يا سائل عنى ترانى للوفا ما نسيت
وان غبت عن عينى تراك فى القلب حليت...!
غزالة الجــبال ....
انا الاولى في العايله.... زعيمة الشلهـ ....:a040:
اول ما فتحتـ عيوني لها الدنيا ...
وانا ملعوزه بالوالده....~ .... كلهـ صيااح :a050:
بصياح....حتى الحليبـ ما اشربهـ ...فعودوني على
شربـ حليبـ النيدو من الصغر..... زين ما خلصتـ
عنكم النيدوا ياا عيال البرزة :yaw:
كانت طفلهـ شقيهــ .. متفائلهـ بالحياه ... حركيهـ
... اجرااميهـ ....ما امخليه بقعهـ الا ولاعبهـ فيهااا....
راعيه سوالف وخبالـ.... :bad:
لدرجهـ اني وحليلي حتى الروضه ماحد دخلني سيده
المدرسهـ مخي يوزن بلد غير عن عيال البرزة :h015:
كنتـ احبـــ
اللعبــ بالطين واشكلهـ على شكل حيواناتــ وطيور
وصراصير واوادم ..
احبــ المطر ... كل ما تطيح الامطار اذكر الوالد والوالده يدوروني دواره... وانا
برا البيتـ بالمطر ما يهمني تتبلل ثيابي ولا اي شيء من هالقبيل ولازم
ارد البيت متبهدلهـ وشعري خرسان من صوبـ وطبعااا احصل لي ضربـ
من الخاطر بس ماشي فايده راسي يابس .. تلاقي الوالده مغيره لي
ثيابي من صوبـ والا انا شارده من الباب الثاني ...><
احبـ اسير عن الزريبهـ واللعب ويا العنز ....
حتى مره حصلت لي نطحهـ من السخل في بطني طيحتني الارض ...:h_embageg
احبـــ اكون لي بيتـ انا والشله الي وياي برع البيت.. كل واحد له بيت
من صوبـ ... وانا دايما يكون بيتي فوق الصمره (الشجره) ....
اظل اهناكي للمغربـ... بعد اذان المغربـ وتسود الدنيااا
ارجع البيتـــ....
كنتـ استغل الجراد وقص جناحهـ واقطع ريولاتهـ واحطهـ
داخل كلاس حتى اطبخهـ .... صدق مجرمه درجه اولى
وكنت بعد امسك السحالي الصغيره البريئه ,,تدرون شو اسوي
بها...
كنت امسك الغطايا مال قواطي الصلصال الحاده وامشيها على جلدها
حتى اونه اشل الجلد مثل ما تطبخ امي الديايهـ واقطعها بالنص .
صدق اني الوع الجبد .. وبعدني اتذكر هالامور واقول بنفسي كيف انا جذه ...
يغمضوني هالسحالي .....:msgplusimg1434pm9:
كنت اذكر اتيلس وياي الشله واتحداهم منو فينا
يبلع اكثر حصى ....! عاد حتى ماحد يشوفنا ويشك فينا
كناا نييلس برا البيت وكل واحد فينا يبلع حصى ....:ha:
كنت احبـ احطي مقفطهـ مال الفيران (مصيده).... واستاانس يوم المقفطهـ
تمسك الفار ككككك ونتحدى بعض منو يمسك اكثر io:
مره مسويهـ جريمه بخواتي...>< الوالده سايره المستشفى وحضرتها ناسيه
المقص بمكاان انا اقدر اوصلهـ وانا عاد ما صدقتها من الله ...مستويه كوافيره.. ><
لا انا افهم شيء ولا خواتي يهالوه صغاريه.. فمسكتـهم ..ثلاثتهم واقصقص لهم شعرهم واخبي
الشعر ورا الخزانهـ حتى ما تنتبه له الوالده كككك انزين يااا غبيه يا غزاله اكيد الوالده
بتشوف بناتها يوم بترد جنهم خرفااان مقصقصين :m_kekh:
يوم ما ينتسى انضربت ضربـ بالخيزران لين ما خلصت دموعي ..
:cry:
على الرغم من هاالامور كلها الا اني اتصدقون عندي حنان زايد عن اللازم كككك :!WOW!:
كنت احبـ اللعب بالكرخاانه ...(مكينه الخياطه ) واخيط ثياب
حق اللعب مالي ... واعتبرهم عيالي وانا امهم حتى ارقدهم حذالي .. واتحمل منهم ...
واذكر كذا مره اشوفـ بالصدفه عصفور مسكور جناحه او حمامه تعبانه
ما تقدر اتطير او عصفور عيونه ما يقدر ايشوف منهاا كنت اخبيهم عندي
واتحمل منهم واهتم فيهم ....
الحمامه اتعافتــــ....
وطيرتهااا...:ay:
بس العصفور ... كنت اتحمل منه لدرجه اني احطي له كريم بعيونه
واطعمه كل مره .... وبعد ما ارجع من المدرسه سيده عنده داخل الغرفهـ ...
لا دروس ولا مدرسه ولا شيء بس مجابلتنه بالاخير وانا راقده نشيت كان
المكيف وااااايد بارد ... وجان انصدم انه مب حذالي بالمكان الي انا حاطتنه
صحت له صياح من الخااطر وبعدين جان اشوفه بطرف الغرفهـ من برا ...
بعدهاا مرض وايد .... وماااتـ عني ... ضلتت حزينه عليه وايد
.....:a050: اذكر اليهال صوبنا يقولون لي ماعندج سالفه ياكثر
الحمام الي يموت يعني شو صار الحينه مات وخلاص ...
كنت اقول في نفسي هذا ولدي .... يعني كنت ولازلت حنووونه
وايد ككككككككككك بغض النظر عن الاجرام الي فووق :^^:
ايام المطر كنا نحفر حفر بالارض على اساس ايكون
نفس البركه لكل شخص فينااا.....
الاولاد ينقهرون ومن يشوفونا نحن داشين بيوتنا الا
وطاايرييين يدفنون الحفر.....!!!! :h035:
بس مب ويا الغزاله تمشي هالامور io:
مره اجتمت ويا شلتي وقلت لهم خطهـ ولا وحده
بغت اتسويها يخافون ... جان اقولهم خلاص الموضوع عندي ...
بعد اذان العشاء والدنياا ليل ... يعني لو شو ما بيكون واضح
شكلي كككككككككككك طلعت وانا متلثمه تتخيلون شكلي ككككك
بالحجااب وحجاب ابيض مال المدارس المووووهم وسرت صوب اماكن الاولاد واكسر لهم
اللعاابهم واغطي لهم الحفر غطيتهاااا وطول وقتي اذكر الله
واسمي على عمري لا يطلع لي جني كككككككككككك:h015:
ورديت البيت ولا كااني مسويه شيء :h015:
المهم اني انتقمت وبسسسسسس
......
بالبيتـ نرتبش انا والي وياي طبعا الوالده ببيت الجيران ..
مره كنااا نلعب لعبه القطار والكل صاف طابور وراي ونمشي بسرعهـ وانا
شاله اختي الصغيره فوق كتفي ونحن نلعبـ جااان انزلق انا بوقايهـ اختي
واطيح واختي فوقي .... تتخيلون الموقف... الموووهم نشيت انا ولا كانه مستوي
شيء وتابعت وياهم الا اتي وحده اتقولي غزاله دم ....:a050: جااان اسير
ركض اطالع ويهي بالمنظره ..الا اشوفـ الحنك عندي منشق من تحت وانا
ولا حااسه فيه من قوه الطيحه والضربه على ويهي متخدر المكان ...io:
فاكيد كالعاده حصلت لي محاضره طويله عريضه وودوني المستشفى
وخاطوا لي اربع غرز تقريبا بحنجي من تحت بدون مخدر وانا اصيح :a050:
بس الحمدلله انه الحينه ما يبين ككككك الا للي بيركز بس بيلاحظهـ...
مراتــ ارسم عالحجاره ... واللونهـاا...
ومراتــ على ورقـ الشجر..... عالرمل....
ومرات تصدف اني اكون يالسهـ بروحي بزاويهـ البيتـــ
واطالع اليدار .. يتخيل لي اني اشوف اشكال مرسومهـ عالجدار فاقوم
بنفسي من خيالي اطبق هالامر وارسم نفس الرسمه امااشيها مع
حصى اليدار..... ماعرفـــ فهمتوا لي او لا....!! :
ومرات بمجرد اني اتأمل الجبال ... تتهيأ لي ووجوه موجوده ومنحوتهـ لكل منا ملامح بشريه مختلفه..!
فاتمنى بها اللحظه ان لو اقدر اوصل للمكان حتى ارسم كل الي اشوفهـ ...على الجبل....!
حصه الموسيقى احبهـاا
بس مرات انقهر من ابله الموسيقى لانها تقهر باسلوبها
ماعرف كيف ....
طريقتهاا بالشرح .... ><
الي حااافظتنه منهااا طااااا ططي طافااطيفي طااا ككككككككك والله
وللحين اتذكر هالمسخره كككك
الماده الي اكرههااا وما اطيقهاا الرياضياااتـــ.....
كنت وايد فالحه فيهاا يوم كنت بالابتدائيه بس من دشيت
المرحله الاعداديهـ استويت اكره شيء اسمه رياضيات...:cm:
جاااان تمسكني واتخلي اثنين من البنات في الكلاس يمسكوني
حتى ما اشرد عنهااا كككككككك ميلسيني فوق الكرسي وهي
يالسه تربطني بالحبل حتى ما اتحرك واخبل بها بالصف :a040:
واتقول للبناات هذه يزات الي يخاالف اواامري ككككككككك وانا اضحك
جااان تسحبني من شعري عالخفيف ككككك عاااد امي الله يهديهاا مربطه
لي شعره من الصوبين شرات القرون ككككككك وهي عااد الابله ما صدقتهاا
من الله شاافت شيء نااقز تسحب فيه ككككككككك والله اياام مستحيل
انساها بحياتي ... فديتها والله هالابلهـ وايد حبوبهـ وطيبه ربي يحفظها ويسعدها
وين ما تكون .....!!!! :a050:
هذه هي المرحله الحلوه الي كنت شاطره فيها الابتدائيه بس
هي كانت تدرسنا وكنا وايد نحبهاا حتى يوم نوقف بالطاابور
كناا نغني لهااا اذكر ... :yola:
هالاغنيه :
ابله فاطمه تفاحه .. دق الجرس من ساعهـ
ابله فاطمه يا عيوني .. يا زهرة الليموني
لما تدخل على الصف .. ذي الام الحنوني ..
بالمرحله الاعداديهـ /
بعض المدرسين وحوش مب اوادم ... ><
حصلتـ لي ضرب بحيااتي ما انضربتهـ
في حصه الرياضيات... المدرسه بكل صراحه متوحشه
ومشكله يوم المصااروه يعصبوون ...:a050:
والمشكله تعرفون بشو كانت تضربنا...
بعصى مال النخل العريضه وما كاانت تضربني بها الا
بعد ما تقولي جلبي ايدج حتى تعور على العضم اكثر....
:1577_1186768770:
كرهتني بشيء اسمه رياضيات من اسلوبهاا الارفـ...
ومرات كانت تسحبني من قميصي واتفرني عالصبوره ... وامور
ثاانيه الله يستر بس مافيني اعور قلبكم على كككككك بس والله
تدرون شو المصيبه كل ما تضربني انا ابتسم بويها ماعرف كيف
بس جذه .الابتسامه بويهي مرسومه رسم:eh_s(1):
دووم... وهذا يزيدها قهر اكثر ... واتقولي بتبتسمي ليه على
خيبتك ...!! ككككككككككككك واناا يوم اسمعهاا اتقول جذه انقع من الضحك
كككككككككك اقولها ابله انزين شو اسوي ...><
تعذيب مب دراسه هذه ....
الحصص الي اشرد منهـاا :
حصه التربيه الاسريهـ /
احسهاا مسخره ....
يوم اتكون الحصه حصهـ عاديه كنت مرات انا وثلاث من الكلاس
نشرد عنهااا وبعدين يوم نرجع نكتب الدرس من البنات ...
الحصه الي انكون فيها نطبخ نوع معين من الاكل
ما نفوتهاااا ورااناا اكل ونطلع نياهاهاهاهاها ما يستوي .... ^.*..
الحصه الي فيهاا خيااطهـ :
ما احبهـااا.... لاني كنت مخيطهـ كندوره حق بيبي
صغيروني (بنوته ) لونها وردي .. والابله اتقولي غيريها و
انا اقولهـا مابا ..... فكنتـ دايما كلما اتكون هي عندنا
بحصه خياطهـ كنت انزل واتيلس تحت الطاوله والمدرسه تشرح
وكنت اخبل بالبنات واقرصهم كككككككككككككككككككككك
صدق سوالف ما تنتسى ابد ....:^^:
.انقهر يوم اتكون عندا حصه فاضيه واتدش لنا مدرسه
واتقول انا باخذكم .... قهررررررر صدق .. عشاان جذه
اغلبيه الصف يشرد قبل لا حد يدش علينا وياخذنااا...
نطلع نلعب بالساااحهـ كوره ...
io:
