كل حد يدخل ويكتب لنا موقف يضحك صار له

[بنت الشارجه]

هلااااا:yaw: طبعا هاي ثاني مشاركه لي في موضوع واايد جذبني قلت الا اكتبه في البرزه :^^:
كل واااحد ووحده يكتبون لنا مواقفهم لي تضحك ابا اضحك :قصدي نفرفش شوي:a040:

ببدء انا عشان محد يقول ليش ماكتبت:1577_1186768770: ما اذكر الا هلموقفين بس اتمنى محد يضحك


انا كنت شهر 11 مسافره الهند وكنا رايحين مول عندهم اذكر انا وبنت خالي واخوي وعيال خالتي واختهم المهم الشباب لي ويانا الله يحفظهم سوو فينا مقلب:^^: دخلونا لعبه ع اساس انها بيت المتاهات
لما دخلنا طلع بيت الرعب طبعا رعب رعب ومن الصريخ والخوف:cm: ما اشوف الا ولد خالتي جدامي واركض احظنه في بيت الرعب والله العظيم من الخوف عقب يوم استوعبت تميت ماسكه ايده اول ما شفت الباب لي يطلع هههههه كلنا طلعنا من الباب بنفس الوقت كيف ما اعرف بس الناس لي برع ظحكو علينا ونحن طالعين نركض حتى الشباب لي ويانا خافو بس تميت قااافطه من ولد خالتي لي حظنته وهو مسكين ما علق لانه صج خووف فعذرني المهم استغفر الله تميت اسغفر وقاااافطه بس صج خفت



واذكر مره راكبه لعبه بعد في الهند الكراسي لي معلقه بسلاسل وتدور المهم الحبيبه لابسه نعاااال الله يعزكم حد يلبس نعال ويلعب المهم واللعبه تدور ما رمت امسك النعال بريولي فريتها طارات وطاحت catع ولد اماراتي كان اخوي واقف وياه اخوي يشوف النعال يقول هاي النعال اعرفها ههههه والله يوم وقفت اللعبه اقول لولد خالي دور نعولي يا الفضيحه كيف امشي والولد لي ظربته النعال تم يضحك طبعا اخوي سوا نفسه ما يعرفنا:212: بس

يالله انا كتبت اخيس موقفين صارولي :

 

[بنت الشارجه]

وينكم نبا تفاعل شو الناس كلها مسافره:cm:

 

[استراتيجية مفكر]

مافي مواقف بحياتي تضحك

 

[بنت الليالي]

ههههههههههههههه

اما ما نعال كذا يطير،،

خخخخخ



حلو،،،
لي عودة،،

 

[بنت الشارجه]

وينكم ليش مافي تفاعل حرااام

 

[بدويه بفنجاني]

ههههههههههههههههههههههه
ههههههههههههههههههههههه
يغربلج

شو ها نعاالج سوبر مان
وككككككككككككككككككك

 

[فتى العرب]

هلا بنت الشارجة يالله كيف مستعجلة

بقول لج موقف

كنت بالجامعه ومن قريب متعرف على ربيعي وما اعرف عنه وايد
انزين مرة من المرات كان عندي تسليم للواجبات بمكتب الاستقبال اللي بالكلية وهناك شخص يستلمها وشفت ربيعي هناك
وانا ابا اسلم الواجب وما شايف الريال اللي يستلمها
وقاعد وقاعد وماجا الريال وبعدين سرت صوب ربيعي اشوفه قاعد وقلت له
مرحبا بو حمدان وقعدت احش بالريال وينه ؟شو ما يداوم؟ عيل ليش ياخذ راتب؟ و و و؟؟
وما بغيت اسكت مولية لساني صار وسخ
بعدين قال لي .......اشفيك ليش مستعيل
اقول له واقف نص ساعة انتظر هالريال (مع اني ما اعرفه)وما بغا يجي
قال لي انا استلم الاوراق اهنيه ليش ما تعرف........

بطلت عيني......
وقفطت
بعدين لما شافني سكتت
قال لي انا اداوم وادرس بنفس الوقت
وما كنت اعرف انك ياي تسلم الاوراق
قلت له اسمحلي والله ما كنت عارف انه انت
وما اباك تشل بخاطرك وانت عزيز وغالي
وطلعت منحرج من الصدمه
وكل مرة اشوفه يذكرني بالسالفه....هههه

 

[بدويه بطباعي]

ههههههههههههههههههههههههههههههههههههههههههههههههههه

حلوة منكم

يوم بدكر بكتب

 

[بنت الشارجه]

شكرا اخوي فتى العرب صراحه موقف لاااتحسد عليه هههههه
يالله البقيه وين

 

[ولهانة زايد]

::: بنت الشارجة :::


تسلمين عالموضع .. زين بعد بنضحك للخلق طشونة خخ





>>>[ قـــصـــتــــــي ]<<<


بعد ما خلصت ثاني إعدادي .. سرت العمرة ويـا خآلي وخالتي و(السمآ) مع حمـلة ..~

فــ يــوم الزيارات فمكة .. ودّونــآ لـ جبل عرفآت ..~

واهنآك مثل مآ تعرفون [ دري ] لازم نركبه عسب نوصل قمة الجبل

واحنــآ نآزلين .. قوم السمآ ووياها وحدهـ تجدموا عنـيّ بمترين أو أكثر ..~

فـ سرعت عسب أوصلهم .. ومـآدري فعمري إلأ وتـزحلقت اريولي عالدري

وتميت اتـزحلق وانـآ يآالسة ليما وصلتهم مالت عليهم :ah:

من استوعبت وقفت على طولي من الفشلة ..

ما وعيت من الصدمة إلا ع تعليقات شباب من شمل: سلامات ،، تأورتي؟ ،، فيني ولآ فيج ،، مآتشوفين شر

أنـآ ف هآك الساع يآ أرض انشقي وابلعيني .. استغبنت من الفشلة مب من العوآار :cm:

لا بعد .. خالتـي كملتهآ وقامت اتهمزنـي جدااامهم :cry:



اتفــحم يوم اتـذكـر الموقف خخخخخخخخخ