عيوز مشتطه ------> اضغط هنـآ

[عيوز مشتطه]

الساعه خمس الفجر اسمع حد يوعيني


يالعيوز قوووووووومي


وانجلب الصوب الثاني :mf_electr


العيوز نشي بسج رقاااد :h_em3a9ba


وانجلب على بطني فكيني خليني ارقد cat


العيوز قومي بنسير المطار تاخرنا عليهم :g_hmm:


نشيت مصحصحه جني ضب :h_um7yat:


غسلت ويهي ولبست عباتي وشخطنج على طول مطار دبي


انزين يالطمه صلي


والله نسيت صلاتي


من الفرحه ما صدقتهم يوصلوووووووون


اول ما شفتهم طفيت من السياره والاوي هذا وهذاك


خاصة حمد فديته غير :h_love:





اصدقائي واحبائي واخواني فديتهم والله الحياه صعبه بدونهم خخخخ


انا فرحااااااااااااااااااااااااانه :3faree:










صليت الفجر الساعه 8 وشي عادي صح ؟

 

[عيوز مشتطه]

من اووووووووووختي ام حمد :ah:


عطورات

















ملطف :^^:





مسكره





والله العظيم اتحراها مصاص والا غلوووس ~~> هذا اللي ما يعرف في سوالف المكياج cat


وحلاوه

 

[عيوز مشتطه]

شكرا لكم يا اعزائي على التقييم الموتوااااااااااصيل . .



انزين ليش تقولون ان حمد شكله مثل الزلمااات cat



هو مب مسوي تسريحه كان كافخ بالكاب ويوم خوزه جي طلع شعره . .



~~~



طبعا عمران طول اليوم مجابل الــ i Pad ويطالع الرسوم

مره شاف موقع googlemail قالي خالوه افتحي لي هالموقع



قلت له لازم تشترك فيه ويكون عندك اسم



قال انزين انا عندي اسم اسمي عمراااااااااااااااان :m_em3a9eb



خخخخخ



فديته ذكي نفس خالته :ah:



الحين اسمع موسيقى moving - secret garden



واتخيل اني طايحه ع العرقوووب واطالع السما وقت المغرب واسمع هالموسيقى :ah:



يا سلام



قمة في الهدوء والرومنصيه



افكر وافكر واخطط لمستقبلي المجهول



واتيني فجاه ناقه وتوطاني في بطني :3faree:

 

[عيوز مشتطه]

طالعووووا الردوود يوم كنت مطوعه


الا اخي واختي ياحافظ عليه

أختي الكريمه " ولهانه زايد "

أود أن اقدم لك جزيل الشكر على هذه الصور المتعلقه بالرسول الكريم ..

رأيت بعض من هذه الصور في المنتديات الأخرى ولكن لم أتوقع ان أرى شعره النبي والغبار

المتراكم على قبره ..

سبحان الله ... أدوات منذ قدم التاريخ ولكنها لا تزال موجوده ليومنا الحالي دون تلف..

أخي الكريم " الرمس"
جزاك الله خير الجزاء ..
ومما يجب علينا أثناء القراءة هو التدبر في معاني القرآن الكريم .. يقول الحق سبحانه ( أفلا يتدبرون القرآن ولو كان من عند غير الله لوجدوا فيه اختلافا كثيرا ) النساء.

قال الرافعي رحمه الله " القرآن الكريم يعطيك معان غير محدودة في كلمات محدودة "

نسأل الله تعالى أن يجعلنا من حفظة كتابه الكريم .. وأن يجعله شاهدا وشفيعا لنا يوم القيامة ..

أختي الكريمه "رمااايل" ..

جزاك الله خيراً على هذه النصيحة وتذكيرنا بأهمية التوبه الصادقه ..

وفعلا معظمنا نتكاسل عن ذكر الله والصلاه على النبي مع انها عبارة عن كلمات بسيطه ..

فمثلا "سبحان الله" عبارة عن كلمتين ولكنها توازي ذهبا من الحسنات..

اللهم اهدنا واصلحنا واهدي واصلح جميع المسلمين والمسلمات ..

صدقت يا الرمس ..

بالفعل يعجز اللسان على نطق الحقيقه ويعجز العقل على التعاييش مع هذه الحقيقه .. ويوهم نفسه بالأمل .. لكن الامل يضيع ..

سلمت يالرمس على النقل ...

أختي الكريمه " مثايل"

اشكرك على التذكير بالأيام البيض ..

فالعقل يسهو عن تلك الايام وعن الاجر الذي نناله من صيامها ..

اللهم اجعلني واحبتي ممن يستمعون القول ويتبعون احسنه

اللهم انك سميع مجيب للدعوات ..

اختي " غزالة الجبال"

يسعدني ان اعبر عما في داخلي في صفحاتك المميزه ..

ما دعوة أنفع يا صاحبي من دعوة الغائب للغائب

ناشدتك الله يا قارئـا أن تسأل الغفران للكـاتب

جزاك الله أحسن الجزاء على هذه النصائح ..

((اللهم اغفر لنا وارحمنا))

اختي الكريمه " غزاله الجبال"

جزيتي خير الجزاء لنقل هذا الموضوع ..

اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء بذنبي فاغفر لي فإنه لايغفر الذنوب إلا أنت...اللهم أمين

أخي الكريم "الرمس"

يسعدني ان اتواجد في احدى مشاركاتك القيمه ..

وكل منا يتمنى ان يحبه الله .. وذلك بالعمل الصالح في الدنيا .. والابتعاد عن ما يغضبه سبحانه وتعالى..

جزاك الله خير الجزاء وجعله الله في ميزان حسناتك ..

أخي الكريم " الرمس "

وصراحه موضوع يحتاج الوقوف عليه مرارا وتكرارا ان لم يكن للتعليم
للتذكير والتأكيد على أهمية هذه الصلاة التي تهاون فيها الكثير
وتركها الكثير واصبحت كالأعياد والمناسبات بل ان البعض يصلي الجمعة
فقط لأنها عيد المسلمين تاركا ما عداها وهذا الحرام بعينه يجب ان يعود
الانسان متأملا حياته دائما ومذكرا نفسه بهذه الصلاة ....

تمنياتي لك بالتوفيق ومن جديد إلى جديد ..........

^_^

يحليلي كنت جديه وشبه مطوعه مادري شو اللي ربشني وخررررررررررشني cat

 

[عيوز مشتطه]

واااااااااااااااااااااو يابووولي شوكولااااته :ah:





والحلو للحلو :^^:





دلوعة البرزه

عيوز مشتته

 

[عيوز مشتطه]

السلام عليكم ورحمة الله وبركاته


اشوفني وايد اتعايز عن المدونه


شحالكم وشخباركم وشو رمضان وياكم ؟


انا يوعانه


ويوم ايوع


احط قناة فتافيت واشوفهم يوم يطبخون ولعابي يسيييييييييييييل :mf_dribbl


ليوم ربيعتي يابت لي هديه :ah:


طبعا ما بحط كل شي لان مب كل شي يتصووور وينحط upsss:


بس يسد هالعطر

عندي وايد عطور ~~> عادي ابيعهن ؟


cat

 

[عيوز مشتطه]

سلام عليكووووووووم . .


تقريبا من بدى رمضان نروح العزبه نووووووص الليل


يعني على الساعه 2 او 3 ونشخطه في الروز رايز الاحمر


هالصوره فالنهار


المهم تعرفون شكل السياره الفخمه





وسالم شاد حيله ايزع بنا عرقوب


وينزلنا من عرقوب


ويسرررررررع ونحن واقفين ورى


يالله احس بشعور جميل


المهب تضرب في ويهي والشيله طايره ونصها فحلجي :3faree:


الشباب يعابلون بوشهم


ونحن نيلس فوق العرقوب نهذرب


عقب قالنا عبدالله يالله كل وحده تنزل وتقود لها بكره وبعطيها 100 ربيه ~~> خخخ وايد عليك


ويوم ترابعنا كلنا صوبهن قال تراهن يررقصن ~~> بنخسره 800 عشان جيه يبا يزيغنا :bad:


فتكرمت وحده من البنات وقادتها للمكان المطلوووب


وعطاها 100 ونحن عطانا عشر نشتري بهن ديو والدريول سالم خمس :h015:


المهم عقب صلاة الفجر انا والبنات سرنا العزبه بس احترمنا نفسنا وركبنا سياره محترمه لانه بنطلع على الشارع العام





ونتشاور ننزل ما ننزل :h_afaker:


نبا نحدر ميلس الشباااب ونشوف شوووووووو فيه :m_shey6an





ماااااااااافي شي يديد نفس المنظر اللي اشوفه من سنه 1998 :Faces:


تلفزون وورقه ودفتر وقلم ودلة وكرتون بيذام وبرنوص وملة لبن بوش واكواب مال اووووووول بعد :mf_tongue


ياحظهم . . احس ماشي تغير عليهم مب نحن وايد اشيا تغيرت علينا :h_dam3ah:


طبعا لو دروا انه حدرنا الميلس يااااااااويلنا ويلاااااااااااااه بنتعرض لمسائله قااانونيه :m_mosala7

 

[عيوز مشتطه]

مساكم الله بالخير . .


كل عام وانتوا بخير ومباركٍ عيدكم ~~~> تو الناس cat


ما تفيجت ادش المدونه واشخبط لكم في العيد . .


كل يوم حد ايينا وخطف الوقت بسرعه


الموهيم


ثاني يوم عيد كنا كلنا ميتمعين ونسولف طبعا يدتي ويانا :h_love:





ويايبه الـ I Pad وياها خخخ لانها ما تعرف تيلس بدونه وين ما تسير تشله وياها :eh_s(6):


فديتها ولا اتعرف شو السالفه حطيته عدالها بس عشان اصورها ههههه


المهم


فجأه حدرت علينا البشكاره تتحرطم ما اعرف شو تقول :h_9admah:


شفتهن كلهن اشتلن ويترابعن برع يبن يصورن . . حتى الضيوف . .



وانا وراهن :chek: ~~> ما اعرف شو السالفه بس جي الحقهم :msgplusimg1434pm9:





فحصلنا الثنائي المرح حمد وعمران ميودين عنز فالحوي يحلبونها ويشربون لبنها :h015:





يزوي الفلبينيه سبحان الله حتى نظراتها متعجرفه :mf_tongue





الفتى النبيل رشوودي :mf_cupidh


خلونا من العيد


طبعا اليوم اول يوم دراسي لنا cat


وكالعاده سايره وانا مواصله . . مع اني طايحه ع الفراش من 11 حاولت ارقد بس نووو ويييييي :cry:


تميت لين الفجر وحسيت اني خلااص برقد . . نشيت اسبح عشان اتنشط وصليت وتهندست وذلفت الكووليه :g_haa:


وكان يومي مرهق جدا جدا لدرجة اني حسيت بصدااااع . . مب اي صداااع


والله ضربتني دوووخه :je_suis_d


رديت البيت اتنافض صداع وعيوني تعورني ومب راقده يعني صدق تعبت :h_eheehe:


يالله اخر سنه وبفتك :h_um7yat:

 

[عيوز مشتطه]

انصدمت المس


هالكثر ؟


دحق يدحقهن ~~> وانا وياهن :msgplusimg1434pm9:


واحلى شي يوم طلبت 5 ماك جكن سبايسي و2 وذ اوت سبايسي ~~> ابووووووووك يالانجليزي :00cool:


غناتي فاضحتنج في كل مكان :^^:

 

[عيوز مشتطه]

هوووووووووووووووووووووووي


بعض الناس يشوفوني ما اشارك على بالهم زعلانه والا حد قاييلي شي :1577_1186768770:


نو طبعا محد قالي شي . . اتصفح البرزه بشكل يومي بس ما ارد على المواضيع الا يوم احس اني متفيجه . .


انزين


اليوم كان عندنا برزنتيشن عن العولمه . .


فقررنا نسوي مسرحيه عشان يكون عرضنا ممتع . . ونغير اجواء الكلاس شوي . .


وحده لبست برقع ووحده اونها مصريه


واناااااااااااااااااااااااااااااااااااااا


هنديه :sheer:


والف فالفريج ادور ساري . . ما خليت سيلانيه ما سألتها . .


ويالله يالله حصلت ساري وردي وعليه شغل بالذهبي خخخخ ~~> صدق سيلانيه :ah:


وحطيت نقطه حمرا بين حواجبي


ويمعت كل الحيول اللي في بيتنا وكفخت بهن


وورده حمرا فكشتي


وشغاااااااااااب




وحطيت ميك اب خفيف واستويت سيلوووووووووووووووووني نمبر وننننن :h_um7yat:


اول ما حدرنا الكلاس اندحقن البنات . . والمس وياهن :h015:


يضحكن ويصفقن . . حسيت اني اشواريا مب عيوز مشتطه خخخخخخخخ :g_haa:


لا واونه اسمي سونيتا :h015:


المهم اول ما بديت اتكلم . .


تكلمت بالانجليزي نفس الهنود . . وفيني ضحكه ويالله يالله يودت عمري


كنت بموت ابا اضحك :mf_death:


ويوم خلصت هزيت راسي للمس :msgplusimg1434pm9:


تمت تضحك حليلها . . خبلنا بها اليوم بس وااااااااااااااايد عيبها :g_mest7ya


حتى باقي البنات عيبهن العرض وحسّن بالمتعه . . انتبهن من الخاطر