¨°•√ ♥ زهــــرة الــــرمان ♥√•°¨

[جلنار]

السلام عليكم ورحمة الله وبركاته ​

سـ أكون هُنا حين أشعر بي " بعثرة أحاسيس" لا أملك سوها ..!






:ah:

 

[جلنار]

رد: ¨°•√ ♥ زهــــرة الــــرمان ♥√•°¨

~ البطـاقــﮧ الشخصـ،ـيــﮧ :


● الإسـم : جلنار وسابقاً همسة جرح


● تاريـخ الميـلاد : 24\6\_198 م

● العمر : مالكم حاية :

● المستوى التعليمي: جامعية

● المهنه : موظفة ( مساعد إداري ) في مكان ما على ارض الوطن :^^:

● ترتيبـي في العائلة : 3 بعد ولدين

● حكمتـي في الحيـاة: الحياة حلوة بس نفهمها :122:

● لونـي المفضـ،ـل : حالياً التركواز

● الأكلــۃ المفضـ،ـلـﮧ : المحاشي بأنواعة

● علاقتي بالمطبخ : لا باس ، أيام المدرسة ياني حب جنوني للمطبخ لين حسيت عمري تشبعت حالياً ما ادخل إلا بالمزاج ، وأكثر شي اسوية بشكل روتيني خبز رقاق

● هواياتي : احب القراية وسماع الشعر والاناشيد ، واحب الاشياء إللي تتعلق بالنت والكمبيوتر إلا البرمجة :hm00mm:

● روتيني اليومي : دوام ، رقاد ، اتسلى ويا عيال اخوي ، النت

● صفاتي : خجولة ، طيبوبه ، هاديه ، اقول للمشاكل ابعد عن الشر وغنيلوو ، احب السوالف و الضحك والمقالب io: ، ووقت الجد جديه <<< ومداح نفسة يباله رفسه خخخ

● علاقتي بالبرزة : كان تسجيلي بسنه 2003 لكن نشاطي الفعلي ابتدا من شهر 9 سنه 2006 ، كنت عضوة مشاغبه جداً خيخي وأغلب وقتي مطيحة في الاستراحة ، تضاربت ويا عدد كبير من الاعضاء io: الله يذكرهم بالخير وبصراحة كانت أيام حلوة ليتها ترد :cm:
حالياً احس عمري مالي حس يعني وجودي وعدمي واحد :ha:
تعرفت على بنات والنعم الساع فيهن ، خوات عزيزات و حبيبات ألبي :012:


هذا ما بجعبتي حالياً ولي عوده ،،، سلامي للجميع :ah:

 

[جلنار]

رد: ¨°•√ ♥ زهــــرة الــــرمان ♥√•°¨

السلام عليكم ورحمة الله وبركاته



حياكم الله جميع :wrd:

اقربوا ما يستوي تدخلون مدونتي وما اضيفكم خيخي

الجود بالموجود


اشربوا زعتر زين للي فيهم زجام وحلوو بالبسكوت io:

في البدايه شكر خاص لكل إللي قيموني :sheer:

واليوم بتكلم عن اسمي ( جلنار )
بعد ما غيرت اسمي من همسة جرح إلى جلنار وايد اعضاء سألوني شو يعني هالاسم ، وبختصار هو يعني زهرة الرمان
ولهالسبب اخترت المعنى يكون اسم لمدونتي :a040:

جلـــــــــــــــنار يا اجمل ما خلق الله من زهور ويا اعذب ما تعطر به رائحتك الزكيه

زهرة الرمان

اشتد اعجاب الفرس بها فاطلقوا عليها اسم جلــــــــــــنار لروعتها وجمالها

فاصل اسم جلـــــــــــــنار فارسي

ويقصد به زهرة الرمان

كثيراُ من الشعار وكتاب الخواطر

يتغزلون بشفاه النساء ويصفونها بجمال زهرة الرمان

هي زهره لها بريق اخاذ تجذب من يراها عن بعد

تلفت الانظار تحاكي الخيال

تقطر عسلا مذاقه رائع لا يمل من شربه

وبالفعل هي زهره اشبه بالانثى

في رقتها وجمالها وعذوبتها واحساسها

فانا لا انكر باني من اشد المعجبين بكِ جلــــــــــنار يا زهرة الرمان

فوددت ان اقبلك او ان اصحوا وانتي بجواري

فقط لأقول لكِ صباحكِ ورد يا احلى ورده

فانتِ للمكان نور وللهواء عبير

وللعليل شفاء وفي القلب لكِ مكان

اي زهره انتي واي جمال تمتلكين

يالجمالك ورقتك وعذوبتك

ليتكِ انسانه ..........

زهره تذبل ليتكون من ذبولها

ثمرة الرمان

تلك الثمره الحلوه بطعمها والحمراء بلونها

والجميله بمنظرها

و تنتمي هذه الثمره إلى العائلة الرمانية، وهي عبارة عن شجيرة متساقطة جذعها غير منتظم، والأوراق قليلة ملساء بيضية متقابلة متصالبة، وتبدأ أشجار

الرمان فى الإزهار فى السنة الثالثة من عمرها، وتجود بأقصى ثمارها فى السنة السادسة ،

قشر الرمان يحتوي على نسبة عالية من التانين ، وتحتوى البذور على سائل قلوي طيار يعرف بالبليزين.

الموطن الأصلي بلاد فارس، وقد عرف فى مصر قديماً ونقله المسلمون إلى أوروبا عن طريق الأندلس.

وتشمل البذور والقشرة الخارجية. مادة البليزين الموجودة فى بذور الرمان تستخدم كطارد للديدان الشريطية.

وإذا شرب عصيره مع الماء والسكر أو مع العسل والماء كان مسهلاً خفيفاً، وهو منظف لمجارى التنفس والصدر ومطهر للدم.

يشفى من عسر الهضم، وأكله مع المواد الدسمة يساعد على هضمها

قشور ثمار الرمان الطازج أو المجفف وعسل النحل النقي ,

وقد ذكر الرمان في القرآن الكريم

كما ذكر في بعض الأحاديث . وقد وجد أن استخدام مسحوق قشر الثمرة إذا مزجت مع العسل النقي يعطي نتائج ايجابية ضد قرحة المعدة

ويجب ملاحظة عدم استخدام مسحوق الثمار لوحده بل يجب مزجه مع العسل النقي وقد جربت هذه الوصفة على عدد كبير

من المرضى وأعطت نتائج جيدة





وبسسسس وايد مدحت اسمي (=

بإنتظار آرائكم وتعليقاتكم سواء بالتقييم أو الرسائل الخاصة

ويا مرحبا بكم

 

[جلنار]

رد: ¨°•√ ♥ زهــــرة الــــرمان ♥√•°¨

السلام عليكم ورحمة الله وبركاته



اللهم لك الحمد حمدا كثيرا طيبا مباركا فيه على نعمك الكثيرة علينا




شكراً لكل إللي قيموني :ah:


I did it :gooddw:


اليوم بالنسه لي مميز ، لأني الحمدلله خذت الليسن ومن أول تراي :a040:



بداية القصة

أنا وبنت عمي مقدمات على تراي بنفس اليوم ، وكنا طالعات رباعة من وقت عشان نخلص بدري ونرجع للدوام :212:

ونحن يالسات نتريا لين يتجمعن البنات ويعطونا ارقام ، صار موقف ضحكني خخخ

دخلت وحده باكستانية في غرفة الانتظار ، أنا يوم شفتها قلت شكلها مب غريب علي لأنها دوم تمر علي في الدوام جان اكشخ لها ببإبتسامة :eh_s(6):
وهي ما صدقت على الله يتني وسلمت علي ، والقنبله انها رمستني باكستاني على بالها اني من قومهم خخخ
قلت لها سوري ما فهمت لج ، لكني أنا اشتغل في المكان الفلاني واكيد تتذكريني اعتذرت لي وقالت هي صح
وصديت يميني وشفت بنت عمي تختض من الضحك ، حسبي الله على ابليسها تتشمت فيني :a050:


وبعد ما خذنا ارقام وركبنا الباص ويا دوري


سرت افتح باب السيارة ، قالي الشرطي دقيقة لو سمحتي :a050:
رجعت ووقفت مع بنت عمي لأنها كانت نازلة من السيارة يعني هي كانت قبلي ،المهم عقب زقرني ركبت وضبطت اموري
فتح الدريشة ويرمس بنت عمي ، تم يقولها مره ثانيه دخولج للدواوير لازم يكون اسرع وانتباهج وماعرف شو ، وأنا

كله ولا بنت عمي ، عقب قالها مبروك ناجحة :a040:

واحممممم يا دوري

كانت السيارة موقفة في موقف تاكسي جان يقولي سيري سيده وإذا بي وبكل حماس اشخطها سيده وكان مجابلنا دوار
وطلب مني اني اروح يسار الدوار شفت المرايه وعطيت اشارة ابا امسك المسار اليسار
قالي وين وين ؟!!! ما تشوفين سيارة !!! جان يسحب السكان يمين وقالي خلاص تعالي يمين :212:
قلت له السيارة بعيد!!

قال ما عليه هالمرة بطوفها ،، ويح قلبك يا جلنار

<<< في النهاية عرفت انه هدفه يربكني
ويمين ويسار ومطبات ودواوير وتعليقات لين قال وقفي
نزلت وأنا حاطة ايدي على قلبي لا اعلم ما هو مصيري
بعدين عطتني الشرطية الورقة وقالت لي مبروك :a040:

والحمدلله افتكيت :ax:


النهاية


عاد الحين أبا رايكم في السيارة ؟! عشان اخذها بعد فترة حرام تخترب وأنا بعدني في بداية مشواري السواقي خيخي

أنا حاطة في بالي هالانفنتي

شو رايكم فيها ؟ وشو مقترحاتكم لي ؟!



عسى الله يعطيني خيرة ويكفيني شره ،، ودمتم سالمين :==:

 

[جلنار]

رد: ¨°•√ ♥ زهــــرة الــــرمان ♥√•°¨

السلام عليكم ورحمة الله وبركاته


http://www.youtube.com/watch?v=i8QWSRGmmRU

طرق " رمضان " الباب وقبل دخولة
أعتذر لمن أخطأت في حقة

ولكم
صحن ثريد
وسلة جبن سويسرية
وحلاوة بلجيكية
وصينية مندي يمنيه
وطاسة حلوى عمانية
وسمبوسة بحرينية
وأكبر سلام وتحية
لا تنسون ترجعون الصحون مالاتنا عليهن علامة :^^:


مبروك عليكم الشهر وعسى الله يعينا على قيامة وصيامه ويكتبنا من العتقاء من النار يارب


خلق الله في رمضان تخف الأكل ، وأنا اشوفني من البارحة ما مخليه شي ما آكل جني يايه من مجاعة خخخ <<< اخزن اخزن

ويح قلبي :00eek:

أنا ليش أطري الأكل !!!
أختي يايبه صحن فواكة تباني آكل وياها خخخ
اقربوا اقربوا

من الاستعدادات إللي قمت بها لرمضان قلت بكتب قائمة بالاكل عسب يسهل اختيار الاطباق إللي نباها يومياً
فزقرت خواتي وقلت لهن قولن الاكل إللي تعرفنه ، كنت بصفع الأرمية :1577_1186768770: خخخ
لأنها كانت تستهبل وتعطيني اسماء أكلات اضني من بلاد الواق واق
فطردتها من البيت خير طرده هع

هاي القائمة للأكلات إللي حضرتني والمتعارف عليها ، أما التخبيص والتجارب الله يخلي النت لها

وإللي عنده اضافات يخبرني وبكون شاكرة له





دمتم على الطاعة :ax:

 

[جلنار]

رد: ¨°•√ ♥ زهــــرة الــــرمان ♥√•°¨

السلام عليكم ورحمة الله وبركاته


يا مرحبا جميع :wrd:

كل الشكر للمتابعين لمدونتي وإللي قيموني وتواصلوا معاي


كيف رمضان وياكم ؟ إن شاء الله مستانسين بالاجواء الرمضانية الحلوة (=


من أسبوع أنا مفتكة من المعابل بحجة الدوام :^^:

لكن أمس زخوني إللي في البيت وقالوا لي اليوم كله عليج :00eek:

ويييييح قلبج يا جلنار :cry:


عاد تعالي وسيري المطبخ ، أهم وجبه الثريد ولازم حد يخبز فخبزت

بعدين احترت شو اسوي فبديت بالاختراعات خيخي

سويت كنافة بالكاستر طلعت إنما اييييه :122:

وسويت لقيمات كنت يايبه طرقيتها من ربيعتي وعيبتني لأنها طلعت هشة :yaw:

بسهم من الحلو :


عقب سويت سندويجات فاصوليا

وخمير بالسمسم والحبه السودا + زعتر

وباقي الاشياء الله يخلي الوالده والبشكارات ، والويل للبقية أمثال الارمية إللي يت تاكل بس :1577_1186768770:




ياللا قربوا وهبشوا شو تتريون!! :

 

[جلنار]

رد: ¨°•√ ♥ زهــــرة الــــرمان ♥√•°¨

السلام عليكم ورحمة الله وبركاته



كـــــــل عــــــام وأنتــــو بخير (=
وتقبل الله صيامكم وقيامكم
وعسى الله يعوده علينا


http://www.youtube.com/watch?v=osWCxwWKnT4



هذي الغنيه ما كنا نحس بالعيد إلا بها ، ونتم نناقز جنا سبلان خيخي :a040::a040:


اليوم أول حد سلمت عليه خربوط ولد خوي ، ياني الحجرة كاشخ بعقال

تخبلت عليه كان شكله كيوت ، عاد هو موته حد يمدحه io:
تم لي شوفي وشوفي

اهنيه كان يراويني النعال

قلت له ايلس لين اخلص <<< شغل الحريم ما يخلص io:

المهم تم يلعب ويناقز ، وفجرني من الضحك يوم شاف عمرة في المراية :h015:

قال : أنا جدييه!!

يحليه مكشخينه ولا خلوة يشوف عمرة عسب جي انصدم

تم يقول مابا جدييه خخخخ
يحليله يبا يتعصم ما يبا عقال ، اقنعته انه حلو وسار عني


خلاهن ساعة وعقب فرهن

وقبل شوي اشوفة يربع بوزار وفانيلة :h015:
يعلني هب بلاك يا بوجسيم


هذا حصاد اليوم لهذه الساعة

 

[جلنار]

رد: ¨°•√ ♥ زهــــرة الــــرمان ♥√•°¨

السلام عليكم ورحمة الله وبركاته


حيا الله اخواني وخواتي (=



يارب تهديني قبل لحظة الــــــــــــــفوت ** وتغفر ذنوبي ياكريم العطــــــــايا

http://www.alshohooh-upload.com/up/uploads/files/albarzah-061ebc4c95.rar




اليوم أكتشفت انه خواتي ساحرات خخخخ

أيام العيد طلعت أنا وياهن فليل في الحوي
ووحده منهن كانت ماسكة دبوس ، وطاح عنها

فمن باب التحدي قلت لهن إللي بتحصلة لها مني 10 <<< ادري بهن بيفقرني io:

قالت وحده يااااااا الله !! لو كيمرة بدور ، قلت لها دوري عيل :h015:

تميت اطالعهن وأضحك عليهن
اقولهن هكوه شي يلمع ويربعن ههههههههههه شكلهن تحف

جان تصرخ اختي الصغيرة حصلته :h_9admah:

ماشاء الله عليج مب عيون وظلام بعد تفووو عليها ماشاء الله

ومن 3 أسابيع تقريباً محمد ولد أخوي مضيع سويج سيارة ابوه
الولد مدمن سويجات مستوي حرس على الباب أي حد يدخل يقولة ابا السويج :msgplusimg1434pm9:

المهم طول هالفترة ولا لقينا السويج!!

فأخوي امس مطرش مسجات لنا كلنا (( إللي بيحصل السويج له 1000 درهم )) :h015:

الجايزة مغرية :^^:

كل إللي في البيت توزعو يدورون

فأول شي يخطر في بال حد انه ممكن يكون من بين ألعابه

ما رمت اصور زين خواتي داخل مسويات حرب هههههههههه


ما خلو كرسي ولا طاولة ولا ثلاجة :h015:

أنا أكرة شي عندي اني ادور شي احسني اصدع على طول !!! فأول ما سرت ادور دورت ورا ثلاجة الماي ولاعت جدي وانتوا بكرامة ، حصلت طيطار ميت :Faces:

من شفته طابت نفسي قلت لهم ما بدور ما تسوى علي هالجايزة :mf_tongue


وللأسف على كل هالجهود محد حصلة

وقبل شوي اختي متصلة تقولي حصلته!!!

كيف ؟ وأين ؟ ولماذا ؟ خخخخخخ

حصلته في صالة أخوي الصغير إللي محد فكر انه يدور فيها !!


إللي يضيع شي يخبرني بطرش له خواتي :h_shey6an

 

[جلنار]

رد: ¨°•√ ♥ زهــــرة الــــرمان ♥√•°¨

http://www.youtube.com/watch?v=Z-mijSwn88g&feature=related

صبر صبر خلوني احط مؤثرات وارن زين

:cry::cry::cry:




انت الذي على الجرح تنحط مرهم ... انت الذي ما شفت في طيبه مثيل

و الحين يا كل الغلا ليت تفهم ... الشوق فيني قد وصل نجمة سهيل






الله يحفظك يا بوجسيم وتسير وترد باش مهندس أد الدنيا :h_eheehe:


له وحشة يحليله

منو بيتشرط وبيطلب علي :je_suis_d

منو بيشل من تلفوني رصيد :h_shey6an

منو إللي بيلس اترشاه عشان يسويلي شي ويذلني عليه :m_embar6e

منو بيتصل فيني يدور أكل :h_waa:


ومنو ومنو :012:



أحلى شي قبل ما يروح فر علينا نصوص خخخ

وهذا نصي

عسى الله ييسر امرك ويوفقك ويحفظك في كل طريج وفريج

 

[جلنار]

رد: ¨°•√ ♥ زهــــرة الــــرمان ♥√•°¨

استغفر الله استغفر الله استغفر الله


اليوم من الصبح احسني مشعوطة :ha:

حسبي الله على ابليسك من زلمه رفعت لي ضغطي >_<

اقوله تييييس ويقولي حلبوه :dontwanna



طفر بي
خبل بي
طلع لي قرووووون

:h_em3a9ba:h_em3a9ba:h_em3a9ba


لا مدير مدير يا فلان
على كيفه يصلب ويعلب


طنشناه حشرنا
سوينا إللي يباه يتشرط

اشتكينا عليه ولا جنه شي استوى :cm:



بس أبا اطلع حرتي :g_haa:



أنا وراك وراك والزمن طويل يا الزلمة يا ابن عبد الكريم :h035:


I will tell our Commander if he did it Again
:h_shey6an