هل من حق الزوج أن يشارك الزوجة في راتبها

[عاشقة التراث]

مشاركة: هل من حق الزوج أن يشارك الزوجة في راتبها

اشكرك اخوي مستر كينغ على الراي اللي قلته
والاسلوب الراقي بالرد

اختك
عاشقة التراث​

 

[رفيع الشان]

مشاركة: هل من حق الزوج أن يشارك الزوجة في راتبها

اهااا
اختي عاشقة التراث

كيف ايد الحرمه مب عوره

انزين وصوتها مب عوره بعد


ما باقي الا تقول لو كشفت على شعرها مب عوره

ولووو

وانا ما احكم وما االف كلام من عندي


انا قلت رايي من خلال دراستي وفهمي للحياه
ومن خلال كلام الله ورسوله ما بقول اني عارف كل شي بس بديت رايي

بس باالااخير ارد واقولج ان الحياة تغيرت الحين وها الشي سلبي طبعا وكل واحد يعرف نفسه اختي وانا قلت مدرسه لانها اهون شوي من باقي الشغلات الي تختلط فيها 24 ساعه بالرجال وتعامل الرجال 24 ساعه

وعن كلامج يوم قلتي المدرسات يختلطوا مدير المنطقه ليش بكل مدرسه مدير منطقه شو

صدق ما شي شغله

بكل اماراة مدير منطقه واحد وها المدير ما عنده شغله مطيح بمدرسه وحده من 200 مدرسه كل يوم

صدق ما شي شغله



تراني قلت لج


تراني اعلمها الرمسه وما اتعلمها





اخوي سكوتلندا تسلمي فديتك على الرد الطيب والمقنع وكفيت ووفيت كلامك مسكت وما عليك زود الغالي



تحياتي
الشيخ

 

[أدركت القـ م ـر]

مشاركة: هل من حق الزوج أن يشارك الزوجة في راتبها

ما قلنا شي اختي اواااشي

في اختلاط بس مب مثل ذاك الاختلاط الي بالشركات او المؤسسات الحكوميه او اي مكان ثاني

المدرسه اهون شوي يعني

بس باقي الوضايف كله شباب وها الشي ما اقدر اقول انه ما يجوز لان الحين كل شي تغير بس المفروض يحاسبوا على ها الشي لان الحين يبوا ينظموا الاختلاط بكل مكان وها الشي ما يسبب الا الخراب والفسق

نحن مسلمين ولازم نمشي على يرضي الله ورسوله

ويلا حيهم

صحيح كلامك .. وهذا الشي صراحه محـــــــــــــــزن بدرجة كبيره :mf_depres




الله يستر بس .. والحمدلله يوم انه في بلادنا ناس عقليتهم مثل عقليتك ،، نقدر نقول ان الدنيا بعدها بخير

 

[عاشقة التراث]

مشاركة: هل من حق الزوج أن يشارك الزوجة في راتبها

اشكرك اخوي اسكوتلند
وعندي تعليق بسيط شويه
كيف اتكون طبيبه او مدرسه فقط
ليش المستشفيات ما فيها ريايل

ممكن اتوضح اكثر


اختك
عاشقة التراث​

 

[رفيع الشان]

مشاركة: هل من حق الزوج أن يشارك الزوجة في راتبها

تسلمي اختي اواشي على اسلوبج بالرد

وها الشي طبعا من طيب اصلج وتربيتج والنعم فيج

واختي عشوقه

تسلمي على الرد وعلى ارائج واسلوبج الحلو بالنقاش

 

[عاشقة التراث]

مشاركة: هل من حق الزوج أن يشارك الزوجة في راتبها

ادري اخوي رفيع الشان ان الحياه اتغيرت موب شرات قبل

بس بالنسبه لمدير المنطقه انا ما اقصد انه اربع وعشرين ساعه مطيح بالمدارس
اقصد انه موب ريال ما يزور المدارس بين فتره وفتره
ما يشوفو المدرسين ما يسالهم شو ناقصنكم شو تبون شو اليديد
هذا الليي اقصده
انا موب معارضه كلامك اخوي رفيع
بس اقولك عن الواقع اللي عشته انا خلال تدريبي بالمدارس

ابسط مثال عن الشيخ نهيان بن زايد ما سمعت انه زاير مدارس عيمان
من دون ما يدري مدير المنطقه عجمان التعليميه وماخذ الصحفيين وياها وفقارهما يدرون وين سايرين
يوم وصل مدارس عيمان قام وعلق على كل مدرسه
ودخل صف صف ومكتب مكتب........الخ

كيف ايد الحرمه مب عوره
انزين وصوتها مب عوره بعد
ما باقي الا تقول لو كشفت على شعرها مب عوره

انا ماقلت موب عوره
بالاختصار الوحده اللي حاشمه عمرها محد يقدر يقولها شي
لو يالسه ما بين مليون ريال


اختك
عاشقة التراث​

 

[ظمـــــــاي إنت]

مشاركة: هل من حق الزوج أن يشارك الزوجة في راتبها

1. هل يجب على المرأة ان تشارك زوجها في راتبها؟

الصراحه هاي حريــــة شخصيـــه للمراه محد يروم يغصبها

على شىء ولو ريلهـــــا ...تبي تعطيه عادي يعني ما فيهـــا شىء ...

2. هل يجب على الزوج ان يفرض على زوجته ان تشاركه راتبها؟

لا والف لاااااااااااا .... محد يروم يغصبهااا تعبهــــا

وعلى كيفها تتصرف فيــــه ..

3. وان كانت تشاركه فيه فما هي النسبة المئؤية مثلا من المال الذي يجب ان تعطيه اياه؟

الصراحه لو كانت متفاهمه ويا ريلهــــا بتعطيه اللي الله كاتبنه له ...

4. وهل يجب عليها أن تعطيه من راتبها كل شهر حتى ولو لم يكن محتاجا اليه ولم يطلب منها
شيئا بغرض مساعدته في أعباء المنزل؟


والله الصراحه حلوو هالشىء انها تعطيه مبلغ معيــــن اتساعده فيه كل شهررر

بس يكووون من طيب خاطر المــــراه ....


واخواني اجوووفكم ظهرتوا عن الموضوووع الاصلي ....

واتطرقتـــوا للاختــــلاط ... هذاك موضووع بروحــــه ...

المثل يقــــولك " بنت العــــرب لو بين مليـــــــون "....

والسموووحه منــــــكم

اشكرج عاشقه ع الطرح الرائع والردووود الممــــيزه ...

اختـــــــج ... ظمــــاي ...

...

 

[رفيع الشان]

مشاركة: هل من حق الزوج أن يشارك الزوجة في راتبها

وياج بها الكلام يوم قلتي بان ايد الحرمه لو كانت محترمه تخسي حد يقولها شي حتى لو كانت يالسه عند مليون ريال بس يبقا عوره لو درستي بتعرفي ها الشي

انزين
وبعدين

انتي الي قلتي ان المدرسه حالها من حال كل الموضفات وانا رديت عليج وقلت لج ان المدرسه اهون شوي

تعرفي ليش


لان مثل ما قلتي ان هناك شي ادارين يقوموا بزيارة المدارس كل فتره وفتره صح ولا لا بس يوم يزورا المدارس كم مدرسه بتكون موجوده تقريبا ما لا يقل عن 30 مدرسه ومسؤول او مدير واحد شو بسوي ها المدير بهذيلا المدرسات مستحيل يتهفس او يفضح عمره ويرمس بنيه ها الشي بخرب سمعته

بس بالشركات او المؤسسات الحكوميه بالعكس تقريبا تحصلي 20 موظف او 20 موظفه يعني اختلاط بمعنى الكلمه ويكون بينهم كلام ومعاملات واوراق وتلفون ييب هذا ونسيت هذا وباقي هذا ووقع هذا

ها الفرق
بس المدرسه غير
فهمتي قصدي الحين

عسبى جيه قلت المدرسه اهون شوي من باقي الشغلات


والسموحه على الاطاله

وحياكم الله

 

[Scotland]

مشاركة: هل من حق الزوج أن يشارك الزوجة في راتبها

اشكرك اخوي اسكوتلند
وعندي تعليق بسيط شويه
كيف اتكون طبيبه او مدرسه فقط
ليش المستشفيات ما فيها ريايل

ممكن اتوضح اكثر


اختك
عاشقة التراث​

السلام عليكم ورحمه الله وبركاته

مشكوره اختي عاشقه التراث

بالاصل انا رافض فكره عمل المراه بالاساس دام ان ريلها موفر لها كل شي وحنا بالامارات يعني شو ما كان الراتب ولا الظروف يعني بنمشي وبنعيش حياه سعيده

بس السبب الي يخليني موافق على عمل المراه في هاذين المجاليين
اقصد المدرسه ولا الطبيبه

الاول المدرسه : انا مستحيل اخلي بنتي ولا حد من اهلي تسير المدرسه والي يدرسها ريال عشان جيه لازم اتكون اهناك مدرسات ومواطنات عشان هذا هالسبب

الثاني الطبيبه : نفس السبب مستحيل الواحد يخلي حد من اهله يكشف عليهم دكتور ولا طبيب اقصد ريال يعني .... يعني وجود الطبيبه شي لابد منه


عرفتي قصدي الحين اختي

ولسموحه منكم

 

[عاشقة التراث]

مشاركة: هل من حق الزوج أن يشارك الزوجة في راتبها

على العموم اشكرك اخوي اسكوتلند
واخوي رفيع الشان على طرح ونقاش ارائكم الطيبه

ومنكم نستفيد

اشكر تعقيبج على الكلام اختي اواشي والاخت ظماي انت

اختكم
عاشقة التراث​