الرمس وما ادراك ما الرمس ..

[م.الفلاسي]

السلام عليكم ورحمة الله وبركاته ..

اخواني واخواتي ..

انا بدخل فالموضوع على طول وبدون مقدمات ,

انا شفت كذا موضوع عندكم وسمعت كم شخص من الشحوح يقولون انه الرمس تابعه للشحوح ..

وصراحة الواحد يتعجب من هالاشياء !!!

كيف يعني تتبع للشحوح ؟؟؟

او انها ارض شحية ؟؟؟!!

اصلا وبالاساس الرمس كانت صغيرة , وكانت بحر تقريبا !!!

وواحد اذكر قالي عندهم وثايق ومادري اوراك .. اوراق وشو يا اخي .. نحن وين عايشين ؟؟؟

حتى بلاد برع كان مالها وثايق واوراق !!!

واصلا الي كانو عايشين فيها اهل الرمس والي هم معروفين للحين عايشين فيها ... وتقريبا من 160 او 170 سنة متواجدين فيها !!

وشيوخهم آل صالح الطنيجي الي هم ينتسبون للبدو ..

وحدث مشاكل مع الحكام الى ان هاجرو حكام الرمس ( ال صالح ) منها وذهبو الي خارج راس الخيمة .. وقصتهم معروفة على مستوى الدولة ... واهل الرمس القبلين هم نفسهم الي موجودين الحين ...

وعدك هالرابط كل معلومات الرمس فيها :

http://www.alrams.net/alrams.php

.......................

وسمعت بنفس هالمنتدى انة فالرمس ماشي بدو ( هم اهل الصحراء ) ولا بداه ( البداه طبعا هم الشحوح والظهورين والحبوس وغيرة والشحوح ليسو بدو ) ونصهم مركبين الشحي ....

فالرمس شي البدو وشي الحضر وشي راعين البحر وفي بعض الشحوح الي تحضرو ونتمو للرمس وفي منهم غيرو قبيلة الشحي للطنيجيي ...

وبالرمس مب قبيلة وحدة فيها ..

شي الطنيج وشي الزعاب وشي المرازيق وشي المشاغين وشي الشحوح وشي الظهورين وشي الشوامس وشي النعيم وشي الفلاسي بس قليل .. وشي المناصير وشي آل علي ..... الخ

وكلهم عرب وعارفين بعض والقليل من اللاجئين والمستعربين ,

وعندكم هالرابط استفيدو منه :

http://www.alrams.net/people.php

وشي رد اعجبني من شخص محترم هني فالمنتدى وهذا هو الرابط :

http://www.alshohooh.ws/vb/archive/index.php/t-16273.html

...........

وعلى فكرة ... ضاية والقيشة ومنطقة المهابيب وغيرها هذيلا تابعين للرمس لكن ما ينقال انهم من الرمس .. الي بضاية يقول انا من ضاية والي بالمهابيب يقول انا من المهابيب ...


وانا على فكرة مب من الرمس ,, لكن اهلي من الرمس واصدقائي وعزوتي وناسي من الرمس ,

وهالموضوع انا كاتبنة وناقص اشياء وايد عن اهل الرمس ومنطقة الرمس .. بس عشان تعرفونها زين وما اييني واحد يألف اشياء من عندة !!!!

وبالاخير والنعم فيكم والنعم بكل الشحوح بس الموضوع حساس شوي وينرفز

والسموحة ..

م.الفلاسي

 

[شيبه محتشر]

رد: الرمس وما ادراك ما الرمس ..

كلامك جدا صحيح جملة وتفصيلا

انقسم اهل الرمس الي فئتين

فئة اهل البحر تخصصوا بالصيد وتوابعه من غوص على اللولو وصيد الاسماك

وفئة اهل نخل ومزارع يمارسون زراعتهم في منطقة تدعى ضاية


ولم يكونوا اهل جبال حتى ينضموا الي الشحوح


وكان لها حكام يحكمونها وكان لها جدار يحميها من اول الجبل الي نهاية البحر كما قال الاولون


اما الشحوح فقد انقسموا على مواقع منهم بني ساعد والمهابيب ( اصولهم من دبا الحصن والبيعة ) والقيشة والرحبة

وكل هؤلاء مساكنهم في اعالي الجبال من اول وادي شحه الي قرب وادي حقيل


هذا لي اعرفه وسمعته


بس عزيزي شو الفايدة من الموضوع نحن لحين تحت راية دولة الامارات العربية المتحدة
ولنا شيخ نعتز فيه

 

[م.الفلاسي]

رد: الرمس وما ادراك ما الرمس ..

تسلم على ردك الجميل .. =)

وكلامك 100%

بس الفايدة من الموضوع ان نعرف بعض الي ما يعرفون هالكلام عشان ما يغلطون في شي هم يقولونة =)

وصراحة اعجبني ردك المؤدب والمنسق ...

والسموحة

 

[العوسج]

رد: الرمس وما ادراك ما الرمس ..

أعجبتني الجمله الأخيرة من رد شيبه محتشر الي بالون الأحمر ...


وتسلم م. الفلاسي على طرح الموضوع ..


ماأقدر أفيدكم بشي ..


والي عنده زود يزيد يالربع


منكم نستفيد


العوسج

 

[معاني صافية]

رد: الرمس وما ادراك ما الرمس ..

تسلم أخوي

أنا إلي اعرفه الشحوح من الرمس وشعم وهالسنه دريت انهم من خصب بعد ...والحين دريت انهم مب أصل انهم من الرمس

ما شاء الله على الشحوح منتشرين بأرجاء المعمورة

 

[م.الفلاسي]

رد: الرمس وما ادراك ما الرمس ..

شفتو كيف .. البنت توها تدري بهالمعلومة =)

هالفايدة من الموضوع =)

 

[محرز بن حريز]

رد: الرمس وما ادراك ما الرمس ..

ولا هااانت جميع الجبايل..

ومحد ينبت من الأرض كالشجرة ويقول انا اصلي وفصلي من هني..
الحل والترحال كان من عادات العرب وحلو أنه في منطقة صغيرة تسكنه كل هالقبائل..


وياااحيكم

محرز

 

[م.الفلاسي]

رد: الرمس وما ادراك ما الرمس ..

نعم وانا وياك بكل الي تقولة = )

 

[عين الصقر]

رد: الرمس وما ادراك ما الرمس ..

و عليكم السلام


انا احتج و ماعجبني الكلام أبدا و لي عوده ان شاء الله

 

[درع القبيلة]

رد: الرمس وما ادراك ما الرمس ..

اخوي الكريم اللي شفته وسمعته صحيح وفعلا الرمس تابعه للشحوح وعلى ولاء مع مشيخة بخا ودبا الشحيه ولابد لللانسان ان لايتعجل بالجواب

وينبغي ان يبني استنتاجه على دليل مثل المورث من التاريخ والاحداث المتتابعه اللي مرت بالمنطقه وعصفت فيها وهي معروفه عند الشياب

واهل الذاكره منهم او ماهوموثق ومذكور بالكتب القديمه واذا مااسعفك المجال وحصلت على من يعطيك الجواب الشافي او اخذته من ناس

ماعندهم الخلفيه الصحيحه عن الماضي لمنطقة الرمس هذا موب معناه ان جوابك هو الصحيح وماحد يألف اشياء من عنده والحقيقه تبقى حقيقه

بارك الله فيك ولي عوده للموضوع ان شاء الله .