ودي اكتب قصيدة
ماقالها شاعر او امير
لا بـــكاها فقير
الي سقف بيته يعزف اغاني المطر
ودي اسولف للصحاري وليلها الجميل
كيف التقينا
وكيف ضاع منا الطريق
وكيف رديت بخطاويك
تلون ستاير الحلم المستحيل
ودي اخبر البشر
انك مانسيت دمعتي..
.. وخوفي عليك
ورديت
ترسم عتابك بسمة حنين
واشواقك طيور
تدور عشها في
حضن النسيم
ريتني اقدر انسى,,, و ما اجيك
ولاتجيني يالحلم العجيب
وانسى انتظاري وفرحتي فيك
ريتني
انسى الشوق لحظة
و لغيرك اصير
وينكتب موتي بكتبة كتابي
وفـــ ليلة حنتي تسكت الضحكة
ويذبل في عمري الربيع ...
ريتني انسى كل شي فيك
وقفتك وانت تحسب ثواني
مقعدنا
عند البحر الحزين
ريتني انسى خوفك ع الشمعات تنـــطفي
وموعدنا باوله...
ريتني انسى
اول قصيدة شوق كتبتها
واول كلمة عشق قلتها
وكيف غفت حكايتنا القصيرة
وصارت حلم مثل الدنيا
الكبيرة
ريتني انسى
لون ثوبي...
ساعتي ودقايقها
قلادتــي
على قلبها الأزرق سالت دمعتك
تذكــُر ..
اصابعي كيف رجفت بين ايديك..!؟
والمكان
وحيرة الناس بضحكة عيوننا
اشلون صارت حلم
وزجاج الشبابيك
ساعة بللها المطر
وخدودي كيف لونها الخجل ...!
ريتني اقدر انسى
عمري الي فــ عيونك
ساعتها انولد..!