الحزين
๑ . . عضو ماسي . . ๑
كلمات لشاعر ( ساقي الشوق )
أعجبتني كثيرا فأحببت أن أنقلها لكم
الـتـوطـيــــــن
شعب يادار صار بها توطين
وفي مكتب التوظيف سوسن وميسون
مديرهم مدحت ونائبته نسرين
وعلى الرسبشن حمص وفول وزيتون
كل ما أتصلت أسمع ( ألو مرحبا مين )
( بدك وظيفه مين دلك على هون )
أقول أنا إلي أتصل وصار لي شهرين
وأنتوا وعدتوني متى بس توفون
أسمي مواطن
جامعي طيب وزين
جني أبغي أخطب عندكم وتغلون
عندي شهادة طايحه بجبدي سنين
عشش عليها شي له ستت عيون
لو لشهادة ألسان قالت على وين
ناوي توديني وتلف فيني الكون
ومن كثر ما صورتها غارق بدين
للهندي راعي المطبعة صرت مديون
لا ليلي ليل ولا نهاري نوى يبين
ودقيت راسي لين ما صرت مينون
مطلوب خبرة على الأقل في مجالين
ولا أجيني بواصة ولا سير مدهون
ولا أنثبر في بيتك أفرك بكفين
ويومك يشابه أمسك وأعيش مغبون
تعدادنا وياهم أربع ملايين
وأهل البلد للحين ما صاروا مليون
ويلاه من باجر إذا وضعنا ألحين
وأحنا أقل من الربع حالنا أشجون
وإلي أبتسم له الحظ والله مسكين
حصل وظيفه بس في وين
تدرون
إلي ساكن في راس الخمية حطوه في العين
وإلي سكن في الذيد في السلع مدفون
ويشوف أهله بس في الأسبوع يومين
وإذا حسبتوا الدرب كم ساعة تبجون
يعني في كل أحواله ذاق الأمرين
شغال محزون وبلا شغل محزون
والأجنبي إلي راتبه فوق العشرين
فيلا وسيارة وتذاكر وطاعون
وعنده بدل كل شي على الراتب ألفين
حتى بدل معجون أسنان وصابون
وبعد ما يجمع من أبلادي فلسين
ويربي على القعده من الكرسي أبطون
ويصير في بلاده غني وعنده برجين
يرحل وهو جاحد وكم مثله ملعون
وحتى الجماعة قوم مدحت ونسرين
مردهم لبلادهم ولو يطولون
يرظون بشويت دراهم وشفتين
صبح وعصر ولو حتى فليل بيرضون
بس لو سمعتوا همسهم بينهم بين
وسط القهاوي يلعنون ويسبون
لا تحسبوني عنصري وكلنا طين
والخل لو عاتب محبينه يمون
داري وأنا أولا بها من الغريبين
ما يوصلون لحبها لو يموتون
( والأقربون أولى ) كلاما من الدين
ما جبته من شعري مع إلهام وظنون
ولد البلد ما يبغي لبلاده الشين
بالروح وبالدم يفتديها ولا يخون
لكن سؤاله يوم قلتوله توطين
يا كيف بيد الغرب توظيفه يكون
شعارهم معروف راجعنا بعدين
وباين من التأجيل أنهم يخافون
إذا معاك خبرة يا أهلين وسهلين
وإذا شهادة بس عنك يصدون
ما عندنا شاغر وبطلنا تعيين
ولو تحرق الهاتف ترى ما يردون
من وين أجيب الخبرة من وين
دام الوظيفة عند سوسن وميسون
عندي بمطبخ بيتنا خبرة سنتين
تنفع إذا صارت المطاعم يوطنون
وإلا أهاجر وآخذ الخبرة في الصين
صح العيون أصغار بس يقدرون
سؤال يادر
صراحة بترظين إني أسافر وأطلب لي الغرب عون ؟
وسؤال ياناس على الراس والعين
صدق الوظايف واسطة وسير مدهون ؟
أم الجواب الشافي يجيني ألحين ؟
أو هاتوا تأشيره إذا كنتوا ترظون ؟
أعجبتني كثيرا فأحببت أن أنقلها لكم
الـتـوطـيــــــن
شعب يادار صار بها توطين
وفي مكتب التوظيف سوسن وميسون
مديرهم مدحت ونائبته نسرين
وعلى الرسبشن حمص وفول وزيتون
كل ما أتصلت أسمع ( ألو مرحبا مين )
( بدك وظيفه مين دلك على هون )
أقول أنا إلي أتصل وصار لي شهرين
وأنتوا وعدتوني متى بس توفون
أسمي مواطن
جامعي طيب وزين
جني أبغي أخطب عندكم وتغلون
عندي شهادة طايحه بجبدي سنين
عشش عليها شي له ستت عيون
لو لشهادة ألسان قالت على وين
ناوي توديني وتلف فيني الكون
ومن كثر ما صورتها غارق بدين
للهندي راعي المطبعة صرت مديون
لا ليلي ليل ولا نهاري نوى يبين
ودقيت راسي لين ما صرت مينون
مطلوب خبرة على الأقل في مجالين
ولا أجيني بواصة ولا سير مدهون
ولا أنثبر في بيتك أفرك بكفين
ويومك يشابه أمسك وأعيش مغبون
تعدادنا وياهم أربع ملايين
وأهل البلد للحين ما صاروا مليون
ويلاه من باجر إذا وضعنا ألحين
وأحنا أقل من الربع حالنا أشجون
وإلي أبتسم له الحظ والله مسكين
حصل وظيفه بس في وين
تدرون
إلي ساكن في راس الخمية حطوه في العين
وإلي سكن في الذيد في السلع مدفون
ويشوف أهله بس في الأسبوع يومين
وإذا حسبتوا الدرب كم ساعة تبجون
يعني في كل أحواله ذاق الأمرين
شغال محزون وبلا شغل محزون
والأجنبي إلي راتبه فوق العشرين
فيلا وسيارة وتذاكر وطاعون
وعنده بدل كل شي على الراتب ألفين
حتى بدل معجون أسنان وصابون
وبعد ما يجمع من أبلادي فلسين
ويربي على القعده من الكرسي أبطون
ويصير في بلاده غني وعنده برجين
يرحل وهو جاحد وكم مثله ملعون
وحتى الجماعة قوم مدحت ونسرين
مردهم لبلادهم ولو يطولون
يرظون بشويت دراهم وشفتين
صبح وعصر ولو حتى فليل بيرضون
بس لو سمعتوا همسهم بينهم بين
وسط القهاوي يلعنون ويسبون
لا تحسبوني عنصري وكلنا طين
والخل لو عاتب محبينه يمون
داري وأنا أولا بها من الغريبين
ما يوصلون لحبها لو يموتون
( والأقربون أولى ) كلاما من الدين
ما جبته من شعري مع إلهام وظنون
ولد البلد ما يبغي لبلاده الشين
بالروح وبالدم يفتديها ولا يخون
لكن سؤاله يوم قلتوله توطين
يا كيف بيد الغرب توظيفه يكون
شعارهم معروف راجعنا بعدين
وباين من التأجيل أنهم يخافون
إذا معاك خبرة يا أهلين وسهلين
وإذا شهادة بس عنك يصدون
ما عندنا شاغر وبطلنا تعيين
ولو تحرق الهاتف ترى ما يردون
من وين أجيب الخبرة من وين
دام الوظيفة عند سوسن وميسون
عندي بمطبخ بيتنا خبرة سنتين
تنفع إذا صارت المطاعم يوطنون
وإلا أهاجر وآخذ الخبرة في الصين
صح العيون أصغار بس يقدرون
سؤال يادر
صراحة بترظين إني أسافر وأطلب لي الغرب عون ؟
وسؤال ياناس على الراس والعين
صدق الوظايف واسطة وسير مدهون ؟
أم الجواب الشافي يجيني ألحين ؟
أو هاتوا تأشيره إذا كنتوا ترظون ؟
