((من جهه ثانيــــــــــــــــــــه ...
بالجــــــــــــــامعه ...
فيصل دخل القاعه وهو جاي بدري ...
جلس بآخر الكراسي ومد رجوله على الكرسي اللي قدامه وهو يتفرج على
اللي برى الحديقه ...
القاعه ماكان فيها غيره ...
التفت على وتين اللي توها داخله ...
لما شافها فيصل بسرعه نزل رجوله وعدل جلسته ...
وتين نزلت عيونها وجلست قدام بأول الكراسي بعيد عنه ...
فيصل حس بتوتر كبيرررر ...
وأخير توه بيتكلم الا ودخل برهوم ...
-(برهوم :~ ياتيس نسيت كتابك عندنا ...
-(فيصل عض شفايفه وهو يغمز له ينطم ولا يفشله قدام وتين ..
بس برهوم عقد حواجبه مو فاهم شي ..
كرر يقول :~
انت وش قاعد تساوي ..؟؟ منو تغمز له ..!! .. لا يكون تعودت من كثر ماتغمز للمغازل
ياك شد عضلي بعينك ؟؟؟ ... ياخي الرفق علينا وخذ كتابك واحمد ربك اني يبته لك
ولا المره اليايه والله ماييبه دام هالبايخين ربعك ولا واحد منهم
تكرم ويابلك الكتاب .. كل واحد مسوي نفسه تعبان ومتعيجز ...
هاك بس هاك كتابك ..
((وبقوه رماه للفيصل ..
فيصل بسرعه مسكه قبل لا يجي على وجهه وبكلمه طلعت منه بقهر :~
لعنه ياحمار بغيت تشق ويهي ...!! ...
((وتين رفعت عيونها على فيصل ..
فيصل كان معصب بس لما التفت على وتين اللي تطالعه تحول للإرتباك
وتوتر ...
برهوم بهاللحظه التفت على وتين وعلطول قال بصوت عالي :~آآآآآهــــــآآآ..
ياعمي جان قلت لي ان الحبايب هني ؟؟؟
((فيصل ماتحمل لسان برهوم ..
بسرعه راح له وبقوه ضغط على رجل برهوم وهو يقول بصوت قصير :~
برهوم يوز .. يوز ... والله لا أقص لسانك ...
-(برهوم بصوت عالي يبي يقهر فيصل :~ طيب ماودك تشيل هالنظارات اللي صاير
جنك الفتى المجتهد ... ياخي اذا للحين الحبايب حايسين قلبك ...
شيل هالنظارات وقص شعرك جنك طالع من بر ..!!!
-(فيصل التفت على وتين وهو يبتسم بتصريفه وبنفس الوقت يقول بصوت قصير :~
مردوده ياحمار مردوده ..
-(برهوم بصوت قصير :~ شنو مردوده ..؟؟ لا تخليني ازيد بعد ؟؟؟
-واللعنه واللعنه خلاص اطلع وماارح اساوي لك شي ...
-(برهوم ابستم :~ أحلف ...
-(فيصل بقل صبر :~ والله والله بس اطلع وفكني ...
-طيب اشكرني بالأول ...
((فيصل رفع راسه وبقوه قال من غير شعور :~ يارب انك تخسف فيه ..
((وتين طلعت عيونها من الروعه .. برهوم شاف وجه وتين ...
بسرعه قال بصوت قصير :~ انت هيه خوفت البنيه ..!!
((فيصل توه يلاحظ بسرعه التفت على وتين اللي تطالعه بصدمه ...
فيصل ابتسم بسرعه بتوتر وهو توه بيرقع الموضوع الا وبدى الطلاب يدخلون ووراهم الدكتور
دخل ...
برهوم بسرعه طلع ...
أما فيصل تلعثم مايدري وش يسوي ...
عشان كذا بسرعه قال بصوت قصير للوتين ..:~
فتحي بلوتوثج ... نكي مسدح البنـ........((بهاللحظه بلع الكلمه اللي كانت بتطيح وجهه
بقوووه عندها ...
مسدح البنات ..!!! ... فشيله لا مايصلح اقولها نكي ...
((بسرعه كمل :~ سمي نفسج ميما وأنا برسل لج ... فتحيه ..
((وراح للآخر القاعه ثم جلس ..
بحيث يشوف وتين من بعيد...
لما فتح بلوتوثه بسرعه شغل بحث يدور على نك ميما ...
بس ماطلع له ...
سوآ بحث مره مرتين عشر مرات وأخيرا ابتسم بقوه لما شاف نك ميما ...
بسرعه الرسل لها بلوتوث ...
رفع عيونه عليها ينتظرها تفتحه ...
شافها لما نزلت راسها وهي تفتح المسج ...
وتين قرت الموجود اللي هو :~
سوري على الإزعاج اللي صار تو بالقاعه مع رفيجي ..
بس يحب يمزح وايد (^__*)...
((وتين ماردت ولا بان عليها أي ردة فعل ...
بس فيصل ظرب وجهه بقوه وهو يقول بقلبه :~
آآآآخ شكثر أنا غبي ... جان ضروري يعني يافيصل تحط لها غمزه وانت
توك متفشل بهالموضوع ... ؤفففف شسوات ...
((بسرعه أرسل لها مسج سريع ...
رفع عيونه يراقب ردة فعلها ...
وتين لما وصلها بلوتوث قبلته .. وكان الموجود :~
أنا سعيد بتواجدج بالقاعه نفسها وياي ...
بكذا نقدر نتعرف على بعض أكثر ونكون زملاء اذا ماعندج أي مانع أكيد ..
((وتين بهاللحظه توترت ماتدري وش تقول ...
بالأخير الرسلت له وبسرعه فتحه بحماس :~
سوري ماأقدر ...
((فيصل حس بإحباط كبير ..
رفع عيونه عليها بس لقاها تطالع الشرح ...
جلس يطالعها بإحباط .. وأخيرا الرسل لها :~
ماتسوى عليج تتأسفين ... انسي الموضوع اذا يريحج ..
انا اللي راح أعتذر لج عن إزعاجي ...
((وتين بسرعه بعد ماقرت المسج ردت عليه بـ :~
ليش تبينا نكون زملاء ..؟؟
-(فيصل استغرب من سؤالها بس رد عليها :~
شنو تعديت حدودي أنا ...!!
-((بسرعه ردت عليه :~
لا لا مو جذي بس انا أسألك ... خلاص انسى سؤالي ...
-((فيصل رد عليها بـ :~
لا بس حاب أعرفج أكثر وتسعدني زملاتج وايد ..
خاصتا انج بنت محترمه واللي قلته مايقلل شي من قدرج ..
((وتين لما قرت رده ماعاد عندها شي تقوله عشان كذا تركت الجوال على
جنب ...فيصل لما شافها ماارح ترد بسرعه يبي يدور أي شي عشان يتقرب منها
بالسوالف ...
وأخير الرسل لها :~
حلوه شنطتج عايبتني من أول ماعرفتج ...
((فيصل استوعب اللي الرسله ...
أول شي حس انه بنت موب ولد ..
وثاني شي رسالته تفششششل ... ومالها معنى ...
وثالث شي انه قال من أول ماتعرفت عليج هذا يعني انه
يقصد انها من سنتين وهي على نفس الشنطه ...
((فيصل حط رساه على الطاوله وهو يقول بصوت واظح للي جمبه :~
غبي .. دلخ ... مدمغ ... فاشل طول عمرك فاشل ...
ياربي أذبح نفسي انا ولا شساوي ...
الدلاخه مولوده وياي ... معقوله خواتي دلوخ مثلي ..!!
ؤفففـ لا ماتوقع فيه أحد دلخ أكثر مني ..!!
بيعطوني الأوسكار على الدلاخه العالميه عندي ...
((اللي جمب فيصل ماقدرو يمسكون نفسهم من الضحك ...
أما فيصل في عالم ثاني حاس بوجهه أحمررررر من المسج اللي الرسله ...
شوي شوي وهو يطل بعيونه على وتين من الفشيله ...
بس تفاجئ لما شافها تحط الجوال على جمب وبعد كذا سمع صوت بلوتوث بجواله ..
حط عيونه على شاشة الجوال وبفشيييله ضغط قبول وهو مغمض عيونه ..
لما انفتح له المحتوى ...
فيصل ماقدر يفتح عيونه ويشوف وش قالت له ...
وأخير فتح عين وقز المكتوب اللي هو :~
هههههههـ ... يسلمو هذا من ذوقك ...
((فيصل وهو يقول بعقله :~
يسلمو هذا من ذوقك ..!! يسلــــــــــمو هذا من ذوقك ...
الللآآآآآآآآآآآآآه عليك يافيصل اللآآآآآآه ... طول عمرك داهيه ..
منو قال اني دلخ منو قال اني فاشل ..!! ..
الللآآآآآآآآآآآه عليك اللآآآآآآه .... لا أحسن قل قووول ...
مالت عليك رد عليها قبل لا تسكر البلوتوث حقها ...
بسرعه الرسل لها :~
تسلم لي هالضحكه وصاحبتها ... ممكن أطلب منج طلب ...
((وتين توترت من جملته الأولى .. وخافت من جملته الثانيه ...
ماتدري ترد او لا ... وأخيرا قالت :~
سم ...
-(رد عليها بـ :~
سم الله عدوج ... ممكن أعزمج اليوم بالكافتريا ..؟؟
((لحظات وصله بلوتوث ولما فتحه بلهفه :~
ليش ..؟؟
-(فيصل توتر من أسألتها اللي مايلقى لها جواب ...
وأخيرا قال :~
ودي اقول لج عن موضوع ...
-(مرت دقايق طويله ثم الرسلت له :~
Ok ....
((فيصل لما قرى المكتوب من غير شعور قال بحماس وصوت واظح للكل:~
Yessssssss…..
((الكل التفت عليه مصدومين ماعدا وتين ماقدرت تلتفت منحرجه ...
-(الدكتور :~ خير انشالله فيصل ..!!
-(فيصل نزل راسه بطيحة وجه...
$$ ماذا سيقول لهــــــــــــــا ..!! $$
هل فعلا سيقول ..$$
أحبـــــــــــــــــك ..! ..$$
أم مــــــــــــاذا ..؟؟ ...$$
$$ بالتأكيد سوف نعرف من خلال البارت القادم ..$$
==البــــــــــــــــــــاب الخـــــامــــس عشـــــــــ15ـــــــــر ==
==الفصــــــــــــل الثالـــــــ3ــــــــــث ==
ليــــــــــــــان فتحت عيونها بتعب ...
آلام في جسمها كله ...
للحظات وهي ماتحركت ... حست بأحد جمبها قرييب ..
التفتت على صقر اللي نايم بسباااات عمييق ...
قلبها صار يدق بقوووووه بسبب قربه منها ..
رفعت يدها بتقوم بس ماقدرت لأنه مستند عليها ...
بلعت ريقها مو عارفه شتساوي ...
فكرت وفكــــــــــــــــرت وماعندها غير حل واحد ...
التفتت على الساعه وشغلته يرن بإزعاج ...
بهاللحظه غمضت عيونها وكأنها نايمه ومادرت عنه ...
حست انو الدعوه طولت وصقر للحين نايم ...
حركت يدها شوي من تحت راسه عشان يقوم ...
لما حست بحركته بسرعه غمضت عيونها ...
صقر تأفف من صوت المنبه المزعج ..
رفع راسه وهو يبي يطفي المنبه ...
مد يده بيطفيه بس لاحظ وجود ليان اللي نسى وجودها من النعاس اللي مغطي
عيونه ...
تقدم لين طفاه ...
بهاللحظه وهو جالس جمبها فرك عيونه بتعب ثم التفت على ليان
وظل يطالعها للدقايق طويله ...
ليان حست بتوتر كبييير ...
وتحاول بقد ماتقدر تمثل دور النايمه ...
صقر ظل يطالعها ببتسامه خفييفه وحنونه ...
مد يده على شعرها ومسح عليه بحب ...
وبصوته الخشن زياده على انو توه قايم من النوم :~
شكرا لأنج رديتي لي ...
((حنى لها شوي وطبع قبلـــــــــــه على جبينها ...
ماحب يزعجها عشان كذا قام ببطئ وهدوووووء ...
لما طلع ودخل الحمام ...
ليان فتحت عيونها بهدوء وهي تفكر باللي سواه صقر قبل ثواني ...
مدت يدها ولمست جبهتها تتحسس قبلته بهدوء ...
تفكـــــــــــــر بصقر بــــــس ...
تفكـــــــر بكلماته اللي قالها تو ...
بعد كل الكلام اللي قلته له أمس ..!!!..
((لحظات ودخل صقر وهو ينشف شعره بالفوطه البيضاء ...
رفع راسه وتقابلت عيونهم ببعض ...
لحظات وهم ساكتين بس صقر قطع هالجو الصامت ببتسامه منه وهو يقول :~
صباح الخير حياتـــي ...
قومي وخذي لج شاور وأنا بزهب الريوق عنج __^ ...
((صقر كان لاف على خصره فوطه ... اتجه للدولاب بيلبس ملابسه ..
ليان لما حست ان الوضع بيتأزم نقزت من السرير ودخلت الحمام بملابسها بدون فوطه او روب للشاور ..
حطت يدها على قلبها اللي صار يدق بقوه ..
((أما بداخل الغرفه صقر وهو يلبس بنطلونه التفت من جهة الباب مستغرب شفيها ..!!..
لاحظ انها دخلت الحمام بدون روب ...
أخذ الروب المعلق وفوطه ...
طق الباب بأدب وهو يقول :~ نسيتي الروب ...
-(ليان غمضت عيونها بقووووه متوتررره ماتدري وش تسوي ...
فتحت الباب بهدووووء وبدون ماتطل عليه ..
طلعت يدها بس من ورى الباب من الإحراج وهي تأشر له يعطيها الروب ...
صقر ابتسم بخبث ولا سوا أي حركه ...
ليان توقعت انه راح بدون مايعطيها الروب ...
شوي شوي طلت بوجهها ..
لما طاحت عينها على صقر اللي متكتف وهو مبتسم ...
:~ للهدوجه شكلي يخوف ..!!!؟؟
-(ليان حست بإحرااااج كبيير ... نزلت راسها ..)
-(صقر مد يده بيعطيها الروب ...بس لما جت بتاخذه رفعه عنها وهو يضحك..
وكأنه يبي يهبل فيها شوي وهو حاس بإحراااجها الكبير ومستانس عليه ...
ليان رفعت عيونها عليه برتباااك ...
-(صقر ابتسم بخبث :~ تبين روبج عطيني مقابل ...؟
-...............
-أممممـ مثلا يعني انا اقول مثلا .. عطيني قبلة الصباح على قولتهم ...
(ثم غمز لها وهو كاتم الضحكه على وجهها اللي
انصفق من كلامه ...
ليان سكرت الحمام برتبااااااك وخووووف ...
حست بقلبها يدق بسررررعه ....
مدت يدينها للوجهها وهي تحس انه صار أحمررر ...
-(صقر ضحك وهو يقول :~ ههههـ هههـ .. اتغشمر وياج ..
خلاص طلعي وهاج الروب مابي شي منج ههههـ ...
((ليان لا يمكن تطلع من بعد هالموقف السخيف المحررررج من صقر اللي
مايستحي ابدا ابدا ابدا ولا يراعي خجل ليان بالعكس يستانس وبقوه عليه ...
((طق الباب مره ثانيه :~ هههـ خلاص والله توبه ماقول شي .. بس انتي طلعي وخذي
الروب ترى تأخرنا عالجامعه ..؟...
((حس مافي أمل تطلع عشان كذا حط الروب على المغسله ثم راح للمطبخ يجهز
ساندويش وحليب طازج بارد ... وهذا اللي قدر عليه ...
((ليان بسرعه فتحت الباب وخذت الروب بعد ماتروشت وانتهت ...))
((توليــــــــــــــــــن وهي توها بتدخل كلاس الدكتور طلال ...
الا وقال لها أحد الطلاب انها تتوجه للقاعه بمكان فلان ...
سكتت شوي مستغربه بس راحت بدون أي كلمه ...
قابلت على طريقها ليان ...
ليان ابتسمت للتولين ...
أما تولين حست برتباك ماتدري ليش ..!!
نزلت راسها وكملت طريقها ..
يمكـــــــــــن لأنها ماتعودت عليهم ...
((لما وصلو القاعه نارا كانت توها بتدخل ....
جوا القاعه ..
-(العم بندر :~ تأخرو ؟؟؟
((الا وعلى دخلتهم الثلاثه ...
-(فيصل واقف مايطالع غير نارا اللي جابت الإشمئزاز ...
العم بندر عقد حواجبه من شكل نارا وبسرعه قال :~
وش هذا ..؟؟
-(نارا جلست عالكرسي ثم قالت :~ اخلص انا بروح ...
((أما الباقي ساكتين ...
بعد ماقال كل اللي عنده .. قالت نارا وهي واقفه :~
ؤفففـ انتو سافرو انا بقعد هني .. ومايهمني اذا عندي أهل او لا ...
عشت حياتي كلها بدون اهل ..
فما تفرق عندي ...
-(العم بندر :~ وبرضو ماتفرق عنك ان اسمك موب كامل ؟؟
-(نارا سكتت ولا ردت ...
-(العم بندر :~ هاه ليان انتي وتولين .... لحظه لحظه الحين أي وحده فيكم ليان
ولا تولين ؟؟؟
-(ليان ابتسمت ثم قالت :~ انا ليان ... وأنا موافقه اذا كانو خوا....
خـ... اخواني بيروحون معاي ...
-(العم بندر :~ فيصل موافق ... أما نارا وتولين للحين ماوصلتنا اجابتهم ...
-(نارا :~ قلت لك انا موب موافقه ..((ثم سكتت شوي ...
وتذكرت ان يزيد رجع للسعوديه ... عشان كذا بسرعه قالت :~
خلاص بروح ...
-(العم بندر :~ حددي بتروحين ولا لا ؟؟؟
-(نارا :~ ؤفففـ قلت لك اذا للهدرجه ملزم خلاص بروح وأمري لله ...
-(العم بندر ابتسم :~ لآآآآ عااد ... هههـ طيب وانتي ياتولين ..
-(بلعت عبرتها ثم قالت :~ ماأقدر .... مستحيل اترك أمي ...
-(العم بندر عارف ان أكثر وحده من بين عيال اخوه متوفق مع عائلته
اللي ربته هي تولين ...
عشان كذا قال :~ خليها تجي معاك ... خاصتا اننا ماراح نطول بما ان وراكم
جامعه ... وبالعطله يصير خير بعد الجامعه ...
بس المهم تشوفون ابوي ويشوفكم ...
-(تولين ماتدري وش تقول وأخيرا :~ماأدري يمكن يمكن لا ...
بفكر ...
-(العم بندر :~ طيب خذي راحتك وترى الطياره اليوم على الساعه 11 ونص ...
ننتظرك وهذا رقمي دقي علي اذا وصلتي للمطار ...
وعموما كلنا موعدنا على الساعه 11 ونص نكون بالمطار ...
انشالله الكل يجي ... ترجعون وتشوفون أهلكم وناسكم وديرتكم ...
والبيت اللي بيجمعكم وهو بيتكم ....
عموما ودي نتعرف على بعض أكثر شوي شرايكم نطلع مع بعض للمطعم ولا
للكافي ..؟؟
((الكل ساكت ....
نارا عادتها الصمت وماتجاوب الا عالشي اللي تحسه ضروري لها ..
فيصل أصلا كاره جده من الماضي اللي عرفه عنهم ...
عشان كذا واقف بدون نفس ..
أما تولين اللي بس تفكر بأمها ...
أما ليان خافت من صقر وش بيسوي فيها لو تطلع بدون ماتقوله وهو من عادته يحب يتملكها ولا تطلع
لأي مكان من دونه ...
-(العم بندر ابتسم ثم قال :~ طيب موب مشكله خلونا نتعرف على بعض هنا ...
انتي ياليان ((قال الأسم وهو يطالع تولين مضيع بينهم :~
قولي أي شي بخاطرك ...
-(تولين :~ أول شي انا تولين ...
-(العم بندر ضحك :~ طيب ياتولين ... قولي كل شي بخاطرك ..
-(تولين :~ ماعندي شي اقوله ..
-(سكت شوي وهو مقدر الوضع اللي هم فيه بما انهم للحين اغراب عن بعض :~
طيب يانار وش هالستايل الخطير ((قالها ببتسامه وهو يبي
يقصر المسافه اللي بينهم رغم ان ستايلها ومنظرها مادخل مزاجه ابدا )
-(نارا ساااافهته ولا كأنها تسمع ..)
-(العم بندر توقع منها أي شي عشن كذا قال :~ طيب ليان انتي تكلمي ..
-(ليان حست باحراااج :~ ماأدري شنو اقول ؟؟؟
-قولي اللي بخاطرك ..؟؟
-(ليان بعفويه وبرائه :~ اللي اقدر اقوله اني فرحانه بوجودك بيننا ..
واني عرفت اهلي من لحمي ودمي ...
-(ابتسم أكثر :~ يعني افهم منك انك تبين تعيشين بالسعوديه معانا ..؟؟
-(ليان توترت شوي ثم قالت :~ ماأدري لأني متزوجه ...
-(العم بندر فتح عيونه عالأخر وهو مبتسم :~ واللله .... عالبركه ..
من متى ووين زوجك خلينا نتعرف عليه نسيبي عاد الحين هو ..
-(ليان توتر أكثر :~ مشغول ...
-لااا عاد مالك حق ابدا يابنت اخوي .... لازم نشوفه ولا خليه يرجع معانا
للسعوديه ولا شرايك ..؟؟
-آآآ .. مدري عنه ...
-(العم بندر حس انها انحرجت عشان كذا قال :~ طيب يارجال البيت
((قالها وهو يطالع فيصل :~ والله وشكلك زكرتي ....
((فيصل ماقدر يمسك نفسه وضحك :~ هههههـ ... شلون يعني ؟؟
-(غمز له :~ افهمها ياقدع ... مايبيلها شرح ... طيب هاه قل لنا عنك نبذه مختصره
لا تخلوني كذا مدري شسالفه بعدين كلكم ماتعرفون بعض خلونا نتعرف زين ..
-(فيصل :~ مع الأيام ياعمي بنتعرف على بعض زين ((
قال عمي بدون مايحس ....
العم بندر حس بشي بداخله مايدري ليش فررررح بهالكلمه ...
ماتوقع هالشي راح يصير بس حاس انه حاب عيال
اخوه من اول ماشافهم ...
حس ان كل واحد منهم فيه وراه عالم بعيييد عن الثاني ..
شخصيات مختلفه غامضه مايعرف عنها شي ...
$$ فــــــــــــــي أرض الكــــــرم ...$$
$$ أرض الخيـــــــــــر والكعبــــــــــه المشــــــرفه $$
أرض المملكــــه العربيـــــــه السعـــــــــــــــــوديه ..$$
((عسى الله يحفظها لنـــــــــــــا))
بخارج مطـــــــــــار الملــــــك خالــــــــــد بالريـــــاض..
سيــــــــــــــارة بنتلــــــــــــي واقفــــــــه قدام البوابــــــه ..
توليـــــــــــــن وليــــــــان ونــــــــــارا وفيصـــــــــل ..
يمشون جمب بعض ورى عمهـــــــم بنـــــدر اللي يمشي بهيتبه ورزته المعروفه ...
لما طلعو برى المطار ...
العم بندر ركب السياره بعد مانزل السايق منها وسلمها للعم بندر يسوقها بنفسه ...
أما التوأم واقفيـــــــــــن ...
أول مره بحياتهم يجون السعوديه ...
حاسين بغربه كبيــــــره خاصتا انهم ماقد سافرو من الإمارات ...
فيصــــــل العم بندر استغرب وش فيهم واقفين ماتحركو وركبو السياره ...
فتح الدريشه ثم قال ببتسامه خفيفه :~ ماتبون تركبون ؟؟
((بهاللحظه توهم ينتبهون للسياره ...
فيصل مسك قلبه وهو متعود عالإستهبال من غير شعور ...
ويقول بصوت خفيف يسمعونه خواته ... بلع غصته
:~ يلعن أصله ... بنتلــــــــــي مره وحـــــــــــــده ..!!!!..
-(تولين وطت جزمة فيصل بعصبيه :~ هيه انت فيه أحد يلعن أصله ...
أصله هو أصلك يادلخ ... صج ماشفت خير ...
اسكت بس لا تفشلنا جدامهم ..
-(فيصل أبد مايسمعها ... متننننح بسياره وبقوووه ...
دووووووووووووومه يحلم بموديلات السيارات ...
بس كله كانت أحلام مايقدر يحققها الا اذا نام وحلم في أنواع السيارات
الغاليــــــــــــــه ...
وهو اللي عايش بددسن من العصر الحجري وبالويل صارت تشتغل معاه ...
((ركبو التوأم السياره وهم للآآآآآخر درجه بالتوتر ...
ماعدا نارا اللي حاطه رجل على رجل وتفكر بيزيد اللي جت
عشانه بالسعوديه ...
أما فيصل ولااازااال متنح بالسياره ....
العم بندر التفت على فيصل ثم ابتسم وهو يشوفه كيف يلمس جلد
الكرسي ويطالع بنبهااار ...
حس بعوار في قلبه كيف كل هالخير هو أصلا خير ابوهم برضو
والأساس جدهم ... بس على كذا الا انهم عاشو بحياه بعيييده عن هالثراء الكبيـــر ...
حرك السياره وهم يمشون بالطريق ...
بهاللحظه قال وهو رافع عيونه للمرايه يطالع نارا بالخلف :~
الحين شلون ماشافوك بالمطار ولبسوك عبايه ..؟؟
-(تولين ضحكت بسخريه وهي تطالع نارا بحتقاااااار :~ من هالأسود ذاللي لابسته حسبالهم
عبايه ....
-(نارا ماعطتهم وجه ولا حتى حركت عيونها عن الدريشه ...
-(العم بندر :~ عموما انا قلت لهم يجهزون لكم كلكم عبايات ...
-(تولين بغرور :~ انا موب محتايه منكم شي عندي عباتي ...
-(العم بندر ببتسامه :~ مننا ..؟؟ الله يسامحك يابنت اخوي حسستينا
اننا اغراب عنك ولا كني عمك ؟؟
وبعدين خير جدي هو خيركم كلكم وخير ابوكم ... يعني
لا تستحون وانتو بين اهلكم ومافيه أي احراج بيننا ..
بس هي شغلة انكم تتعودون على العز شوي ...
<~ قالها بطريقه عاديه بالنسبه له ... بس التوأم حسو ان فيها غرور
عليهم وتنقيص بحقهم انهم ولا شي ..
-(فيصل بقهر بس ماحاول يوضح :~ العز اللي تتحجى عنه
انا عن نفسي مابيه ... يعني ترى الشغله كلها بس لأنك اصريت علي
ايي للسعوديه ولا جان ماييت ...
وموب هامني ابوك هـ....
-(قاطعه بجديه :~ ابوي هو جدك .... وترك الحقد اللي بداخلك
بعيد ... جدك تعبان وبدال ماتحترمه للكبر سنه تقول عنه كذا ؟؟؟
-(فيصل :~ اللي ماأحترم رغبة ابوي وطرده ... ماله احترام عندي ..
-(العم بندر يحس انه بيفقد اعصابه ... بس حاول يضبطها ويسكت مايرد..
((لما وصلو للبيتهم .... أو بالأصح قصرهــــم ...
دخل العم بندر بسيارته للداخل القصـــــــر بعد مافتح له الحارس البوابه ...
العم بندر لما وقف السياره نزل منها وهو يقول :~ يالله انزلو ...
((لف بيروح بعد ماسكر الباب ...
بس حس انو مافي احد نزل ...
التفت عليهم وهو يطالعهم من خلف القزازه ...
أشر لهم ينزلون ...
للحظات حس بأشكالهم كيف يطالعون القصر من الشبابيك
بصدمه ...
العم بندر راح وفتح الباب الخلفي للبنات وهو يقول بضحكه :~
البيت بيتكم شفيكم ... موب عاجبكم ؟؟؟
-(فيصل فتح الباب الأمامي ثم نزل وهو يقول يحاكي نفسه بس بصوت مسموع :~
منهو الثور اللي مايعجبه هالقصر ..!!
((نزلو البنات بهدوء ...
يمشون ورى العم بندر ...
وأخير لما دخلو من الباب الداخلي للبيت ...
التفت عليهم العم بندر وهو يقول :~ الخدم بيهتمون فيكم وبيودونكم للغرفكم
أنا برقى اشوف ابوي وأقوله عنكم ...
انتم الرتاحو وخذو لكم شاور مريح وبعدها تقابلون جدكم ...
((العم بندر راح عنهم للفوق ...
الخدم واقفين قدام التوأم ..
وبنفس الوقت مسكو ضحكتهم على اشكالهم وهم فاتحين فمهم بتنااااحه
عالبيت وأثاثه الفااااخر ...
ماعدا نارا اللي واقفه وتطالع البيت بحتقار ...
نارا وانتو عارفينها .. مايعجبهـــــــــا العجب ولا الصيام بـرجب ...
-(الخدامه الأولى وهي تطالع فيصل وبتميييلح تقول ببتسامه :~
ولكـــــــــــــم __^ ...
((فيصل مزلللب فيهم وهو متنح يطالع شي موب قادر يصدقه للحين ...
-(تولين حست على روحها وهي تقول بقلبها بعتاب :~
مالت عليج تقصين الويه ياتولين ... خليج بنت عز
والوضع هذا كله انتي متعوده عليه .... هآآآآه أي هين متعوده ..
لا لا وين غرورج وين عزتج ...
((ثم رفعت راسها بغرور وهي تقول للخدم من طرف خشمها وبصوت
تضخمه :~
Take me to my room …..
((الترجمـــــه ~~> خذينــــــي للغرفتــــــــي ))
((الخدم بهاللحظه خذو التوأم لكل واحد منهم غرفته ...
نارا لما وصلت غرفتها ودخلتها اتجهت للسرير ..
لما انسدحت حست بالنعااااااس والتعب وحتى ماكلفت روحها ترفع عيونها
وتطالع المكان اللي هي فيه وكيف غرفتها ...
((أما بالغرفه اللي جمبها دخلتها ليان ...
ليان وقفت مجمممده مكانها ...
تطالع اذا هي جد بحلم ولا بعلم ..
شي ماقدر تخيلته ولا حتى بأحلامها ويمكن هي أكثر وحده
من بين التوأم مو مستوعبه هالثراء كله ...
(أما بالغرفه اللي جمب ليان كانت هي غرفة توليــــــن ..
تولين لحد ماسكرت الباب وهي تمثل دور اللي عادي عندها الوضع
قدام الخدم وأخوانها ...
علطول تنهدت بصوت واظح وهي تقول :~
ياقلبي قلباااااه .. شنو هذا ... وينج يامااااااااااااامي تشوفين اللي اشوفه ...
لا لا انا لازم أصور كل حته بالقصر وأرسلها وسائط للأمي ...
هااه لا اخاف تييها سكته قلبيه ..
وااااي وااي شنو هذا ....
((أمــــــــــــا بالغرفه اللي بعيده عنهم شوي بالجهه الثانيه ...
فيصل جالس عند الباب بعد ماسكره ..
جالس وفمه مفتوح لآخر درجه ...
وبدووون أي حركه أو صوت ...
يطالع بصمت بعيونه اللي تلف يمين ويسار ...
للحظات طويله وقف وهو يقول :~
شقتي نص هالغرفه ... ياويل قلبك يافصول ...
((راح وفتح باب ...
لما دخله قال بيأس :~
حتى الحمام أكبر من غرفتك ...
اييييييييه يافهيدان انت واربع والله ان تصكوني بعين لو تشوفون اللي اشوفه ...
اقول بس يالله عب عب البانيو كله وأنواع الإسترخاء ياشيخ ...
واسحب على ؤمن يابتهم ... بلا جد بلا هم ...
((بعـــــــــــــــــــد ســـــــــــــــاعه ونص ...
جوال فيصل يدق بس ماكان عنده ..
هو بالحمام والجوال عالسرير ...
...
بالغرفه الثانيه جوال تولين يدق داخل شنطتها وهي بغرفة الملابس تطالع
بنبهار كيف الغرفه كلها ملابس بالدولاب مفتوح ومرتبه ترتيب
جدا منظم ...
((بالغرفه الثانيه دق جوال نارا بس ماردت أو بالأصح مطنشته وهي مغمضه عيونها
ومنسدحه عالسرير براااحه ..
...........
((بالحظه الأخير دق جوال ليان ...
ليان التفتت تطالع مين المتصل بعد مالبست وجهزت بس تنتظر الخدم يجون
ينادونها للجد ...
شافت المتصل العم بندر ...
حست بتوتررررر ماتدري شلون ترد عليه ...
-(وأخير ردت بدون أي كلمه ...
-(العم بندر بسرعه :~ ليان بسرعه قولي
للأخوانك يتجهزون ... ويطلعون للسايق بياخذهم للمستشفى ...
-(ليان بخوف :~ ليش ؟؟
-أبوي تعبان من أول ماجينا بالبيت اصلا كان بالمستشفى ..
كنت عنده من ساعه وتوني ادق عليكم ..
اخوانك مايردون بسرعه قولي لهم يطلعون للسايق بســــــــــــرعه ..
-(بخوف من صوته وهو معصب :~ انشاللــــــــــه ...
((بالمستشفـــــــــــــــــى ...
الكـــــــــل جالس برى ...
العم والتوأم ...
((الدكتور أبدا ماطمنهم على حالة جدهم اللي تعبان من الصبح قبل لا يجون
التوأم للسعوديه ...
-(طلع الدكتور :~ الحقيقــــــــه وضع الوالد جدا صعب ...
بس الدعو له هو محتاج دعاكم ...
((العم بندر بسرعه راح للغرفه ..
وقف يطل على ابوه من القزازه ...
خايف من قلب على ابوه ...
ابوه اللي دلعه ورباه لين كبر ...
متعلق في ابوه مقل ماكان متعلق بأمه اللي راحت وتركته ...
التوأم راحو ووقفو جمبه ..
يطالعـــــــــــــــــــــون جدهـــــــــــم ...
$$ هاهــــــــم ينظرون الى جــــــــــــدهم ..$$
رغم انهم لـــــــــــم يشتاقون للروئيته بعد مافعله بوالدهم ..$$
أمـــــــــــــــــــا جدهـــــــــم الذي لطالما أراد روئيتهــــــــم $$
لــــــــــــــــــــم يراهــــــــــــــم ..$$
$$ ومثل ماقلت __^ ..$$
((هكــــــــــذا الدنيــــــا تدور ))
(بنفــــــــــــــــس المستشفــــــــــــى ....
في أحد الغرف ...
شخــــــــــــــــــــص متمدد عالسرير الأبيض ...
وبجمبه أمه تقرى عليه القرآن وتسمي عليه ودموعها تنزل ...
-(راكــــــــــــــــــان فتح عيونه اللي حواليها سوااااااااااااااد وبوجهه الشاااحب ..
ابتسم ابتسامه باااهته :~ يمه انتي للحين هنا ..؟؟
-(أمه وهي ودموعها تنزل :~ أي ياولـــــــــــدي ... شلون الروح واتركك ..
مايطاوعني قلبي ...
-(راكان ببتسامه ساخره صغيره بوجهه الشاحب :~ يمه اللي يهديك .......
لي سنتيــــن ..... هنا بالمستشفى .......... مامليتي ...؟؟
-أمــــلْ ..!!!.. عيب يايمه تقول كذا ...؟؟ .. انا لو أقعد حياتي كلها جمبك
واهتم فيك عمري ماأمل من ولدي الوحيد ...
-(راكان :~ يمه انا مابقى من عمري شي ... لا تتعبيـ.....
-(قاطعته بعصبيـــــــــــه بين دموعها :~ كم مره قلت لك
لا تقول هالكلام .... بعدين انت تسمع كلام الدكاتره وش يقولون ...
في أمل انك تتعالج دامك موب معترض على أي علاج هم يعطونك اياه ...
وأصلا انا قلت للأبوك يحجز لنا تذاكر للعلاجك برى ...
-(راكان بنرفزه :~ يمه خلاص انتهينا من هالموضوع ....
قلت لك العلاج برى ماراح يفيد .... علاجنا هنا بديرتنا ماتفرق
عن برى ...
-الا تفرق وستين تفرق ... بس انتـ...
-(قاطعها :~ يمه الله يهديك خلاص ... اذا تبين راحتي خليني هنا ...
انا مرتاح بهالمستشفى ... ومابي أطلع برى السعوديه ..
اذا مت أموت بديرتي موب برى ...!!
((ثم لف عنها وتغطى ...
أم راكان نزلت دموعها أكثر وهي تتحسر على ولدها اللي مات شبابه
وهو مريض للمدة سنتيــــــــــــــن..
أو بالأصح مريض من قبل سنتين بس ماكشف عن مرضه
رغم انه داري الا متأخر من بعد ماصار الصداع
عنده ولا شي بالأعراض الثانيه اللي طلعت له بسبب مرضه ...
مرضــــــــــــــــه اللي عرف عنه لما كـــــــان بالمستشفى بعد الحريق
... كيف كانت حالته صععععبه بالمستشفى والكل يحب انه بسبب حرق ظهره
اللي متشوه .... بس راكان ماكان هذا اللي هامه ....
الدنيا صارت عنده ولا شي من بعد ماعرف عن مرضه باليوم اللي طلعت تحاليل
تثبت وجود مرض بجسده ...
أمه تذكرت ليش قال لها مايحتاج اسافر برى وأعمل عملية بظهري
للحرق .. عمليه تجميليه ... حياتي قصيره والحرق موب أكبر همي ...
((بكت أمه ... وبكت كل يوم وكل ثانيه وكل دقيقه على ولدها ...
من بعد ماقال لها الدكتور عن مرضه ...
بذاك اليوم اللي رجع راكان للسعوديه من الإمارات ..
وبعدها بيومين بس غاب عن الوعي ولا صحى الا بعد ثلاث ايام واكتشفو مرضه بالمستشفى..
$$ يعنـــــي راكان هو الشخص اللي فقدناه بآخر البارتات __^ ..$$
بعد يوم ونص ....
بالمستشفى ...........
الكل متواجد بالمستشفى ...
نارا التفتت تدور دورة مياه ((الله يكرمكمـ))
اتجهت صوب سيب ثاني ...
مرت على غرفه كانت مفتوحه ...
انتبهت للشخص بالغرفه عالسرير موب غريب عليها ...
رجعت تطل تتأكد ...
وهي تحاول تشوف ملامحه زين من بعيد ...
علطول تذكرتـــــــــــــه ...
معقــــــــوله هذا راكـــــــــان ..!! ..
شيابه هني ..؟؟ وليش هو بالمستشفى ؟؟
أدخل عليه ولا لا ..؟؟
((وأخير قررت انها تطنش موضوعه ...
لما طلعت من دورات المياه ...
مرت مره ثانيه بغرفة راكان ..
وكان كل تفكيرها فيه وليش هو بالمستشفى ...
وقفت وهي تحس انها تبي تطمن عليه ...
وأخيرا بعد تردد كبيـــــــر دخلت بعد ماطقت الباب ...
شافت كيف الورد بكل مكان ..
استغربت الوضع بس طنشت ...
نزلت عيونها عليه كيف مغمض عيونه بتعب ...
ووجهه صاير شااااحب ومكتم ...
استغربت وجود قبعه صوف سودآ تغطي راسه كله وأذانه ..
تغير راكان ميه وثمنين درجهْ ...
تتذكر كيف كان وسيم ... أما الحيــــــــــن ..!!
المرض لعب فيه لعب لين طلع شكله أقل من العادي ...
نارا حست بضيقــــــــــه كبيــــــــــره داخلها وهي تشوف راكان بهالحاله ...
بلعت ريقها اللي جف ثم مدت يدها بتردد تبي تصحيه ...
بس حست انو فيه أحد بالحمام ...
بسرعه بعدت يدها عنه وطلعت رغم انو قلبها مايطاوعها ...
جبرت نفسها تروح عنه الحين بس ترجع له بعدين ...
لما طلعت من غرفته قابلت تولين ...
نارا توترررت ..
حست عليها تولين حتى انها شكت انو بهالغرفه فيها أحد يهم
نارا لأنها شافتها لما طلعت منها ...
نارا راحت عن تولين بس تولين حست بفضول تشوف من كانت عنده نارا ...
طلت تبي تشوف ...
استغربت وجود شخص نايم ..!! ...
أكيد تعرفه نارا ...
لما لفت بتروح بعدم اهتمام ... جمدت مكانها ...
هالملامـــــــــح موب غريبــــــــــــه علي ..!!!
التفتت تشوفه مره ثانيه ...دققت فيه أكثر لين عرفته ...
راكــــــــــــــان ..!!! ...
بهاللحظه تولين بدون شعور كانت بتدخل بس وقفت لما شافت حرمه
طلعت من الحمام ...
بسرعه وخرت عن الباب وهي تطالع شسالفه ...
شافت كيف الحرمه جلست جمب راكان وهي تقرى عليه وتمسح على يدينه ...
تولين رجعت للأهلها وكل تفكيرها عند راكان ...
ماتدري ليش حست بضيييقه لما شافته بهالحاله ...
نارا وتولين جالسين وهم يفكرون براكان ...
أما ليان واقفه تطالع جدها من القزازه ودموعها على خدها ...
فيصل جالس ومدد رجوله وهو يطالع عمه كيف العز واظح عليه ...
وهو يفكر :~.....
ياحسافه .... مالت علي انا وفقري وعمي متنعم بهالعز كله لحاله ...
وشكله ماتزوج بعد ..!! ...
هذا شنو يساوي بهالدراهم كلها ..!!
صج حاله والله ..... ياعييييني .. من يشوفه يقول هذا كاااااااش ...
((فيصل يطالع عمه من فوق لتحت ويتحسر على نفسه ...
قطع عليه التفكير لما دخلو الممرضات للغرفة جده يخوف وضجه ..
والدكاتره واحد ورى الثاني يدخلون الغرفه ...
الكل وقف بعد ماحسو انو فيه شي جدهم ...
وهم يطالعون من القزازه كيف يحاولون يعطونه تنفس ...
مره مرتيـــــــــــــن ..
ثـــــــــــــلاث ...
((نـــــــــــــــــــــرجع للغرفــــــــــــــة راكان ...
طلعت أمه بتروح تشتري لها غدا وهي جالسه على لحم بطنها ...
راكان لما طلعت أمه فتح عيونه علطول وهذا يدل انه ماكان نايم وطول الوقت كان
مغمض عيونه بس ...
حس بنارا بس مافتح عيونه وشاف مين هذي ..
توقع انها ممرضه او دكتور ...
رفع جسمه بتعب ثم طلع كتاب وقلم من الدرج ...
وبدى يكتب كل اللي بباله وبداخله ...
مثل كل مره اذا حس انه مخنوووق من شي يبي يطلعه ...
ماله غير مذكراتـــــــــــــــــه ....
بهاللحظه دق جواله ....
حط القلــــــــــــــم ثم التفت ياخذ الجوال ....
سمع ضجه برى غرفته في الممر ..
استغرب شسالفه ...
بس طنش ورد ...
((أما الضجـــــــــــه اللي برى كانو الممرضات يروحون ويرجعون على غرفة الجد ..
بعد ربع ساعه ...
طلع الدكتور بضيقه ثم قال لهم :~ البقيه بحياتكم ...
((التوأم حسو بصدمه ....
صحيـــــــــــــح عمرهم ماقد شافو جدهم الا من خلف القزاز وهو مريض
بالمستشفى ....
بس الصدمه عليهم كانت قويه ...
ماتوقعو انهم راح يفقدون شخص من لحمهم ودمهم ...
لا والأساس برضو اللي هو الجد ...
أما العم بندر صدمته كانت أقوى من الجميع ....
جلس على الكراسي يحاول يستوعب ...
فيصل بسرعه جلس جمب بندر وهو يقول :~
انت بخير ..؟؟
((تنهد بندر وعبرته خانقته ...
وده يبكي بس موب قادر ...
حاس الخنقه والصدمه بداخله مانعته حتى من الكلام ...
((بعــــــــــــــــد أسبــــــــــــوع كــــــــــــامل ...
حظرو العزى ونظمو كل شي ...
بالقصـــــــــر ...
والمعزين يدخلون ويعزون بتوااااافد كبيــــــــر ...
بما انو المرحوم له سمعته الكبيره بالرياض ...
بس كل من دخل يستغرب وجود فيصل اللي أول مره يشوفونه ...
الكل توقع انه أجنبي بس لما تكلم يستغربون أكثر والفضول يكون أكبر عندهم ...
أما من جهة البنات ماكان فيه أي زوار بما انو معروف عند الكل ان هالقصر مافيه
حريم ولا بنات غير الخدمات ...
هشان كذا كانو البنات الثلاث جالسين جمب بعض ...
نارا سااااااااااااكتــــــــــــه ...
أمـــــــــــــا ليــــــــــــان تبكي ومن قلب وكأنها لها سنين وهي تعرف جدها ...
بس الحرقه اللي بقلبها أكبر لأنها تمنت لو تجلس مع جدها
اللي طول عمرها تحلم لو كان عندها عائله كبيره اللي جابوها ...
بس مابقى لهم غير عمهم بندر ...
أمــــــــــا تولين حاطه رجل على رجل وتهزها بملل وهي تطالع أظافرها ...
نارا التفتت على تولين ثم كشرت من وضعها ...
قربت نارا من ليان ثم حطت يدها على كتوفها وهي تقول
بحنـــــــان غير معتاد من نارا :~
خلاص ليان قطعتي قلبي صج ... بسج بجي ...
ترحمي عليه وأدعي له ....
((ليان تحاول تسكت بس موب قادره وهي تبكي أكثر وتتذكر أمها
اللي ماتت وأمها اللي سافرت ولا كلفت نفسها تتنازل وتجلس
عندهم وتربيهم حتى لو انهم كبار ...
بس العمل عندها كان أهم ... رجعت له وتركت عيالها وتفقو على اتصال بينهم ...
بس للحين مادقت عليهم ...
ولا هم دقو عليها ...
((مرت ثلاث أيام زياده ...
بالصالــــــــــــــــه ...
الوضع بالقصـــــــــر كان هاااادي ...
العم بندر بغرفته ماطلع منها ...
أما فيصل طول وقته نايم وبس يعد الأيام عشان يرجع للإمارات ...
فاقد شلته وفاقد الجامعه وجو الإمارات ...
ماتعود على السعوديه ولا على أهلها ... ولا حتى جو العز هذا اللي هو فيه ..
والخدم يخدمونه بأي شي يبيه ...
حس بطفش كبييييييييييييييير وهو موب متعود يقعد بالبيت .. بس مشكلته
مايعرف أحد بالسعوديه ولا يعرف شوارعها أو أي شي ثاني ...
يفكر ببنته ميما طوووول الوقت .... خايف لا يكون فيها شي ..
رغم انه كل دقيقه يدق يتطمن عليها ...
بس أغلب الأوقات العجوز يالله ترد عليه ...
وبالويل يقدر يفهم منها كلام أو تسمعه ...
يبي يرجع للإمارات .. يبي يرجع للبنته ... خايف عليها وبقوووه ...
((نرجع للصاله الكبيــــــــره ...
نارا منسدحه وتفكر في يزيد شلون بتحصله بالرياض ....
وهي موب عارفه شي ...
ماسكه الجوال وماتدري تدق أو لا ...
أمــــــــا تولين جالسه ومتربعه على الكنبه وهي تتفرج على القنوات
وحاطه على قناة فاشن ...
أما ليان جالسه بالجهه الثانيه ومره تطالع في نارا اللي مزلبتهم ...
ومره تطالع في تولين اللي خاشه جو حماس مع عرض الأزياء ...
تحس ودها تتكلم معهم ... تبي تعوض كل الأيام اللي راحت ...
بس محد عطاها وجه ...
ولا حتى أخوهم فيصل اللي ساحب عليهم كلهم بغرفته ...
-(ليان بتردد :~ آآآ ... ماتبون تغيرون الجو شوي ؟؟؟
((ولا كــــــــــأنهم يسمعونهـــــــــــا ))
-(ليان حست بتوتر كبيررر ثم قالت :~ طيب ماتبون تاكلون شي ؟؟؟
((برضــــــــــو لا من مجيـــــــــب ولا حتى التفتو عليها ))
(حست انها لو تسكت أحسن ...
بس نارا قامت من سدحتها وراحت عنهم وهي حاطه جوالها على أذنها ...
نارا وهي واقفه بعيد عنهم خاااايفه لو مايرد عليها يزيد بعد التفكير كله اذا تدق او لا ..
رن كثير بس مارد ..
لما جت بتسكره بخيبة أمل ...
رد عليها :~ آلــــــــــــو ...!!
-(نارا سكرت أسماعه شوي ثم تنحنحت تبي تعدل صوتها من سدحتها طول الوقت
رغم انو مافي أمل يتعدل لانو مبحوح خلقه هي وخواتها كلهم وحتى أخوهم
فيصل ..
بتوتر :~ مرحبـــــا يزيد شحالك ..؟؟
-(سكت يزيد شوي ثم قال :~ بخير ...
-(توقعت يسألها عن اخبارها :~ آآآآ .... أبغى أشوفك ..
-..................
-انت وياي ؟؟؟
-أي نعم ...
-ابي اشوفك .... ضروري ... بس ماأدل شي بالرياض ...
ياليت تمرني ... على ماأعتقد عنوان البيت هو .....................
البيت رقمه .......
بعد ساعه راح انتظـ....
((سكتت لما سمعت صوت ضحكه صغيره ....
بهدوء وواظح عليه الجديه قالت :~ ليش تضحك ..؟؟
-ههههـ .... لا بس انتي حسبالك احنا بالإمارات للحين ...
السعوديه فيها هيئه ... فيها تفتيش بكل مكان ...
يعني لو بيشوفوني معاك علطول مايحدنا الا السجن
بتهمة انك طالعه مع واحد غريب ...
-.....................
-هههههه شفيك سكتي ؟؟؟ ...
-(بعدم اهتمام واظح :~ على اتفاقنا ... انا انتظرك ...
-(يزيد استغرب :~ كل اللي قلته تو موب هامك ؟؟؟
-طيب واذا رحت الشرطه ..؟؟؟ .... واذا دخلت السجن ؟؟؟
عادي قد صار لي الأعظم ... مايهمني شي ... الا اذا انت خايف
فهذا شي ثاني ...
-(سكت شوي ثم قال :~ طيب شبغيتي مني ؟؟؟
-ابيك ضروري ....
-بس انا قلت لك كل واحد مننا بطريق ...
-وانا اقول لك الحين اني بالرياض عشانك .... وابي اشوفك ضروري وألحين ...
((ثم سكرت الخط بوجهه بدون ماتسمع رده او بالأصح ماتبي تسمع رده ..
خايفه لا يرفض ...
توقعت يدق بس مادق ...
مـــــــــــــرت ساعه كامله ....
شوي الا ومرت ساعتين ونص ...
نارا وصصصلت معها ...
كل مره تدق مايرد ...
بالأخير دقت بقهرررر ...
بس تفاجئت لما رد وهو يقول :~
نارا قلت لك ماراح انسيني ...
-(بعصبيه قدام ليان تولين بالصاله ونست وجودهم :~
قلت لك تمرني الحين .... يزيد انا اترياك وانت
تقول انسيني ..!!! شنو لعب يهال احنا ..!!؟؟ ...
هذا تالي تقديرك لي ..!! ....
عموما عموما بطقاق لا عاد تمرني ولا عاد ابي اشوف رقعة ويهك ..
وماعاش من يذلني فاهـــــــــــــــم ...
((ثم سكرت الخط بقهرررررر ...
التفتت على تولين وليان اللي يطالعونها بتعجب ...
كشرت بوجيههم ثم رقت للغرفتها ...
-(تولين بتكشيره :~ مالت على هالويه ...
((ثم التفتت وكملت البرنامج ...
ليان حست انو وجودها زي عدمها ... فضلت انها ترقى للغرفتها أحسن بكثير ...
دخلت غرفتها وشافت بجوالها الربعين اتصال من صقر مثل كل يوم وهي ماترد ..
قفلت الجوال ثم نامت ...
((بعد يومين العم بندر قرر يطلع عيال اخوه ويتمشون بالرياض ...
((بالسيـــــــــاره ..
-(العم بنـــــــــــدر وهو يغمز للفيصل :~ فيه شارع أسمه شارع أتحليه ...
اقولك من الحين ...
لا أشوفك فيه ..
-(فيصل ضحك :~ ههههه شدعوا ليش ؟؟؟
- ولا حتى شارع تركي الأول ...
-(فيصل بستهبال :~ لا أحسن قل أقعد بالبيت ...؟؟
-ههههههـ كفو سنايدي ...؟؟
-(فيصل يردد ورى عمه :~ سنايدي ... سنايدي ... سنايدي ...
-(العم :~ وش تسوي انت ؟؟؟
-لا بس بتعلم اللغه السعوديه ... فيها قبايل .. سعودي ومايعرف شي عنهم ...
-اللي يسمعك يقول لغتنا صوماليه ولا بنقاليه ... اقول اهجد علينا ...
-(فيصل :~ اهجد علينا ... اهجد علينا .. اهجد علينا ... بس الا اقول ماقلت لي وش معنى
اهجد علينا ووش معنى سنايدي ..؟؟
-(تولين :~ بالله عمو لا ترد عليه تكفى ...
-(العم بندر :~ وش عمو بعد انتي ...؟؟
-(فيصل مسك ضحكته :~ تحاول توظح لك انها دلوعه ...
-(ليان ضحكت غصب عليها ....
-(بندر :~ ههههـ اقول نارا ليش ساكته ...
((نـــــــــــارا في عالمهــــــــــا المعتاد ... الصمـــــت والغمـــوض عنــــوان لها ))
-(تولين بحتقار :~ لو تحاجيها من اليوم لين باجر ماراح ترد عليك ...
هذي انا متأكده انها صمخا ماتسمع ...
-(بندر :~ تولين ....!!! ... ((قالها بجديه ))
-(فيصل حب يغير الموضوع :~ عاد هالشارعين اللي قلت لي عنهم اتوقع
هم أول شي بييهم ...
-(بندر بضحك :~ أي صح انسى شي اسمه أسواق تدخل وتقز فيها ...
ترى عندنا عوائل وبس ... يعني اعرس وادخل ولا جب خواتك معاك ...
-(فيصل :~ لا عاد ... شنو بعد !!! ... أطربني من مالديك ...
-هههههههـ ... أي وبعد فيه شي اسمه هيئه ... يعني تحاول تمر خويتك شي
ولا ماشياااات ... انتبه ...
-(فيصل وهو يأشر بيده وكأنه يشرب كاس ويطالع عمه ويغمز ..)
((بهاللحظه ماحس الا بصقعه على جبهته من عمه اللي قال :~
استح استح ياولد ... هالخرابيط انساها .... ترى وراك عم الحين يعني بتلف
منا ولا منا اعرف حركاتك ...
((فيصل بألم وهو ماسك جبهته :~ آآآآح ياخي نستهبل شفيك قاعدين نمزح ياخي ..
((ماحس الا يصقعه على جبهته ثانيه من عمه وهو يقول :~
ياخي بعينك ... خويك أنا خويك ..؟؟.. كبرك انا تقول لي ياخي ..؟؟
-آآآآآآآآآآآآآآآآآآآخ يلعن شكلـ....
((على راسه صقعه اقوى من اللي راحو من عمه وهو يقول :~
لاااااا انت يبيلك تربيه من أول وجديد ....
((تولين وليان يضحكون على فيصل ....
ماعدا نارا اللي مالها لا حس ولا حركه ...
((لما وصلو الفيصليه ...
-(بندر :~ ولو اني ماحب الأسواق ... بس بصير دليل سياحي هالمره
لعيال اخوي ... يالله انزلو ...
((تولين وليان مرررره متحمسين ومستانسين دامهم بين أهلهم ...
وبرضو فيصل اللي انسجم وبقوووه مع عمه ...
ماعـــــــــــدا نارا ... سااااكته وهاااديه ...
-(بنرد التفت على نارا وهو موب عاجبه طريقة حجاب كل بنات اخوه ...
خاصتا نارا ....
ماوده يضغط عليهم .... بس كانت تولين وليان يهونون عنده قدام
نارا اللي ماتعرف حتى تسكر عبايتها ...
-(بندر :~ نارا سكري عبايتك ... ولفي الطرحه زين ...
((وده يقول بعد تغطو ... بس مايبي يضغط عليهم من أول مره ...
كل شي يجي حبه حبه ..))
((نارا ولا كأنها تسمع أحد ...
بندر ماتحمل راح وهو توه بيعدل الطرحه الا نارا دفت يده
من طرف خشمها والأخلاق عندها مقفله ...
ضبطت طرحتها بنفسها ثم سكرت كم زر ...
بندر مارد بأي ردة فعل ..
ماراح يلوم البنت من طريقة العيشه اللي كانت عايشتها خاصتا انه ملاحظ
عيشة نارا السيئه من بين اخوانها ...
((لما دخلو السوق ...
-(فيصل وهو يطالع البنات ... صفر بصوت واظح وهو يقول ببتسامه وسيعه :~
هلا هلا ... هلااا والله هلاا ... هلا بالزين كله هلا ...
-(تولين :~ ؤففففففـ عمو بليز قل له لا يفشلنا قدام الناس ...
انت ماتدري انه معروف بالجامعه كلها لقبه .. مغزلجي نمبر ون ...
-(العم:~ هههههـ خليه يشوف بنات ديرته ...
-(ليان تنرفزت منهم وهي تقول بصوت قصير :~ استغفرالله ...
-(العم تقدم من فيصل وقبض اذنه وهو يقول :~
اللي يشوفك يقول ماشاف خير .... كنك ماتدرس مع بنات من جميع
انحاء العالم ...
-(فيصل بألم :~ أح أح أذني أذني ... عمي الله يهديك خربت البرستيج قدام البنات ..
شف شلون يطالعوني ...
الحين تلاقي كل وحده منهم تقول حرام عليك يابندر تعذب هالوسيم ..
-بندر بعد هاااه ...
