{..ديوان\الشيخـ هزاع بن سلطان ..!

[جرحي جديم..!]

رد: {..ديوان\الشيخـ هزاع بن سلطان ..!

{.. أمانهـ..!



لاتعاند عنادك فـي عنـادك عنـادي
عطني قلبك يا قلبي حط قلبـي مكانـه
حس نبضه بيوفك واسمعه لك ينـادي
إحفظه ياحبيبي وسط صـدرك امانـه
الأمانـه أمانـه والأمانـه فــؤادي
به اتهنى يا عمري وارتوي من حنانه
انت يا اللي هويتك حلم واقع مـرادي
صافي الود وافي ما تعـرف الخيانـه
قبل احبك واشوفك كل شي كان عادي
كل شي بعيني كنت مرخـص بشأنـه
بك عرفت المحبه وصار قلبك بـلادي
ومن سكن في خفوقك به يلاقي كيانـه
قلت بخفي المحبه قلت بلجم جـوادي
و أثره الحب جامح من يروّض حصانه
من يظن المحبه جوهـا جـو هـادي
أشهد إنه يماري فـي زمانـه زمانـه

 

[جرحي جديم..!]

رد: {..ديوان\الشيخـ هزاع بن سلطان ..!

{.. من الغلا ..!

من الغلا لك زاد بي الشـوق
يختال شوقي وسط الاعمـاق
ما غض جفني حارب المـوق
متوقـد احساسـي و خفـاق
عاتبت قلب صوبـك يسـوق
شوق صدوق وجـد منسـاك
من الزعل و اللـوم مرفـوق
تشرة و انا اللي بالحيل مشتاق
فقت بجمال و منطـق و ذوق
بسمتك تشفي جرح و أعواق
ياظبي داري و انتـه اتفـوق
حلو الظباء تلعـات الاعنـاق
كنـك لقلبـي انـت مخلـوق
وغيرك في عيني انت مالـك
ليتك تخلي الغيـرة و تـروق
اهدا أنا ما نوي على الفـراق

 

[جرحي جديم..!]

رد: {..ديوان\الشيخـ هزاع بن سلطان ..!

{.. خزنــــي ..!


خزني بو عيـن ميذوبـه
غرنجي الطـرف جذابـي
لو بقول اعجوبة اعجوبـة
فتنـةٍ ويثيـر اللعجـابـي
كم غيري كـم هـاذو بـه
بس أحبابي هـم أحبابـي
الدلع منهج مـن اسلوبـه
الهوا صفحه مـن اكتابـي
الحسن حسنة ومن صوبة
لـه يـذوق ودوم طلابـي
إن تكلـم ينطـق اعذوبـة
وان عتب يا حلو لعتابـي
فيه نفسي فيـه مشغوبـه
ماغاب عن عيني ولا غابي
صورته فالعين تسمو بـه
المدامـع وسـط لهدابـي
في حشايا الروح مسلوبـة
شدني شوقي واسرى بـي
للذي لـه عيـن ميذوبـه
غرنجي الطـرف جذابـي

 

[جرحي جديم..!]

رد: {..ديوان\الشيخـ هزاع بن سلطان ..!

{.. حبر الغرام ..!

لو كتبت المحبه جف حبـر الغـرام
واعلن التعبير ياسه وانحنى للقصيد
الخيال استعده بيـن عـد وهيـام
وانتقيها المعاني واترك الي زهيـد
ماغشى ليل وجدي في نهاري ظلام
أستنير الجوارح و المشاعر تزيـد
كم حرف غزيته لجل حلـو اللثـام
أكتبه لجل عينه واجبره لـو عنيـد
با هي الحسن خده مثل برق الغمام
كاسي الليل متنـه احـوري فريـد
منفرد في و صوفه مثل بدر التمـام
تعشق العين شوفه من قريب وبعيد
لي نظرت العيونه شفت لحظ الحسام
ولي نظرني بعينه شاف حبه يقيـد
ماغضى وسط قلبه غير حبي ونـام
ولا ملك عرش قلبي غير حبه أكيد

 

[جرحي جديم..!]

رد: {..ديوان\الشيخـ هزاع بن سلطان ..!

{.. مستحيل ..!

بعدت غابت عن عيونـي
طال صبري و طال فرقاها
من السهر تتعب جفونـي
دوم فكري فـي طرواهـا
القلب من الشوق ممحوني
ممتحن من لحظه جفاهـا
اهتويها في باطن شجوني
و اعالجه جرحي بذكراها
مهما عن حبها يعذلونـي
مستحيل القلـب ينساهـا
و الخلايق ما يعيضونـي
دام انـي حيـل اهواهـا
يا متى وعد القى يكونـي
منيتي في العمـر القاهـا
و يعل تمطر دارها مزوني
دارهـا و دار مربـاهـا

 

[جرحي جديم..!]

رد: {..ديوان\الشيخـ هزاع بن سلطان ..!

{. خافي الوجدان ..!

خافي الوجدان يخفق باسـم خلـي
روحي الولها من فراقـه حزينـه
حب صادق حب قلبي مب تسلـي
ظامي لحبـه و يروينـي حنينـه
كم تمنيتـه و ليتـه لـو حصلـي
من تلاقت في الهوى عيني و عينه
الجـوارح كلهـا بشوفـه تهلـي
تبري جروحي و أعواقي الدفينـه
غالي من دون أي صـد و تغلـي
و الغلا يزداد من طيبـه و زينـه
هو حياة الروح هو شمسي و ظلي
هو مناة اروح هو مطلـب ظنينـه
صورته ما بين ترحالـي و حلـي
و هاج بحر الشوق يسأل عنه وينه

 

[جرحي جديم..!]

رد: {..ديوان\الشيخـ هزاع بن سلطان ..!

{.. تزعل و اراظيكـ..!

تزعل وانا اللي منك زعلان
تقسى و تجرح قلبي مغليك
غالي معي لو كان اللي كان
متعود تزعـل واراضيـك
ان كنت ناوي الصد يافلان
الروح في بعـدك تناديـك
وان ييتني من الحب ظميان
بسقيك من حبي و برويـك
يالسولعي يا تاج الاعيـان
ربي جمال الحور معطيـك
حسن و جمال و قد فتـان
في هيبتك منهـو يجاريـك
سبحان من صورك سبحان
كل الحسن مملوك في إيديك
لو هو انخلق شرواك انسان
لا ما احتوى طيبة معانيـك
اعاتبـك والقلـب ولهـان
رغم العتب مقـدر اجافيـك
خلك معي والحب سلطـان
محد في هالدنيـا يماريـك

 

[جرحي جديم..!]

رد: {..ديوان\الشيخـ هزاع بن سلطان ..!

{.. قلبنآآ وااحد ..!

إذا ماقلت لك مشتاق نطق الاحسـاس واتكلـم
وحل الشوق في قلبي حبيبـي مـن توادعنـا
تنور دنيتي بقربك وفـي غيبتـك هـي تظلـم
وعيّا الوقت والاقدار اشـوف انهـا تباعدنـا
حبيبي لوبعيد اليـوم بحبـك ماعرفـت انـدم
وعيني ماتشوفك بس يكفـي الحـب يجمعنـا
ترى احلى حب حبك انـت يكبـر كـل يجـدم
أأكد لك ماعاد الحب محـال اي شـي يفرقنـا
احس فيك وتحس فيني وإذا ضقت انت انا اتألم
كأن قلبنا واحـد وهـو ينبـض مـن محبتنـا
ولو منك انـا زعـلان ارضـى يـوم تتبسـم
تشل الضيق مـن قلبـي ولا مـره تزاعلنـا
سكنت الروح ياروحي واثر الشـوق مايرحـم
عذابي لا بدا الفراق بعـد وصلـك يسامرنـا
خيالـك مايفارقنـي بعينـي كــل ماتحـلـم
تصحي عيني طيوفـك وجنـح الليـل ثالثنـا

 

[جرحي جديم..!]

رد: {..ديوان\الشيخـ هزاع بن سلطان ..!

{.. لا سلام ..!

لا سلام .. ولا وداع .. ولا عليـك
لا اتصال .. ولا هموم .. ولا سؤال
بخت قلبك حـظ جفنـك يهتويـك
يا اريش العينين برمـوش ظـلال
يا الغلا وينك ووين الشـوق فيـك
في حشى يوفي من الشوق اشتعال
روح روحي يـا مناتـي تفتديـك
ودي بقربك ولا تجفـي .. تعـال
يا عسى كل شر يا خلي ايخطيـك
ومن سعى بالشر من شـره ينـال
اعتدي كل مـن حبيبـي يعتديـك
وله شهرت السيف واعلنت النزال
وان سطع نجم العواذل مـا عليـك
إكل نجم له بـزوغ .. ولـه زوال
وش بقى في ذا الزمن ماله شريك
وفي سؤالي يا هوى بالي سـؤال؟

 

[جرحي جديم..!]

رد: {..ديوان\الشيخـ هزاع بن سلطان ..!

{.. غضت عيونكـ..!

غضت عيونك ولا غضت
عين من حبك وهاذا بـك
انت يلي روحـك اتهنـت
يا متى روحي تهنـا بـك
الجـوارح كلهـا حـنـت
ظاميه تبكي علـى بابـك
تخفي الأسرار مـا دلـت
هايمه نفسي وتشقـا بـك
ما عرفت وكيف لك اثبت
حبي اللي ما قوى عتابـك
شافتك عيني وثم سمّـت
لو شحيح الحظ ما يا بـك
ان تمنـت عينـي تمنـت
ما تمنت غير تحظـا بـك
لو تسلت عنك ما اتسلـت
وان غفت بالنوم تصحا بك
القوافـي بإسمـك تغنـت
ما يموت الشعر يحيا بـك
منك مـا ملـت ولا كلـت
دام تسكن صفحة كتابـك
لو سنيـن ايامنـا مـرت
لو يشيب الصبر بغيابـك
لو دمـوع أيامنـا هلـت
لا تبكـي عينـك أهدابـك
نار شوقي في الحشا شبت
ما انطفت والروح تدفا بك
ما تلبـي لغيـرك ولبـت
يا منادي قلبـي اسرابـك
لو سيوف العاذل انسلـت
ينهزم والشر مـا صابـك
لك سيوفي دونهـا مـدت
موت عذالي واحيـا بـك
كم عين وعين لـك ذلـت
والاسد سيد علـى غابـك
شوف ياسات الامل ضوت
حاسدي من وصلي يهابك