أختي مساش الله بالخير
أولا / خليه مطبوع على أوراق ثم على سيدي لسهولة المراجعة والتصحيح
ثانيا / من تخلصين عطيه لمصحح لغوي عشان يراجعه لغويا لانه أكيد بتكون فيه أخطأ لغويه وتصحيح وأستبدال الجمل الغير المناسبه بغيرها مناسبه
ثالثا/ عطيه لواحد يصفه ويكون متخصص وتحصليهم بالمطابع والا بالطباعه لان الصف يسهل ربط الجمل بعضها ببعض ومكان الوقوف وتبويب الابواب وعدد الصفحات وغيرها من الامور
رابعا / والاهم تاخذيه لواحد متخصص في هل المجال يراجعه وينقيه ويبدي لش ملاحظاته ولازم يكون ثقه ومعروف ويخاف الله لان الفلسفه خطيره لان في أمور يدوخ فيه الكبار
فمابال المبتدئين ونفس الوقت يكتبله كلمتين في الكتاب يسمونه تزكيه والناس من يعرفون أن فلان أمزكيه بيمشي سوقه
خامسا / تروحين تاخذيله موافقه على الطباعه من الدوائر المختصه
سادسا / وبعدين تدورين دار نشر عشان يطبعولش الكتاب وتتفقين مع مكتبه أتبيعلش الكتاب
سابعا / أتخرخشين مخباش لان محد بيطبعلش الكتاب ببلاش وبعدش مب معروفه وإن شاء الله تنعرفين وتكونين كاتبتنا المعروفه ولازم أيكون أكتابش خالص لله عشان أتحصلين من
وراه أجر وتراعين الله فيه في الحلال والحرام لان إما خير لش ولا وبال عليش فالاخره وبالتوفيق
وترتيب ماسبق حسب الاولويات بس لازم أتبينين شو هل أمور الحياة ألي تبين تتفلسفين فيها عشان يدلوش على المختص لان مجالات الحياة كثيرة ولكل علم حد متخصص فيه
وبالتوفيق