النقآب والحجآب

[A.D]

السلام عليكم ورحمة الله وبركاته

مسآكم خير وسعآده

عالسريع ..

النقآب فرض ولا مب فرض ؟
والغشوه فرض ولا مب فرض ؟

الحجآب وكشف الوجه بدون زينه ومكيآج <<حرآم ولا حلال ؟!

مآبغي حد يقولي منقود تكفون ..

لكم المآيك :^^:

 

[السنيورة]

الصراحة وتبون الصدق والحقيقة ...
انا مناحيتي .. اتحجب بس ما اتغشى الا اذا كانت زحمة رياييل ..
او اذا كنت متعدلة و حاطه ميك آب وجي ..
اما فالأسواق والمشاوير العادية .. الصراحة يكون حجابي عادي ..

مع اني في خلاجة تفسي افضل الغشوة دايما .. واحسها ستر ..
والواحد يوم يشوف زوجته تغشت عن الرياييل .. نفسيته ترتاح ويتشقق وتكبر فعينه ..

حتى من الناحية الشرعية .. الغشوة اولا من الحجاب ..

هذا راايي
والله يهدينا جميع

 

[العوسج]

النقاب والغشوه مب فرض

أما الحجاب واجب على كل فتاة مسلمة .. وأكيد بدون كشخه وزينه ..

 

[A.D]

ادي ..

حتى من الناحية الشرعية .. الغشوة اولا من الحجاب ..

هذا راايي
والله يهدينا جميع

حتى في الكعبه .. ؟؟

مآظن في مكآن له حشيمه كثر البيت الحرآم <<وهنآك مايفرض النقآب

امآ سآلفة الريآل وحرمته اللي تكبر في عينه عآد اهو ونفسيته وشخصيته .. والستر اهو ستر النفس وصونهآ مب ستر المحلل كشفه ^^

شآكر لج اضآفتج السنيوره ..

بس بعدني مآوصلت للي اتريآه

 

[غاية المنى]

عليكم السلام و رحمة الله و بركاته


أخووي طبعا في اختلاف بين العلماء فكل حسب منطقته
المستحب حسب رايي ان الحجاب مستحب للمرأه لانه يغطي أحد أهم مفاتنها


أولاً من منظور الشرعي لبس النقاب مب إجباري ..

الوجه و اليد غير حرام في الإسلام .. و أما إذا كانت حاطة ميكب هاذيج الساعة حرام ..

موضوع مثير للجدل في مجتمعنا ..

لكن إذا الإسلام حلل هالشي محد له رآي يعارض أخته و لا حرمته ,, ~ يعني لو غصبوها يعقدون الدين الإسلامي بالنسبة للحريم ,, ~

و المستحب تتغشى و تتنقب إذا كان المكان العام جداً مكتظ من المعاكسين والله هذا من رآيي ..

و السمووحة ^^

 

[همسـٍـٍة الشـٍـٍـٍوووووق]

النقاب والغشوة مب فرض لستر

امااا الحجاب فرررررررررض


وهذا اللي اعرررررفه

^.^

 

[A.D]

النقاب والغشوه مب فرض

أما الحجاب واجب على كل فتاة مسلمة .. وأكيد بدون كشخه وزينه ..

احييك ..

كنت ملآحظ اعتقآد سلبي عالغير منقبآت ونظره مب زينه ..

يطول عمرك العوسج .. تسلم عالمرور

 

[A.D]

مآعليكم زود .. غآية المنى وهمسة الشوق

كل الشكر ^.^

 

[استراتيجية مفكر]

يااخي العزيز قد سئل احد الدكاتره في الشريعه الاسلاميه من طلاب سعودين

اليس كشف الوجه حرام ؟


قال على حسب البنت

اللي تبلس النقاب بعتقادها انه ساتر لها لايجوز لها بعد ذلك انه تكشف الوجه لانه خلاص عزمت االنيه انه ساتر

مثل معظم النساء بالسعوديه النقاب لابد منه وان كشفت بعد ذلك
لايجوز
اما اللي ماتلبس نقاب من قبل ومتستره يعني من بيئتهم مستره بس تكشف الويه هاذي لاتأثم

وفي الحقيقه هاذي فتوة دكتور بالشريعه الاسلاميه .

 

[السنيورة]

حتى في الكعبه .. ؟؟

مآظن في مكآن له حشيمه كثر البيت الحرآم <<وهنآك مايفرض النقآب

امآ سآلفة الريآل وحرمته اللي تكبر في عينه عآد اهو ونفسيته وشخصيته .. والستر اهو ستر النفس وصونهآ مب ستر المحلل كشفه ^^

شآكر لج اضآفتج السنيوره ..

بس بعدني مآوصلت للي اتريآه

انا ما قلت لك الوحدة لازم تتغشى كل مكان .. حى عند الكعبة !!
ليش تقولني كلام ما قلته هههه

وعن الريال ونفسيته وراحته للغشوة .. تراني انا ارمس من منظوري واللي اشوفه ..
وكل واحد فينا في مجتمع يختلف تفكيرة عن الثاني ..

وانت الله يهديك تبامنا نفتي لك ؟؟
نحن نقول اللي فخاطرنا ..
والناحية الشرعية اكيد عند العلماء مب عندنا