حسره في حياتي

[ولد الكتبي]

بدأت حياتي اليوميه ... ركبت السياره ومتجه نحو الدوام ساعه ونص قبل الناس لبعد الطريق وعدم توفر العمل في مناطقنا التي يسمونها بالمناطق النائيه تحسرت وقلت بلادي وانا ما محصل شغل فيها الا فالمدن وفي مناطقنا الي يشتغلون وافدين ...:mf_tongue


تحركت بالسياره وبدون سابق انذار جاوز أو ضرب اشاره وع طول دخل الخط السريع تحسرت وقلت يجاوز بغى ينفدنا والسواقه عاثره من وين محصل ليسن!!؟؟ ...كتمت انفاسي وقلت الله كريم ... فجأه زحمه الشوارع الفلم المأساوي الي تعبنا من أحداثه وشوارعنا وسيعه ...سرت دول برع عدد سكانها فالمدينه 30 مليون وشوارعها اصغر من شوارعنا ماشي زحمه تحسرت وقلت متى بتنحل هالمشكله لان من هب ودب يشتري سياره ويسوق...

وصلت الدوام نزلت :mf_zippy: ... سميت بالله وتوكلت ع ربي وان شاء الله يكون صباح خير علي .. كل الي داخلين هنود واجانب تحسرت وقلت عيال البلاد يالسين فالبيوت يقولوهم ماشي شغل .... دخلت مكتبي وكملت حياتي العمليه k:... يانا واحد يديد قالوله متدرب الى اشعار آخر يعني يمكن تمتد هالمده سنتين او اكثر بس للمواطنين .. ونفس الوقت يا واحد هندي قلته شو المسمى الوظيفي قالي مهندس قلتله عندك خبره قال: لا قلت ناس وناس صدق ( يعني المواطن اول ما يتوظف مسماه متدرب والموافد يعطونه مسمى بمعنى مثبت في شغله اما المواطن متدرب عادي ما يبونه عقب تحت التجربه))... اشتغلنا تعبنا آخر شي يقول المدير المواطنين مب مال شغل بس يبون يلعبون ....


طلعت من الدوام وأزمت البث المباشركل يوم ... اتصلت قالت اسكن في شقه أو بيت ايجار والثاني يقول ارتفاع الاسعار وين الحكومه والثالث .... تحسرت وقلت متى بنخف من مشاكلنا ...[SH10][/SH10]


وصلت البيت تغديت ورقدت ... سرت الجامعة المدرس يقول الي ما عنده كتاب اخر يوم يدخل الكلاس اتجه نظري لصديقي او جاري الي يالس حذالي وافد شاري كتاب وادواته الدراسيه كامله!! ... فرفع احد المواطنين اصبعه يسأل المدرس اقدر أسوي كوبي للكتاب ؟؟؟ ضحكت وتحسرت وقلت هل كثره التكاليف عليه وما يقدر يشتري كتاب لغلائه؟؟ او كره الدراسه وما يبا يخسر شي عليها؟؟!! .....:m_shey6an

رجعت وفي طريقي اجوف مباني تطور زحمه فالعمران(( لجيل قادم ))...
لحظه جيل قادم من جميع انحاء العالم مع إقامه مدى الحياه ... لان الاحصائيات تقول اكثر الي يشترون الشقق والفلل بدبي أو اماراتنا الحبيبه هم هنود ...:mf_fart2: ... تحسرت وتضايقت وكرهت التطور لان الحين المواطن ماله احترام نفس قبل عيل الله يعين من الايام اليايه نحن بس بنكون شرات الديكور فالبلاد والي يآمر وينهي ... خلوني ساكت!!! لحظه تذكرت وقلت وين حياتنا البسيطه وين كنا قبل والحين لوين بنوصل؟؟؟...

قبل الرقاد شغلنا التلفزون قنواتنا تتحلى زي اجنبي او لبناني يعني مالك مكان يا مواطن .... تحسرت وقلت حرام حرام الفلوس الي يصرفونها عليهم مثل برنامج غيرلي حياتي وبرنامج انتي احلى وبرنامج تيك وتيك وما اعرف شو هالاسامي... اذكر مره قدمنا في برنامج اسمه تيكت آند ليفت يعرض ع قناه دبي المهم اتصلوبنا انا وربيعي سرنا في فندق من فنادق دبي كان كل المشاركين وافدين نحن بس المواطنين والقائمين ع البرنامج كلهم وافدين المهم كانو يبون يقولولنا كيف بكون البرنامج وبيختبرون معلوماتنا ... المهم دخلنا والله منو كان يجاوب نحن آخر شي انصدمنا قبلوهم ونحن لا (( مال عمك ما يهمك))...

الخميس سرت السوق دخلت عيبني شي قلتله كم سعره قالي 160درهم قلتله غالي قال انت مواطن زياده فلوس في !! قلتله محد مسكين غير المواطن ما طاع يرخص .. طلعت طرشت وااحد من ربعي بس هندي توقعو نفس الي كنت اباه يابلي اياه ب 90 درهم ...

كم جريمه سمعنا منو كان سبها الاجانب ...؟؟ هددو امن بلادنا ... :mf_tongue :mf_tongue :mf_tongue :mf_tongue :mf_tongue


كم حسره تنتابني ...؟؟؟ :m_dam3ah:

هذا الموضوع من واقع حياتنا اليوميه التي لم اجد طريقه فالتعبير عنها الا بهالاسلوب ... وان شاء الله ما ضايقنا حد او غلطنا ع حد والله يهون علينا حسراتنا ويوفقنا ...

والسموحه

اخوكم
ولد الكتبي

 

[ARMANI]

رد: حسره في حياتي

ياني اكتئاب حاد جدا جدا جدا


مابزيد شي اخاف على قلبي

لاحول ولا قوة الا بالله

 

[جلنار]

رد: حسره في حياتي

السلام عليكم ورحمة الله وبركاتة



صدقت يا ولد الكتبي بكل كلمة قلتها بس بعد ما ننكر دورهم في البلاد وبعض البطرة من المواطنين:h_shey6an

وسالفة المتدربين والخبرة والهنود ،،،،، اوووووووووف انا مجربة هالوضع السمستر إللي طاف كان عندي تدريب في وحده من المؤسسات والله كل الموظفين هنووووووود والمواطنين ينعدون بالأصابع ....


ما اقول غير الله يعين المواطنين

 

[عيوز مشتطه]

رد: حسره في حياتي

يا حسرتي ع دبيشاتي الي سرحتهن من الصبح ولين الحين ما ردن ..:h_waa:

الصراحه الصراحه ..

الموضوع اييب الضيــــــــج ..

الله يعينا .. وما يندرى شو نهاية هالاجانب ..

 

[حمود الشحي]

رد: حسره في حياتي

السلام عليكم ورحمة الله وبركاته

الله ع الموضوع ييب الضيج هع هع هع


مشكووووووور اخويه ولد الكتبي ع الموضوع





والسموحه

 

[أسيرة صمت]

رد: حسره في حياتي

الله يعين
مشكور اخويه
والله كريم ...

 

[شيبه محتشر]

رد: حسره في حياتي

لاحياة لمن تنااادي
البطااانه تقول
المواااطن عايش بخير وبركة ونعمه بفضل الشيوخ
حتى مايييبون ذكر رب العالمين بالفضل
هذين هم خراااب البلااد
البطااانه لي تحت الشيوخ
اماااا كلاااامك الباقي
فاذا تذكر كتاب التربية الوطنية للصف الرافع
حاااطين رسم لواااحد لابس وزاار وفانيله وعصااامه
ومحطينه بالمتحف ويأشر المرافق للي الاجانب يقول لهم
هذين كااانوا سكان الامارات الاصليين
وهذا لي بيصييير
:m_dam3ah:
اذا تم الحال على ماهو عليه

 

[الرحبي]

رد: حسره في حياتي

((((((((((((جميل هذا الوقت محبط))))))))))))


لا بعد الوافد مصدق في كل شي

يقبلون شهادة الوافد ولا يقبلون بشهادة المواطن


جميل هذا الوقت محبط


تحياتي لك يا ولد الكتبي

 

[عيوز مشتطه]

رد: حسره في حياتي

لان الوافد ياكل طعميه وفول مب شراتكم هريس وخبيص خخخخخ .. :mf_tongue :mf_tongue :mf_tongue

 

[الرئتية]

رد: حسره في حياتي

بصراحة كلامك يلكتبي صح وهذا هو واقعنا للأسف الشديد

طبعاً ما بييدنا نسوي أي شي غير الطماشة

والله المستعان


تشكر على المواضيع المميزة اللي تتحفنا بها ولاهنت