قــــويه الباس ..

[بنت صعبه]

قويه الباس جيت وماعرفت الياس والحرمان .

قويه حيل .. شوف عينـــي من الدمع يامشقينـــــــــي


ذكرت غلطة الشاطر ونسيت وقفته واطي الشــــــــان..

يحسب الخطأ ..وأنت خطاك كبيــــــــر في دنيـــــــــاي


يعرف وشلون يجاريني..ماهمه..ويكتبه بسطــــرين..

وإذا جيت أتـــــــعذر لك دخيــــلك لا تعذرنـــي


أنا نفســـــــــــي عزيزة ماتعرف الذل والأهوان..

عزيزه النفس ماترضــــــــــــى المهونه لا ذكرتني


تذكر من دفعت العمر ..وعاشت بوحدته شقيـــــان..

تذكر من رفضت مذله.. وكيف ارضى تذلنـــي


تخلــــــــيت .. وأنا الصادقه جيت بشوق ولهان..

تخليـــــــــت 00 تخليت ..وعسى الله مايخلينــي

غريبة ..وينها الغلـــــــطة بهدنيا من اللي خـان ..

أنا بحساسي الصـــــــــــادق ..أو أن الحب معميني


تصدق..!! ماندمــــت أني وفيت بعالمي الخـــــــوان..

أنا طبــعــــي الوفا حتــي ..ولو أنــــك خذلــــتنـــي


دريت أن الزمن مــــــاله آمان ..يلي تسمي نفسك انسان ..

واذا خـــــــــــان الزمن ...وش عاد عــــــــــذرك يوم خنتــــــــني



..00.. وسلامتكــــــم ..00..


عمر القصيده ست سنوات


و السموحه على الاوزان

 

[بحر الأمل]

رد : قــــويه الباس ..

وين سعووود عنج ..!!

الصراحه ..فن ... ها و هي من

6 years


ماشالله .. الصراحه .. كلمة ابدعتي جدا قليله ..

و ربي يعطييج العافيه على احلى ابياات الصراحه ..

تعجبني الابيات اللي بها ثقه .. و قوه و تحدي و صرااع ..!


بحر الأمل

 

[أميرة الحب]

رد : قــــويه الباس ..

انت بنت صعبه والقصيده صعبه الوصف

كلماتها قويه وجارحه بنفس الوقت

الله يزيدج ويسهل عليج دنيا وإخره

 

[مشاعر شاعر]

رد : قــــويه الباس ..

.


الكاعده يا بنت صعبه تزيد معانج صعوبه بالرد عليها لانج ولا شك كاتبه واذا كان عمر القصيده ست سنوان فانا من ست سنوات ما افك الخط تقريبا ههههههههههههههههها,,, اللهم لا حسد .. باين على القصيده جدا لها معزه عندج عشان جذه انا بكلف على عمري وبعدل وزنها وبحاول اقدم لج هديه كعربون اعجاب مني لقلمج الجميل .. واسف اذا تعديلي ما راح يلقى منج قبول ولك حرية النصرف اذا ما حبيت هذا الشي .. طرش لج رساله اذا ودك الغيه

طبعا ملاحظتي البسيطه صعوبه .. ان الاقيه اتزنت بعد كم من بيت وسرت على قرابة وزن واحد فليش بديتي بوزن وقافيه غير وبعدها التزمتي
المهم هذا ردي عليها او تعديل سميها كيف ما تسميها .. وابد مش تقليل من قيمتها بل دعم لها وعشان تكون مثل ما خبرتج عربون اعجاب كبير لقلمج




قوية باس وانا ما اعرف ويش يعني لي الحرمان ... وذرف الدمع لجل خـــــــــــــاطرك ابد ما أثرو فيني
ذكرتك .. غلطة الشـــــــاطر لها مثقال فالميزان ... خطاي انك فدنيـــــــــــــــــايه خطاي كبير يشقيني
يعرف الشـــــعر ومن يكتب كلامه معسل وفنان ... واذا جيت اعتزر منك امـــــــــــــــــــــانه لا تخذ مني
انا نفسي عزيزه حيل . وصعب اني اعيش هوان ... عزيز النفس مـــــــــــــــــــا يرضى المهانه لا تعلمني
تذكر من دفعت العمر وعايش وحدتة شقيــــــان ... تذكر من رفض ذلك وكيف ارضــــــــــــــى تذل فيني
تخيلتك وانا صادق وجيك بشوقي الولهــــــــان ... تخيت وتخيلت وعسى اللــــــــــــــــــــــــه ما يخليني
غريبه !! وينها الغلطه بهالدنيه من اللي خــان ؟ ... انا بحساسي الصادق او ان الحب معميني (اقوى بيت)
تصدق ما ندمت اني وفيت بعالمي الخـــــــــوان ... انا طبعي الوفــى حتى ولو انك تخذليني .(قوي بعد)
دريت ان الزمان ماله امان بعالم الانســــــــــــان ... واذا خــــــــــــــان الزمن وش عاد عذرك وقت خنتيني




بنت صعبه .. اذا ما عيبج الرد خبريني برساله وانا الغيه كله ..






مشاعر شاعر

.

 

[بنت صعبه]

رد : قــــويه الباس ..

بحر الامل..


اشكرك غاليتي على مرورك على قصيدتي

فمرورك أنار مشاركتي ..


وأضاء سمائها


والابداع الحقيقي عرفته بوجودي بينكم


شاكره لكي مجاملتك الرقيقه

وان دلت فانها تدل على رقة مشاعرك


واذا عن التحدي والصراع فعندي الكثير

والجاي ان شاء الله يعجبكم


لا تحرميني تواصلك


تحياتي لشخصك

 

[بنت صعبه]

رد : قــــويه الباس ..

اميرة الحب..


مرورك أبلغ من كل رد ..


تشرفت بهذا المرور


بس انتي تقولين بردك لي (( وجارحه بنفس الوقت ))


ممكن اعرف الغاليه وين بالضبط من القصيده

لقيتي كلامي جارح

انتي لوعشتي مع الكلمات صدقيني ماراح تقولين جارحه


على العموم انا سعيده جدا بتواجدك


واتمنى انك ماتحرميني طلتك


تحياتي لشخصك

 

[بنت صعبه]

رد : قــــويه الباس ..

مشاعر شاعر ..

طاقة قلمي وابداعه أستمدها من مروركم..

وأستمد عذوبته من روعة كلماتكم ..

مروروك يعطي كلماتي ثقه أكبر

وعظمة أكبر ..

وشموخاً أكبر ..

فلقد تشرفت بمرورك كل الشرف


ورسمت على قصيدتي اعتدالاً أركز عليه


ورسم علامات أبداع جميل اخطو نحووه


شاكره لك نقدك الهادف

وفعلا القصيده تحتاج لوزن وقافيه

فلا تنسى ان عمرها ست سنوات يعني بداياتي


اما عربونك فأنا اهنيــــــك عليه

كلماتها قويه ليست مجامله والله

اعجبتني جدا

احسست وكانني انا من كتبها


لانها قريبه مني


اشكرك على ردك الجميل والرائع


والذي فعلا اسعدني




ولقد احتفظت بقصيدتك


وسوف اعتبرها عربون اخوه


الف شكر لك واتمنى تواصلك دائما


وطبعا لا تحرمني نقدك ثانيا


تحياتي لشخصك

 

[نبع السهر]

رد : قــــويه الباس ..

أحيي كلماتكِ الرائعة ..
التي كانت ..
طوعا لإبداع قلمكِ ..
سيدتي ..
من ابداع هذه الأنامل ..
لا تحرمينا ..
تحياتي