[ اكـــتب بـــيت شــــــــــعر..~

[دآنه]

انت في دمي ونبضي والحـروف
وين يا سقف السما كيد الضعيف ؟

انت كل العمر والباقـي ظـروف
حطها في الدرب تقديـر اللطيـف

كفتك ترجح ولـو صفـوا الـوف
ياربيع الحـب والباقـي خريـف

يارعى الله قلبك الغض العطـوف
يا لحى الله حاقد ٍ وجهه كسيـف

في شموخك كسرة الريح العصوف
في شموسك صهرة الشمع الرهيف
.
لاتوريني وانا غيـرك مااشـوف
خلني في غمرة الشـوق العنيـف

 

[عطرالاماكن]

إبـسـم عـسـا تبـسـم حـيـاتـك .......... يــا قـايـد الخـفـرات والـعـيـن
عـطــاك ربـــي لـــــــك غـنـاتـك .......... واصبحت سيد فـي المزاييـن
هنـيـت يــا سـيـدي بصـفـاتـك ........... وانا غني بك " م " الملايين
كــل يــوم بــي تكـبـر غـلاتـك ............ والـقــاك دوم بعـيـنـي تـزيــن
من بالحسـن سيـدي شراتـك ........... مثلـك فـلا قـد شـافـت العـيـن
الشمـس تخجـل مــن بهـاتـك ........... والبـدر لـك بــا نــواره يـديـن
مثـل العسـل منـطـق شفـاتـك ........... ذرب .. ومــوزون بمـوازيـن
والطيـب مـن أصـلـك وذاتــك ............... اواضــح ولا يـحـتـاج تبـيـيـن


[align=right]من أشعار الشيخ زايـــــــــد الله يرحمـــــه[/align]

 

[أميره بلهفتي]

تصبح وتمسي وترقد دون تسمعني
عودت قلبك على هجري ونسياني

انت تعمدت بغيابك تقاطعني
وانت تسببت في همي واحزاني

صبرت بس الصبر ماكان ينفعني
ومليت مل انتظار وبعدك اشقاني

ياما تمنيت شوفك وانت تمنعني
وانت تجاهلت احاسييسي ووجداني


بحفظ الله أميره بلهفتي

 

[برووق]

إن غبت عني تظلم الداروالحي
وإن غاب غيرك ماعسرني غيابه
أنابدونك زهرة مالهاري بين الهشيم
وتستغيث بسحابة
مصفرة الأوراق مقطوعة الفي
يبكي لهاسيح القصيم وجباله
النارتكوي ضامري بالغلا كي
الفكر مشتت وفاقدصوابه​

 

[برووق]

أنــــا جنونـــــي وأفكـــــاري جنونيه
تخطي بي الناس وأستعذب خطاياها

إحساســــــي اني اسامحهم طواعيه
يطير بي فوق هآم السحب وأعلاها

حفظنــــي أبوي معلومه أساسيـــــه
أكـــــارم القـــــوم تعفو عن دناياها ​

 

[برووق]

ياڪُثـَـَـَـَـَر ماعزيت ۈأغليـَـَـَـَـَت ۈأحببت..~
ۈلا فيـِـِـِـِـِﮧ شخص في حياتي ڪُرهتـِـِـِـِـِﮧ"

طبعـَـَـَـَـَي ڪُـِـِـِـِـِذا دايـَـَـَـَـَم ۈلا يۈم جنـَـَـَـَـَبت..؛
حتـَـَـَـَـَى حـَـَـَـَـَقير النـَـَـَـَـَاس مـَـَـَـَـَا قد حقرتـِـِـِـِـِﮧ ،،​

 

[برووق]

كم لك مسآفر !! .. ارجع .. الله يخلّيك

........... مليت آحاتي رجعتك ... والوطن مل !!

إما تجي ..\ والا انا بكره .. آجيك

.......... ياخي بموت من الوله ..\شوف لي حل!! ​

 

[دآنه]

أصيح بسمك كل ماهب نسنـــــاس *** لجت بريحك لي هبوب الشمالـي
و أذرف دموع الوجد وأقول لاباس *** ومن القهر تصفق يميني شمالي
عزت علي فرقاك ياعدم الاجنــاس *** ماني عقب فرقاك تايه وسالـي
حبك بقلبي ماله أحدود واقيـاس *** حبك حياتي وشوفتك راس مالـي

 

[دآنه]

اشتقت لايامك وجيت انشد الوقت

وين الحبيب وضحكته وامسياته

ليته يوسع خاطري لاتضايقت

مثل الكفيف ان قربوا له عصاته

ماهو زعل لاشفت وجهه ودنقت

العين تخفي في نظرها غلاته

 

[دآنه]

كم سؤال حير أقلام الكتابه ,,

كم أجابه صارت أشبه بالمحال ,,

السؤال يضيع مايلقى اجابه ,,

والأجابه تنتظر رد السؤال ,,

والسؤال اللي عجزت ألقى جوابه ,,

ليه أحبك كثر حبات الرمال ؟؟