله العلم اسرع لبيت عمه ابو فهد وانصعق بان كل شي تم تم ايلوم عمه ابو فهد ويقوله ان زايد يباها وان الي سويته اكبر خطا في حق زايد

زايد من بعد ماخلص علاجه مر لاحد المستشفيات اهناك الي نقل له عمة نور الباكستانيه وصديقة امها لانه بعد هذيج الليله اتصل لناس يعرفهم وطرشهم يستفسرون عن حالتها وعلى طووول رتب الها السفر للعلاج برا
شكرة الحرمه زايد وايد وهيه تكلمه باللغه العربيه الفصحى مثل ماتكلمه نور كانت وكان طول الوقت قاعد ومبتسم
خبرته عن عمه وعن اول يوووم يابوووه عندهم وكيف كانت احواله وكيف صارت قصة حبه لام نور
حس زايد انها تتكلم عنه في البدايه عن قسوته اول شي لام نور ومن عقب رضوخه لحبها وزواجه الها وقالتله عن امووور وايد ماخبرت ابها نور من قبل قالتله عن ابوووه ورفضه لزواج اخوه من الباكستانيه وانه حارب هذا الزواج وااايد وحرم اخوه من الورثه وتحريضه لناس وايد انهم ياذون عائلة عمه
تفاجئ زايد بكلامها وتذكر ان ابوه كان دائما ايقول له ان الباكستانيين جتلو اخوووه وابعدوه عنه كان يتذكر كره ابوه الي رباه عليه لهذي الجاليه حس بالدنيا اتدور به وهو يسمع الحقيقه الي ماكان يدري ابها ومن عقب كلمته عن نووور وعن طفولتها وانهم كانو ايشوفونها حوريه تمشي على الارض...خبرته عن جاويد وهيه تضحك وهو راد من بعد ماطرده بخيبة امل وقالتله ان حتى لو وافق اهو عليها نور مستحيييل اتوافق عليه لانها دوم اتقول انها تعتبر جاويد مثل اخوها الاكبر
وفي الاخير وصته عليها وشكرته واااايد وااايد على مساعدته الها

الزياره هذي غيرت وااايد اشيا في نفس زايد وضربته حفوووز اللرجعه الا ان جدول التمارين كان يباله اسبوع بعد قبل لا يرجع انتهى الاسبوع ورجع زايد للبلاد عشان يتلقى صدمة العمر وهو زواج نور ورحيلها مع منصوووور
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
الجزء الاربعون


نزل زايد وبدر وروضه في المطار ومن بعدماخلصو كل الاجرات توجهولسيارة بدر الموجوده في المطار طبعا هم ماقالو لحد انهم اليوم واصلين

بدر:اوصلك البيت يا زايد
زايد وهو محتار يا تراى نور وين بتكون:لا خلنا انروح صوب يدوه اول

وعلى طووول راحو لبيت ابو فهد وكان استقبال حافل اول ماوصلو وكلم بدر امه تستقبلهم في بيت ام فهد لان روضه بعد اتريد اتسلم على اهلها
زايد:وين يدوووه
مي الي كانت متغطيه وواقفه على طرف:داخل غرفتها
قام ورااح سيده لغرفة جدته استغرب انها في فراشها عاده الوقت هذا اتكون قاعده في الحوش مع دلالها قرب منها وحبها على راسها
الجده:منووووه
زايد بابتسامه:افا يا يدوووه ماحيدج طايحه في لفراش عسى ماشر؟
الجده:انته زياااد الماال
زايد:ههههه اتعرفين حد غيريه
الجده:هييييه علومك
زايد:لالا يا يدوه لاتقولين ان ابو صالح ياااج"ابو صالح اهو التخريف"
الجده:انا مريييضه وهب بخير وكله منك ....ياله دبر ماريد اشوفك
زايد:يدوووه جذيه اتقولين اليه وانا ياي من لعلاج
الجده:ماعليك شر انته فلوسك اتسفرك وتيبك لاكن المسكينه من في ذمته تطلقون راسها مع الغريب
وقف زايد من بعد ما حب راس جدته وهو مش مطمن من كلامها هل هيه خرفت ولا شو سالفتها
التفت وقبل لا يطلع قرصه قلبه ومشى بخطوات سريعه
في الصاله وعند الكل:وين نووور
الكل التفت له ولزم الصمت
بدر كان قاعد مع امه وام فهد في الصاله وتوه داري بالموضوع وقف وقرب من زايد
بدر:تعال يا زايد انروح الميلس
زايد:ونور نور وينها؟ في بيتيه؟
بدر:خلاص يا زايد كل شي مقدر ومكتوب
هز راسه زايد:ارمس
بدر:نور من بعد ماطلعت من العده ملج عليها منصور وسافرت معاه
تم زايد ايطالع بدر والتفت لمي
زايد:ميوووه نور وييين؟
مي بارتباااك:ر راااحت مع ريلها
زايد:ريلهااا!!!!؟؟
التفت لام فهد:عمتيه نووور وييين؟
ام فهد حست بربكه وتخربطت وهيه اتشوف حاله متغير:يا يا ولديه لبنيه ياها نصيبها وراااحت مع ريلها
زايد:نصييييبهااا!!!؟...............وييييين خاليه
دخل ابو فهد وسلم وكان زايد واقف من بعيد ايطالعه
زايد:وين بنت عميه يا خااااليه
ابو فهد:بنت عمك توك اتقول بنت عمك احيدها بنت الباكستانيه يا ولديه متى صارت بنت عمك
بصرخه
زايد:اريد كلمه وحده ويييين نووور؟
ابو فهد:لبنيه راحت في طريق سبيلها ويوزناها ريال عرف قيمتها
زايد:خاليه انته خرفت ولا شو سالفتك؟
ابو فهد:انا ما خرفت ....منصور طلبهاوانته تدري وانته سمعت موافقتها بذنك والريال صبر وما قصر ملج وسافر ابها
زايد وشي مش طبيعي ايصير له:لمنصوووور يا خاااليه يوزتها لمنصوووور
ابو فهد:هيه نعم لمنصووور ريال والنعم فيييه
زايد:واناااا يا خااااليه انا ماليه كلمه عليهاااا خلاااص غبت وسويتو الي تبووونه
ابو فهد:ماسوينا الا الي فييه مصلحتها خلاااص يا زااايد لاتتحسب انيه غافل عن امووورك معاها وصبرها عليييك
انته من دريت انها موجوده وانته تتمنى ان الارض تنشق وتبلعها واهيه المسكينه يايه ومتامله خيير في هلها الي بقو الها لاكنك يا ولديه كسرتها
وذليتها بما فيه الكفااايه خلها اتروح في طريقها وتشوف نصيبها
زايد وجسمه كله يرتجف من القهر والغيض وقلة الحيله:بكيييييفيه بكييييفيه انا بكييييفيه اسوي فيها الي اسويييه بنت عميه وانا حر وصارت زوجتيه وحرفيها اعاملها بالطريقه الي اباهااا محد له خص فيها انتووو كلكم ماااالكم خص فيييها كييييف اتيوزها وانا مش مواااافق على هالزوااااج
انا ماليه شووور ماليه كلمه ....ماتسوااااا عليه هذي الرضااااعه الي عطتكم الحق اتسووون الي تبوووونه
قام بدر بسرعه وهو يسمع زايد بدا ايخووور في الرمسه ويمكن ايقول عقب كلام يمكن يندم عليه
بدر:زااايد تعال معااايه
زايد وهو ايدز ايدين بدر:وخر عنيه ..........نووووور بنت عميه انا ومحد له خص فيهااا تسمعوووون محد له خص فيها وانا بكيفيه اقول الها بنت الباكستانيه ولا اقول الها الي ابااااه بس اهيه اليه اناااا مش على كييييفكم تتصرفون ...والكلب الي يوزتها له مايدري يعني انيه ما ابااااه يا خذها ماكفاااه الي صااارله ....انته تتحسب ظهريه تعوق عليه منيه والطريق
ايكون في علمك يا خااليه انيه متضارب معاه لين خاااس ومتحلف له ان ياب طاريها على لسانه يا ويله منيه كييييف اتيوزها له كييييف تقهروووونيه كييييف تعطونها له
سحب بدر زايد بصعوبه وطلعه من الصاله مودنه الميلس وعاده اهنااااك كان الصراخ والتحليفاااات وكلاااام واااايد لو يسمعه الخال جان خذعلى خاااطره بجد
حاول بدر معاه ايهديه لاكن شو يهدي انساااان مايشوووف جدامه دخل خليفه ومروان وكان نصيب مروان اول ما دخل بوكس وخليفه انمسك من ثوبه جدام وثبته على الجدار
زايد:ليييييش اتخلووونه ايوزها لييييش؟
خليفه:اهدا يا زااايد
زايد:ماريد اهدااااا انتم ماتفهمووون ثيرااان ماقلتلكم لاتخلونه ايوزها
خليفه:يا زااايد كله صااار واحنا ماندري
زايد:يعني شوووه يعني صار وانتهى ؟
خليفه:ان كانت الها معزه عندك ادعالها بالتوفيييق
زايد:لاااا والله ....والله ما خليييه يتهنى ابها ولا اخلي الليله هذي الا وانا عنده
وعلى طوووول طلع زايد بعد ما اخذ سويج بدر وراااح
خليفه:لا حول ولا قوة الابالله ......الحين هذا شو بيمسكه
بدر:انا بروح له يباله وقت بس يهدا ويستوعب الي صااار الله يهدي عميه ماكااان لازم ايزوجها بدون شوووره


صعد زايد للدور الثاني في بيته ودخل قسمه مثل الاعصار تم ايدووور في الغرفه مش عاااارف شو يسوي ولا اي خطوه يتخذها
تم يفتح الكباته ويطالع ثيابها ويكلمها
زايد:ليييش يا نووور ليييييييش اتسويييين فيه جذييييه لييييييش خلاااااص ربيه شل البلا عنج خلاااااص نسيتي انيه ولد عمج وان مالج غيريه ليش اتسوين فيه جذيه
التفت وقعد على السرير وهو ماسك راسه
زايد:انا شوووو سويييت بج اذيتج معقوله لهذي الدرجه

حس ان التعب هد حيله وطاااح على سريره مقهوووور وهو يضرب بقبضة يده على لفرااااش كييف طااارت من يده كيييف وافقت اصلا
نصف ساعه ودخل عليه بدر
بدر:زااايد
التفت زايد لبدر وملااامحه حزينه:ليش راااحت يابدر ليييش سوو ابيه جذيه
تقدم بدر كم خطوه داخل وحال صديقه معور قلبه
اعتدل زايد وهو على السرير ومسك راسه بيديه:معقوووله يا بدر انا ربيه مش راااضي عليه ...معقوووله انا انسااان مغضب ربه
بدر:اتعوذ من ابليس يا زااايد
زايد:انته ماتشوووف يابدر ماتشوووف لا انتخابااات متوفق فيها ولا راااحه احس ابها وحتى نووور طارت منيه ....نوووور السعاااده الوحيده الي كنت اشوفها جدام عينيه وادري ان سعادتيه بتكون اكبر ان وصلتلها اكثر
وبسبب عناديه وتكبريه وافكااار ماشوف حد غيريه متمسك فيها...ضيعتها ....انا ربيه مش راضي عليه مش راضي عليه وكل الي يصير اليه من تحت راسيه
بدر:ارجوووك يا زااايد خلاااص فضها سيره والي فااات فااات .........انته الحين الزم ماعليك صحتك وكل الي تسويه هذا ايضرها
زايد:اي صحه يابدر انا قلبيه اعتل وما اظن ان له علاااج.......انا كل شي جداميه صار اسوود في اسود كل شي جداميه انتهى
بدر:اسمعنيه يا زااايد منووو قالك ان كل شي انتهى انا عنديه لك بشاره وما حبيت اقولها لك الا عقب مانوصل
رفع زايد عيونه لبدر على امل انه يعطيه امل عن نور
بدر بابتسامه وكلام كله حماس:المجلس يا زااايد اختااارك انته رغم كل الي صار لك اختاروك وانا عجلت بسفرنا الييووم عشان تحضر باجر الاجتماع الي بيعلنووون فيه اختيارك مبررروك يا زااايد مبروووك الكرسي
زايد:هههههههههه هههههه اتبااااركليه يا بدر انته اتباااارك اليه انته ماتفهم ماتفهم اقولك انا معلوووول وتباركليه ههههه والله حااااله
بدر:زااايد تعوذ من ابليس وهد اعصااابك يعنيه افداااك
زايد:انزيين انزين فاااالك طيب رح انته الحين ...وانا برقد انا تعباااان واريد ارقد وفااالك طيب من غبشه بتلاقينيه جدام المجلس مره غبشه والعرب رقووود عشان محد بعد ايفجرنيه وانا رااايح
بدر:الدنيا هب سااايبه يا زااايد وانته تحت حراااسه محد يقدر ايقرب منك
زايد باستهزا:والله تحت حراااسه ووين هالحراسه يوم يو وخذو نووور اعيونيه ....كيييف سمحو الهم ياخذووون نظر عينيه ههههه قال حراااسه قااال
انسدح زاايد وتلحف وهو ايتمتم بالكلام الي صار مش مفهوووم عند بدر
اول مره حس بدر ان دمعته خانته على حااال زايد
تم قاعد نصف ساعه لين اتاكد انه رقد ومن بعدها انسحب
اتشاور يتصل على روووضه ويقوول الها انه يمكن ايبات عندزايد ..........لاكنه عقب رجع وشاف انه رقد وعلى نفس رقدته اتذكر ان اهناااك اوراق لازم ايجهزها حق باااجر قعد نصف ساعه بعد وعقبها طلع رايح اول ما حرك بدر سيارته قعد زايد وقااام ماسك تيلفونه متصل على المطار وحجز ثلاث تذاكر لفرنسا
تذكره له وتذكرتين حق شخصييين لازم ايرافقونه تعتقدون من هم ؟

.................................................. ..


دخل خليفه البيت وهو متضايق من حال زايد وتم قاعد في الصاله ويفكر قربت منه نوره وقعدت قريب
نوره:خليفه .....شو صاااير؟
التفت الها:زايد وصل وعرف عن نوور وقامت علينا القيامه
نوره:والله قهر انهم ايرخصونها من غير شوره قهر اكيد انه بيثور وشكله ايحبها نووور محد يعرفها ومايحبها الله حاطط محبتها في قلوب الكل
خليفه استغل الوضع وتمدد وحط راسه على ريل نوره
خليفه:ايو الله شكله يكسر الخاااطر
نوره بابتسامه وهيه خلاااص عرفت حق كل حركاته:الله يكون في عووونه
حط عينه في عينها وهيه اطالعه:وايكووون في عووونيه
نوره:اميييين ممكن عاده اتشل راسك بروح ارقد
خليفه:انا مهموووم ومتضااااايق انتي لازم اتواسينيه والتفت داعس وجهه فيها
ابتسمت وتخللت اصابعها شعره وبدت اتمشطه باصابعها وهو مستاااانس
نوره:هااه راحت الضيقه
لف خصرها بيده وضمها اكثر
خليفه:لاااا بعدهااااا
واستمرت نوره تلعب في شعره لين ماعجزت بالسيطره على مشاعرها
نوره:خليفه بطلنيه بروح ارقد
هز راسه بلااااا
نوره:وبعديييييين؟ احنا شو عليه اتفقنا
ابتعد عنها وقام منسدح على الكنب الثاني وحط سفرته على راسه
نوره بنظرات مبتسمه:عيزت يا خليفه من هالحاااال؟
رفع سفرته عن ويهه وابتسم الها:ماعليه شر دام ان فراشتيه اترفرف حوليه ومرتاااحه بصبر والصبر زييين المهم رضاها رجع وحط السفره مره ثانيه
ابتسمت اكثر وقامت وقربت امنه وطبعت قبله على خده ورااحت
تنهد وهو يتبعها بنظرات عيونه لين اختفت

.................................................. .......... ....


اتصل زايد على منصور وهو يفووور من الغيض
منصور:مرحبااااااا
زايد:ياكـــــــــــــــــلب وين بترووووح منيه
منصور:اوووه زايد هلا والله حيالله هالصوووت
زايد:انته تتحدانيه يا منصوووور تتحدانيه كيييف تاخذ نووور وانا قايل لك ان يبت بس طاريها بتشوف نهايتك قريييب
منصور:يارياااال هد عمرك انته كنت تتكلم جد انا فكرتك تمزح على العموووم الله يبارك لك ومبروووك الكرسي وصلتنا لاخبااار
زايد:ارمس وطلع الي في خاااطرك لاكن قريب بتعرف ان الله حق
منصور:ليييش متضااايق مش انته نابذنها بنت الباكستانيه فديتها والله ...فكيتك منها ياريااال واحلا مفاجئه يا زااايد انك مالمستها يالله حبيبي المدام تنتظرنيه بشوووق وانا ما اقدر اخليها تنتظر وااايد
وسكر منصووور وارتجف زايد بشده من القهر الي قهره به منصووور
زايد:الحيواااااان
اتصل
مروان:الووووو
زايد:بعد سااااعه اباااك في المطاااار ما برضى عليييك الا عقب ما ارجع نووور
مروان وهو يبتعد عن ربعه المجتمعين:بتلقانيه جدامك ان شالله
سكر عنه واتصل لجهه ثانيه
فهد:هلا والله
زايد:الليله يا فهد خلك جاهز منصووور الكلب يباله تاديييب اباااك عقب ساعه عنديه
فهد وهو يقفز من فراشه:يايينك الحييين

الوقت مر على زاايد وهو مش قااادر يركز على كل الي ناااوي يسويه من قهره على نووور ومكالمة منصووور توجه عقبها للمطار ومعاه فهد وتلاقى بمروان الي خلص كل الاجراءت ومن بعدها طارو لفرنسا ايقووول المثل جااااك المووووت يا تااارك الصلاااااه
ادري انيه دخلت لخيال الافلام الهنديه مثل ماتقوووول اختي ام الغلا لاكن شو نسوي الكل قااال بعدينا عن الواااقع
خخخخخخ


.................................

قربت روضه من بدر الي كان قاعد وناثر اوراااقه وغااايص معاها
روضه:حبيبي شكلك هلكاااان متى بترقد
ابتسم الها :شوو اسوي لازم اجهز هالاورااق عشان الاجتماااع باجر
روضه:اخبار زايد استانس يوم قلتله عن الكرسي
تم بدر ايطالعها وهو سرحان وعقبها انسدح طايح على ريلها وهو ماسك يدها مقربنها من شفااايفه طابع قبله
بدر:شووو بقولج والله انه هامنيه وماادري كيف بيكون باجر شكله تعب وااايد من موضوع نوور
بس زااايد قوي اكيد بيتغلب على هالامر وخلاااص حلم حياته صار قريب الله يعينه
ياليييل الشقى يا بدييير الرجال قده طاير معاد عنده حلم غير تطليييع عيووون منصور من راااسه


على سجادتها قاعده وتقرا ايااات الله بصوت جميل مرتل ونفس مطمئنه احلا اوقات حياتها فترة جلوسها بين ايدين الله ....مايهمها شي المهم رضااااه عنها
ولا تهمها اي خساااره تخسرها في هذي الدنيا ان يكون الله راضي عنها يكفيها وتشكر الله وتحمده ان صلتها به لين الحين موجوده ومش منقطعه
وتدعووووه بالثبااات وانه يكون راااضي عنهادوووم وللابد طوت سيادتها وابتسمت وهيه رايحه اتبدل ملابسها تستعد للنووم


وصلت الطياره فرنسا على الساااعه ثماان فرنسا واول مانزل زايد وطلع من المطار صاح تيلفونه
زايد:الوووو
بدر:زااايد وين انته انا صارليه ثلاااث ساعااات جالب الدنيا عليييك وبعدين انته وين رنة تيلفونك مش في الدااار
ابتسم زايد:انا رايح اطلع عيووون منصووور
بدر حس ان الدنيا اتلف به وقعد على اقرب كرسي:شوووو تقوووول ساااافرت؟
زايد:تونا واصليين
بدر:زااايد مايصييير هذا الي تسوييييه انته نسيييت انا البارحه شووو قلتلك اليوووم تسليمك الكرسي كيييف اتسويها يا زاااايد وتسااافر
زايد:طاااابت النفس من هالكرسي ....بخليييك السياره وصلت واطمن معايه مروان وفهد
سكر عنه واعلن تيلفون مروان الصوووت
هز مروان راسه بمعنى ياليتك ماقلت له
خذ زايد تيلفون مروان واغلقه وابتسم له
اعطو صاحب السياره العنوان وعلى طووول راح ابهم لهناااك
كانت فله في منطقه خياااال وتدل على ترف صاحبها
زايد وهو يتامل الفله"اااااه يا نووور سامحينيه ما ادري بحااالج داخل كيييف بس غصبا عنيه بسوي الي بسويه
دخلو داخل وفتحو الباب الهم وتمو ايدورون في الفله وكان اهناك بعض الخدم الي يتكلمون بالفرنسي
كانت عيووون زايد اتجوووول في المكاااان منصدم ويحس برجفه ترجفه
زايد:مستحيييييل نووور ترضى تقعد في مكان مثل هالمكاااان
التفت مروان للبار الموجووود ولزجاجاااات الخمر المصفوووفه وللتحف المتمثله في اشكال ناااس بصور خليعه
زادت دقااات قلب زايد خوووف يا تراى شو اهو حااال نووور
زايد:منصوووور وييين؟
دخل عليهم ريال وكان يتكلم اللغه الانجليزيه قدر يعرف امنه زااايد ان منصور مش موجووود وانه سافر اليوووم لايطاليه
زايد:ونووور زوجته اين هيه
طبعا باللغه الانجليزيه يتكلم خخخخخ مافينا فضااايح مع مكحوله
الرجل:زوجته ذهبت معه
التفت زايد لمروان وفهد:الكلب يتحسب انه بيفلت من يديه
بعد ماطلعو من بيت منصوور اتوجهو لناس يعرفهم مروان اهناك ومن اهناك بدت تحرياتهم عن منصور واتضح الهم انه سافر مع وحده غير نووور وان نووور اصلا مادخلت لفرنسا
زايد ويحس انه بينتف شعر راسه قريييب:يمكن في ايطاليا سالت عنها اهناااك
مروان:اول بتاكد اذا طلعت من الامارات
وسأل مروان الطيران الامراتي واتضح الهم انها اصلا ماطلعت من الامارااات
وقف زااايد مش مصدق:شو تقووول يا مروااان ماطلعت من الامارااات كيييف وهو ايقول انها عنده يمكن طلعها بجواز ثاني
مروان:وشو قصده من هالحركه
زايد:مايريدنيه اوصل الها ادريبه اهو يدري انيه مابسكت له
مروان:اصبر انا بشوووف ..........عندك رقم جوازها عشان في المطار ايشوفووون صورتها ويتاكدون من الكمبيوتر
زايد:اتصل على بدر صورة الجواز عنده
في الاخير تاكدو انها ماطلعت من الاماراااات
تم زايد قاعد ويفكر مش عااارف على شوووه يستقر تفكيره ايخاااف انها حركه من منصور عشان ايرد ويياس منها
زايد:تاكد يا مروان من منصووور متى سافر وهل رجع للامارات او اي مكان ثاني
مروان بعد ما تاكد:منصور سافر في نفس الليله الي ملج فيها على نور وقرر ايسافر فيها
زايد:وشوالسبب الي منع نووور من السفر

بعد نصف ساعه وصلتهم الاخبااار
مروان:طلع جوازها منتهي
زايد وهو يحس بنفسه مش طبيييعي:اتصل على مكتب الجوازااات وتاكد اذا طلبو تجديده
وعلى طووول اتصل مروان واتضح ان طلب تجديده موجووود لاكن المعامله محد رد عشان يستلمها والجواز عندهم
زايد:اكييييد طلع الها جواااز ثاااني
مروان:مايقدر
زايد:هربها بطريقه ثانيه
مروان:منصوور ماطلع من فرنسا الا اليوووم الصبح
زايد:اكيييد وراااه ناس ثانيه لحووووه والحييين وين القااااااهااا
تكلم صديق مروان:انتم ردو وانا اوعدكم مع ربعيه اننا انكمل الموضوع منيه ونعطيكم اي معلومات ثانيه ومنصور ولا يهمكم اليوووم لاحقينه وبنعرف امنه كل شي
زايد:انا اريييد اوصلله
مروان:خله يا زااايد وخلنا انرد يمكن نوور بعدها في لبلااااد
ماكانووو يدرووون ان قلبه منحرق وهو متاكد انها عند منصور والدليل كلامه انه عرف انه مالمسها

.................................................. .......... ...............

ثلاث ايااام مرت وحالة زايد كل يوووم اتزيد من اسوء لاسوء عرف بلااااوي وااايد عن منصوو وانه صاحب ثلاث بارااات بمراقصهن غير انه شريك لواحد في تصنييع الخمر وتصديره
زايد وهو منسدح على سريره وهو يفكر"يارب نووور ماتستااهل ايصير الها جذيه انا يارب انا الي استااهل حرمانيه منها بس اهيه يارب لازم اتعوضها اهيه صبرت واايد واتحملت وااايد ما اريد يارب اتكون نهايتها مع منصووور ارجوووك يارب ارجوووك انها اتكوون بعيده عنه
حس زايد بخجل انه منسدح وقاعد يدعو الله قام وتوضىء وصلا ركعتين طول في السجووود فيهن وهو يدعو الله من كل قلبه ان نووور اتكون بخير وبعيده عن منصوور بعدها قعد وتم رافع ايديه ويدعو وهو يسب نفسه ويسبها على تقصيرها وعلى كل الي سواه مع بنت عمه احااسييييس غريبه اجتاحته وحس انه يرتجف بين ايدين الله لين ماحس ان الدمعه خانته وتبعتها ثانيه وثالثه احساسه انه كان بعيييد عن ربه وتقصيره والتكبر الي كان فيه
على الفجر وصلتهم اخبار ان منصور رجع وعلى طووول اتوجهو له وهناااك حصلوووه وهو سكرااان ومعاه وحده انصدم بالي دخلو عليه وياه من الضرب الي ايبرد الخاااااطر عاده الشغله مايبالها كلام عند فهيدان ومروان
زايد وهو ماسك شعره:وييين نووور
منصور:نووور صااارت ملكيه راااحت ع علييي عليييك
زايد:ارمس وين خليتها
منصوور:انا ما ادااانيك يا زااايد من يوووم كنا صغااار وانا ما ادااانييك انته كل شي تحصله والسبه واسطة ابوووك تذكر يا زااايد يوم انظرب بسبتك
زايد وهو يسكر ثمه:جب جب ما اريييد اتذكر شي اريييد اعرف نوووور وييين؟
منصور:هههه سوو فيه الي بتسووونه مابقووولك وبتبطي اتدورها
بكس انظرب به على ويهه خلاه يفقد وعيه
صديق مروان:انتو لازم اتسافرون اليوووم ترا شرطة فرنسا ماترحم واكيد بيحققون في موضووع ظربه سافرو يا مرواان السالفه تراها بتظرك انته اكثر
على المسا وصلو للبلاد وكان زايد شبه منهااار
في ميلس ابو فهد دخل زاايد وقال لخاله بكل شي عن منصووور
زايد:هذا الي بيعوضها يا خاااليه هذااا بتقووول اليه الحييين من في ذمته صااارت
قعد ابو فهد منهد حيله من كل الكلاام الي قاله زاايد وتم ايلوووم نفسه على الي سواااه
ابو فهد:انته الي حديتنيه يا زااايد انته كله منك
هز زايد راسه والتفت وطلع


..........................................

بعد يومين قعدت نوره عدال خليفه:ماشي اخبار عن نووور يا خليفه
خليفه:هذا احنا اندور ونسأل يا
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
اما انه طلعها من لبلاد بطريقه غير قانونيه او انها موجوده في مكان واحنا بعدنا ماطحنا فييه
نوره:يارب انها اتكوون بخير اهم شي
خليفه:لعيااال رقدو
نوره: اممممم
خليفه:شوووه
نوره:ترا اليوووم يوم العائله لا تنسى
وقف خليفه متحفز:افا يا ذا العلم اليوووم اليوووم وانا ماكنت ادري زييين انيه ضويييت ومابت عند زااايد
نزل وشلها وهو متوجه للسلم
نوره:ايييه نزلنيه
خليفه:توصيييله يابنت الحلااال توصيله بالمجااان ...تعبير عن شعوووريه بالفرحه اناا احب اليوم العائلي هذا ههههه على الاقل بحصل شوية حناااان ولا انتي نسييتي انج قلتي لااازم اتوزعيين حنانج على الكل
ابتسمت نوره وهيه تدعس ويهها في صدره وقبل لا يدخلووون نزلها وهو يعانقها عناااق حااار حست نوره انها ذااابت امنه بعدها دخل وتوجه للشله ورقد بينهم وهو يوزع قبله على الكل وهم ايبادلونه القبل
خليفه:يا زييين اليووم العائلي زيناااه هههههه
نوره:الحين يا زييينه عقب بيصير لحوووه مالنا بد من هليوووم هههههههه
التفت الها :قرييب يعني ؟
نوره:مااا ادري
خليفه:انزين خلي دوريه اخر واحد في الحنان
كانت نوره تفرك ايديها بكريم وهزت راسها بلا وهيه مبتسمه
خليفه:لييييش؟
نوره:انته خلص دوورك نسيييت
واشارت بنظرها للباب
خليفه وهو يقعد:لالا حرام عليج هذاك كان حنانيه لج ....انا مصر اريد حنانج اليه
نور وويهها يحمر:بشووف
وانسدحت عدالهم بينه وبينها فطوم ودانوه
تم ايبادلها النظرات لين اتخربطت والتفتت للجهه الثانيه وشوي وحست بانفاسه قريب اذنها
غمضت عيونها:وبعديييين معاااك
خليفه:انا كنت اريد اكلم هنوده
كانت هنوده مجابله نوره
رفعت هنوده راسها له
وحوطت يده خصر نوره
خليفه:شحالج هنوده اخبار الامتحان الامسي
حاولت نوره تبعد يده وكان ايضما اكثر
هنود:زييين بس المس قالت مابتحسب العلامه النا
خليفه:افا لييش
هند:ما ادري
غمضت نوره عيونها وتمت تسمعهم ايسولفون وخليفه مستاانس على استسلااامها
لين مارقدو اليهال ابعدت يده وقامت
خليفه:على ويين
نوره:بشل فطامي وبروح فوق الشبريه
خليفه:وانا اروح معاكم؟
نوره وهيه صاده بابتسامتها:لااا....خلك عندهم عطهم من حنااانك
خليفه:زييين امرنا لله

............................................


كان زايد قاعد على طاولته في الحديقه ومثقل بالحزن والتفكير طوول يومه واتصالاته ماوقفت مع مروان وربعه في فرنسا
زايد:ياليتنيه بس مارديت لين اخليه يتكلم شووو سوابها ووين وداها؟
هنيه:ياباااشه
التفت لهنيه الي كانت اتدور اهو ايكلم منوو
زايد:علوومج؟
هنيه:مفيش اخبااار ياباااشه عن الست نووور؟
زايد:ااااه يا هنيه لو في اخبار بتحصلينيه مجابل ويهج
هنيه:بتقول اييه يا باااشه
وقف زايد:ماشي ماشي
مشى كم خطوه ورجع التفت الها:دعواااتج يا هنيه دعواااتج
هنيه:انته رايح فيين ياباااشه دانته مكلتش حاااجه دا وشك صاير اصفر
هز راسه والتفت راايح نفسه ايلاااقي حد ويحط راسه في حضنه ايحس بالوحده الوحده ترجع له مره ثانيه ....ماتدرووون هذا كان احساااسه قبل لايشوف نووور حتى لو كانت يدته موجوده لاكنه كان ايحس بالوحده ومن يوم ما شاف نور وتاكد انها بنت عمه الاحساس هذا اختفى توه بس منتبه لهذا الشي
غصه كانت ذابحتنه ونفسه لو يرجع ايصاااارخ لاكنه تعب من الصريخ محد حاس فيه وهو مش قااادر يطلع الي في خاااطره

.....................................


اتصل مروان على زايد
زايد:هلا مروان
مروان:زايد وصلتنا معلوماات ان نور دخلت مستشفى راشد في دبي في نفس اليوم الي سافر فيه منصور
زايد حس ان قلبه وقف لييش شو صااار فيها
زايد:ارمس يا مروااان لييييش؟
مروان:اممم حسب المعلومات انها كانت اترجع واغمى عليها
بقبضة يده ضرب الطاوله الي جدامه:الكلب شووو سواااابهاااا وشو صار عقب؟
مروان:ماشي طلعت بعد كم ساعه وكانت معاها بنت فرنسيه والسواق
زايد :وينها يا مروااان وينها طلعووووها طلعوها من تحت الارض ولا فوقها ....لازم تلقونهاااا
مروان:والله يا زااايد انيه طول وقتيه وانا اتحرا عنها وان شالله قريب نلقاها
سكر مروان وتم زاايد ينتفض
"احلاى مفاجئه يا زاايد انك مالمستها....احلاى مفاجئه يا زاايد انك مالمستها...احلاى مفاجئه يازايد انك مالمستها"
زايد:بس بس بـــــــــــــــــــــس
طلع زايد من البيت وهو في حاله يعلم ابها الله والدليل صوت سيارته الي الكل يسمعه من حوله
نفسه بس يعرف شو حالها ووين اهيه


.................................................. ......

نرجع لليوم الي صارت فيه الملجه
طلعت نور وركبت مع منصور السياره وكان منصور قاعد جدام وعداله ايسوق الدريول وتفاجئت ببنت فرنسيه بقصه شعرمثل الريايل
ولبس فاضح حست نور بانقباض في صدرها من اجواء السياره بعد ما ابتعدو بدا منصور يلعن ويشعن ويسب باللغه الفرنسيه الي كانت نور تفهمها بس ماحبت اتوضح هذا الشي كان يتكلم عن جوازها وانه مايقدر ايسافر ابها تكلمت البنت الي جنبها اتهديه وهيه تقوله حبيبي
تكلم منصور انه مايقدر اياجل سفره لانه خايف من اشيا وايده وان كل مخططاته بتخترب وقال الهم اينزلونه في المطار وياخذون نور لشقه في دبي لين ايحصل طريقه لتسفيرها
كانت نور على وشك تتكلم وتقوله وين بيتركها لاكنها فضلت السكوت وهيه لازمه الاستغفار ومتوجهه بالدعا ان الله مايتركها في محنتها هذي سمعت منصور وهو يسب زااايد وكيف انه حااقد عليه وانه تكلم عن الضرابه الي صارت بينه وبين زايد قبل سفر زايد حست باحاسيس غريبه وكره ناحية منصور يارب ابعده عنيه والي صدق قهرها انه طلب من البنت تعطيه زجاجه من الثلاجه حاولت البنت تخفيها عن نور بس نور
عرفت شو اهيه الزجاجه تمت ساكته ولا كانها تفهم شو يدور حواليها ودقات قلبها اتزيد واتزيييد عند المطار نزل منصور وفتح الباب من جهة نور
منصور وهو منزل نصف جسمه:حياتي اسمحيليه انا مظطر اسافر عنديه عقد عمل ضروووري لازم احضره باجر الصبح وانتي طلع جوازج منتهي بس لا تخافين انا بخليج مع داليا واهيه بنت حبوبه لين ايخلصون اجراءات جوازج وعقب بيلحقونج صوبيه اوكيه حياتي
نور :طيب خلنيه عند بيت خاليه
منصور:لالا لا ما اقدر هم يتحسبونج الحين سافرتي معايه مايصير اقول الهم بروح عشان عمل اكيد مابيقدرون بس انتي بتقدرين صح
هزت راسها بنعم
منصور:لاتخافين بينا بيكون اتصال دايم اوكيه حياتي والله كان نفسي اقعد معاج لو على الاقل ساعه بس ماقدرت الطياره بتفوت عليه ومافي طياره ثانيه الاباجر الصبح مظطر حياتي برووح وانا قلبيه منحرق
نور:الله يوفقك ويحفضك
منصور:ياسلااام والله ان كلامج شي وصوتج شي الله يصبرنيه بس ...حياتي ممكن ترفعين الغطا عشان اودعج
نور بتوتر:لا ارجووك ما اقدر اكشف...بعدين لازم اتراعي حيائي
منصور:اسميه ولد عمج مش عارف النعمه الي اهو فيها هههه ياله حياتي قريب نتلاقى
لفت نظرها شي عورها قلبها بالفعل يوم شافته سلسله في صدره عليها صلييب ما انتبه منصور انه وضح
ودع منصور نور الي ماقدر يقعد معاها حتى ربع ساعه وتوجهت السياره عقب بنور والبنت لدبي كانت نور خاطرها اتكلم حد
احساسها كان فضيييع واهيه اتروح مع هالناس ياترى كيف اهيه الحياه بتكون عقب ومنصور منصور صدمه حياتها اااه يا ولد عمي نارك ولا نار غيرك
قبل لا يوصلون للمكان المطلوب قفزت البنت لجدام
وطلعت زقارا وبدت ادوخ وكل شوي تتبادل مع السواق قبل
حست نور انها ماتقدر تستحمل الوضع مع سماعها لكلمات اشمئزت منها وما ان وصلو نزلت وهيه اترجع من كثر ماجلبت جبدها
واول ما وقفت فقدت وعيها وعلى طووول نقلوها للمستشفي
البنت سالت يمكن اتكون نور حامل لاكن المستشفي قالو الها انها بعدها بنت بعد الفحوصات الي سووها الها
ومن عقب استردت نور عافيتها وخذوها للشقه الي تمت فيها نور لين اليوم وهيه مش قادره تتواصل مع اي حد والبنت ملازمتنها طول الوقت
منصور كل يوم ايكلمها ويتعذر الها انهم ماقدرو ايكملون الاجراءت للجواز لان اهناك اوراق ناقصه والاوراق اكيد بتكون عند زايد وهو في الواقع خاف ان حد ايراقب الي بيراجعون معاملة الجواز فوقف الاستمرار في المعامله
نور طول يومها في غرفتها وغافله على نفسها الباب وماتفتح الا اذا تاكدت ان السايق مش موجود في الشقه حاولت كذا مره في دعوة البنت للاسلام باللغه الانكليزيه لاكن البنت كانت اتصد عنها وماتعطيها مجال اتكمل كلامها بلاوييه وايد وخاف ان امره مفضووح
انعزلت نور بنفسها وكانت فتره بينها وبين ربها مستمره في الدعا والاستغفار والتسبيح لين ما حصلت نفسها مطمئنه وسلمت امرها لله

.................................................. .......... ..

استقبل زايد عمة نور الباكستانيه ومعاها بنتها وحرمة ولدها وولدها والبنتين من اعز صديقات نور
بعد مايابهم الدريول من المطار وفتح الهم الجناح الي تحت وقالهم يعتبرون البيت بيتهم وخبر عمة نور عن الي صار لنور وطلب منها الدعا عشان يلقونها او يعرفون وين اهيه
حزنت العمه ومعها البنات واجتهدن بالدعاء حق نور
هنيه في البدايه كانت تدخل عليهن وتطلع ماتعرف كيف تتكلم معاهن لاكنهن عقب كلمنها باللغه العربيه واستااااانست وتمت تحضنهن
هنيه:يا خيبتي دانتو من ريحة الحباااايب اااه فينك يا نووور ربنا يرجعك بالسلاااامه
العمه:ههه لاتخشين عليها انها قويه ولن يصيبها شيا ان شالله
هنيه:من بوئك لباب السما يارب
وحده من البنات:اماااه ماذا تعني من بؤك
هنيه:يا خرااااااشي دنتي بتسالي زي ماكانت نور بتسال ...بؤك بؤك البؤ دا هو ....من بؤك دا يروووح فوووق عند السما عند الله معلوم دلوقتي
البنت:دلوقتي
هنيه بفرحه:يالااااهوي اااه البنت نووور طلعت بؤبؤ عنيه وهيه كل شوي بتعيد الكلااام الي بقوووله .....يا ترا فين اراضيك يابنت يا نووور
طلعت هنيه وهيه تمسح دموعها وتلاقت مع زايد برا
زايد:هنيه شبلاااج؟
هنيه وهيه اتصيييح:دنا افتكرت الست نووور البنات قوا بيتكلمو زيهاااا يا باااشه مفيش اخبار عنها
زايد:ياااالله يا هنيه انا فكارج الحييين انا بروحيه مش في حاله ...علوم ضيوفج ان شالله مرتاحييين
هنيه:ااه يا باااشه دول بيشكرو فيييك
زايد:انزيين بيضي الويه عاده اليوم في العشا وطالعي الي يبونه
هنيه:حادر ياباااشه

...........................................

مرت ايام والحال على ماهو عليه
في يوم كانت نور

قاعده وفاتحه على التلفزون اتشوف شو الاخبار من يوم ماشافت الاخبار مره مع البنت الفرنسيه وشافت انهم تكلمو عن زايد وكيف ترك كرسي الشعب من بعد ما اعطووه له والسبب سفره الطارئ لفرنسا ومن عقب تنازل عنه
هذاك اليوم نور وااايد تمت اتفكر في زايد وشو الي خلاه يتنازل عن الكرسي
من يومين الحين ماسمعت حس للبنت الي معاها طلعت امس وما رجعت كانت اتدور في الشقه وتحاول تتصل من تيلفون الشقه لاكن مافي فايده حتى الاكل قليل في المطبخ
قعدت على واحد من الكراسي وضمت اريولها لحضنها واحساس غريب هاجمها احساااس بالوحده والنبذ...معقوله اهيه الحين وحيده ومالها حد مالها حد يسال عنها ولا يفتكر اهيه وييين لو تموووت الحين محد بيدري ومحد بيفتقدها بتكون ذكرا كانت موجوده وراااحت راحت مع واحد غريب مايعرفون شي عنه
مايعرفون انه شراب وحاطط صليب وماخذنها بس انتقام من زايد ....نزلت دمعتها ومسحتها بسرعه ...دام ان الله معاها ماعليها من حد خلهم كلهم ايولووون
دخلت الغرفه وفتحت التلفزون الي عندها في الغرفه وتمت اطالعه على برنامج الاخبار
ملت من سماع الاخبار وقامت وتوجهت للدريشه وطلت اشويه برا وعقب رجعت وقعدت على السرير لفت نظرها صورته ...اهو زايد وجهت كل حواسها وسمعها للكلام الي بتقوله الحرمه الي طلعت وصورة زايد على جنب
حطت ايديها على اذانها وهيه تسمعها تعلن وفاته وكلااام كثير عن انفجار السياره به وانه حتى بعد ماترك الكرسي الا ان ناس ثانيين متعادين معاه
شهقت وحطت يدها على ثمها تمنع صرختها وهيه اتهز راسها
نووور وهيه ترتجف:لاااااا لاحول ولا قوة الا بالله لاحول ولا قوة الا بالله ....لاااا يا زاااايد لااااا....اااااه غصبا عنها تمت ادموعها تنزل بغزاااره وهيه تحااااول انها ماتصرخ
نور:ياربييييييي
وتمت اتشاهق وهيه تنتفض
نور:يااااارب عفوك يارب عفوك اااااه استغفر الله استغفر الله
رن الجرس
وقامت وهيه ترتجف ومش مصدقه الي تسمعه وتدعو انه مش صح فتحت الباب واول ماشافت الي واقف جدامها اغمى عليها
زايد:نوووووور
تلاحق عليها ومسكها وشلها رايح داخل تبع صوت التلفزون ودخلها للغرفه وحطها على السرير
زايد:نوووور نوووور ردي عليه
قعد عدالها وشاف ويههها المحمر ودموعها ...كان على وشك انه ايلمها لصدره لاكنه تراجع وهو يدري انها مابترضى بالوضع هذا عدل حجابها وهو يناديها قام بسرعه وياب ماي
لاكنه انتبه للخبر الي في التلفزووون وقعد منصعق
زايد:لاااااااا عبد الحمييييد
اليوم يوم كان زايد في شركته اتصله مروان وقاله انهم مسكو البنت الفرنسيه ومعاها السواق قبل لا يسافرون وانهم اعترفو عن مكان نور واعطاه العنوان في دبي
زايد ولان الصحافه من يوم ماتنازل عن الكرسي مش تاركينه في حاله طلب من سكرتيره ياخذ سيارته وهو ياخذسيارته وقاله يطلع بالسياره للفله ويتركها اهناك ويطلب من اي حد اييه وياخذه من البيت
اهو طلع بسيارة عبد الحمييد وما انتبه عليه حد بينما الثاني طلع بسيارة زايد الي انحطت فيها له قنبله
بدا زايد يرتجف منفجع من الخبر الكل يتحسبه اهو الي في السياره كان حزييين على عبد الحميد ظرب طرف لفراااش متندم انه تبادل معاه بالسياره
زايد:لااا يا عبد الحميد انا انا الي كان لااازم اموووت انته شووو ذنبك ياااارب عفوك
التفت لنور وعرف سبب اغمائها حس انه متشتت ومايعرف شو يسوي اتصل على بدر الي كان على وشك يتخبل من الخبر الي انذاع وماصدق ان رقم زايد طلع عنده
بدر:الووووو
زايد:بدر انا زااايد
بدر ورووحه تنتعش مره ثانيه:زااااااااايد انته وييييييين
زايد:انا موجوووود يا بدر عبد الحميييد عبد الحمييد الي كان في السياااره اااه يا بدر شووو هالي يصييير ....ليييش مش راضييين يتركوننا في حالنا الكرسي وتركته الهم شووويبووون بعد...شو ذنب الريال ايروووح فيها
بدر:زااايد انته وييين وشووو صار
زايد:انا في دبي
التفت لنور ورجع ايطالع التلفزون
زايد:لقيييت نووور يا بدر لقيييتها
فتحت نور عيونها واعتدلت وهيه تسمعه وتمسح دموعها وتعدل حجابها كان معطنها ظهره وقاعد مجابل التلفزون وهو قاعد على نهاية السرير الثاني
زايد:تبادلت مع عبد الحميد بالسيارات عشان الصحافه ماتلحقنيه ورحت الها بعد ماقالو اليه مكانها اااه يابدر عبد الحميد مايستاااهل ليتنيه انا بدااله...انا ادري انه منصووور الكلب ورا هذا كله ...ليتنيه مارجعت من فرنسا الابعد مااطلع روووحه
التفت الها وشافها تمسح دموعها
زايد:بدر بخليييك الحييين
سكر اليلفون وقام متقرب منها
زايد:نوووور
انفجرت نور في نووبه صياح قويه وهيه تنتحب بصوت عااالي
زايد وهو يقعد بين السريرين:نوووور ارجووووج
لاكنه ماقدر يتكلم وهيه نحيبها يعلى ويعلى...اول مره يشوفها بالوضع هذا ياما صاحت عنده لاكن بالشكل هذا ابد ماقد شافها عوره قلبه وحس انه حتى لو يتكلم مابتسمعه من صوووت صياحها العالي ونحيبها
حط راسه بين ايديه وضغط بقو
زايد:ارجووووج يا نووور بس
لاكنها استمرت اتحس انها كبتت وايد وايد والحين مافي مجال انها تسكت اهيه نفسها ماكانت اتريد ايصير جذيه لاكنه غصبا عنها...
زايد:ارجووووج يا نووور ارحمينيه ليش تبين تذبحينيه قولييليه شو صااار الج شي سوااابج الكلب
لفت حجابها زييين وبدا نحيبها يهدا اشوي اشوي
بينما زايد كل طاقته انهدت وتم قاعد على الارض بين السريرين ايطالعها
زايد:نوووور ....نووور ارجوووج طالعينيه شووو صار لج
هزت راسها بماشي
زايد:انتي بخيييير
هزت راسها وهيه تشاهق شهقات بسيطه وعبرتها بعدها موجوده بنعم
زايد: بس بس الله يخليييج ذبحتينيه
رفعت نظرها له وشفايفها ترتجف وحست انها ماتقدر تتكلم والعبره بعدها موجوده
زايد:نووور اوعدج يا نووور ان كل شي ينتهي وانا ااااسف والله ااااسف على كل الي ياااج منيه سامحينيه يابنت عميه سامحينيه
رجعت نوور ترتجف اكثر وعبرتها اتزيييد
زايد:سامحينيه انا مستعد اعوضج عن كل الي فااااات
هزت راسها بلاااا:مااااااريييد شي اريييييد ارد باكستاااان انا غلطت من البدااايه يوووم يييت انا الغلطااانه
شو مستوي عليه اعيش اهناااك وانا مرتاااحه ولا انيه اعيييش الحياه الي عشتها وانذليتها اهنيييه ارجوووك يا زااايد رجعنيه باكستااان رجعنيه
ورجعت اتصيييح اكثر
زايد:نووور ادري انيه انا السبب في الي صارلج كله وانا ااااسف اسف ونااادم على كل شي ...يا نووور لاتفكرين احساسج الي كنتي اتحسيبه في باكستان بالوحده بس صاير لج حتى انا يا نووور حتى انا دووووم احس بالوحده رغم ان هليه بعدهم موجودين لاكن الاحساااس بالوحده كان موجووود
احلفلج يا نووور انه من اول يوم شفتج فيه وعرفت انج بنت عميه الاحساس هذا راح وماصرت احس فيييه ...لاكن شو تبينيه اسوي وانا رابي على افكار وانيه اشوف نفسيه فوق كل حد ....انتي ماتدرين بالصراع الي انا كنت عايشنه طول الوقت الي فاااات ....اقسملج يا نوووور انه حتى دقات قلبيه من هذاك اليوووم اختلفت ...وانيه كل ما اشوووفج اتزيد دقاااته لاكنيه كنت اصارعها واكلمها بعقليه ان هذا مايصييير من اول يووووم
....ماتغيبين عن عينيه الا وانا احس بشووووق لشوفتج صح قسيت علييج وعاملتج معامله زفته لاكنيه كنت من داااخل اتالم
كنت اشوووف انيه وحش واستغرب من تصرفاااتيه لاكن ايتم عقليه ايشجعنيه ويقول استمر ولاتعطي لهذي العواطف اي اهميه
ويصورليه انيه لازم اوصل للي اطمح له دوووم وانج وانج انتي من المعرقلااات الي تمنعنيه للوصول لطموووحيه
شفتي يا نووور انسان في صراااع بين قلبه وعقله هذا انا ...كنت اكلمج واعاملج بعكس احساسيه ناحيتج وكل ما شفت انيه خلاااص بضعف جدامج
اتزيييد قسوتيه علييج...سامحينيه يا نووور سامحينيه
نور:انا يا زايد انا الي ماكنت فاهمه شي ماكنت متخيله ان في انسان يحتقر الناس جذيه ...ابدا ماوصل تفكيريه للي كنت انته اتفكر فيه ...ولو كنت ادري ماهنت نفسيه عندك ...ما طلبت منك الزواج وانته محتقرنيه بالصوره هذيج مع انه والله ان نيتيه كانت صافيه وما يا في باليه انك بتحتقرنيه اكثر لانه ما كان جداميه الا انيه اساعدك يومها
....
.زايد:لا يا نووور انا ما احتقرتج هذاك اليوووم بالعكس انتي ماتتخيلين فرحتيه يوم قلتي انج تبين تتزوجينيه وتسافرين معايه ...احساس خفي كان موجود اهنيه بالفرحه
حاولت اكبته بعد بقسوتيه عليييج ...يومها اتاكدت انيه مش وحيييد وان في حد فكر فيه كنت والله محتاجنج وفرحت وااايد بس مابينت فرحتيه..انا حسيت وعرفت انج ماسويتي جذيه الاعلشانيه بس اتكبرت علييج وانا نااادم على فعليه
نور وهيه اتهز راسها بلااا:لا يا زايد لاا انته كنت تحتقرنيه لجرئتيه ما انسى هذاك اليوم يوم جبرتنيه اعق ملابسيه جدامك عشان امنعك من الحرام ما انسى نظرتك الي كنت مستحقرنيه فيها وانا والله كنت جاهله وكنت امفكره انك تغضب ربنا
ومافي طريقه امنعك فيها الا بتنفيذ طلبك ما ادري انه بتصرفيه بتزيد في تحقيريه
زايد:نوووور شو تسمين انيه من هذاك اليوم حرمت على عينيه انها اتشوف الحرام الي منعتينيه امنه...ادري انه موقف صعب حطيتج فيه وانا ماكنت ادري انج بتجبرين نفسج عليه وادري انج ماكنتي اتريدين امنه الاغراء لاكن انا الي حديتج والله ان الي صار هزنيه من داخل وعرفت بعظم الذنب الي كنت اسويه....يا نووور انتي ملكتينيه وملكتي قلبيه بس انا الي كنت اعاند نفسيه
... وتميت على عناديه لين ما حسيت ان قلبيه اتمرد عليه وكان على وشك انه يفضح نفسه وماكان جداميه غير انيه اكبته في اللحضات الاخيره...كنت خايف انيه بعد ما ارجع ينجلب الحال وارجع اعاملج بالقسوه مره ثانيه وكنت مقتنع انيه برجع لوضعيه القبلي
على طووول يا نووور من المطار قلت لبدر ايودينيه عشان اخلص معاملات الطلاق عشان اخلص من الوضع الي كنت فيه والله يا نووور ماتدرين بحاليه هذاك اليوووم
ندمت وعضيييت ايديه من الندم وماكان جداميه الا انج ماتدرين بامر الطلاااق ما قدرت لان الي كنت امفكرانه بيصير ما صار صرت مثل المينووون ابااات الليل مع ثيابج وكل يوووم اتخيلج عنديه والله يا نووور والله لو كنت ادري بامووور الطلاق وانج عادي ترجعين اليه في فترة العده انيه ما اضيييع هذيج الليله الا ومرجعنج لاكنيه ماكنت اعرف بالعده الا يوم قلتي انج تبين تقعدينها في بيتيه
ويوم عرفت انيه اقدر اردج انتي صديتي عنيه ونفس الشي...عشت وقت مايعلمه غير الله
وقلت ماعليه مصيريه الاقي حل ومصيريه اتكلم لاكن الي غث عليه الخطاطيب الي طلعوليه فجئه وقربت حينها ايين صدق
قلت ماعليه منهم الي بيحاول يا ويله منيه وانا بعرف اتصرف حتى يوووم يتينيه وقلتيليه عن عمتج ...سامحينيه انيه مالقيت الج حل هذاك الوقت لاكنها كانت فرصه اليه
ما اعرف ليش كنت عاجز عن التصرف وشفت انها فرصه ...من كلمتج عن شرطيه وانا في حالة ترقب وانتظار ماكنت اريد اذلج وكنت ارييدج بصدق
لاكن يوم ييتي وما صار الي كنت اريده حسيت انيه خسرتج خلاااص وان ما صار في قلبج اليه مكان
ما يا في باليه الي صااار
ااااه يا نوور انا مت هذاااك اليوووم مت ومادري كيف امشي بعدنيه
ارجوووج يا نووور ارجوووج انج اتسامحينيه وتعطينيه فرصه اعوضج عن كل الي فاااات
كانت قاعده ومنزله راسها تسمعه ودموعها تنزل هزت راسها بلاااا
نور:ما اريييد يا زااايد ما اريييد ارييد ارجع لباكستااان
رفعت نظرها له وعيونها تدمع:انا الحين يا زااايد ما صارت عنديه مقدره على الصبر والتحمل كل طاقات التحمل نفذت منيه صح ان الله معايه بس ما اقدر اضحك علييك واقولك انيه مثل لول
انا خلااااص عفت العيشه اهنيه ...الفتره الي فاااتت حسيت فيها انيه وحيييده في هذي الدنيا وان محد افتكر في الي صار اليه ..حتى عميه ارخص اليه مع الغريب وكانيه حمل عليهم وافتكو منيه
زايد:لا يا نووور لااا لا تقولين جذيه...انتي ماتدرين باحوالنا عقبج
نور:زييين دام انيه اعني الكم شي خلووونيه واتركنيه اسافر باكستااان ...انا تعبت تعبت خلاااص ...ارجوووك يا زااايد طالع موضوع زواجيه من منصووور هذا وخلصنيه امنه ...انا ماكنت موافقه عليه الا ان عميه قال انه اعطاه كلمه ومستحي ايرد في كلامه معاه..يا زااايد هذا طلع واحد خماااار او
ورجعت نوور لنوبة النحيييب مره ثانيه وحس زايد ان منصور اذاااها..... اكييد اذا كان سبب دخولها المستشفي الترجيع والاغما وفي نفس ليلة سفره اكيييد انه سوابها شي
عصر زايد طرف لفراش مقهووور
زايد:نووور انا مستحييييل اخليييج ترجعييين مستحييييل ومنصور هذا قريب تسمعين عنه علوووم وبفكج امنه
نور:ورجعنيه لباكستاااان
زايد:خلاااص يا نووور خلاااص اسكتي ارجووووج...وقووومي يالله خلينا نرجع
هزت راسها بلااا:ما بطلع منيه الا بورقة طلاقيه امنه ..ومنيه على المطار اريد اروووح سيده
غطت ويهها مره ثانيه بيديها وتمت اتصيييح
قام زايد وطلع وعق بنفسه على الكرسي برا بعد ما كلم بدر وطلب امنه ايي وييب روضه معاه
ما حس بنفسه عقب وهو يغط في نوووم عميق من عقب ما جافااه النوم الفتره الي فاتت وكان نومه متقطع ...الحييين خلاااص لقاها وماعليه من حد ولا منها مستحييييل ايفرط فيها وبيقنعها باي طريقه المهم اتم عنده
كان حزين على حالها وحال ربيعه الي مات بداله وغاااب عن الدنيا في نومته هذي
.................................................. ........

بعد ساعتين رن جرس الباب ونقز من رقاده ورااح سيده للباب اول ما فتحه اندفعت روضه ومي واليازي داخل اينادن نوور
اشار الهن زايد للغرفه وركضن الها
رفعت نور راسها متفاجئه بالبنات وزااادت دموعها وهن اينطن عليها ويحضننها
وعلت الاصوات في الغرفه من نحيبهن معاها
كان بدر واقف عدال زايد الي رفع راسه فوووق:ااااه يا بدر احس انيه تعبااان تعباااان واحس روحيه بتطلع منيه
بدر وهو ايحط يده على كتف زايد:يا ريال اتعوذ من ابليس والحمدلله على سلااامتك
زايد بالم:ليتنيه بداله
ابتسم بدر:ابشرك الريال بخير نقز من السياره اول ما حس بالخطر ..ايقول سمع صوت العداد ههههه وتذكر حادثك القبلي وقال اكيييد انها قنبله والحمدلله صدق حدسه
زايد وابتسامته تتسع:صدق يا بدر
نزلت دموعه غصبا عنه
بدر:زااايد ما احيييدك جذيه
زايد:انا خلاااص يا بدر صرت ما اتحمل
والتفت للغرفه الي فيها نور وتذكر كلامها انها حتى اهيه صارت ماتتحمل
رن الجرس والتفت له زايد
بدر:هييه تذكرت ترا الشله كلها من درت حركو ...عميه ابو فهد ليتك شفته كيف قعد ايصييح مثل اليهال يوم قلناله انك مش انته الي في السياره وانك لقيت نووور
حتى يدوووه قالت انها لااازم تي
ابتسم زايد والتفت للباب وفتحه وكان خاله
خذ زايد بالاحضان وتم ايصيييح اشويه ويتعذر له
ابو فهد:وينها يا زااايد وين بنتيه
اشارله للغرفه وهو يتجه ليدته وياخذها بالاحضاان ويهدي رعشتها والغصه في حلجه
بعدها مشاها لين غرفة نور وقالها تدخل الها وتم اهو برا بس يسمع النحيييب داخل
سلمت ام فهد عليه ودخلت وراهم
نور كانت مش متخيله انهم كلهم عندها تمت اتصيييح وماتعرف شو تقووول تم ابو فهد يتعذر الها ويقولها انه كان يتمنى الها سعادتها وتم يطلب منها السموووحه
حتى وفد خليفه ونوره وصل بعد نصف ساعه وانضمو للشله داخل
واخيرا وصلت العمه وبناتها مع فهد الي طلب امنه زايد اييبهم
نادى بدر روضه وقال الها تخليهم يطلعون كلهم برا عشان يعطون لعمة نور مجال تاخذ راحتها مع نور
الشقه كان فيها صالتين صاله صغيره تربط الغرف ومجلس بروحه منعزل الكل اجتمع في المجلس الكبير وفتح زايد الباب للعمه واشار الها لغرفة نور
دخلت العمه اول شي على نووور ورفعت نور نظرها الها مش متخيله الي تشوفه..فركت اعيونها كذا مره هل هذا حلم ام شوووه اهيه متخيله انها يمكن ماتت الحييين
قربت العمه منها:نووور الن تقومي لتسلمي علي
نور باللغه الباكستانيه ودموعها في عيونها:انا كانني رحلت من هذه الدنيا واراكم عندي مجتمعين في الجنه هل ما اراااه حقيقه
قعدت العمه عدالها وضمتها لصدرها وانتحبت نور من اول ويديييد
ابتعدت نور عن العمه عقب وتمت تتلمسها وتتلمس ويهها :هل انتي عمتي حقا هل ما زلتي على قيد الحياااه هل ما اراااه حقيقه ام خياااال
العمه:نووور حبيبتي انني حقا هنا ....قد ارسل ابن عمك زايد من يتحرا عن حالتي بعد الحادث وقد قام بارسالي للعلاج في الخااارج على نفقته وكما ترينني انا بخير والحمدلله لا اشكو من شي
وقد عدت من العلاج قبل ايااام واستقبلني ابن عمك في بيته وقد قام بتضييفنا في بيته ولم يقصر علينا بشيء
تمت نور اتصيييح في حضنها وتحمد الله وتشكره
البنات من ورا العمه ودموعهن في عيونهن:الم يحن دورنا
التفتت الهن نور وعيونها بعد مش مصدقه:انه كثير يا الااااهي كثييير
قامت واحتضنتهن وماقصرت معاهن بالنحيييب
ام فهد وهيه واقفه برا:بس عليها ذبحتوها من الصياااح لبنيه بيوقف قلبها من كثر ما صااااحت
كان زايد قاعد معاها في الصاله الصغيره وهو ساند راسه على الكرسي ويده متخلله شعره ويطالع فوووق "هذا اشويه عن الصياح الي صاحته اول شي
التفت زايد لهنيه الي قاعده على الارض وتصيييح
زايد:هنيه...مابتدخلين انتي بعد
هنيه:لاء انا مش حخش عليها كفااايه كفااايه الي هيه فيييه ..يا لاااهوي دنا حموووت من العيااااط
ابتسم زايد ووقف:هنيه شوفي المطبخ شو ناقصه وانزلي البقاله هاتي الي ناقص
نقزت هنيه:حااادر يابااااشه من عنيه
حدرت هنيه المطبخ وكانت نوره فيه
نوره:هلا هنيه
هنيه:الباااشه قااال ليه اشوف ان كان في حاجه ناقصه
نوره:هو في اصلا حاجه يا ويييليه يا نووور مادري على شوووه كانت عايشه...انا كتبت لخليفه كل حاجه انريدها وراح ايبهن
هنيه:يا خيبتي ..دا الباااشه حيزعل
وفتحت هنيه عيونها على وسعهن وخبطت على صدرها:يالااااااااااهوي ايه دا الي انا شيفااااااه
التفتت نوره لزجاجات الخمر
نوره:هيييه صدق تعالي خلينا نجمعها وانعقها قبل لا حد ايشوفها والله ان قلبيه معورنيه على نووور ياله يا هنيه طالعيلنا كيس
هنيه وهيه ترجف:وعايزاااني امسك البتاااعه دي
نوره:بنعقهن في الزباله يا هنيه شوووفي في زباااله كبيره اكيد تحت روحي وعقيهن فيها
هنيه وخبطه ثانيه على صدرها:عيزاااني اشيلهم لتحت دنا يمكن ارمي نفسي بدالهم لاء يا ستي مادرش دنا ربنا حيحاسبني ااااه الملايكه حتكتب اني شلت البتاعه دي في يوووم بعديني عنهن يا ست نوووره
نوره وهيه تضحك:هههههه يا هنيه يا هنيه شو بيحاسبج ربنا عليييه انتي بالعكس بتاخذين اجر انج بتخصينا منهن
هنيه:هو مييين الي كان بيشرب البتاعه دي
نوره:الله يعلم يا هنيه الله يعلم ...هااه شو قلتي بتنزلينهن
هنيه:طيب طيب ...بس يا ست مش حاقدر امسك الكيس كويس
نوره:هههه لا ان شالله بتقدرين ياله فديتج
مسكت هنيه الكيس وهيه تتنافض وتتحرطم وفتحت الها نوره الباب
مشت هنيه والاكياس في يدها وتوها واصله الاصانصير طلع الها مروان وهو لابس لبس الشرطه وصرخت وهيه اتفج الاكيااااس
هنيه:والله يا سعدة الشرطه
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس

انهم مش بتعوووني والله انا مليييش فيهم دنا دنا دنا كنت رايحه ارمييييهن يالاااهوي يالاااااهوي دنا رحت في ستين داااااهيه
تم مروان ايطالعها ومستغرب
نزل وفتح الاكياس وهنيه تلطم ويهها وتقسم وتحلف انها مالها خص فيهن
مروان بنبره حاااره:شووو هذاااا خمر
هنيه:ابوووس ايدك يا باااشه مليييش فيهم دنا غلبااانه يا باااشه دنا عبد المامووور وقالولي ارميهم في الزبااااله
يا باااشه ابوس ايييدك دنا غلبااانه ياباااشه وربنا انا غلباااانه والبتاااعه دي مش لييييه
وقف مروان وقف:لالالا انتي متهمه بترويج الخمووور ياله امشي جداميه على المخفر
بدر من ورااه:مروااان حرااام عليييك صبيت قلبها
ضحك مروان بصوووت عالي وركضت هنيه لبدر تقسمله وتحلف له انه مالها خص
بدر:يا هنيه هدي اعصااابج هذا مرواان اخويه الله يسامحك يا مروااان
هنيه:مروااان مييين ؟
بدر:مرواان اخويه الضابط مروان تعالي تعالي وهاتي الاكياس رجعيهن داخل ضحك مروان وتعداهم ايريد ايروح داخل
مروان:شو الوضع داخل
بدر:ادخل عميه وزايد وفهد جدامك رح سيده اخر الممر في ميلس
راح عنهم مروان
وطلب بدر من هنيه اتقوم من الارض
هنيه:ما اقدرش يا باااشه دنا ركبي سااابت
ضحك بدر وشل الاكياس ورجعهن للشقه مره ثانيه وهو ايقول الها تلحقه
قبل لا يدخل مروان الميلس طلعت مي من الميلس وكانت متغطيه وشهقت يوم شافته بصوت واطي مر عدالها ووقف
مروان:مي؟
عقت الغطا وهيه مبتسمه وزادت ابتسامته لشوفتها
مروان بتلحين الكلمات:حظ عيني تشووفك كل يوووم حضها وانت
لبست غطاها بسرعه وهيه اتشوف بدر داخل وكمل مروان طريقه داخل وهو مبتسم

تمت عمة نور اتهدي نووور وتذكرها ان الله اذا حب عبده ابتلاااه وهذا كله دليل على محبة الله
نور كانت لافه خصر العمه وهيه حاضنتنها وحاطه راسها في حضنها ودموعها تنزل وماعندها غير كلمه وحده انتي لازم اتشلينيه معاااج
كلمتها العمه عن زايد وعن الحال الي كان فيه ونور اتهز راسها بلااا ان هذا كله مابيشفع له
زايد في نفس الوقت كان طايح على ريل يدته وهيه تمسح على راسه ومغمض عيونه
الجده:هييييه وانته شرطي لابس جذيه
التفت الها مروان:عاجبتنج البدله
الجده:وبلاااك ما مسكت الحراميه الي بقو يذبحون ولديه وييين اتقووول شرطي
مروان:منو قال انيه شرطي عشان امسك الحراميه انا بس حاطينيه شرطي عشان اروع اليهاال
الجده:وااايه تغربلت تتمسخر ابيه
مروان:ههههه السموووحه يا يدوووه السمووووحه ولا يهمج نمسكهم الحراميه ونعدمهم بعد
الجده:اص اص شعرفك انته بالرمسه
التفتت لولدها ابو فهد:وهذا الي ميوزنه ميوووه؟
فتح مروان عيونه
ابو فهد:هيه فديتج اميه
الجده:كنسله كنسله هذا بيذبح بنتنا ماتيوووز له خل امه اتروووح اتيوزه وحده شمحوووطه
قام مروان وقعد قريب منها:لا يا خالتيه لااا انا ما اريد الشمحوووطه عنديه عقده نفسيه منهن انا اريييد بنتكم اريييد نسبكم كم يسوا باجر يوم بيطلعون عياليه يشبهون يدة امهم
الجده:وااايه تغربلت بتبطووون مايبتو مثليه
مروان:المهم انج يدتهم
الجده:محد يقدرلك ملسووون تاكل الواااحد بلسااانك
ضحكو البقيه على تعليقاتهم

دخلت هنيه شاله صنيه فيها عصير وتفاجئت نور ابها
نور:حتى انتي يا هنيه
وركضت الها تحضنها وتمت هنيه اتصيييح ونور تضحك مستااانسه
هنيه:والله يا ست نووور دنا بدعيلك ليل ونهااار انه يرجعك لينا سالمه دا الباااشه كانت حالته حاااله مابياكلش حاااجه ولا بينااام زي الناااس دا
نور:خلاااص يا هنيه خلاااص الحمدلله على كل شي تعااالي اقعدي دانتي وحشتيني اوووى..

تنهدت عقب :اللهم لك الحمد والشكر والله ما يا في باليه انيه اشوووف كل حبايبيه اليوووم اللهم لك الحمد والشكر ان مع العسر يسر
طلعت الجده من المطبخ وماسكه غرشه في يدها وكان فهد مار
الجده:فهووود
فهد:هلا يدوووه
الجده:فجليه السفن اب هذا
مسك فهد الغرشه وفتح عيونه:يدووووه هذي كليوبترااااا
الجده:اشوووه
فهد:لالالا يدوه هذي ماتيوووز لج من وين يبتيها
رقعته على راسه:مسود الويه تبا تاخذها هاااتها اشوووف
فهد:لا يدوووه هذي مش سفن اب
الجده وهيه اطالعها في يدها:قالولك ما اعرف انا انقلع اشوووف
تم فهد يضحك وتوهق معاها:يدوووه فديتج الحين بروح وبييب لج سفن اي
الجده:لالا حرمتك تبا تشلها وتشرد انا ابا هذي
فهد:ايوالله النشبه يدووووه هذي خمر
التفتت له بالعصا وراقته وهيه تتحلف له
الجده:سود الله ويهك الخلا اشوووف
دخل فهد الميلس وقال الهم وقام بسرعه بدر وهو يضحك:نسيتهن اسميهن بلشه هالغراااش
مروان:خلهن انا بشلهن وبتصرف فيهن
بدر:هيه بس اصبر خلنيه ايبهن اول شي

كلم الخال نور وقالها تمشي معاهم لاكنها رفضت وقالت دام انها على ذمة منصور مابتطلع من الشقه لين تيها ورقة طلاقها
ابو فهد:يا بنتيه الريال مانقدر نوصل له وانتي تدريين وين اهو
نور:ادري بس اظل زوجته وما اقدر اطلع من بيته وانا على ذمته سامحونيه مب طالعه قبل لا احصل ورقة الطلاق
حاول معاها ابو فهد وخليفه لاكن مافي فايده ابو فهد والجده وام فهد بعد المغرب رجعو لابوظبي اما خليفه ونوره الي كانو مسوين حسابهم للمبيت راحو لفندق وبعد روضه وبدر عزمو ايباتون في الفندق
اما البقيه فتمو عند نور
الشقه عباره عن غرفتين تربط بينهن صاله صغيره ومدخل الشقه فيه ممر اخره مجلس كبير وفي المدخل باب للمطبخ وباب للصاله الصغيره الثانيه
مي واليازي والبنات عزمن ايباتن في الغرفه الثانيه والعمه تمت مع نور ومعاهن هنيه
اما زايد ومروان وفهد تمو في الميلس ومعاهم ولد عمة نور الباكستاني هههههه ياحليله لو لحق على زايد اول جان صفقه على علباه وطلعه برا
تم زايد ومروان وبدر يتكلمون ويفكرون في طريقه عشان تتطلق نور من منصور باسرع وقت


...............................................

خليفه ونوره حجزو في فندق راقي ويمكن اهو نفس الفندق الي سكنوه اول مره يو فيه لدبي وكان نفس السويت غرفتين وبينهن صاله
طلعت نوره وراحت للبلكونه وبعد اشوي دخل عليها خليفه وعطره ايفوووح ابتسمت نوره للذكرى
خليفه:اليهال رقدو
التفتت له :هييه..خليفه انا كم مره قايله لك لاتطلع في الهوا وراسك خرساان
خليفه:اوووه نسيت
نوره وهيه تتعداه:تعال بنشف لك شعرك
تبعها خليفه وهو مستانس ان خطته نجحت
دخلت نوره الحمام اتدور الفوده ومالقتها وشافت ان البانيو مافيه قطرة ماااي ابتسمت
وطلعت وشغلت المجفف وهو قاعد ينتظرها
نوره:انته تسبحت؟
خليفه:شو رايج؟
نوره :والله انا اشوووف بس شعرك الخرساان البانيو مايقول ان في حد اتسبح فيه وما حصلت فوده اتنشف حد فيها
رفع راسه ايطالعها وابتسم :قلت لين اتسبح واطلع اتكونين دخلتي ومالحقت عليييج
نوره:همممم جذيه يعني
وبدت نوره تنشف شعره وهو مستمتع بلمسة يدها في شعره
خليفه:تبينا نطلع نمشي على الشاطئ
نوره:لا الوقت تاخر واريد ارقد ...وعلى فكره الغرفه الثانيه مافيها مكان اليه فانا بضيفك اليوووم
فتح عيونه مستااانس:صدق بتباتين عنديه
نوره:هاااه انا قلت بس ببات يعني بس اريد ارقد على السرير ماقلت شي ثاااني
خليفه:وانا ماقلت بسوي شي يااااامرحباااااا ملااااايييين ولا يسدن
نوره توجهت للسرير ودخلت في لفراش بينما كان قلب خليفه ايدق بقو وهو ايروح للباب ويغفله
اعتدلت:ليش غفلت الباب
خليفه:ا ا اااا احتياااط يعني يمكن يدخل الفراش علينا
قصر على الاناره وخلع قميص البجامه والفانيله وتوجه ناحية السرير
اعتدلت وهيه اتشوفه:وليييش فصخت
خليفه بابتسامه:اااا مستحر مستحر ماتانسين الدنيا حر بعدين انا احب اعقهن عند الرقاد
وانكت عدالها في لفراش
تمت اطالعه بطرف عينها وهو يمسك المخده ويحضنها ويطالعها بابتسامه
نوره:من بعد اذنك بعطيك ظهريه
ورقدت ملتفته عنه وقرب منها وهو يهمس في اذنها
خليفه:خذي رااااااحتج باي رقده اتريحج
لفت راسها ناحيته:انته شو يايبنك اهنيه ممكن اتلز
حوط خصرها بيده
خليفه:وانا قلتلج مابغصبج على شي اول ماتقولين اليه رح بعييييد برووووح بس انا اريد شوية حناان
نوره بارتباك:خليفه لاتخلينيه اغير راييه واروووح ارقد في الصاله
قرب خشمه من اذنها:اللــــــــــــــــه هذا العطر احبه
وبدا يقبلها ورا اذنها
نوره:خــ خليييييفـــــ
خليفه:انا عند وعديه ان قلتيليه رح بروووح
ونسى خليفه نفسه معاها ونساها نفسها


.................................................. .......... .....

زايد كان منسدح وهو مبتسم من سوالف مروان وفهد مع جلال ولد عمة نور الي كان ايكلمهم باللغه العربيه الا انه ماكان متقننها وهم كانو مستانسييين عليه
ويحسون بسوالفه والاحوال الي يمر فيها نفس الي يستوي عندهم استانسو واااايد عليه
وقف مروان:تبون جاهي بروح اسوي جاهي
طالع زايد ساعته وشاف ان الوقت متاخر اكيد هنيه رقدت وحرك راسه بمعنى رح
طلع مروان ودق باب المطبخ وتاكد ان محد فيه
تم ايسوي الشاي وهو ايدندن ويغني ويتمنى لو مي اطل عليه وبالفعل مي سمعت صوته ووقفت وراه واول ما التفت كان على وشك يبطل الي في ايديه اكنه اتدارك نفسه
مروان:ههههه روعتينيه
مي بابتسامه:شو تسوي؟
حرك حواجبه:شااااي تبين
هزت راسها بلا:برقد
مروان حط الي في يده والتفت الها ومسك باب المطبخ وسكره
مي بشهقه:لااااا فهد اخويه اهنيه بطله خلنيه اطلع
مروان:فهد منشغل مع الريال سوالف
مي وهيه تنتفض:انزييين خل الباب مفتوح اريد اطلع
مروان:ما فكرتي في موضوعنا
مي وهيه منزله راسها تحت
مروان:شووه
مي:اريد اكمل دراستيه ...انا احب الدراسه مروان وبعديين احس انيه وايد اشيا مش فاهمتلها ابا وقت
مروان:مثل شوووه؟
مي:وااايد اشيا اتخص الحياه والتعامل مع الناااس صعب افتح بيت وانا اجهل اشيا وايد
مروان:انا موجوود وبعلمج
مي:اخافك تتملل منيه ...مرات يوم اسال روضه عن بعض الامور اتم اتصارخ عليه وتقول ليش انتي مش عارفتلها
مروان:وبتتعلمين خلال السنتين يعني
مي:انا احب اقرا وايد واسال وان شالله بكون اعرف كل شي
مروان وهو ايقرب منها:صدقينيه راضي بج وبالي ماتعرفينه
مي:انته بتكون راضي بس غيرك مابيكون راضي الحين انا معذوره بجهليه بس ان تزوجت كل شي بيشوفونه انيه لازم اعرفه ومابيعذرونيه
مروان:تفكيرج هذا ايكفي عن كل شي غيرج وصلن فوق العشرين وعمرهن مافكرن بالي يجهلنه ويتعلمنه
مي:انا ما اريد اكون مثلهن
مروان:بس يا مي ...الانسان طول عمره وهو يتعلم وهذا مش عييب ماشي فتره معينه يتعلم فيها ويقول انا عرفت كل شي....وعلى العموووم لج الي تبينه
برقبج سنه ونصف بسسسسس
ابتسمت:وبعد ما اريد نتلاقى
مروان:شوووه
مي:الله يخليك
مروان:تعرفين اتسوين الجاهي
هزت راسها بنعم
مروان:انا بروح وانتي كمليه وبردله عقب ...احس شويه ضغطيه ارتفع
والتفت عنها وطلع
مي وعيونها تنترس دموع:عيل وين ايقول راضي بج
تمت اتسوي الشاي وعقب ما خلصت تمت تنتظره اشويه لين تعبت وراحت


مروان لقى جلال يتكلم بطريقه غير الي خلاه فيها بطريقه دعويه تكلم فيها عن الدين واثره في حياة الانسان قعد يسمع له ونسى نفسه
اما جلال فكان دايما يحب يجعل من كلامه دعوه لله ويتكلم عن عظمة الله
جلال وهو ايكمل حديثه معاهم:الطمئنينه ...رفعت منا بسبب اعمالنا ونقص الايمان عندنا..وهذا اثره ظهر علينا ويظهر بعد المووت
في نار جهنم تكون هناك حسره وندامه على قلب الانسان...يجب علينا ان نتعب دائما ونجتهد للحصول على الايمان واليقين والاعمال فيعطينا الله حياة طيبه
بالاشيا نجد الراحه ولاكن الروح لا ترتاح
هناك رجل يستطيع ان يشتري بماله دوله كامله ولاكن ابنه انتحر...لعدم وجود الراحه
عندما يشتري احدهم فراش بمليون لاكنه لا يستطيع النوم عليه فيريد بعدها ان يبيعه بنصف مليون فلا يشتريه احد
والانسان الذي لا يملك شيئ وبمعرفته لله واتباع اوامر الله تجده يعرف الراحه وينام
وتم يتكلم وهم مندمجين معاه وبكلامه الي حسو انهم ماقد سمعو مثله
جلال :خلق الله اللسان من قطعه لحمولاكن كيف قدرة الله الذي جعل هذا اللسان يتكلم بعدة لغات مختلفه..وخلق الله في الانسان اله تصنع الاطفال ولاكن لاتوجد مثلها في الدنيا الا في الانسان...عندما ننظر لاي شي نحن لاننظر اليه باعيننا ولاكن بقدرة الله وكذلك عندما نريد ان نمسك شي لا نمسكه بقدرتنا ولاكن بقدرة الله ونحن لا نستطيع ان نعرف عظمة الله في ذلك الا بعد الموت
كل ما يحدث لنا يحدث بامر الله سبحانه وتعالى
الله هو عالم الغيب وهو السميع العليم
جميع النعم ضرورات للانسان وليس لله
لانترك الاعمال الصالحه بسبب المشقه لان الراحه تذهب وتبقى الاعمال الصالحه ولا نعمل الاعمال السيئه للذه لان اللذه تذهب ويبقى الذنب
صاحب الايمان والاعمال الصالحه الله يحفظه ويتولاه ويثبته الله في القبر ويجعل الله قبره روضه من رياض الجنه ويوفقه ايضا يوم القيامه ويضعه تحت عرشه ويمر عليه هذا اليوم كمقدار ركعتين الفريضه بعكس الكفار الذين يشعرون بهول هذا اليوم الذي كون مقداره خمسين الف سنه
يوم القيامه يوم عصيب يجمع الله فيه الاولين والاخرين ويكون الناس في فزع زصاحب الايمان الله يحفضه ويسهل عليه ذلك اليوم ويعطيه الله كتابه بيمينه
اما صاحب الشر الله يجعل صاحبه في ضنك وفي تعب ومشقه وعند تطاير الصحف ياخذ كتابه بشماله ويكون خاسر
"الكيس من دان نفسه وعمل لما بعد الموت والعاجز من اتبع نفسه هواها وتمنى على الله الاماني"

وطالت السهره بينهم وجلال يتكلم ويتكلم وكان لكلامه الاثر في نفوسهم
ابتسم جلال:الن ننام كي لا تفوتنا صلاة الفجر
فهد:اسمحلنا سهرناااك بس والله كلامك ماينمل امنه
وقف جلال:حسنا انا اريد ان اصلي قيامي ثم اخلد للنوم بعد ذالك
راح عنهم جلال
مروان:ما شالله عليه ...اسمي ربيه راضي عنه
فهد:اتقول ...مابنقوم احنا بعد نتهجد معاه
مروان:هههه احنا ويوووه تهجد احنا ذنوبنا مثقله علينا وين تبانا انقوم نتهجد الله يعفو عنا بس
فهد:ايوالله الدنيا مافيها فايده مادري شو لينه بنتم ارابع فيها وليتنا انرابع على شي مرضي ربنا
انسدح مروان وشبك ايديه ورا راسه
مروان:هذا الريال شي والله اول مره حد يدخل كلامه قلبيه ...تدري احنا هب فاجيله بنقول له تعال وشف كيف اهو حالنا ودبرلنا صرفه نعدل فيه هالحال
فهد:المشكله يا مروان ان النفس بعد تتحكم من اتخيل نفسيه بس مربي اللحيه وملتزم تحضر نفسيه وتقول لاااا ماتركب
مروان:احنا نستبق الحاجه قبل وقتها مع اننا لو مشينا بالدرب هذا بيكون الوضع عااادي وهذا كله من مداخل الشيطان ايصعب الحاجه قبل حدوثها ....بس عقب يا فهد عقب مانوصل للنهايه شو بنستفيد من هالنفس
كان زايد منسدح قريب منهم وحاط سفرته على ويهه ويسمعهم ويايد كلام مروان انه النفس هذي محد مستفيد منها واكبر دليل خسارته اهو هذي خساره في الدنيا عيل وين الخساره في الاخره



.................................................


فتحت نوره عيونها وحصلت خليفه متكي على يد ويتاملها
خليفه:شفتي انا ماغصبتج كان برضاااج
ضوقت نوره عيونها وهيه تحاول ان خدودها ماتحمر
نوره:انته اخليت بالشرط
شهق خليفه:والله قلتلج ان قلتيليه رح بعيدجد بروووح
اعتدلت نوره:ماعليه ان كنت محدده وقت للعقاب بزيده دبل لانك تدري من البدايه انيه رافضه
وتوجهت للباب وخليفه قاعد ايطالعها ويحاول ايدافع:انااااا قلتلج ووعدتج انج اذا قلتيليه رح بعيد بروووح انتي ماقلتي شي
التفتت عنه وهيه منحرجه وفتحت الباب وركضت للغرفه الثانيه وهيه مبتسمه
رجع خليفه وحط راسه على المخده:بعد بتعق عليه اللؤم
ابتسم عقبها:اوووف انا والله كنت متروع ان الدكتوره مانعتنها منيه
رجع والتفت لجنبه
خليفه:هييه صدق ماقلتلكو ترا نوره حامل وماتريد اتقول اليه وانا ادري لقيت مره جهاز فحص الحمل وكانت النتيجه انها حامل ياااااه لو تدرون كيف كانت فرحتيه هذاك اليوووم بس شكلها ماتريد اتقول اليه وانا مخلنها على راحتها
يمكن ماتريد تتذكر المره الي فاتت يوم اتقول اليه عن البيبي صدق انا عاذرنها واحبهااااااا اموووووت فيها فديت انا العقاب بس خليه ايطوووول على راحتج المهم اتمين قريب منيه والنذاله موجود اصلها فيه هههههه
ولا انته شرايك يا حضرة القاااضي
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
الجزء الاخير


مر الاسبوع والشله لازالت في محاولاتها لتخليص نور من منصور
نور امتنعت تطلع عند زايد الي كان يتم يومين عندهم ويوم يرجع فيه لابوظبي والبقيه بعد نفس الشي متناوبين في القعده في الشقه خوفا من ان منصور يرسل حد ياذي نور او يسوي شي
العمه وبناتها وولدها تمو على طووول عند نور...وفي الفتره هذي تعمقت علاقة زايد بجلال وصار يستمتع بالجلوس معاه
واخيرا قدرو ربع مروان الي في فرنسا انهم يمسكون على منصور بلاوي اجبروه ابها انه يرسل ورقة طلاق نور او بيفضحونه عند السلطات ورضخ الهم وارسل ورقتها
بدر اول ما وصلته الورقه اسرع بتخليص الاجراءات وخذ لورقه وراح لزايد في دبي استااانس زايد وايد وشكر مروان وربعه وكل من ساعده ووقف معاه

خلال الايام الي فاتت كان جلال طالع من المطبخ وسمع صوت يعشقه التفت وراه وشافها واقفه ومنزويه في الجدار واطالعه بنظرات خجله
مشى خطوتين ناحيتها
جلال:كيف حالك
عائشه:بخير وانت
جلال بهمس:الحمد لله
تمت اتبادله بعض النظرات
جلال:هل تريدين شيا
هزت راسها بلا
وقبل لا يلتفت ويروح
عائشه:جلال
التفت الها
عائشه:هل اشتقت لي
ابتسم وغمض عيونه علامه على انه مايحتاااااي
ابتسمت وركضت بسرعه داخل
التفت جلال وهو مبتسم ماشي في الممر رايح للمجلس وهناك شاف خليفه قاعد يتقهوا وكان بروحه
خليفه:مع منوووه كنت واقف تتكلم
خليفه ماشاف البنت الي كان يتكلم معاها لانها واقفه في مكان الي يطلع من المجلس مابيقدر ايشوفها
ابتسم جلال:زوجتي
فتح خليفه عيونه:زوجتك!!! انته متزوج وزوجتك اهنيه
جلال:نعم وماذا في ذالك
خليفه:وطوووول الوقت اتبااات في الميلس لييييش ماقلتليه حجزتلك في الفندق الي اروح له
انحرج جلال:لالالا لا داعي لذالك
خليفه:افا يا جلاااال احنا الحين صرنا ربع ليييش تستحي
جلال واحراجه ايزيد:ليس من اجل ذلك ولاكن لا اريد ان اترك والدتي وشقيقتي لا باااس بالحال هذا
خليفه:لالالا انا مش موافقنك كيييف اتبااات في طرف وحرمتك في طرف ثاااني مايصييير
ضحك جلال:لا علينا ...ذالك يزيد الشوق بيننا
خليفه:اااااه من الشوق يا جلاااال انا الي ميت ومحد يدريبيه
ضحك جلال:لماذا اليست زوجتك معك
خليفه:شوووف وحرقة يوووووف بس استاااهل كله منيه ...امبونها المده قصيره وبسبتيه طااالت
جلال مافهم شي:لم افهم ماذا تعني
ضحك خليفه:ههههه لالا ماعليك منيه...المهم اليوم انا بحجزلك في الفندق
جلال:لالا لا داعي لذالك كما ان زوجتي من النسا الخجولات ولن ترضى بذالك ربما تغضب علي ان فعلت ذالك
خليفه:يا ريااال شعليك منها
جلال:لاباااس بحالنا قريبا نعود الى الديار
دخل زايد ومروان وتمو معاهم

وبعد موضوع طلاق نور طلبت نور منهم انهم يحجزون الها اتسافر مع عمتها لباكستان
رفض زايد وقال لخليفه ايحاول فيها عشان يمنعها لاكنها اصرت
من دبي تم الحجز وبعد يومين السفر
طلب زايد ايشوف نور وكالعاده رفضت
خليفه قعد معاها وقالها ان زايد مايباها اتسافر وايريدها ترجع معاه وانه بيعوضها عن كل الي فااات لاكنها رفضت
طلب زايد من جلال ايكلم امه تقنعها ونفس الشي مافي فايده
مرات زايد ايعصب لردة فعلها ويتم ايصارخ عليهم ومرات ايراجع نفسه ويقول انه اهو الي يابه لنفسه
نفسيته طول اليومين كانت تعبانه
قربت نوره من نور قبل السفر بيوم واعطتها التيلفون
نور:منووو
نوره:لج الاتصال
خلتها نوره وطلعت
نور بتوتر:الوووو
زايد:خلاااص يعني معزمه اتروحين
نور:هذا طلبيه الاخير وامنيتيه
زايد:وانا
نور :انته ماعليك شر بين هلك واحبااابك
زايد:نووور ليييش اتسوين ابيه جذيه انا ما اريدج اتسافرين
نور:محتاااجه يا زااايد اسافر
زايد:اسمعينيه انا وافقت بس عشانج ولا لاتنسين ان محد له سلطه عليج غيريه وبرجعج لاتفكرين انج بتمين اهناك على طووول
نور:يا ليتك تنسانيه وماتاخذ بهميه ماعليه شر عشت اهناك 22سنه مابقدر اعيش بقية عمريه يعني
زايد:اول غييير والحين غييير الحين لج ولد عم مسؤل عنج
ابتسمت نور ابتسامه خافته:متاكد انه مسؤل عنيه
زايد:يعني تبينيه ارد من اول ويديد اتعذرلج من الي صارلج بسبتيه
نور:لا..اباك تتركنيه في حاليه وتنسى انيه موجوده
زايد:مستحيييل انتي شوفتيه
نور:خايف يعني ايبلك العار
زايد:انا ماقلت جذيه ولا تنسين منصور لو يدريبج انج رديتي مش بعيد عليه يلحقج وياذيج عشان يقهرنيه
نور:لا تخاااف ربيه حامينيه امنه كنت بين ايديه وحمانيه امنه
اهنيه زايد دق قلبه نفسه يعرف شو صار بينهم وشو تعني بكنت بين ايديه
زايد:بعد ما تخلص عدتج بيييج وبردج
فتحت نور ثمها منصدمه من كلمة عدتج لاكنها لزمت السكوت اي عده وهو مالمسها ولا استفرد ابها
نور:يا زااايد خلاص عاده ريح راسك منيه
زايد:بترديين ...وبتعيشيين عنديه ...سوا رضيتي اتكونين زوجتيه او لا
نور:زوجتك ههه لالا ارجوووك بعد هالفكره من راسك
زايد وقلبه يعوره من ردها:وشو المانع احنا عيال عم وملزومين ببعض
نور:انا بنت الباكستانيه يا زايد نسيت
زايد سكر في ويهها التيلفون وهو يحس بعمره عصب
زايد وهو يضغط على تيلفونه:ماعليه عااده منج
اليوم على المسا بتكون الرحله للرجوع نور كل شوي حد يدخل عليها ايحاول يثنيها عن السفر وكله ايقولون الها علشان زايد انزيين لاكنها مصره على السفر
خليفه:شووو يا زايد بتخليها اتسافر وانته حالك جذيه
طالعه زايد وصد بنظراته عشان ماتفضحه اكثر:وشبلاااه حاليه مافيه شي ...خلوها على راحتها
تبالها وقت تنسى الي صار الها
تلاقت نظرات خليفه بنظرات بدر الي كان ايهز راسه بمعنى الله ايعينا عليه عقب رفع خليفه يده بقلة الحيلهه
روضه ونوره كانن عند نور ايودعنها بعد ما طلعو شنط البقيه برا وقفت نور تمسح دموعها وتوصي روضه اتبلغ الجميع سلامها وانها بتشتاق الهم
قبل لا تطلع رجعت والتفتت
خليفه:شبلاااج يا نوور
نور: ابا ..
.بشفايف ترتجف:ابا اسلم على زايد ...نسيت اشكره على الي سواه لعمتيه وعلاجه الها
خليفه هز راسه:روحيله في الميلس بتحصلينه محد عنده بدر تحت مع جلال
هزت راسها وبخطوات متردده راحت وكانت تتمنى خليفه ايروح معاها لاكنه تم واقف يتكلم مع نوره
على ظهره طايح وبدون سفره ويطالع في السقف تمت واقفه اطالعه ومتردده تتكلم وهو ابدا مش عندها
تقدمت كم خطوه وحس بحركه عند الباب التفت براسه وشافها غمض عيونه وتم ايطالعها عقب ايحس براسه ثقيل وشي قوي هاااد حيله
نزلت راسها تحت وهيه تفرك طرف غشوتها
كان ايطالع عباتها وشكلها المستعد للرحيل ايريد يعتدل بس مايدري شو الي معرقل حيله يعتدل
نور:ز ....زااايد
بكل حيله وطاقته اعتدل وهو منهد وتم قاعد ايطالعها
نور:انا ...انا ...كنـــ...كنت اريد اشكرك على مساعدتك لعمتيه وو وعلى ك كل الي سويته اليه
تم ايطالعها ....رفعت نظرها له في انتظار ايقول شي
نور:ا انتبه لنفسك ..بــ برووح اتوصي في شي
اتثاقل على نفسه ووقف وقرب ناحيتها ووقف على بعد مسافه
زايد:سلااامتج
نور فتحت عيونها اكثر وشافت اثر الحراره فيه واااضح
نور:زايد....انته تعبااان
التفت عنها: الله يحفظج يا نووور وبلغي سلاااميه للعمه
نزلت راسها تحت وهيه تحس بارتعاشه تمشي في جسمها وقلبها اتزيددقاته
التفتت ورجعت اطالعه متشتته في امره وقبل لا توصل الباب بتطلع كانت ايديه ماسكتنها ويارتنها للجدار على جنب الباب ورفع ايديه عنها بسرعه وهو ايشييير الها انه ابعد ايديه وكانت اطالعه مستغربه
سند بوحده من ايديه على الجدار
زايد:بتروحييين يعني خلاااص
كان تنفسه سريع وعرقه ينزل من جبينه
زايد:بتخلينيه وبتروحين
نور وعيونها منصدمه من حاله:انا....
زايد:عاجبنج يعني حاليه هذا
نور:زايد انته تعبااان
زايد:تعبااان وبمووووت بعد ...انتي من تروحين منيه ما اضمن لج انيه اعييييش
نزلت راسها تحت وبدت دموعها تتجمع
نور:زايد انا محتاااجه اسافر
زايد:محد بيمنعج بس انا انا شو بسوي عقبج.....يا نووور ارحمينيه ...ما اعرف شو اسوي احس انيه خلاااص بنتهي ....لا انتي الي قلتيليه سامحتك ولا انتي الي قلتيليه برجع ولا عطيتينيه اي امل اعيش عليه
نور بدموع تنزل اكثر:انا سامحتك والله مسامحتنك بس خلنيه اروووح
سند زايد راسه على الجدار وهو يحس بحرارته اتزيييد
والتفتت له والخوووف مسيطر عليها
نور:ارتاااح يا زااايد
زايد:بتردين معايه عقب
نور:ما ادري
زايد وهو يضغط على راسه اكثر:خلاص روحي روووحي
نور:ارتااح انته تعبااان
زايد:انا ما اريد هذا ايصير اليه لاكنه صار غصبا عنيه روووحي روووحي يا نووور
شهقت بوجع وركضت بسرعه برا
من مشو رايحين للمطار وهيه دموعها ما وقفت وكل شوي دخلت يدها تمسحهن وتحس بعبره خانقتنها
خليفه كان ايسوق السياره ومعاه نور ونوره وروضه
اما بدر كان معاه جلال وامه والبنات
مدلها خليفه تيلفونه
خليفه:نووور هذي رساله من زايد لج
مسكت التيلفون بيد ترتجف وقرت المسج

يا مهــــاجره باحساااس..
اغلى من الرووح..
ودعتهاا ذكراااك..
على امل لقياااك..
وعشتهااا ديره يوم وطتها خطاك..
وجدي على نظره..
يا مهاااجره باحساااس..
اشري بها عمري..
وانسى حديث الناس..
ويوووم انك اقفيتي..
من في الهوى لايم اقدر اطيع امره..
مني رساله حرف شوقي لها معنى ..
ودنياااي انا صوره..وجهك ملامحها..
ولا زلت ابحكيلك يا مبعده عني..
بشوقي اسولفلك...
ادري حياااتي هم تعبت ابااصلك...
وهمي ترااه انتي..
يا مهاجره باحساااس..
يا مهاجره غبتي..
واخذتيني رقيق احسااس..
والروح في وصلك..
لا ماتعرف الياااس..
عشتك معي ايااام..
يا كل تفكيييري..
ليلــــــــــــــــــــــــــــــــه قمرها انتي...
 
عودة
أعلى