دفتر محــرز للتدوين..

[محرز بن حريز]

السلام عليكم

اليوم فضيت وقلت افتح مدونه بطلب شخص عزيز وغالي :wrd:

محرز بن حريز هذا اسمي في البرزة وانا موديل الثمانينات

المهنة: موظف محترم خخ

الحالة الاجتماعية: أرمل خخ يعني بعدي ع الزواج واهواله

الشهادات: بكالريوس إدارة اعمال وإقتصاد وناوي ع الماستر إن شاء الله وعقب الدكتوراه وانا من خريجي 2006 ونفس السنة توظفت والحمدلله.

وانا شاركت في البرزة تاريخ 29 – 4 – 2007 وعندي نك نيم غير منذ عام 2003 بس نسيته لاني ماكنت اشارك وايد لاني مشغول بالدراسة والحمدلله كيف نجحت ماعرف واذكر يوم قالو لي ناجح ذبحت ثور عند باب الجامعة. :yola:

هذا بأختصار حياة محرز

وبالتفصيل في موضوع اخر ان شاء الله


وياحيكم

محرز بن جريز

 

[محرز بن حريز]

رد: دفتر محــرز للتدوين..

عدنا,,,,

من يومين ماعرف شو صاير لي اسمع الرمسة بالمقلوب هذا من تأثير الصيام ولا الرقاد ماعرف بالضبط.. لاني ارقد الصبح وانش العصر
اللهم تقبل منا صيامنا واعفوا عنا ع القصور
توه ولد خالي اتصل فيني وقالي محرز كيف نحمل ملف من موقع رابيد شير؟؟ قلت له شووو راتب هالشهر؟؟ والله ماعرف اذا ينزل قبل العيد ولا لأ
رجع وقال رابيد شير رابيد شير قلت والله للحين ماشي راتب لهالشهر (( وأنا اقول شو سالفته لا يكون يبا سلف خخخ))
اخر شئ قالي الصمخ اقولك رابيد شير وأنت تقول راتب هالشهر خخخخخ
ماشاء الله علي انا احسن واحد يستخدم الكمبيوتر في الفريج بكبره كلهم يستعينون بيي اذا احتجوا شئ..

وياحيكم

محرز

 

[محرز بن حريز]

رد: دفتر محــرز للتدوين..

الله يسلمكم امس تفشلت زاروني الربع في البيت وما كان عندي شئ عشان ياكلونه..

عيل حد يزور حد الساعة 12 ونص في الليل؟؟؟؟؟؟؟؟؟؟؟؟؟؟؟؟؟؟؟؟؟
الساعة 12!!!!!!!

انا تفاجئت بهالزيارة؟؟
اتصلو فيني والله احنا برا افتح الميلس.. حشا

طلعت لهم قربو قربو بس مانتخاشم عشان مرض جنون الخنازير

المهم يلسنا نسولف وصراحة متفشل لان الأكل خلاص فريناه في الزبالة واحين يالسين نسوي اكل عشان السحور
وانا لو خبروني قبله بساعتين انهم يزوروني بذبح لهم بس الله يهديهم

المهم حاولت فيهم انهم ييلسون يتسحرون معنا وماقدرت وطلعوا الساعة 2 ونص..

قلت خلني اكتب موضوع قبل لاهم يسبقوني ويفشلوني خخخخ

محرز

 

[محرز بن حريز]

رد: دفتر محــرز للتدوين..

محرز + رمضان + دوام= غلط في غلط

دوامت اسبوعين في رمضان وجنه سنه
ما استحملت ماقدرت حسيت بالأختناق في المكتب..

واخر مرة داومت فيه 13 رمضان وجني ماداومت
وصلت الدوام متأخر كالعادة الساعة عشر رحت للمدير وحبيته فوق الراس خخ والله المدير طيب وفاهم علي دشيت مكتب وكان ماشي شغل لان يلست ع الكرسي السعة 10 وثلث وماحسيت بعمري إلا ساعة 1 ونص كنت رااااااااااااااقد ع الكرسي المهم نشيت وغسلت ويهي ودخلت ع المدير وطلبت استمارة طلب إجازة لين بعد العيد.. والحمدلله افتكيت من الدوام..
هذا من مواقف محرز في الدوام

محرز

 

[محرز بن حريز]

رد: دفتر محــرز للتدوين..

2 (الأعضاء 1 والزوار 1)

انا مستغرب؟؟؟!!!

اموووووت واعرف

كيف هالزائر يدش المدونات مع انه لا يسمح للدخول في المدونه إلا الأعضاء المسجلين فقط؟؟؟


محرز

 

[محرز بن حريز]

رد: دفتر محــرز للتدوين..

مشكورين الي دخلو مدونتي وقيموني

وإييييييييههههههههااااااااااااااااااااااااااااااء ذكرتوني بالتقييمات لما انا كنت زعيم التقييمات وهذا الدليل القاطع..

محرز

 

[محرز بن حريز]

رد: دفتر محــرز للتدوين..

اليوم الساعة ثلاث فجرا

حالة طوارئ في البيت

وانا يالس اتصفح البرزة ولا اسمع صوت شلالات ووديان يتصبب في الحوي

شو السالفة؟؟ وات هبن؟؟

احيد ماشي غيوم في السما عشان نقول امطار؟؟

طلعت برع ولا الماي يتصبب من فوق البيت طلعت فوق السطوح ولا اشوف التانكي يسرب
فزعت لمفتاح التانكي عشان اغلقه ولا اتكسر في ايدي وزاد الطين بله..!!
فتحت التانكي عشان امسك الكرة الي داخل التانكي ولا انكسر في إيدي .. شو السالفة انا قوي ولا ها كله سامان ديسي تقليييد!!!

صحت ع اخوي الصغير قلته تعال اتصرف انا مافيني شده اخاف اكسر التانكي بكبره

واحين الحمدلله ما اسمع اي صوت شلالات ولا وديان

وياحيكم

محرز لتصليح التوانكي خخ

 

[محرز بن حريز]

رد: دفتر محــرز للتدوين..

ليوم تاريخ

09 - 09 -2009
الساعة 09 :09:09

افتتحنا مترو دبي بنجاح والحمدلله...

ولفينا دبي كلها لين مادار راسي وحسيت بدوخة..

ونتمنى لإمارة دبي المزيد من التقدم ونرفع اسمى ايات التهاني والتبريكات لصاحب السمو الشيخ محمد بن راشد أل مكتوب بمناسبة إفتتاح مترو دبي..

محرز

 

[محرز بن حريز]

رد: دفتر محــرز للتدوين..

السام عليكم

شحالكم زوار مدونتي؟

امس العصر قبل الفطور قاعد اتمشى في سيارتي في السوق لان قبل الفطور ماعرف ايلس في البيت لازم امشي الوقت
وعقب رحت البنك سحبت فلوس تصدقت عليه ع الفقراء والمساكين خخ

وعقب كملت تمشيتي
وانا اتمشى في السوق والا شفت شئ قلت لازم اشتريه لغرفتي ها بينفعني

تدرون شو؟؟

شوفوا الصورة

مخمة كهربائية
قلت اشتريه عشان الفوضى الي داخل غرفتي..

شوفوا الفوضى يابنات منو يتبرع وأيي يعدل ويرتب غرفتي؟؟؟

بترككم مع صور غرفتي

خلاص فل ماشي مكان حتى قوطي بيبسي متعايز افره في الزبالة

زاوية اخرى..!!!

كيف ارقد هناك؟؟؟؟؟؟؟؟ بروحي مستغرب!!!!!!

هذا المكان يوم اخذ راحتي وادش البرزة منسدح ع بطني
احب ارقد وثيابي حوالية خخخ

للبيع من يبا يشتري معاليق مال ثياب؟؟ خخ

نفسي ادش غرفتي واشوف بيبان كبتي مغلق...

هذا اهم شئ القرأن ابوي يوم يدش غرفتي يعصب من الفوضى بس يوم يشوف القران يهدي ويقول هذا ولدي محرز ويفتخر فيني
ماشاء الله علي ختمته خمس مرات وقريب 6 في هالشهر..

المهم اكتشفت ان المكنسة الكهربائية ماتنفع لغرفتي يا إني أييب شيول او اتزوج واييب هالحرمه السنعة الي ترتب غرفتي..

ويااااااحيكم

محرز

 

[محرز بن حريز]

رد: دفتر محــرز للتدوين..

حان وقت النوم

اليوم تعبان لان امس مارقدت زين

تدرون ليش؟؟

لأني حاس انه النت بيقطعوه عني هالفترة لاني مادافع الفواتير من شهرين تقريا

وامس تميت سهران لين الساعة 10 الصبح وعقب رحت ودفعت وقالي الموظف هناك كان بيقطعوه عني اليوم..
الحمدلله يوم دفعته ولا بيحرموني منكم يا اعضاء البرزة خخخخ
وواصلت لين الظهر وعقب رقد وكم العصر..
يعني محتاجر قاد ضروري

احين برقد ليييييييييييين قبل المغرب بنص ساعة..

وإلى هنا نلقاكم في موعد اخر مع يومياتي وياحيكم

محرز