بدر :مروااااان الابره فديتك الابره في الثلاااجه هاتها فهد فديتك ساعدنيه اندخله داخل
نزل بدر وفهد زايد على السرير ودخل مروان يايب الابره الي الي اعطوها زايد
بدر:مرووان شو صارله
مروان :كنت ياي من ورا وشفته طايح عند الباب
بدر بتوتر:ليتنيه ماخليته بروحه انا الغلطان
فهد:حرارته ارتفعت
بدر :الله يستر ...واحد فيكم ايروح العياده اييب الدكتور لازم ايشوفه دكتور
ركض فهد طالع:انا بروح اييبه
مروان :شبلااه يابدر بصراحه حاله من يينا كلش مش عاجبنيه
بدر:ما اقدر يا مروان اتكلم
مروان :شي خاااص به
هز بدر راسه بنعم
مروان:الله يعيين
طووول الليل والشله واقفه عند راسه حتى يوم ياهم الدكتور وكتبله علاج وطمنهم عليه تمو قاعدين عنده وعلى الساعات الاولى من الصبح فتح عيونه وتم ايطالعهم وهو يحس بجسمه منهد
زايد:بدر خلونيه بروحيه رووحو ارقدو انا ماعليه
بدر:بتم عندك
زايد:ماله داعي انا بخير
والتفت زايد للجهه الثانيه وتمت عيونه متركزه على الجدار يستعيد كل الكلام الي قالته نوور
خليفه بات عند التلفزون وهو منسدح على الكنب ونوره واليهال في الغرفه والبنات في الغرفه الثانيه
دخل الفجر غرفة نوره وشاف بعضهم راقد تحت وهند وفطامي رقود عدال نوره
سكر الباب وغفله وشل هند ونزلها تحت وانسدح مكانها ورا نوره وهو يحيط خصرها بيده ويسحبها ناحيته
نوره:امممم
خليفه:اششششش تعالي عنديه
استسلمت لحضنه ووهيه راقده
بعدها بكم ساعه وعت نوره على صوت الباب ينفتح وكان ناصر طالع براوتفاجئت انها في حضنه تلاقت نظراتهم
نوره:انته شو تسوي اهنيه
غمض عيونه وتجاهلها مكمل رقاده حاولت تسحب نفسها امنه لاكنه ماطاااع عقبها استرخت وكملت رقادها
الشباب كلهم رقوود لين الضحى فهد ومروان وبدر وزايد تم خليفه بروحه مع اخوه ابو فهد وعقبها شل خليفه اليهال وراحو للبرجه الي في نفس الشاليهات
نور كانت طول الوقت لازمه السكوت وتفكيرها بعيييد
ابو فهد طلب من الكل يجهز للرجعه اليوم العصر والكل قام يجهز للرجعه
خبر فهد الجده عن زايد انه تعب البارحه واستهمت عليه وقالتله ايوديها صوبه
الكل زاره وتحمدله بالسلامه وقال الهم انه بخير وان مافيه شي
يبتسم للكل لاكنه كاتم حزن وضيقه مايعلمبها غير رب العالمين
حاول معاه بدر يطلع معاهم يتغدا على الباسط برا مع الكل وقاله انه مايشتهي شي ويريد يرقد بند عليه الليت وطلع بعد الغدا مرت روضه وشافها بدر ولمح ان امه طلبت منها طلب طلب وتوجهت ناحية الشاليه مالت ام بدر
على طوول بدر قام ولف من ورا الشاليه ودخل من الباب الخلفي
مسكها بدر وهيه طالعه من الغرفه وسندها على الجدار وهو واقف مجابلنها
بدر:تعااالي
شهقت روضه متروعه
بدر:ههههه تروعتي
روضه :بـ بررروح
بدر:ابا اتكلم معااج
روضه:مش الحيين افرض حد يا
بدر:زوجج يابنت الناااس
في نفس اللحضه طلع مروان من الحمام الي وراهم وتفاجئ ببدر وهو صاك بصدره على وحده واقفه جدامه وملتفت صوبه
رفع مروان حياته مستفسر
وهمس بدر:رووووضه هوييينا
ابتسم مروان وهو يحرك حواجبه
بدر:سو فينا خيير واحرس البااب
ابتسم مروان وهو رايح برا مش متخيل ان بدر يتصرف جذيه
ااااه مشكله القلب وجعه التفت للبحر وشافها الحبيبه بعدها ماشبعت من اللعب وتجميع الاصداف سحب كرسي وارتز عليه جدام الشاليه
بعد بدر عن روضه الي كانت منحرجه يوم غطاها بصدره وهو مقرب منها كل هالقرب
مد يده للباب وراها وغفله وتمو واقفين في الممر
بدر:والحيين
روضه:شووه
مسك ويهها ورفعه ناحيته
بدر:انا مابت البارحه
بلعت ريجها وهيه تحرك نظرها في كل اتجاه هذي النظرات الي تذبح
بدر:ما وصلنيه البارحه مسج
روضه:ماطااع التيلفون يشتغل
بدر:وماشي غيره
هزت راسها بلا
بدر وهو يقرب بجسمه وايد ناحيتها وبعده رافع راسها:انزين مابتقولين اليه شو كدر خاطرج البارحه
هزت راسها:ماا ماااشي
تنهد:روووضه وبعدين مع هالحااال
تلاااقت نظراتها بنظراته
قرب منها وااايد لدرجة انه كان على وشك يقبلها لاكنه تراجع واحاسيسه متخربطه ابتعد عنها ومشى
بدر:طرشيليه تيلفونج بشوف اذا بقدر اصلحه
وراح وتركها تنتفض طلع من الباب الخلفي واهيه طلعت من جدام ماره بمروان بسرعه مبتعده
زايد قام العصر وتجهز للرجعه والكل عند السيارات يستعدون للرجعه طرشت نور مي لزايد اتقوله انها بترجع معاه بعد ما عرفت ان عمها وحرمته والجده بيرجعون مع فهد وقالها ماعليه في حين اصر بدر انه اهو الي بيسوق السياره ورفض زايد طلبه واخيرا اتفق معاه انه بيكون معاه في السياره وطلب من مروان ايخلي الريال الي معاه اهو يسوق سيارته وامه والخدامه يرجعون مع مروان
نور ويوم عرفت ان بدر معاهم في السياره طلبت من ابو فهد يترك روضه ترجع معاهم ووافق
لبست نور عباتها وغطاها وتوجهت مع روضه ناحية سيارة زايد الي كان يراقبها من طلعت من ورا نظاراته لين وصلت السياره حس ان روحه شويه رجعت له ركبو الاربعه السياره وانطلق زايد بالرجعه والبقيه وراهم
كان زايد طول الوقت هادي والسياره هدوء مد بدر يده للمسجل لاكن زايد طلع الشريط بسرعه رجع بدر وتم ايطالع جدام وعقب طلع تيلفون روضه وتم ايحاول فيه لين قدر عليه
اهيه كانت قاعد وراه مدلها بالتيلفون وخذته
طرشلها مسج"والحين ممكن اتبردين عليه فضوليه
روضه"يوم بنوصل
بدر"لا الحيين
روضه وبعد ما خذت وقت طووويل لين طرشت الرساله
روضه"بدر تذكر انك انته الي قلتليه ان كنت احب شخص ثاني وانا وافقتلك يومها بهييه...بصراحه انته الي اوحيت اليه الفكره وعجبتنيه عشان تتركنيه في حاليه...ما فكرت لحضتها بعواقب هذا الشي وقلت خلااص موضوع وبينتهي...لاكن شكلك صدقت السالفه وحتى يوم قلتلك ان السالفه جذب ماصدقتنيه
بدر تم يقرا الرساله وهو ساكت بعدها طرشلها مسج
بدر"انتي تتكلمين جد ولا اتشوفين مالج مفر وتحاولين تقنعينيه بهذا الشي
روضه"وغلاااوتك عنديه ان مافي القلب غيرك
رجفه قويه اجتاحت جسم بدر كله وهو يغمض عيونه مش مصدق
بدر" روضه شوي شوي عليه خلينيه استوعب اول شي ان السالفه صح
روضه"خذ راحتك حبيبي
بدر"ناويه تخبليبيه انتي الحييين
كان بدر صدق متوتر ويحس انه مش قادر يقعد عدل مايدري شو صابه وكل شوي تحرك شعور غريب سيطر عليه
بدر:ويوم انتي اتقولين جذيه ليش حرقتي اعصابيه ومخليتنيه طول هالوقت على ويهيه
روضه"ماا ادري حاولت وماقدرت او قل ماعرفت كيف اقنعك
حس زايد بنظراته الجانبيه لبدر ان الريال مش على بعضه وشكله متحرقص
بدر"تدرين انيه بقيت اموووت اليوم وانتي واقفه جداميه ...كنت ابا قبله وبموووت عشان اخذها لاكنيه مابغيت اغصبج على شي ماتبينه الله يسامحج جان رمشتيليه بعيونج انج موافقه
روضه"ههههه ومنو قال انيه كنت موافقه
بدر"يووووه ياروضه ماتدرين انتي كيف جلبتي كيانيه من شفتج في المخفر وانا مش قااادر اسيطر على دقات قلبيه
روضه ودقات قلبها اهيه بدت اتدق" لا تعليق
بدر"هاتي يدج من ورا الكرسي
ودخل يده من بين الباب والكرسي ...ابتسمت روضه وتجدمت شويه وبتردد حطت يدها في يده وحسو انهم في عالم ثاني وقلوبهم تحلق في السما
هذا كان على جانب اليمين من السياره اما الجانب الثاني فكانت القلوب فيه مثقله بالوجع والحزن
صلو المغرب في مسجد تابع لشيشة البترول وبعدها استلم بدر السياره في الرجعه وطول الطريق كان الجو هااادي لين وصلو طبعا بدر وصل زايد ونور اول شي وقال لزايد انه بيطرش السياره مع الدريول
نزل زايد ونور وتوجهو ناحيةباب الفله الكبير كانت ماخره بخطواتها وتنتظره اهو يمشي جدامها تم زايد
يمشي ووده عيونه وراه ايشوف ويتاكد انها تمشي وراه خطواته شويه تسرع وشويه تمشي على مهلها وصل للباب الرئيسى الداخلي وتم واقف اما نور تمت واقفه في اخر السلالم تنتظره يدخل ويروح بعدها كمل زايد خطواته وفي المدخل الكبير والي كان يفصله بعد عن الفله باب ثاني ابطئ زايد بخطواته لين مادخلت من الباب وفجئه التفت وراه وكانت توها رافعه غطاها رفعت نظرها له وتفاجئت به يمشي ناحيتها وهيه تخطو خطواتها على ورا لين صدمت الباب وقف مجابلنها ايطالعها حست نور بغيظ ورفعت نظراتها الناريه ناحيته وكلمته بحده
شو تتوقعون اللهجه الي كلمته ابها
.........................................
روضه وبدر اول مانزلو زايد ونور التفت الها
بدر:انزلي بسرعه اركبي عداليه ونزلت روضه وراحت جدام ريوس بالسياره على ورا وهو مبتسم الا طاير من الفرحه
وطلعو من الفله وبعد ما مشو شويه مد يده ليدها ومسكها رافعنها لشفايفه
كانت ميته من المستحى وحاولت تسحب يدها من يده
روضه:بدر احنا في السياره
بدر:ومنو بيشوفنا
روضه:طيب بقطل يديه
وصل بدر مسج من مروان ويوم فتحه ترك يدها على طوول وهو يضحك
مروان"يا اخي بطل هالرومانسيه الي مادري من وين طالع ابها ترا السياره مش سيارتك ومراقبه والتقرير توه واصلنيه
بدر:وانا اقووول بطالعليه مكان على جنب بنتكلم فيه
روضه:شوووو؟
بدر:هااه لا لا ماشي....الحين وين انروووح ترانا واصلين قبل الجماعه بنصف ساعه تقريبا
سكتت روضه وهيه اطالع جدام
فتح زايد عيونه منصدم من اللهجه الي كلمته ابها نووور
زايد:انتي شو تقولين؟
كانت نور اتصارخ عليه باللغه الباكستانيه
زايد:لحضه اشويه انتي تتحسبينيه الحين افهملج
التفتت عنه ومشت وهيه بعدها تتحرطم بلغتها
مسكها يمنعها عن لا تكمل طريقها وسحبت يدها بقو وهيه تواقعه بنفس اللغه
زايد:نووور عن الاستهباااال هذا وكلمينيه بطريقه افهملج فيها
حطت يدها على خصرها واستمرت بكلامها...حس زايد ان راسه بينفجر وهو يحس الضغط عنده ارتفع
تم ايطالعها بنظرات معصبه ومشى بخطوات معصبه لداخل الفله وهو يصرخ اينادي هنيه
زايد:هنــــــــــــــــــيه يا هنيه
ومن بعيد يت هنيه تركض وتتعثر في خطواتها
هنيه:ايواااا ياباااشه ايواااا والله ماقلت حااااجه
انتبهت هنيه لنور داخله من الباب واتسعت ابتسامتها
هنيه:نووووور
وركضت كل وحده منهن للثانيه واحتضنن بعض
هنيه:ازيك يابنت يا نوووور
نور:كويسه
التفت الهن زايد:هنيه جهزي لنور الجناح التحتي كله
سكتت نور وماردت عليه وهيه مصممه انها ترجع لملحق الخدم
رجع والتفت عنهن واول ماخطى خطوه سمعها
نور:ازيك يابنت يا هنيه وحشتيني اوي اوي
رجع وطالعها وتجاهلت نظراته وهيه ملتفته لهنيه
هنيه:دنا الي انتي وحشتيني اوي
نور:بينا يابنت
وسحبت نور هنيه وركضن لملحق الخدم وهو يطالعهن لين اختفن
وقف بدر جدام مطعم
بدر:انزلي
روضه وهيه تتلفت:وييين
بدر:اشويه بننزل اريد اتكلم معاج على راحتيه ...ياله انزلي
نزلت روضه وعلى طووول دخلو المطعم سيده رايحين فوق لمكان مخصص للعائلات وفي مكان منعزل خاص ابهم
بدر:اووف اخيرا
روضه بابتسامه:ماكان له داعي
بدر وهو ايمد يده ويمسك يدها:ترانيه انا لين الحين مش مستوعب شو يصير اليه .......روووضه انا بحدد موعد العرس في اقرب فرصه
روضه:لاااا انا ادرس
بدر:ياسلااام من زمان ما افتكرتي فيها الدراسه الحين بتهتمين فيها
روضه:اريد اخلص...انا عايده السنه مرتين والله مش كسل بس صارت ضرووف
بدر بابتسامه:مش مشكله بس انا مصر اننا نتزوج في اقرب وقت ولا تخافين بوفرلج الجو المناسب للدراسه
استحت روضه ونزلت راسها
بدر:روووضه
رفعت راسها
بدر:احبـــــــــــــج
سحبت يدها ووقفت وضحك بصوت عالي:هاااه وين تبين اتروحين انتي نسيتي احنا وين
رجعت وقعدت وويهها الواااان
تمو فتره وعقب رجعو وكان الكل واصل
...............................................
خليفه وصل مي واليازي لبيت اخوه وقالتله اليازي انها بترجع بيت عمها وخلاها على راحتها
طبعا فهد اصر عليها في المسجات انها ترجع البيت قريب امنه
وبعدها توجه خليفه لبيته نزل لعيال ونوره وراح فوق يتسبح ويبدل وعقب مانزل لقاهم قاعدين على طاولة العشا والي معاهم دوووم رهيبه باي لبس حتى لو كان عااادي
تمت عيونه عليها وهيه تاكل فطامي وتكلمها
خليفه وهو يفكر"ليتج ترحمين حاليه يا نوره الي كل ما احس انيه قريب منج الاقي نفسيه بعيد
وقفت نوره:ياله يا حلوين الي خلص ايروح ايغسل ويسوي معجون وسيده لفراش
اليهال راحو وقامت اهيه شاله فطامي وكلمت الخدامات اشويه وعقب توجهت لقسمهم
خليفه تم على الطاوله بس ايراقبهم لين اختفو وطالت قعدته على طاولة الطعام وهو سرحان وماحس بنفسه انه تم قاعد ساعه
بعد ما رقدو اليهال كلهم طلعت نوره تريد تيب ماي وتحطه عندها وتفاجئت بخليفه على نفس وضعه يوم تدخل ماتدري ليش انقبض قلبها لحاله مرت من عداله وعيونها عليه انتبه الها ووقف وهو مش حاس انه مكمل ساعه راحت نوره المطبخ وقلبها ايدق ومش عارفه شو تسوي
خذت الماي ورجعت ماره بالصاله وماشافته وتوجهت للقسم دخلت غرفتها وحست بحد وراها ايسكر الباب وشهقت من الخوف
نوره:خليفه حرااام عليك روعتنيه
خليفه:ههههه السموحه
طالعته وتوجهت للجنب الثاني
وتم اهو ايحج جنب لحيته
نوره:في شي اتريده؟
خليفه:اااا انا وين ببات؟
نوره:ووين اتبات كل يوم
خليفه بخباثه:قريب منج
فتحت عيونها:انا ترانيه مافيه اعيد الموضوع مره ثانيه
خليفه:والحل يعني
نوره:اتركنيه في حاليه
خليفه:نوووره انا تعبت
نوره:وانا اكثر
رفع خليفه طرف اللحاف وانكت فيه وعطاها ظهره وهو يمد يده للابجوره ويبندها
تمت واقفه اطالعه صدق انه نشبه كشفت الطرف الثاني وطاحت عدال فطامي وهيه تلمها لحضنها ورقدت
............................
بعد ما تسبح فهد ونزل حصل امه واليازي وروضه قاعدات يتعشن ...عيونه ارسلت الها نظرات خاااصه ابتسمت ونزلت راسها ملتفته عنه
قعد قريب منهن والتفت لمي
فهد:ميوه عقمي عقم ثوبيه
مدت مي يدها لثوبه وبدت اتسكر الازرار
فهد:منور البيت اليوم شفتن عااده مردكن للبيت مخليات اميه بروحها
الجده:هييييه بييهن يوم وبيخلن البيت لبيوت ريالتهن
فهد:هيه عاده مش كلهن
التفت لامه:اميه انا متى بعرس؟
شرقت اليازي بقطعة الخبز الي في يدها والكل ضحك
رقعته الجده على راسه:سود الله ويهك انته ماتشوووف لبنيه قاعده ..اميه متى بعرس
رجع الكل يضحك على سخرية الجده وهيه تقلد صوته
الجده:جان نقزت وماتت بلاااك انته لاقف لك حد من خوان شما الي في الشرق
فهد:ههههه يدوووه ارحمينيه من عرياااج هذي راسيه ورم منها طول الطريق وانتي كل شوي رخيتينيه ابها
الجده:لانك مسيود ويه...حاشرنا من مشينا ياله يوزونيه يوزونيه
احمر ويه اليازي وقامت اتريد تطلع فوق وعيون فهد عندها
الجده:ايييييها يا مسود الويه بلاااك عيونك انقزت معاها ...ردوووها ردوووها بيت عمها خليفه الصبي هب صاحي ياي
فهد:لالالا انا بخير وبس انكت عليكم
الجده:لا ياولديه انته جذيه تبا اطفشبها حليلها...خلها اتصك هب تقعد الها حشره
حب فهد راس يدته:ان شالله يدوه
وفي نفس الوقت بدر فتح مع امه موضوع تعجيل عرسه وانها تعطيهم لفلوس عشان روضه تجهز
تنهد مروان الي يسمعهم وتوجهت عيونه للتلفزون
ام بدر:مرووان مابتي فديتك تتعشى
مروان :ما اشتهي
ام بدر:انته شو تاكل طول اليوم طالع شكلك جيف ذوا
....................................
نزل زايد بعد اهوه ونادى هنيه
هنيه:ايوا ياباااشه
زايد:جهزتن الجناح
هنيه:ايوا ياباااشه كل حاجه جاهزه
زايد:ونور ويين
هنيه:مش راضيه ياباااشه تروح للجناح وانا والله من الصبح بحاول فيها مش راضيه
زايد:اهيه شوقاعده اتسوي
هنيه:دي اعده على سجادتها وبتصلي وتدعي ربنا وتقرا القران
تنهد زايد ياترا شوتدعين به يا نووور ااااااه بس
حست نوره بحركه وراها وابتسمت وهيه تحس بيدين خليفه تلفها يعني مافي فايده في هذا الريال
التفتت له
نوره:وبعدين
خليفه سو نفسه مغمض عيونه
بابتسامه:ادريبك انك واعي يعني ماشالله فطامي بتنقز وبتروح وراااك
ابتسم خليفه وفتح عيونه:هلا وغلا
تجمعت دموعها في عيونها
خليفه:لحوووووه
نوره:ليتك تدري بالخوف الي مسيطر عليه
خليفه:خوف شوووه وخرابيط شوووه انتي تتوهمين
نوره:لا ما اتوهم انته الي مش فاهم السالفه
خليفه وهو يحتضنها اكثر:مابيصير شي صدقينيه نوووره انا احبج واحاسيسيه هذي ماقد حسيتها مع حد
نوره:واميره
خليفه:اميره بنت خالتيه وكانت اهيه الوحيده الي جدام عينيه ومعتقد انها بتكون الزوجه المناسبه اليه ماكنت ادري ان في مشاعر واحاسيس
نوره:يعني ماكنت اتحس بشي معاها
خليفه:انا الاحساس انولد عنديه معااااج وبس
نوره:ومرتاااح مرتااح ان بيكون عندك حرمتين
خليفه:المهم انج اتكونين معايه ...اميره واجب ومظطر اخذها..انتي ماتدرين انا كيف كنت حاشرنها على موضوع العرس
نوره:وليش ماكانت موافقه؟
خليفه:اتقول ان زواجيه منها مصلحه عشان اليهال وانه لازم مايكونون معايه...يعني تبا تفتح بيت بروحها الها
نوره بابتسامة الم:وتعتقد بيرضيها الحين تفتح بيت وانته عندك غيرها عائلتين يعني لاتنسى اننا بنسوي عائله بروحنا باجر
خليفه:يالله فديت انا العائله
نوره:انته تفهم شو اقول اباااك تقتنع يا خليفه صدقنيه مابنتوفق في حياتنا اخاااف باجر يستوي شي وتبعدنيه عن لعيال
خليفه:انتي مينووونه مع تفكيرج هذا انتي ليش مش واثقه في نفسج
نوره:انا واثقه بس المشكله فيك انته الي بتصدق فيه باجر اي شي
خليفه:شوفي هالخربطان ماريد اسمعه...وان صار شي وصدقت فيج انا ساعتها مستعد ما اتعدا حدوديه معاج الا بموافقتج
دفنت نوره ويهها في صدره وفي خاطرها تصيح
خليفه:اقووول اظن الخدامات بعدهن واعيااات شرايج اناديهن يرقدن اهنيه ونفل فوق
ابتسمت نوره:عن لينااان مابخلي اليهال
خليفه:يعني انزل المفعوصه تحت
نوره:ههههه مينووون
اتصل بدر بزايد اليوم الثاني واستفسر امنه عن وضع نورمعاه
وقاله انها تريد تقعد فترة العده في بيته
بدر:مش ناوي تردها
زايد تم ساكت ومارد عليه
على المسا اتصلت نور بخليفه وطلبت اتشوفه وخبرته عن مضوع طلاقها تضايق وحاول يقنعها ايكلم زايد عشان ايردها لاكنها رفضت وقالت حتى لو يريد انا خلاااص نفسي طابت امنه
خليفه وهو طالع التقى بزايد الي تفاجئ به
تم خليفه ايطالعه بنظرات وهو منقهر امنه
زايد:علومك متى ييت
خليفه:من الصبح كنت عند نوور ليييش يا زايد في ذمتك بتحصل وحده احسن عن نوور
زايد:اهيه قالتلك؟
خليفه:اكيد انها بتقول اليه وانا من الصبح اقنعها تروح معايه بس ماطاعت.ليتك تدري بس هلانسانه كم سوت لك وتحملت وصبرت
حس زايد بنرفزه:محد طلب منها شي
خليفه:انا مابتعب نفسيه معاااك لانيه اعرفك...مستحيل ايكون حد له فضل عليك ياله انا اترخص
راح خليفه وتم زايد يراقبه لين اختفى دخل للبيت وتم قاعد في الصاله الكبيره لين تعب وماشاف حد يعني ناويه تحرق قلبيه بقعدتها اهنيه ومااقدر اشوفها
في غرفته طلع فستان اسود مخمل مرصع بكرستالات سودا وبدون ايدين حطه على سريره
ووقف ايطالعه وهذا حاله من يوم مارجع كل يوم يطلع شي ويكمل السهره يتخيل راعيته لابستنه وسهرانه معاه
اليوم شكلها طالع روعه دقات قلبه قامت اتزيد وهو يشوفها تبتسم له وتتخطف عداله رايحه يايه ما قدر يستحمل نزل تحت
وشاف ان كل الانوار مبنده تم يمشي في البيت رايح في كل مكان على امل انها تطلع جدامه في اي لحضه
مرات ايقول يمكن اتكون في المطبخ الحين وعلى طووول ايروح اهناك ومايحصل غير سرااااب
وهذا حااااله
................................
كانت نوره اتجهز العشا لخليفه وهيه متلبسه وكاشخه وقاعده تنتظره بعد مارقدو اليهال
دخل خليفه وشكل في ناااس معاه
خليفه:اقربي خالتيه
الخاله كان شكلها منكسر وحزين ويحزن الي بيشوفه
خليفه بعد ما قعد مش منتبه لنوره الموجوده عند طاولة الطعام في الطرف الثاني:خااالتيه شبلاااااج فديتج شي صاير
انفجرت الخاله في الصيااح وقام خليفه وقعد عدالها حاط يده ورا ظهرها يسترجيها تتكلم
خليفه:فديتج يا خالتيه ارمسي عميه شي فيه اميره فيها شي
الخاله:ليييش يا خليفه ليييش سويت جذيه باميره اميره لاهي بحيه ولاهي بميته
خليفه:شبلاها يا خالتيه
الخاله:انته ذبحتها يا خليفه ذبحتها بالرمسه الي قلتها الها اخر مره
تنهد خليفه:يا خالتيه اهيه الي طلباتها صعبه
الخاله:قالت اريد اشوف غلاتيه عنده وكيف بيتصرف ماتوقعت انك بترخصها جذيه
خليفه:وانا ماطاوعتها في الي تباه
الخاله:بس انته بديت حرمتك الثانيه عليها
خليفه:يا خاله افهمونيه انا نوره خلاص ما اقدر استغنى عنها
زاد صياح الخاله وانفجع خليفه اكثر حتى ان نوره حست بويع بدا يسري في ريولها وقعدت على الكرسي مش قادره تتحرك من مكانها
خليفه:خالتيه ليش اتسوين جذيه
الخاله:اااااااه انا قلبيه منحرق على بنتيه وانته مش حاس بشي الله يسامحك يا خليفه الله يساااامحك ياخليفه لبنيه اتحبك وطول الوقت الي فاات تتغلى عليك ماتدري انك في يوم بتبيعها
خليفه:منو قال انيه ببيعها انا بعدنيه شارنها
الخاله:عقب شوووه يا خليفه عقب ماارخصتلها وبديت حرمتك الثانيه
خليفه:خااالتيه اميره شو تبا انا مستعد اسويلها الي تباه بس نوره مابطلقها
الخاله وهيه ترفع راسها:عيل عجل بعرسكم
خليفه:حاااضر
الخاله:وخل العمال اليوم اييون ويرتبولها القسم فوق
خليفه:باخذلها بيت ثاني
الخاله:لالالا اهيه تبا اهنيه وحرمتك هذي خلصلها القسم الخارجي
خليفه:يا خالتيه انا قادر افتح بيتين
الخاله:بس اهيه ماتباك اتروح عنها بعيد وتشتت بين بيتين فديتك يا خليفه سو الي تباه اميره ولا تراها بتموت من بين ايدينا وانا بقنعها انك ماتقدر اطلق حرمتك وترضى بلامر هذا
تنهد خليفه بضيقه:اهيه وين انا بروح اكلمها
الخاله:لالالا اهيه الحين خليت بنات عمتها ياخذنها معاهن العين تغير جو وترتاح نفسيتها
بعدها راحت الخاله وتم خليفه مسند راسه على الكنب ويطالع فوق تحركت نوره من مكانها وانتبه الها خليفه قامت بسرعه متوجهه للقسم ولحقها ومسكها
خليفه:نوووره
نوره بدموع تنزل:اتركنيه خليفه ارجووووك اتركنيه
خليفه:يانوره حرام عليج على الاقل حسي ابيه انتي
هزت راسها بلا:انا ما اقدر اقول شي اكثر من الي قلته ارجووووك بس انك تتركنيه في حاليه خلنيه مع اليهال وعش انته حياتك
خليفه:يوووووواووه وبعديييين انتن شوووه ماتحسن كل وحده ماسكتليه سالفه يعني انا مش انسااان جدامكن كل وحده اتريد اتكون اهيه المسيطره
نوره:انا ما اريد شي
خليفه:جذاااابه انتي قاعده تستخدمين اسلوب غير مباشر لاكن اهيه قالتها بصريح العباره انها ماتريدحد ايشاركها فيه
نوره:كيفك يا خليفه كيفك صدق الي تبااه
حاولت تلتفت عنه رايحه لاكنه مسكها بقو ولفها ناحيته
خليفه:انتي تتحسبين باسلوبج هذا برضخ لج انتي تدرين انيه احبج وما اقدر استغنى عنج لاكن اعرفي انيه مابتم لعبه عندج وبتزوج اميره وبيبها اهنيه وانتي لاتفكرين اطلقج ولا اخليج
تلعبين بمشاعريه بدموعج هذي
نوره وهيه تشهق من الصياح:حرااام عليك يا خليفه مسرع ماجلبت
خليفه:يووووه
تركها وهو ضايقه به الوسيعه وطلع برا البيت
.............................................
مرت خمسةايام تحدد خلالهن موعد عرس بدر وروضه بعد شهر
خليفه صار يطلع من البيت ومايرجع الااخر اليوم على قسمه فوق وبدا اييب العمال ايكملون شغلهم في القسم الخارجي وفي القسم الفوقي
اما زايد فصارت حالته حاله وهو ايحاول كل يوم ايشوف نور لاكن مافي فايده
دخل خليفه في يوم البيت وهو خلاااص ذابحنه الشوق الها وكانت نوره طالعه من المطبخ
خليفه:شو تسوين
نوره:ماشي
خليفه:اليهال رقدو
نوره:هيه
خليفه وهو يمسكها ويمشيها معاه:تعالي
نوره باستغراب:على وييين
خليفه:فووووق
نوره:اتركنيه
خليفه التفت الها ونزل وشلها:مافيه اتكلم معاااج انتي زوجتيه وانا اريييد حقوقيه
نوره بعصبيه:شقااالولك نزلنيه احسلك
خليفه:سووووري
ماتدرين يا نوووره كم اشتقت لج والله انيه اموووت كل ساعه وانا بعيد عنج
نوره وهيه تظرب ظهره:اقولك نزلنيه
دخل غرفته وسكر الباب
........................................
اتصل بدر على روضه
روضه:الوووو
بدر:روووضه كم يوووم باااقي
روضه:هههه بدر شبلاااك انتو اليوم محددين بتم كل يوم كم يوم بقى
بدر:والله انيه احس انيه هب صاحي
روضه:بسم الله عليك
بدر:ااااه بس متى ايطير هالشهر
روضه:حرام عليك انا تونيه باديه اجهز
بدر:هييه انتن عندكن شغله تلهيكن لاكن الريال مسكين ايتم يتحرقص طول الشهر
روضه:هههه طالعلك شغله
بدر:ما اقدر كل ما احس عنديه شغله اقول لالا بعدين بعدين مافيه الها
..................................
كان زايد قاعد وهذي عاده يديده ايسويها انه يسهر على التلفزون في المسا تحت في الفله
دخلت هنيه على نووور
هنيه:يا ست نووور
نور:نعم يا هنيه
هنيه:مش تخرجي تشوفي الباااشه دحالته حاااله
نور:هل طلب رويتي؟
هنيه:هو ماطلبش بس انا حاسه انه عايز يشوفك دا صاير بيمشي في كل حته في البيت بيدور على حاااجه
نور بابتسامه:يتهيا لك هنيه انتي متاثره بتلك الافلام التي ترينها
هنيه:يا اختي الباشه مش الباشه الي انا فكراااه دا وشه صاير اصفر ومابياكلش حاااجه وعينيه تشوفي السواد تحتها
نور:ربما يفكر في امر الانتخابااات
هنيه:بنت يا نووور دنتي البك صاير اسود ليييه
نور:بنت يا هنيه دنتي الي وجعتيلي راسي سيبيني باءه
وقامت نور متجهه لسريرها عشان تنام
طلعت نوره من غرفة خليفه وهيه معصبه عليه فوووول وصفقت الباب ونزلت وهيه تتحرطم
فتح الباب شويه وطل على برا وهو مبتسم ويده تفرك مكان العضه على كتفه ورجع لفراشه
قعدت على سريرها ضامه ركبها لصدرها وهيه ترتجف من الغيظ عليه
نوره:شفاكر نفسه يتحسبنيه لعبه عنده زين يا خليفه ...بعدك ماعرفت نوره زين
في اليوم الثاني وبعد ماطلع خليفه لشغله طلبت نوره من الخدامات ينقلن كل اغراضها لغرفته وفتحت الغرفتين الي عدال غرف خليفه ورجعت كل شي مكانه
ونقلت اغراض اليهال فوق
خليفه يوم رجع على المسا حصل كل الليتات مبنده تحت توجه للقسم وفتحه وحصله مغفول
ابتسم:ماعليه يعني دوم بتمين غافلتنه
رجع وتوجه لفوق
اول ما دخل غرفته ان الجو فيها غييير دخل وتوجه للمعلقه وعلق سفرته ولاحض روب نسائي موجوود وعطره فايح بعدها سمع صوت ماي في الحمام
استغرب منو بيكون عقبها انتبه للعطورات على التسريحه
فتح عيونه وراح لين التسريحه يتاكد اكثر
خليفه:منو في الحماام لتكون اميره اتسويها المينونه...وانا اقول شبلااه الجو تحت صاااخ الله يستر بس
بس بعد هذي الله يهديها مالها حق تتخذ خطوه بدون شوريه
طلعت نوره وهيه حاطه المنشفه على ويهها وتمت عيون خليفه تنتظر اتشوف ويهها
نزلت المنشفه
خليفه:نوووره
رفعت حياتها:ليييش توقعت حد ثاني غيريه...وبعدين شو هالتاخير لين الحين
خليفه وبعده مش مستوعب:هاااه
نوره:اسمع عاده ..انا انسانه نظاميه واوعى من وقت عشان اسرح اليهال فلو سمحت ما اريد تاخير عشان مانسهر حدك الساعه عشر اتكون في البيت
بعده ايطالعها ويحاول يستوعب
نوره بابتسامه:شبلاااك اطالعنيه جذيه...على فكره عجبتنيه التغيرات الي في الغرفتين الثانيات حتى اليهال عجبهم واستانسو عليها
خليفه:انتي عن شوووه تتكلمين؟
نوره وهيه تقعد على السرير عقبها تنسدح وهيه تمتغط:يوووه اليوم تعبنا وااايد واحنا ننقل اغراضنا فوق تعال اشويه سوليه مساج حق ظهريه بليز حبيبي
خليفه:فهمينيه شو السالفه
اعتدلت وبجديه بدت اتكلمه:دام انك اتجاهلت شروطنا وتريد اتمارس حقوقك معايه انا بعد اليه حقووق اطالب ابها الغرفه هذي لازم اتكون غرفتيه واليهال لازم ايكونون عداليه وانته محاسب على طلعاتك ودخلاتك والبيت هذا كله لازم ايكون تحت امريه
خليفه:نوووره انتي تقولين جذيه؟
نوره:هيه انا انا مش لعبه في ايديك على كيفك تلعب ابيه وتسوي انته الي تباه بدون شوريه ورضايه
خليفه:انتي تدرين انيه بعرس قريب
نوره:انزين شو المشكله الشرع حلل اربع بس طالع مكان ثاني لحرمتك يعني البيت يتعذرها ما اريدها اتكون معايه
خليفه وهو مستغرب:وانتي تتحسبينيه على شورج
نوره:طبعا انا اليه حقوق واطالب ابها واذا مش عاجبك طلقنيه وخلنيه اتوكل
خليفه:اطلقج ....شووو يانووره تبين تمسكينيه من يديه الي تعورنيه واليهااال وين كلامج امس وانج خايفه تبتعدين عنهم اشوووف السالفه كلها وضحت ماطلعت سالفة اليهال
نوره:اليهال ماعليهم شر بيقدرون ايعيشون بدونيه
خليفه:اها عيل شو اهيه السالفه
نوره:السالفه انه مثل مالك حقوق انا بعد اليه حقوق....يعني انا مش لعبه عندك ولرغباتك وفي الاخير يوم بتي المدام مالنا مكان
خليفه:نوره انتي تدرين انج غيير
نوره:هييه غيير ويوم بتستغنى بتقول غييير
خليفه:اسمعي عاده اناترانيه تعبت من هالسالفه منووو تبينيه ارضي يعني
نوره:عطيتك حل وقلتلك لا تحطنيه انا واليهال في طريق حرمتك...تراها بتيب اليه مصيبه باجر
خليفه:اميره مابتاكلج ما اسمح لج تتكلمين عنها جذيه ومن البدايه كان اتفاقنا انكن اتعيشن مع بعض ...قلت بحطها في بيت بروحها عشان ترتاحين مارضت اهيه تبا اليهال اهيه بعد وماتبا اتشتتنيه بين بيتين
نوره:انزين خلها اتضم الك اليهال عيل ورخصنيه....اطلع بكرامتيه احسن من انيه اطلع باجر بمصيبه
قرب خليفه منها وهو مبتسم ومسكها من خصرها وسحبها له بقو:انتي اصلا ماتقدرين تستغنين عن اليهال ولا عن عم اليهال ولا عن الحياه اهنيه يعني هذي التهديدات كلها في الفاضي
طالعته نوره بنظره مش مفهومه:شقصدك؟
خليفه:قصديه واضح ويا هلااابج عنديه اهنيه العرس عده مطول وانسي الخربطان هذا كله
تركها وراح للحمام وهو مبتسم...واول ما وقف جدام لمرايه طالع نفسه
خليفه:ماتريد تعترف انها اتغاااار عليه وماتريدنيه اعرس هههه فديت روووحها
لاكنه يوم رجع ماحصلها شكلها طنجرت
كانت قاعده على السرير الي نايمه فيه دانوه وهيه منحرقه من الغيظ على خليفه"زييين يا خليفه ماتريد تفهم وماتريد تفهم خوفيه من اميره....لا وفوق كل هذا لانيه ماليه اهل ولا عزوه مبدنها اهيه وقال شوووه العرس بعد مطول يعني ايريدنيه اتم عنده مؤقت لين ايعرس وعقب سمعا وطاعه يا اميره اااه من اميره انا ادري انها بتدمر حياتيه ما انسى تهديداتها ابد..لاكن هين يا خليفه انا ما اقدر استغنى عن الحياه اهنيه ما شفت خيير يعني في حياتيه ماعليه باجر قريب وبتعرف ان الله حق
حطت نوره راسها والاااااف الافكار والوساوس تلعب في راسها ومصممه على حاجه وحده
....................................
رجع زايد للبيت من بعد ما كان في الشركه وراح سيده المطبخ يمكن لعل وعسى ايصيدها اهنااك
لاكنه تفاجئ بكميات الدم الي مخيسه المكااان
زايد:هنيه شووو هذا انتي قاتله قتيل
هنيه وهيه ترتجف:لاء يا باااشه دي الست نووور
طاااح قلبه وهو يقرب منها مرعوووب:شبلااااها؟
هنيه:البنت كانت بتقص الخياره والسكينه فلتت من ايدها واقطعت ايدها دي نزفت كتير ياباااشه
زايد منفجع:وييين اهيه
هنيه:في الاوده
التفت عنها زايد وتوجه للملحق وهو يتحرطم وعينه تتبع قطرات الدم الي نازله على الارضيات
وكان طريق الملحق طويل لين وصل وهو كاااره المكان اهناك
دخل الغرفه على طووول بدون احم ولا دستووور
لف بعيونه في الغرفه وماشافها شاف مناديل وااايد طايحه وكلها دم
زايد:نووور نووور
سمع صوت الماي في الحمام وقرب امنه
زايد :نوووور نووور
مسكت نور يدها الي تنزف وبسرعه غفلت الباب وغمض عيونه متندم انه مافتح الباب قبل لا تغفل
زايد:نوووور
تمت متسنده على الباب عاضه شفايفها وشيلتها لافتبها يدها
زايد بعصبيه:نووور يا بنت الحلال ردي شبلاها يدج
نور بتردد:انا بخير مافيه شي
حس بقلبه رجف لسماع صوتها
زايد:فجي الباب خلينيه اشوفها
نور:جرح بسيط
زايد:كل هالدم وتقولين بسيط
نور:صدقنيه صغير بس مادري ليش نزف وايد
زايد:انزين طلعي خلينيه اشووف
نور:روووح انته خلااص وقف
زايد بنفاد صبر:نووور افتحي الباب خلينيه اشوفه قبل لا اكسر الباب
نور بعصبيه:يوووه وبعدين معااك انته روووح خلاااص انا ما اريد اتكلم في الحمام وبعدين انا ماعليه شيله لانيه لافتنها بيديه
زفر زايد:اعصااابج انزين
وتركها وهو يصفق الباب
بعدها بشوي فتحت نور الباب وطلت امنه وعقب اتشجعت وطلعت
لاكنها اتفاجئت به واقف على جنب التفتت بسرعه ودخلت وسكرت الباب وهو اسرع عشان يمنعها لاكنها كانت اسرع امنه وما وعى الا بالشتايم الي انهالت عليه باللغه الباكستانيه
زايد حط ايديه على اذنيه مش متخيل انها اهيه الي تتكلم جذيه اللغه ومع صدى الصوت في الحمام صدق نفخ راسه
زايد:خلاص انزين خلااااص لحوووووه صدق بتانيه
وبالفعل طلع وقال لهنيه اتروح اتهديها
في بيت خليفه اتلقى خليفه الصدمه الكبيره يوم حصل رساله من نوره الي طلعت من البيت وتركته
فتح الرساله وتمت عيونه تتسع مع كل كلمه يقراها
نوره"بسم الله الرحمن الرحيم
بصراحه عجزت الاقي كلام اكتبه ...بس وصاتيه اليهال ...صح يا خليفه انه ماليه اهل وسند تحشمنيه فيهم لاكن انا اليه كرامه وما برضى بالذل حتى لو ادوس على قلبيه وافارق اليهال انا مب اقل عنها عشان تبديها عليه كنت راضيه من البدايه بوضع معين لاكن انته خلفت الوضع هذا
انا حااااز في نفسيه انك حاطنيه حق بس رغباتك والاولويه الها ...وخايفه في نفس الوقت منها
صح انيه ما اقدر استغنى عن اليهال وبعد عمهم بس ما اسمحلك انك تتمنن عليه بالحياه الي حصلتها في بيتك بس لانك يعني كنت تعرف باحوال بيتنا القديم والله انيه عشت فيه احلا سنين عمريه واتمنى اعيدها
ماهمتنيه الحياه عندك وفي بيتك
انته تتحسب انيه اتكلم في الفاضي لا ياستاذ خليفه انا قووول وفعل واطلع بكرامتيه احسن لا اطلع بمصيبه مثل ماقلتلك
والله الله في اليهال
نـــــــــــوره
جفس خليفه الرساله وهو يفوووور من الغيض صرخ على الخدامااات
خليفه:متى طلعت من اهنيه
الخدامه:باباااه صبح وقت جكوه كلش ايروووح هو يطلع
خليفه:ماقاالت وين بتروووح
الخدامه :مافي معلوووم باباااه
طلع خليفه مثل الاعصار وركب سيارته وعلى طوووول لبيت صديقة نوره الي كانت عايشه عندهم
سال عنها عندهم وقالوله انها مايت بعدها راح بيت اخوه راشد وماحصلها
اتصل على هنيه وطلب منها ايكلم نور وسالها وقالتله انها ماتدريبها
وهو راجع البيت اتصل للمره المليون على رقمها وجاوبته المره هذي
نوره:الووو
خليفه وهو يمسك بريك قوي:شوووو هلينااان الي سويتيه يا نوووره ليش تطلعين من البيت ووين انتي
نوره:ماعليك انا وين وانا سويت الي لازم اسويه من زماان
خليفه بصراخ:اينااان اهو
نوره:لا مش اينان بس انته ماتريد تفهم بالكلام
خليفه:وبالفعل يعني بفهم زييين يا نووره سوي الي في رااسج ولا تتحسبين انج بالطريقه هذي بتفهمينيه مثل ماتعتقدين
وبتمشين كلامج عليه...الج فرصه وحده ان مارديتي البيت اليوووم ترا مالج رده عقب ولا تتحسبين اننا بنموووت من عقبج
ومابتغلبنيه تربية اعيال اخويه بربيهم احسن تربيه واحسن من تربيتج الهم
هيه كلمه وحده اليوووم اتردين ولا اعتبري نفسج طالق
شهقت نوره وسكرت التيلفون في ويهه وهيه اتصيييح بحرقه
ظرب خليفه الدركسون عشر مراات ورا بعض منقهر ومتندم على تسرعه في كلمة الطلاق
خليفه:ليش يا نوره ليش ليييش
اليوم عدا ونوره مارجعت وخليفه حالته حاااله يتمنى دخلتها في اي لحضه عشان مايتم الطلاق لاكنه ماااااات ماااات واليوم ايعدي ويصبح عليه اليوم الثاني كان كل اشوي يتصل ويحصل التيلفون مغلق
خليفه وهو ماسك راسه"ليش يانوره ليييش ليش ماعطيتينيه فرصه اخلص المفاجئه واخبرج ابها البيت وكتبته باسمج وما اظن اميره بتطالب تقعد فيه وهو باسمج واكيد انها بترضى ببيت ثاني على ذوقها ليييش ..معقوله انا ابديها عليج وانتي ملكتي القلب
واي منه هذي الي تقصدينها متمننها عليج بالحياه اهنيه انا والله ماقصدت الا الحياه العائليه
ياااارب وين بحصلها
طرشت نور هنيه لزايد تطلب امنه يسمح الها اتروح تقعد في بيت خليفه ورد طالبها بالرفض
ورجعتله مره ثانيه هنيه اتلح عليه بالطلب
هنيه:يا باااشه هيه عايزه ترووح تطمن على العيااال
زايد:شبلاااهم لعيال
هنيه:اصل الست نووره خالة العيال سابت البيت ومشيت يا عيني عليها الاستاد خليفه جوازه مقرب وهيه يا حبة عيني زعلااانه
وقف زايد:شوووه مقرب من بنت خالته لااااا اظاهر انيه نسيت السالفه
مشى زايد ورجع ملتفت لهنيه:قوليلها ماشي طلعه من البيت
وراح فوق عشان يتصل على اميره على كل ارقامها الي عنده لين جاوبته
زايد بغيض مكتوم:هاااه حرم الخال المصووون اشوف كلاميه ماتنفذ واليومين عدن وصارن عشره
اميره:انته شوتريد انا كلمت خالك ومارضى شو تبانيه اسويله
زايد بحده:لا تحاولين ماعيه بالكلام هذا اظن مابيغلبج الي مطلوب منج ولا تبين يعني الطلاق ايصير بطريقه ثانيه
اميره:لالالا حرام عليك بحاول بحاول معاه
زايد:اليوووم وهالساااعه
اميره:ان شالله ان شالله
سكر في ويهها واتصل على خليفه
خليفه:الووو
زايد:حرمتك وين يا خليفه؟
خليفه تفاجئ من سوال زايد:وانته شتباابها حرمتيه
زايد:قالوليه انها طلعت من البيت ونور اتريد اتروح عند اليهال
خليفه:اليهال ماعليهم شر
زايد:هااه يا خاال اشوف مب الا انا طايح في المردويسه
خليفه:زاايد عندك شي ثاني اتقوله
زايد:لااا سلااامتك بس ياليت تفتح عيونك زييين
وسكر زايد قبل لا ايرد عليه خليفه
خليفه بغيض وقهر:مب ناقص عاده انا الا انته
ورن تيلفونه باتصال من اميره
خليفه:لحووووه وين طالعتليه هذي بعد
اميره:الووو
خليفه:هلا اميره
اميره:خليفه ممكن اتمر بيتنا الحين شويه ضروري الله ايخليك
خليفه وعنده امل انها تدري بمكان نوره:ياله ياااي
في الميلس دخلت اميره على خليفه وتم ايطالعها بعد السلام منتظر منها اي كلمه
كانت تفرك ايديها والتوتر لافنها
خليفه:شو عندج يا اميره
اميره:خليفه انا بعدنيه عند كلمتيه يا اما اطلق نوره ولا اطلقنيه
ابتسم خليفه ابتسامه مافهمتلها اميره وشكلها ابتسامة حسره:عندج كلام غير هالكلام
اميره:لا تستخف ابيه انا مصره يا خليفه انا مستحيل اعيش معاااك واهيه على ذمتك
خليفه:اظن خلصت من هالسالفه مع خالتيه
اميره:انا الي اقرر
خليفه وهو يوقف:واذا يا اميره ماطاوعتج في الي تبينه
اميره:طلقنيه
خليفه:مصره يعني
اميره التفتت له:شووه يا خليفه واذا كنت مصره بطلقنيه
خليفه:انتي الي تبين جذيه وانا مش لعبه عندكن تفرضن رايكن عليه الي تبا الطلاق حاااضر ماعنديه مانع مابجبرها على حياه ماتريدها وانا مبري ذمتيه منها
اميره بدموووع تنزل:صدق يا خليييفه بترخصنيه واهوووون عليك
بعصبيه:مش انتي الي تريدين جذيه
اميره:معناااه انك ماحبيتنيه في يوووم وانا انا الي بين من كثر ما افكر فيك وخايفه ان حرمتك الثانيه تاخذك منيه
خليفه:اميييره انا مش لعبه عندج
رمت اميره بنفسها لى الارض:اااااه يا خليفه ماكنت اتوقع وانا المسكينه كنت منجبره اطلب منك هالطلب
خليفه:شقصدج يعني منجبره
اميره:خليييفه سامحنيه وافهم كلاااميه كله امنه كله امنه
خليفه:اميره اتكلمي منو تقصديين
اميره:زااايد ولد اختك
فتح عيونه مش مستوعب:زااايد؟!!!!شبلاااه زايد
اميره:زااايد اهو الي طلب منيه اقنعك انك اطلق نوووره مادري ليييش وانا والله حاولت ما اوافقه في الي يريده لاكنه هددنيه وقال انه بيعقنيه في مصيبه
نزل خليفه ومسك اميره موقفنها:انتي شوووو تقولييين شو خص زااايد
اميره:اتصل عليه يا خليفه شف شف هذا رقمه متصل عليه امساعه وكل يوووم يتصل ويلح عليه انيه اجبرك اطلق نوره ما ادري عنهم انا وحتى انه قال اليه بعطيج شيك بالسعر الي تطلبينه تخيل يا خليفه يرشينيه تبا تتاكد اصبر اشوي
خليفه كانت مصيييبه صدق الي يسمعه ويشوفه كانت اميره تتصل على زايد بيدين ترتجف وتتصنع الابتسامه
اميره:الووو
وحطت سبيكر
زايد:الووو هاااه خلصتي
زادت عيون خليفه في الاتساع وهو يسمع صوت زايد
اميره:الووو اسمع انته قلت انك بتكتب باسميه السعر الي احدده
زايد:هممممم
اميره:في سبيل انيه اخلي خالك ايطلق
زايد:اخلصي في شي يديد
اميره:وانا شو ضمننيه انك صادق في الكلام يمكن ايطلق وعقب مافي جيك
زايد:عطينيه رقم حسابج وبنزل لج دفعه اولى هاااه شي تبين ثاني
خليفه وهو يسحب التيلفون من يد اميره:يالسبااااااال قاعد ترشييييهااااا هااااه ترشيهاااا يا زااايد عشااان اطلق
كل هذا يطلع من تحت راااسك
زايد وميت جني نط جدام عيونه:خاااليه انته وييين
خليفه:انا وووين هااه المردويس الي تقول عنه طلعت انته سبته
زايد:خليييفه..لحماااره الي عندك شوووو قالتلك
خليفه:تبانيه اطلق نوووره ترشيها عشان اطلق نوووره!!!!؟
زايد:شو هالخربطااان الي تقوووله هي شو قالتلك
خليفه:يعني يا زااايد ماعرفت الا حريميه تتدخل فيهن
زايد:خليفه ...انا ما اعرف الكلبه هذي شو قالتلك هااااتها هاتها جداميه اهنيه وخلها تتكلم ولا قسما بالله انيه انا اييكم اهناك
وارويها بنت الكلب السنع عدل بتصدق فيه كلامها يا خااال اقولك هاتها تراها الكلبه ماتعرف زايد منوووه ملعونة الصير
وسكر زايد التلفون في ويه خليفه وهو ينتفض من الغيض والقهر
التفت خليفه لاميره الي كانت قاعده ولاصقه في الكرسي وهيه تنتفض من بعد ماسمعت كلام زايد
اميره وهيه تزحف مبتعده:هذا جذاااب جذاااب اهو الي كان يتصل ابيه اهو الي كان يكلمنيه
خليفه وعيونه عليها يحاول يستوعب كل شي في السالفه مش عاجبنه انها اتكلم زايد ماعجبه ان اتصير اتفاقات بينهم ما عجبه ان ايكون في موضوع مش مفهوم بينهم بعد ماعجبه
خليفه:قووومي قوومي
اميره:لا لا انا مابطلع منيه لا انته ليش ماتريد اتصدقنيه
خليفه:وليش ماتكلمتي من زمااان وبعدين كيف تسمحين لنفسج اتكلمينه قووومي اشوووف
اميره وهيه متمسكه في الكرسي:ارييد اميه ارييد اميه هذا يجذب عليييك
خليفه:قووومي يا اميره قووومي قبل لا ارتكب فيج جريمه ولاتنسين انج على ذمتيه واقدر اسوي فييج الي اريده قوووومي
اميره تمسك اريول خليفه:خليييفه انته وين بتودينيه هذا بيذبحنيه انته ماسمعت شو يقوول
خليفه:قووومي خلينيه افهم السالفه شوووه
اميره:مااريد ما اريد اطلع من البيت
خليفه:اروح اييبه اهنيه يعني
اميره:لالا ابوويه لالا خلييييفه ارجووووك انا شووو سويييت ارجوووك يا خليفه لا تصدقه ترااه بيجذب عليك انا ماليه ذنب اهو هددنيه وقال انه بيقول انيه كنت اغااازله
خليفه:شوووه لااااا السالفه شكلها مب هينه وهيه مب هينه امشي اقووولج
خلااااص خليفه وصل حده وكل شي جدامه ايشوفه اسود سحب اميره بالغصب
اميره:عباتيه عبااااتيه بروح اييب عباااتيه
سحب خليفه عباه معلقه جدامه وقالها تلبسها وهو مصر انها تمشي معاه توجه ابها لبيت زايد وهيه طووول الطريق تخربط لخليفه بمليون كذبه وكل كلامها متناقض
جدام الفله وقف خليفه ونزل وكان زايد في استقبالهم مندفع للسياره وكانه ايريد يرتكب جريمه في الحرمه الي فيها
زايد وخليفه يمسكه مانعنه يوصل السياره:الكلبه فجنيه عليها هذي اخرتها وانا احاول استر عليها بنت الذينا اتريد تلببسنيه انا السالفه
تشاجر خليفه وزايد ودارت بينهم مشاده كلاميه عاليه لين صخ خليفه وهو يسمع من زايد الحقيقه وانه ماحب يرمس من زمان عشان مش هاين عليه يجرحه في بنت خالته الي يحبها من سنين
اميره من الروع قفلت على نفسها السياره واتصلت على الشرطه والي رد عليها احمد صديق مروان ومعاه مروان
اميره:الحقوووليه الحقوووليه بيذبحونيه بيذبحونيه ارجوووكم الحقو عليه
وقف احمد وخذ منها معلومات والمكان الي اهيه فيه
مروان:شو السالفه
احمد:هذي في بيت زايد واتقول انها مغفله على عمرها السياره وان في اثنينه ايريدون يذبحونها
حرك ومروان معاه متجهين لبيت زايد متروعين ان في حد من الي يراقبونهم تهجم على المكان
زايد:انا يا خااال اتصدق فيه كلامها انا اليوم افكر اضرك انا كل الي كنت اباه انها تبعد عنك وتبعد شرها عن لاتدمر لك حياتك وانته ماتدري
وانا ماكنت اريد اتكلم والله ماكنت اريد اتكلم اهيه الي حدتنيه من سنتين وهيه مزعجتنيه بالتيلفونات تجاهلتها لاكن مافي فايده لين قدر مروان اييب اليه كل المعلومات عن الرقم والي يتكلم امنه صدقنيه انيه تفاجئت وماقدرت اقولك ماحبيت
انك تنصدم في الانسانه الي تحبها لاكنها مصختها وقلتلها انيه اعرفها ومافي فااايده تمت على حالها ويوم شفت انك على وشك ترتبط ابها وانك ملجت وانا كنت مريض قلت لازم الاقي طريقه اوقفها عند حدها فيه هددتها انيه اخبرك وطلبت منها تطلب الطلاق واهيه اهيه الي قالت انا شو بستفيد بالمعنى انها تريد شي في المقابل
التفت خليفه للسياره منقهر وكل شي يوضح جدام عينه حتى خوووف نوره منها شافه في اللحضه هذي
اميره اول ماشافت شرطيين داخلين من البوابه فتحت الباب وركضت ناحيتهم تحتمي ابهم بعد ماشافت خليفه ايطالعها بنظرات بتذبحها
اميره:الحقوووليه الحقووووليه بيذبحونيه
التفت مروان لاحمد:اطلع يا احمد هاذي من محارمهم
احمد:بس اهيه
مروان وهو يسحب احمد وهو فاهم السالفه:ريال وحرمته خلهم يتفاهمون تعااال بفهمك السالفه
اميره:وين بتخلونيه
مسكها خليفه وانهاااال عليها بالضرب والتكفيخ
بعد ماطلع مروان احمد:خلك اهنيه انا بشوف شو السالفه
ورجع مروان واول ماشاف خليفه يضربها ركض ناحيته ايريد يمنعه لاكن زايد مسكه ومنعه
زايد:خله خله يربيها الكلبه
مروان:مايصييير تباه يرتكب فيها جريمه
لاكن في ناس ثانيين فزعو لاميره نوور الي كانت الاصوات واصلتنها ركضت وهيه متغطيه ومسكت خليفه
نور:فجها يا عميه فجها فديييتك
خليفه:خلينيه اربيها الكلبه
نور:ارجوووك ارجوووك اتركها اتركها انته ذبحتها
ترك خليفه اميره وخذتها نور في احضانها اتهديها
نور:خلااص خلااص فديتج خلاااص راااح
خليفه بعصبيه:ركبيها السياره
نور:قووومي معااايه
اميره:لا لا بيذبحنيه
نور:لا تخافيين قولي لاحول ولا قوة الابالله وان شالله مابييج شي
اميره:مارييد ماريييد بيذبحنيه بيخبر عليه ابويه وبيذبحنيه
قعدت نور وحضنتها:قووولي يا ولي نعمتي وملاذي عند كربتي اجعل نقمتهم عليه بردا وسلاما كما جعلت النار بردا وسلاما على ابراهيم وان شالله مابييج شي
اميره تشاهق من الصياااح ونوور اتحاول فيها
مروان حس ان خليفه على وشك انه ينهار مسكه وطلب منهم ايروحون داخل الميلس وهو يتوجه معاه للداخل بينما زايد عيونه
كانت عند البنت الي ماسكه اميره وتهديها اخييييرا شافها بس الي يذبح انها متغطيه
رجع والتفت ولحق مروان وخليفه كان خليفه قاعد وماسك راسه ومصيبته بفقدان نوره اكبر من مصيبة اميره توه فهم اهيه شو تحاول اتوصلله
خليفه:وين بلقاها الحييين وين وانا قلتلها ان مارجعتي تراج طااالق ...ليييش يا زااايد ليش ماقلتليه من زمااان حرااام عليك انته ماتدري انا
شو يصير اليه ...انا احواال اتصير اليه من الي تسويه اميره وانا مش فاهم شي
المسكينه حاولت اتوضح اليه وانا ابد مش مقتنع...الحين بتقول اليه وين بلقاااها
زايد كانت صدمه فعلا له انه يشوف خاله منهار من فقدان نوره اكثر من انهياره بفعايل اميره
تمت نور مع اميره برا اتهديها وتنصحها ببعض النصايح الي بتفيدها لين هدت اميره وعقب قامت ودخلت السياره معاها وتمت نور عندها تكلمها وتنصحها وتحثها على التوبه والاستغفار مذكرتنها ان الوقوف بين ايدين الله
لا بد بيكون في يوم وبيكون يوم عصيب وانها لااازم تتلاحق على عمرها قبل لا ايي هذا اليوم وحينها مابينفع الندم
بعد ما هدا خليفه استرخص منهم وطلع قرب من السياره ولصقت اميره في نووور وهيه تطلب منها انها ماتتركها
نور:فديتج ما اقدر وصدقينيه دام انج قلتي الدعا مابيقولج شي
نزلت نور وترجت عمها مايقولها شي
ركب خليفه بدون مايقول شي وتم ايسوق السياره بدون مايقول كلمه
اميره وهيه تصييح:خلييفه انا اااااسفه ااااسفه
خليفه:ما اريد اسمع صوووتج
اميره:بتقووول حق ابويه
خليفه:خلاااص يا اميره انتهى الي بينا وكل واحد في طريقه...الله يسامحج انتي دمرتينيه وما قصرتي في الي سويتيه وانا ما بسمحلج تتدخلين في حياتيه كلش ورقة طلاقج بتوصلج باجر....تم ايسوق والغصه بعدها فيه
خليفه:انتي يا اميره انتي ايي كل هذا من تحت راسج ...وطول الوقت الي فااات وانا مضحوك عليه ليييش انا ماجبرتج توافقين على الخطوبه جان قلتي من البدايه انج ماتبينيه قاعده تلعبين عليه وتتدللين وموهمتنيه بحب خرافي تدرين انا العمي والي ما افهم ولا وااايدين الي لمحو اليه وقالو انج ماتعرفين الحب وانا بقولها لج بعد انا عمريه ماحبيتج واكتشفت ان السالفه كلها انيه بس حطيتج في راسيه
الحب عرفته صدق مع نوووره وبالرغم من هذا ماحبيت اكسر بخاطرج وكسرت بخاطرها اهيه عشانج وانتي ماتستاهلين
حشمتج لانج بنت خالتيه وانتي ابدا ماعرفتي تحشمينيه سودتي بويهيه عند زايد وربعه....انتي حلال عليج الذبح بس انا عشان خالتيه والله يعلم ان كانت تعرف بسواد ويهج ولا ضاحكه عليها بعد...عشان خاطر خالتيه وصلة الرحم الي بينا انا بنسلى السالفه وان شميت خبر ولا اتصلت خالتيه اتلوم لاتلومين الانفسج ساعتها خلاص انا مابخاف من حد وحرمتيه وطلقت بسبتج وياعالم المسكينه وين اهيه الحين
التفت الها:تسمعين يا اميره ...ولا تفكرين انيه بغفل عنج وعن الي تسوينه ترا السالفه بتوصل عقب عند عميه
اميره:لا لا كله ولا ابويه انا اوعدك اوعدك يا خليفه مابتسمع صوتيه ولا بتشوفنيه من عقب اليوم بس لا تخبر ابويه
كمل خليفه طريقه لين وصلها وقالها تنزل
بعدها رد البيت وهو شبه منهار...صح ان لعيال احوالهم زينه مع الخدامات بعد ماعرفن الهو ومن عقب توصيااات نوره الهن
لاكن ايظل البيت مفتقد وجودها اليهال لين الحين ماشتكو من فراقها على اساس انها رايحه زياره وبترجع عقب كم يوم
لاكن اهو حق منووو يشتكي فراقها
كان زايد راجع من الصلاه ويفكر في نور وفي طريقه عشان يشوفها فقرر انه ايروح اييب يدته
وبالفعل راح واقنع الجده اتزور نور وقالتله انها اتكلمها كل يوم لاكنه قالها لازم اتروح معاه البيت
في الصاله الكبيره قعد زايد جدته ونادى هنيه
زايد:هنيه ياهنيه
هنيه وهيه يايه تركض:ايواااا ياباااااشه
شافت هنيه الجده
هنيه:ميييين الست ام راشد يامية الف مرحبا ومسهلا دا البيت منوووور والله منووور
حبت هنيه ام راشد على راسها
زايد:هنيه سيري ازقري نووور يدوه تبا اتسلم عليها
هنيه:طيب ياباااشه دي الست نووور حتنبسط اوي
قعد زايد مسترخي عدال يدته وهو مرتاح ان كل شي تمام
وشوي الا ونوور يايه وهيه لابسه عباه ومتحجبه وحاطه طرحه بعد فوق حجابها كانت مبتسمه اتوجهت على طووول لجدتها واحتضنتها بقو حس انه مايقدر يلتفت صوبها وهو يا خذ نفس
بعدها قعدت عدال الجده من الناحيه الثانيه وكانت الجده فاصل بينهم
نور:شحالك زايد
انتفض اتكلمه ...اعتدل ووقف ملتفت صوبها
زايد:بخيييير انتي اخبااارج
نور وهيه تحاول ماتخليه ايشوفها وهيه لاصقه في يدتها
نور:الحمدلله
عقب التفتت للجده:اخبااارج يدوووه فديت عوينااااتج تولهت عليج
ولوت عليها
الجده:انا زعلانه على الي سويتوووه كيف تطلقون
نور:يا يدوه كل شي قسمه ونصيب...واحنا ترانا عيال عم واخوان والله يوفقه اهو مع بنت الحلال الي اختارها
كان قاعد وصاااخ بس يسمعهن مستمتع من سماع صوتها قريب امنه
الجده:احسن عنج اهيه؟
نور:كلا له مقامه يا يدووه اخبااار البنات تولهت عليهن
الجده:لبنيات مشتطات في بيت عمهن عقب ماراحت حرمته وخلت لعيال وعمج حالته حاله وهو كل يوم ايدورها
نور:الله يردها ان شالله
الجده:وانتي متى بتسيرين تقعدين عنديه
نور:ههه فديتج بييج ان شالله...بس انا ماليه بد من بيت ولد عميه خلينيه قريبه امنه ايحاضينيه واحاضيه الا اذا اهو يريد يستفرد مع حرمته ساعتها اعرف انا وين بروح
الجده:شوووه تحاضينه بعد هذا يباله عصا على جبده الي مرخصنج
نور:هههه لالا مايستاهل ولد العم
تنهد زايد وقام وصبره نفد وقعد مجابل يدته ونور وحط راسه في حضن يدته
زايد:يدوووه بعدج زعلانه عليه
حطت الجده يدها على راسه:امرك يا ولديه مبعاجبنيه
زايد:والله يا يدووه حتى انا مش عاجبنيه وانا تعباااااااان ومحد حاااس فيه
تمت الجده تمسح على راسه وهو مستانس من مسحها لاكنه يوم اعتدل ماشاااف نور
زايد بعيون ادورها:وين راحت؟
الجده:شعنه مغربل عمرك وانته تباها جذيه عيونك فاضحتنك
زايد وقف:ليش راااحت؟
الجده:اتقول ماصلت وبتروح اتصلي
زايد:ماسمعتها؟
الجده:اشرت اليه
قعد زايد ومال بجسمه ناحية الجده وحط راسه في حضنها
زايد:يدوووه تمي عنديه هاليومين محتااااجلج فديتج
.................................................. ......
بعد ثلاثة ايام خليفه ياس يلقى نوره وكان متضايق وماله مزاج يكلم اي حد كللم اليازي وروضه ايتمن عند اليهال اليومين هذي لانه بيروح دبي
كان ابو فهد واقف برا يوم مر مروان راجع من الشغل بعد المغرب ووقف يسلم عليه
ابو فهد:علومك يا ولديه شكل الشغل هااد حيلك
زفر مروان بوجع:الله يعين يا عميه
ابو فهد:مروان شرايك تقرب عنديه ابااك في سالفه
مروان:خير يا عميه
ابو فهد:اقرب انته وعقب بقولك
في الميلس وبعد ما ضيف ابو فهد مروان بدا معاه ايكلمه عن ابووه وعن افضال ابووه وانهم كانو اكثر من اخوان
كان مروان مبتسم
ابو فهد:يا ولديه انا ابااك تعتبرنيه مثل ابوك
مروان وهو يقوم ويحب راس ابو فهد:وانته اكثر من ابو يا عميه
ابو فهد:اباااك يا ولديه تصدقنيه القول واتقول اليه شومنه الحال الي انته فيه
ابتسم مروان:انا انامافيه شي يا عميه
ابو فهد:تذكر يا مروان اول ماعينوك في الشرطه كم شهر تميت في راسك اباك تقلع تفحيصات الويل جدام البيت واقولك يا ولديه مايصير انته شرطي الحين وقدوه والتفحيصات هذي حق لمقلع
ابتسم مروان وهو يتذكر
ابو فهد:وكل يوم اتقول خلاص اخر مره وتعيدها باجر لين اصطلبت وغديت ريال
وياما وياما يا ولديه كنت وراك وانا يا مروان مش من امس ولا اليوم اعرفك من يوم كنت صغير واكيد انيه يا ولديه بلاحظ حالك يوم بيتغير يعني انته الحين مثل مروان قبل كم شهر لا والله انته
صايبنك بلا مغير حالك ومضعفنك ويمكن انته يا ولديه ماتحس بعمرك
تم مروان ساكت مايعرف شو يقول وابو فهد تم على راسه ايحاول ايجرجره في الكلام واهو كل شوي قال مافيه شي
وطال الوقت وراحو وصلو العشى ورجعه ابو فهد معاه الميلس وهو مصر يعرف شو فيه
ابو فهد:اتكون حرمه يا ولديه الي جالبه حالك ترا مافيها شي
تبادل مروان مع ابو فهد بعض النظرات ورجع مروان ايطالع تحت متمني حد يدخل عشان يغيرون السالفه
ابو فهد:لبنيه عرست
هز مروان راسه بلا
ابو فهد:محجوزه لحد
بعد هز راسه بلا
ابو فهد:مريضه
مروان :لا
ابو فهد:عوقك حرمه صح
تم ساكت
ابو فهد:لاتكون لبنيه صغيره في السن
على طووول رفع مروان راسه ايطالع ابو فهد وتاكد ابو فهد من شكوك ام بدر
ابتسم ابو فهد:وهذي السالفه يا ولديه كم عمرها يعني
مروان وهو يتنهد :غصبا عنيه يا عميه ماكنت ادري انها صغيره...وانا خلاص قلت لاميه تخطب اليه وان شالله بيمر الموضوع
ابو فهد:كيف يا ولديه حبيت ابنيه صغيره
مروان :قلتلك ما كنت ادري
ابو فهد:كم عمرها يا مروان
بتردد:اكيد خلصت الخمسة عشر
فتح ابو فهد عيونه:واتقول صغيره؟!!!!خمسة عشر صغيره؟
رفع مروان راسه وحط عيونه في عيون ابو فهد:يا عميه انا عمريه سته وعشرين
ابو فهد:وحتى لو كان عمرك سته وعشرين لبنيه هب صغيره احنا عندنا لول لبنيه ام ثلاثة عشر ايوزونها هلها وكانت حرمه تفتح بيت وتيب عيال
مروان:بس يا عميه هذا لولال
ابو فهد:لالا لا مافي اول وثاني الحريم كلهن نفس الشي...تدري يا مروان كم عمر ام فهد يوم اخذها ...انا هذاك الوقت كنت راد من الغوص وحصلتهم مزوجين بنت عمتيه وحزنت عليها وقام اليه خاليه وقال اليه معاوض يا ولديه ببنتيه والحين بملجبك عليها
قلتله يا خاليه ما احيد عندك بنات ميوزات
قال اليه افا اليوم املجبك عليها وبالفعل ملجت ويوم ييت اشلها انها ياهل ماسكه لعبتها في يدها بس خاليه كان ايشوفها حرمه ملبسينها مخنق ومسكوها يديه وقالوليه شلها ورح
ابتسم مروان
ابو فهد:عاده انا يوم ييت البيت احتشرت على اميه وقلتلها طالعي اخوج منو ميوزنيه كانت اختيه ام زايد اكبر منها واشوفها ياهل واميه ما قصرت قالت ماعليه انته اصبر عليها سنه وبتكبر وبتغادي محد مثلها ..انا مشيت كلامها وقلتلها عيل ربي بنت اخوج عندج وطلعت عنهم الغوص ويوم رديت السنه اليايه ان ماشالله لقيت في البيت حرمه شاله الدنيا كلها على راسها ومزيووونه ما صدقت انها حرمتيه وكله صار في سنه وحده..تدري عاد كم كان عمرها اثنعشر سنه
ضحك مروان وهو يحس ان السالفه هذي اعطته امل لاكن المشكله الحين كيف بيقدر ايقوله انها بنته
ابو فهد:يا ولديه خبرنيه منيه لبنيه وان ماملجتبك عليها اليوم ماكون ابو فهد الا عاد اذا كانت محجوزه ولا ابوها توه صغير مابيقدر يتقبل الموضوع بس انا بتم في راسه وانته مية ريال يتمناك لبنته
بدت الرجفه تسري في جسم مروان وهو يحاول يمنع نفسه مايتكلم لاكن لحفوز ما خلته يسكت
ابو فهد:هاااه يا ولديه مابتقول اليه من بنته
حط مروان عينه في عين ابو فهد وبتوتر :بنتك يا عميه....مي
فتح ابو فهد عيونه واتمنى مروان ان الارض تنشق وتبلعه وتم ايطالع تحت والتوتر وصل حده عنده
ابو فهد:ميووووه......كل هالساااالفه تطلع ميووووه راعيتها
مروان وهو يوقف ويحب عمه على راسه:سامحنيه يا عميه والله غصبا عنيه ادري انا غلطااان وانا ما كنت ارييد اتكلم بس نته
ضحك ابو فهد:يا صبي شبلااااك اتصرقعت جذيه اقعد يابوووك اقعد ما صااارشي فديتك
مروان:انا يا عميه والله مااا...
ابو فهد:هههههه يا ولديه اهدا انته بس الله يهديك
رجع مروان وقعد وهو متندم على تسرعه
ابو فهد:تباها يا ولديه؟
مروان:مـــ...ماااادري
ابو فهد:الله يسامحك ومبهدل بعمرك عسب ميوووه ومسوي فيها سالفه جان ييت وخطبت وعرفت عقب الرد
مروان:يا عميه كيييف وهيه صغيره
ابو فهد:منو قال انها صغيره انا انغريت وقلت يمكن عمرها اثنعشر ولاثلتعشر ميوووه عوده هب صغيره واعقل من البنااات كلهن وانا قايل ان امه داعيه له الي بتيب راسه لاكن انته يا ولديه شيخ الريايل
وغاية المطلوب وانا بيكون اليه الشرف انيه اناسبك كم يسوى الحين عنديه نسب اخوووك
مروان ايحس انه مايسمع صح معقوله الموضوع بهذي السهوله معقول هم الحين يتكلمون عن خطبه ونسب
ابو فهد:جانك تباها قم ازقر الشيخ خله ايي وانا قلتلك اليوم بملجبك عليها
قام مروان وحب راس ابو فهد:صدق يا عميه
ابو فهد:وانته اتحيدنيه اخلف كلاميه هات لمطوع وازقر اخوووك وانا بتصل على خليفه وزايد وفهد
اهنيه ارتبك مروان وخاااف من ردة افعالهم لاكن دمن السالفه فيها ابو فهد خله يمشي في السالفه
طلع بسرعه وكلم ربيعه احمد اييب لمطوع بسرعه واتصل على بدر وقاله ايي ميلس ابو فهد بسرعه حاول بدر يستفسر امنه وقاله يوم بتي بقولك
ابو فهد اتصل لخليفه الي تعذره وعقب اتصل على زايد وفهد
بعد ربع ساعه وصل بدر وحصل مروان في الميلس وكان ابو فهد في البيت داخل ايخبر ام فهد ان مي ياها خطيب وانهم بيملجون الحين لاكنه ماقال منوووه مي اول ما درت بدت تنتفض وتحس بضيقه وشعووور بالرفض
مي:اميه شو تقولين
ام فهد:يا اميه مادري ببوج ايقول لمطوع بيي الحين وبيملجوبج على الريال الي عند ابوووج
نزلت دموع مي :لاااا اميه فديتج قوليله لاااا انا ما ارييييد انا ارييد اكمل دراستيه فديييتج اميه قوليله لااا
ام فهد:يا بنتيه ابوج في هالمواضيع مايحب حد يرمسه وهو اكيد انه يعرف مصلحتج
مي:لالالا ارجووووج اميه
راحت ام فهد عن بنتها وتمت مي قاعده على الكرسي في الصاله ودموعها تنزل بغزاره تمنت ساعتها ان روضه ولا اليازي عندها وهن كانن في بيت خليفه ايطالعن اليهال
بصمت قعدت على الكرسي ودموعها تنزل
في الميلس
بدر:شو السالفه يا مروان
مروان بتردد:انا ....انا بملج
بدر:هاااه بتملج ...بتملج على منوووه؟
مرواون وهو يسحب نفسه:على مي
بدر:شووووه؟؟؟!!!!ميمي
ردة فعله خلت قلب مروان يرقع بين ضلوعه
بدر:شو السالفه ليييش شو صااااير
مروان:مــماااشي انا خطبتها وعميه وافق
بدر:يا مروان اتكلم معايه بالعقل شي صاااير؟
مروان:لا والله العظيم بس انا اريدها
بدر:انته مينوون انته صاااحي ميمي تبا ميمي؟
سكت مروان وتبادل معاه بعض النظرات
بدر:مروان يا اخويه شو هالينااان ميمي بعدها ياهل يعني شفت اميه تاخرت عليك في موضوع الخطبه تعاند وتخطب ياهل انته يا مروان تاخذ ياهل وانته حاط شروط على الي تباها اتكون حرمه وعاقل وتفهم اتغايض وتخطب ياهل انا مابسمحلك خصوصا ميمي هب لعبه عندك
دخل ابو فهد:لمطوع وصل ...يا فهد اتصل على زايد استعجله
بدر بهمس:الله يهديك ...الحين كيف بتطلعنا من هالمصيبه
مروان كان يتمنى ياكل شفايفه من التوتر ومن ردة فعل بدر الله يستر عيل من ردة فعل زايد
دخل فهد:وصل زايد يا ابويه
ابو فهد:زين زين
زاد التوتر عند مروان وخصوصا بدر الي يعرف كيف بتكون ردة فعل زايد
دخل زايد وسلم وعيونه تستكشف الموجودين كلهم وخصوصا لمطوع
عاد اهنيه مروان حس انه مايقدر يرفع راسه ويحط عيونه في عيون حد خصوصا بعد ماوجه له زايد نظره عقب ماقاله ابو فهد بالسالفه لاكن زايد تم ساكت ومحد عرف شو اهيه ردة فعله
بس مروان حس ان صدر زايد انتفخ وهو ياخذ نفس
بدر وهو يهمس لمروان:يا خوفيه زايد ساكت بس لانك اخويه الله يهديك جان قلتليه من قبل زين الحين الموقف الي احنا فيه
تم مروان ايحاول يمنع نفسه انه يترك الميلس ويطلع من التوتر الي كان ايحس فيه لاكنه ماقدر وابو فهد ناوي يملجبه الحين
طلب لمطوع توقيع العروس
ابو فهد:فهد ود الدفتر لاختك
قام زايد وهو يهمس لخاله:انا بوديه وقسما بالله ان ما وافقت انه ماتستوي الملجه
خلاااه وطلع عشان يبتدي التوتر عند ابو فهد عقب قسم زايد
اول ما دخل زايد الليوان وشافته مي ركضت بسرعه ناحيته وهيه اتصيييح وارتمت في حضنه تشهق من الصياااح
سكر زايد الدفتر وحطه على الرف عداله وهو يلمها ويقسم الها انه مايصير شي بدون رضاااج
مي من بين شهقاتها:ماريييد مارييد اريد اكمل دراستيه
زايد:بس فديتج بس والله مايستوي شي بدون شووورج وموافقتج وهذوووه الدفتر انا يايبنه عشان اشاااورج
مي:بس ابويه ايقول لازم تاخذه انا انا اخاااف امنه عقب يعصب عليه
زايد:خلي حد ايقولج كلمه وانا برويج فيهم
كان مطوقنها بيديه وهيه تشهق وشهقاتها بدت تهدى لين ما سكتت خلاااص
بعد زايد راسها عن حضنه الي صار مغرق بدموعها وتم ايطالع ويهها
زايد بابتسامه:والله وكبرتي يا ميمي وياينج خطاااب
خنقتها العبره مره ثانيه
زايد:هاه هاه هاااه انا امزح ما كبرتي وبتمين طول عمرج دلوعة زايد فديت قلبج
رجع وضمها لصدره محد يدري بغلاااتها عنده ايحس انها بنته
بعد شوي
زايد:ميمي اتحيدين يوم كنتي صغيره شو كنت اقولج
رفعت راسها وتمت اطالعه
زايد:كنت اقولج يا ميمي يوم بتكبرين انا بيوزج واحد شرطي ومش اي شرطي شرطي ماعليه كلااام واحسن شرطي في الدنيا تدرين ليش
رمشت بعينها
زايد:لانج اتقولين انا اخاااف من الحرامي وقلتلج مايقدر الحرامي اييج دام انيه معاااج وقلتيليه واذا رحت عنيه بعيد..قلتلج عيل بيوزج شرطي عشان يحميييج وانتي عاده ساعتها استانستي وقلتي عادي يتجوزنيه الشرطي
ابتسمت مي وهيه تتخيل مروان ببدلة الشرطه
زايد:عاده تدرين منو اليوم الي يا يخطبج
تمت اطالعه باستفسار
زايد بابتسامه:شرطي يا ميمي واحسن شرطي واغلى شرطي عنديه
تمت اطالعه
زايد:تدرين ان هذا الشرطي احسن بعد من الشرطي الي كنت افكر احصله وايوزج اياه
نزلت راسه تحت وهيه تحس انه ايريد يقنعها به
مي:بس انا اريد اكمل دراستيه
زايد:ومروان مابيمنعج اتكملين دراستج
ارتجفت رجفه قويه حس ابها زايد وهيه تفتح عيونها
مي:مروااان
زايد:هيه مروان احسن شرطي عندنا في المنطقه هههه
احمرت اخدودها ساعتها وزادت ابتسامة زايد ورد يحضنها بقو
زايد:والله يا ميمي ان مروان احسن من اي ريال ثاني وانه بيحطج في عيونه وبيحميج طووول عمرج ماتدرين كيف كانت فرحتيه يوم شفت انه اهو المعرس
ابتسمت مي وهيه مستحيه وداسه ويهها في صدر زايد
رجع زايد وبعد ويهها عنه شوي وتم ايطالعه ويلاحظ ابتسامتها:شووفي اذا ملجتو اليوم بنقوله اياخر العرس لين اتخلصين دراستج ...هاه شقلتي
مي:هزت اكتافها بمعنى مادري
مسك زايد الدفتر وفتحه:هاج اذا كنتي موافقه وقعي واذا كنتي مش موافقه وقعي اهنيه وعلى كيفج غناتيه
حطلها الدفتر على الرف وراح ايسلم على يدته الي دخلت الصاله
مي بتوتر تمت اطالع الدفتر وتحس بخربطه واحراااااج وقعت بسرعه وركضت
لفوق سكرت باب غرفتها وتاندت عليه وهيه تحط ايديها على ويهها منحرجه وبعدها قعدت وهيه بعدها متسانده على الباب
مي:ياربييييي احرااااااج ....والوقح مسوي عمره مايعطي ويه
كان قلبها ايدق مش مصدقه هل فعلا مروان اصبح زوجها وكل ماتدخل الفكره راسها هزت راسها بلااا مش مصدقه وهيه تتذكر كل مواقفه
دخل زايد الميلس وتم ايطالعهم بنظرات مش مفهومه وقرب من خاله وهمس له
بدر بهمس:اسميييك الا صدق وهقتنا ...زايد حالف من زمان انها مابتاخذ الا الي بترضى به وهااااك تلاقي لبنيه متروعه الحين ورافضه
زاد التوتر عند مروان
زايد بصوت حازم وهو يقعد قريب منهم:مروااان...ترا ميمي تبا اتكمل دراستها
طاح قلب مروان وتاكد من الرفض
زايد:يعني هب تقول باجر اريد العرس قريب
تم مروان ايطالع زايد مش فاهمله
زايد:فهمت شو قلت الحين بس ملجه
نقز مروان وقعد عدال زايد وعيونه على التوقيع:صدق وافقت؟
طالعه زايد بنظره حاده وجاده:احممم
عقبها انتبه مروان لنفسه
وقام زايد عشان يكملون اجراءات الملجه ومروان مش مصدق...معقوووله الحين الي يصير انه ملج خلاااص عليها وصارت حرمته محد كان ايحس بالفرحه الي ترفرف في قلبه وضحكه خنقها وهو مش عارف شو في خاطرهم
باركوله كلهم وعقبها طلع مع بدر الي تم طول الطريق وهو يشرشحه في الكلام وانه كيف ايفكر في بنت صغيره وهو كان ايقول كذا وكذا
دخلو على امهم الي كانت تنتظرهم على العشا في الخيمه وقربو منها وخبرها بدر وتمت اطالع مروان مش مصدقه
ام بدر:الله يهديك يا ولديه لبنيه هب صغيره عليك
مروان تم ساكت وبدا يتعشى ويفكر ايفكر في لبنيه الصغيره الي صارت حرمته خلاااص ومن كثر ماكان مندمج في التفكير فيها حس انه مايفهم لامه وبدر شو يقولون بس اهو متاكد انهم مش راضييين مش مشكله المهم انها صارت ملكه
فرحه بدت اتزيد اكثر واكثر في قلبه وهو يتخيلها ومبتسم مطنش كل الي ينقال
بعدها بشوي وهو ياكل ويدلقم اللقمه وابتسامته على شفايفه
ام بدر:فدييييييتك فيه العاااافيه
بدر:ايييه يالخمااام كلت الصحن كله
بدون احساااس مروان كان ياكل من الصحن وهو مش معاهم وقرب يخلص الصحن
ابتسم الهم وهو من الصبح كان يبتسم
ام بدر:فيه العااافيه يا ولديه لو كنت ادري انها اهيه عوقك جان من زمان خطبتها الك
لف بنظره لامه وقام وهو يحبها على راسها وطلع عنهم وشعووور بالفرحه كل ماييله ويزييييد
هز بدر راسه:خلص الصحن ودبر ...اميه زيدي باجر الغدا ولابتلاقينيه انا عقب متهلك
دخل مروان غرفته وابتسامته اتزيد واتزيييد فرحااااان خلع ثيابه ومن ونااااسته عق بعمره على السرير فارد ايديه جنبه وهو المكيف ظارب فيه
مستااااانس مستاااانس ومايعرف كيف يعبر عن ونااااسته ااااه ليتها الحين في حضنيه صارت ملكيه يانااااس صارت ملكيه
وببتسااامته غمض عيونه وهو يتخيلها لين ماغفت عينه لاكنه قام على اتصال خلاه يفزع من رقدته
مروان:الووو
بدر بصريخ غير طبيعي:مروااااااان الحق اليه يا مرواااااان زايد زايد انظرب بطلق ناري الحق النا يا مرواااان
مروان ونفضه قويه تهزه:انته شوووو تقوووول وين انتووو
بدر:اهنيييه اهنيييه جدام بيتنا انظرب وانا معاه الحين في الميلس بسرعه بسرعه فديتك تعااااااال
قفز مروان الي كان بس لابس شورت وركض بسرعه طالع من غرفته
............................................
اتصل خليفه على البيت وكلم البنات وطمن على احوال لعيال وسال جان نوره اتصلت وكان الرد لا
سكر عنهن وتم ايدور في شوارع دبي ما يعرف وين ايروح ولا ليش اصلا ياي اهنيه ايحس نفسه مثل التااايه
خليفه"الله يسامحج يا نوووره هنت عليج انا واليهال
دخل مروان ميلس الريايل وهو مش في حااااله
لاكنه تفاجئ باثنينه منفجرين في الضحك على شكله
زايد وبدر:ههههههههههه
بدر:طالع شكله دحب بطنه من العيش وحط راسه يرقد
زايد:هههههههه
تم مروان ايطالعهم ودقااات قلبه منتهيه استوعب اخيرا وحس انه منهاااار وقعد على اقرب كرسي ياخذ نفسه
بدر:هههههههه ويقولك اباها كبيره وفاااهمه ومخلصه على الاقل سنتين من الجاااامعه هههههه
لمح مروان خيزران على طرف سحبها وتوجه لبدر الي زحف بسرعه واندس ورا زايد الي كان ميت من الضحك
مسك ريول بدر وسحبه وهو يصرخ ويستنجد بزايد وهو يضحك
على ريوله انشاااط منقهر من ردة فعله في الميلس ومن مقلبه هذا
بدر:ااااخ والله ايعور يا حمااار
سيطر زايد على ضحكته وهو مش هاين عليه بدر ينظرب ونزل لعقال وقام لمروان الي شرد عنهم من الميلس وتمو يتضاحكون عقب ما طلع
الايام بدت اتمر وكلا في حاله نوره مازالت غايبه عن البيت
وروضه بدت استعداداتها للتجهيز مروان نفسيته صارت احسن والكل حس بهذا الشي حتى اصدقاءه في البدايه ازعجه بدر كيف اتفكر في ياهل وكان يتجاهل سؤاله بابتسامه وصمت لين ما اقتنع بدر ان مروان فعلا ايحبها
اليازي رجعت تمشي طبيعي على ريلها واقنعتها روضه انها ترجع تكمل الدراسه قبل لايفوتها الكثير
ميمي كانت في عالم ثاني وهيه مش متخيله انها صارت زوجة مروان وكانت تستحي وماتحب حد يتكلم معاها على انها مملوج عليها كل ماحد فتح الموضوع تتركه وتطلع
وفي يوم كان زايد ومروان وبدر في ميلس ابو فهد وقام زايد وبدر دخلو داخل ايسلمون على اليده وتم مروان متحرقص من راحتهم في الدخله والطلعه وانحرق اكثر وهو يتخيل مي قاعده اتسلم عليهم الحين
نفسه ايكلمها ولا يشوفها من ملج اختفت عن انظاره الحين كيف بيفهمها انه مايريدها اتسلم عليهم...يا سلام عليك يا مروان من الحين بتم تتحكم فيها وتضغط عليها يمكن المسكينه من زمان اتحاول وماقدرت والدليل انيه سمعت اختها اتهددها اذا سلمت على بدر
السبلااان الحين قاعدين ايخممونها بالاحضان
دخل بدر وزايد وتمو ايطالعون مروان بنظرات مش مفهومه رفع راسه الهم وتم ايطالعهم باستغراب
مروان:علووومكم شعندكم اطالعونيه جذيه
بدر:عاده عدينها لك انك تملج عليها لاكن تطلب منها تتغشى عنا هذا يوم بينغسل فيه شراااعك
مروان باستغراب اكبر:تغشت تغشت عنكم منووو تقصدون
قعد زايد وهو مبتسم:فدييييتها كبرت ميمي يا بدر وتغشت اااه والله انيه بغيت اموووت وهيه ماره متغشيه ومفتشله مننا
بدر وهو ايقرب من مروان:انته قايللها اتغشي صح
تم مروان ايطالعه بنظرات وهو يريد يستوعب:اتغشت!!!!!؟
بدر:تخيل ميمي الي احنا مربينها عقب العمر هذا كله تتغشى عننا ...والسبه منوووه انته يا السبااال
زايد:حرام عليك لبنيه اتقول انها من زمان ناويه تتغطى وموضوع الملجه مايا الامن بعد ماقررت
بدر وزايد ماتخيلو الفرحه الي بدت ترفرف في صدر مروان وهو ابتسامته اتزيد اكثر واكثر...خلاااص صارت ملكه اهو وحلال له اهو وبس حتى هذولا افتك منهم ومن سلامهم الها ياسلااااااام والله انيه فرحاااان تم ايطالعهم وعقب ضحك بصوت عالي وما قدر حينها بدر يستحمل وقام منزل عقاله
في البيت داخل كانت مي اتصيييح في حضن روضه بعد مواجهة بدر وزايد
روضه:ههههه ليش اتصيحين الحين مش قرارج هذا...يابنت الحلال احسن والله احسن لج
اليازي:ياسلااام الي يسمعج ايقول حتى انتي تتغطين
روضه:ماعليه باذن الله انا بعد الله بيوفقنيه وبتغطى
مي ابتعدت عن حضن روضه وتمت تشهق وهيه تتكلم:لو شفتي زايد كيف كان ايطالعنيه مره ماتكلم تم بس ايطالع وهو ساكت ما اعرف شو في خاااطره والله حسيت انيه بموووت اااه
ونزلت دموعها اكثر
روضه:يا الخبلا هذا الشيطان ايقولج جذيه بلعكس انتي الحين اثبتي الهم انج كبرتي وصرتي حرمه من متى وانتي كنتي ناويه تودرين موايههم وماقدرتي الحين بغطاج صار الامر عادي
مي:يمكن ايفكرون انه عشان ا
روضه:ايوا عشان شوووه
مي احمر ويهها وابتسمت:رويييض بس عاده انا والله ناويه من زماان
روضه وهيه تضحك وتلوي على مي:فدييييت انا اختيه الي غدت حرمه
واشارت لليازي انه الحمدلله انها افتكت من سلامها لبدر
اليازي:هههههه
............................
في اليوم الثاني وبينما كان زايد قاعد في الحديقه ياخذ القيلوله اليوميه كانت نور
واقفه مجابلتنه وتحط صنية القهوه والشاي وهيه كل شوي اطالعه
فتح عيونه وانصدم انها واقفه
زايد وهو يعتدل:نووور
نور:هنيه ولدها مريض واستاذنت وراحت
زايد:هيه ادريبها
نور:زين شي تبا
تم زايد ايطالعها ويحاول يستوعب انها اهيه الي واقفه جدامه
زايد:لا تعالي اقعدي
نور:استاذن ..اذا تبا شي سوليه على تيلفون هنيه عنديه
التفتت عنه وراحت
تم قاعد ويراقبها بعيونه وقبل لا تبتعد
زايد:نووور
التفتت له
ابتسم:تعالي بقولج شي عن ميمي
رجعت وقربت امنه كم خطوه وتمت واقفه تنتظره يتكلم
زايد:ميمي اتغشت عنيه
ابتسمت نور وتمت اطالع تحت
زايد:كبرت ميمي وانا ماحسيت من فتره كانت ملجتها والبارحه اتغطت عنيه ...احس اا
كان ايريد ايقول انه يحس بالوحده وانه صار وحيد
رفعت نور نظرها وتمت اطالعه وهو سرحان ماعرفت شو في خاطره وماحبت تساله وتم ساكت سرحان
نور:الله يوفقها وكله في ميزان حسناتها ...بعد انا زايد لازم اتغطى عنك
رفع نظره الها:لااا انتي لاااا
تغيرت ملامح ويهه
وتمت نور اطالعه بعدها التفتت عنه وراحت وزايد فكرة انها تتغطى عنه وتبتعد ذابحتنه
وصلتها رساله اول ما دخلت الغرفه
زايد"نووور انا اموووت تعرفين شو اموووت
تمت اطالع الرساله وتحس ان قلبها طاح من مكانه هذا شو يقصد؟
.................
بعد مالفت اليازي وروضه ومي في الاسواق اشويه مرن بيت عمهن خليفه وكان راقد في الصاله والعيال يلعبون قريب امنه
اليازي:والله ايحزن حال عميه حرام الي تسويه نوره فيه
روضه:ايقول المثل شجابرك على المر غير الي امر امنه اكيد ان في شي قوي خلاها اتسوي جذيه
قربت مي من عمها خليفه ودقته
مي:عميه صليت الظهر
خليفه وهو يمسح ويهه:لا بقوم الحين زين يوم يتن انا بروح الشغل شويه وبرجع
روضه:الحين عميه الشغل؟
خليفه:باخذ اوراق نسيتهن البارحه اهناك وبرجع
قام خليفه وطلع وتمن البنات عند اليهال لين العصر رجعت اليازي وروضه وتمت مي عندهم لين الليل
وهذا حالهن كل يوم وحده اتم عندهم لين الليل
بعد يومين استقبل زايد صديقه منصور وسواله ميوب وحضر المايوب هذا نااس وايدين من كبار الشخصيات لان منصور ريال معروف وله ناااس من لكباريه
تم منصور وزايد يتكلمون على طرف في بعض المشاريع وعن الانتخابات وامور وايده لين تكلم منصور عقب عن موضوع اهو ياي عشانه
منصور:زايد الحين انته مطلق بنت عمك بس لان امها باكستانيه
تلاقت نظرات زايد بنظرات منصور وحط زايد فنيال القهوه وهو يحرك راسه بهزه بسيطه
منصور:وخلاص مطلقنها مالك رجعه الها
الموضوع ضايق زايد وااايد لاكنه حاول ايكون طبيعي وهو يرسل بنظره للحضور في الميلس
زايد:انا منتهي من الموضوع خلااص
منصور:اذا مالك رجعه الها يا زايد انا ترانيه اريد القرب وياي اخطبها منك انته شخصيا لانيه يا زايد اريد اناسبك
رجعت نظرات زايد لمنصوروهو يطالعه بعدم استيعاب للي يطلبه
ابتسم بعدها زايد:منصور تبا بنت الباكستانيه؟
منصور:امها ماتعيبها يكفينيه طاري انيه باخذ بنت حمد الـ......ّ
زايد وهو مش مصدق الي يسمعه ولا يريد ايصدقه:شف اذا كانت هذي حركه منك عشان تبين اليه انه عادي اخليها على ذمتيه ترا
منصور:لا والله انا اريدها ...انا اريد نسب عايلتكم
بدا التوتر يلف زايد وكل الكلام ضاع امنه مش عااارف شو يقول
منصور:اسمحليه انيه طلبتها الحين وهيه بعدها في العده بس انا ما اريد حد يسبقنيه الها وانته اكيد مابتردها مثل ماتقول هااه يا زايد شو قلت
وقف زايد:حياك يا منصور اقرب العشى حطوووه وعقب بنرمس في السالفه هذي
ومشى عنه زايد وهو خاااطره لو يعطيه ***س على ويهه كيييف يتجرا ويطلبها امنه كان مبتسم وجسمه لو حد ايدقه حس بالحراره الي بدت تطلع امنه من الغيض والقهر
زايد طول فترة العشى وهو يتحاشى يقعد قريب من منصور ويتمنى الوقت ايمر بسرعه عشان ايروح ويخلص من هالسالفه الي ماكانت في الحسباااان
لاكنه انقهر اكثر واكثر وهو يشوف منصور منفرد بخاله على طرف ويكلمه اكيييد نفس الموضوع هذا من وييين طالع له
قعد بدر عدال زايد وهو يحس انه مش طبيعي
بدر:زااايد زااايد
التفت زايد له
بدر:شو السالفه منصور شو يبا؟
زايد:تخيل ياي يخطب نووور منيه والحين اكيد قاعد ايكلم خاليه عنها اهو شعرفه ابها
همسله بدر:سمعت انه شافها في لندن
التفت زايد لبدر منصدم:شوووه؟
بدر:الله واعلم ربيعه محمد هذاك اليوم ايقول ان منصور حاسد زايد على حرمته وايقول انه شافها عندك في المستشفي
زايد:متى صااار هالكلاااام؟
بدر:ماندري يا زايد بس انا اشك لان نور مستحيل بتخلي حد ايشوفها
زايد:وياي حضرته اونه ايدور النسب بيبطي
بدر:ههه بلاااه منصور ريال والنعم على الاقل بتضمن لك بعد من صوبه اصواااات
وقف زايد:بيبطي والله انه يبطي
بعدها بنصف ساعه تم زايد يتلفت في الميلس ايدور خاله وماشافه وقام واستاذن منهم اشويه وعلى طووول راح للفله داخل وحصل خاله قاعد
زايد:خاااليه
ابو فهد:هلا يا ولديه هاااه خليت ضيفانك
زايد:انته يا خاليه شو يايبنك اهنيه
ابو فهد:انا ياي اسلم على نور
زايد:اتسلم عليها ولا ياي اتشاورها في منصور
ابو فهد:من حقها تدري
زايد:وانا ماليه راي
ابو فهد:انته مابتوقف في طريق بنت عمك ودام ان الريال شارنها شعنه بتعارض
زايد بتوتر:منصور ربيعيه وانا مابرضى له الي ما ارضابه على نفسيه
ابو فهد:هذا بس تفكيرك الريال ماعنده مانع فيها وقابلنها حتى لو كانت امها باكستانيه ويقول هذاالشي مافكر فيه ولا طرا على باله انه بيفكر يعيبها من امها وهو يا ولديه ايريد النسب ويقول كم يسوا طاري انيه ماخذ بنت حمد الـ....ّ
زايد:ما اعتقد ان نور بتوافق
نور من وراه:وليش ما اوافق؟
التفت زايد بسرعه وراه :انتي شو تسوييين اهنيه وليش قاعده تتسمعين
نور:كلامكم واضح وانا يايه لان عميه طالبنيه
زايد وهو متخربط على الاخر:سيري داخل الموضوع عدنا ما انتهينا من نقاشه عشان تين تتكلمين فيه
سلمت نور على عمها
ابو فهد اشار الها تقرب وتقعد عداله:تعالي يا نووور
زايد بعصبيه:وانا اقول انقلعي داخل
ابو فهد صرخ على زايد:زااايد حشم خااالك
زايد قرب من خاله وحبه على راسه وهمس له :بعدها في العده ومالكم حق تتكلمون في الموضوع هذا
ابو فهد:احنا نتشاور يا ولديه والريال مايتفوت
زايد:وشووو عايلنه؟
ابو فهد:مايريد حد يسبقه عليها
زايد بطنازه:لاااا ما احيد طابور واقف عند الباب
ابو فهد:ومنو قالك بنت حمد مطلوبه ووايدين الي رمسو فيها
زايد حس ان عيونه بتطلع من راسه:انته شتقول يا خاليه !!!!؟
ابو فهد:هيه نعم بنت حمد مطلوبه والبارحه كان عنديه ابو سالم وولده ياين يسالون اذا طلعت من العده ولا بعدها ويوم قلتلهم شو في خاطركم قالو نبا القرب
وامس متصله بنت خالة ام بدر بعد تسال عنها وتقول ان ولدها سعود يباها
وام فهد اتقول ان في حريم وايد يسالن عنها
حس زايد ان الدم بدا ايفور في راسه:وهذيلا شعرفهم ابها؟
التفت لنووور:وانتي كم واحد خليتيه ايشوفج عشان يخبل مايعرف راسه من ريوله
نور تمت اطالعه بنظرات منصدمه من كلامه
نور:شقصدك
زايد:شقصديه ...يعني معقوله منصور بيي من فرنسا عشان النسب بس هااه ولا عشانه شافج
نور:زايد احترم نفسك
زايد:اذا انا جدام عينيه شايف سعود هذا الرقله شايفنج بجذب ان الباقي بعد ماشافوووج
نور بغيض:انا ما اسمح لك...تفهم ما اسمح لك ....عميه اذا كنت ياي وتريد اتشاورنيه في الريال الي قال مايهمه ان اميه باكستانيه قله انيه موافقه
زايد:لااااا والله على كيفج اهو
نور:نعم على كيفيه وانته مالك كلمه عليه
زايد:نووور لا تتحدينيه انتي اصلا امرج في يديه ومحد له شووور فيج تسمعين
تركتهم نور وراحت داخل
زايدوهو يصارخ:تتحدينيه يابنت الباكستانيه تتحدينيه هين اشوووف منو كلامه الي بيمشي
وقف ابو فهد:يا ولديه هد عمرك لا تنسى انك مريض وبعدها عافيتك مارجعت لك
زايد:رحله الحين وقله ان ماعندنا بنات للعرس وياوييييله لو يشرف اهنيه مره ثانيه انا بعرف اتصرف معاه عقب
ابو فهد استغرب من عصبية زايد وخاف عليه لانه اول مره يشوفه جذيه طلع وقال لبدر ايروح له وبدر على طووول راحله ابو فهد ماحصل منصور وعقبها رجع لبيته اما بدر فتم ايهدي زايد الي تم ايصارخ ويتوعد ويهدد ويقول كلام ضايق نور الي كانت قاعده في المطبخ وتسمعه
هنيه وهيه تقرب من نور:ربنا ايهدي سره دا الصريخ مش كويس ليه ااه الدكتور النوبه الي فاتت قال بلاااش تخلووه يصرخ
تم بدر مع زايد ايهديه لين سكت وعطاه ابره مهديه لان ظهر زايد بدا ايعوره ومايدري من شووه في غرفة زايد
بدر:الله يهديك يا زايد مايسوا عليك كل هالصريخ والعصبيه اعصاب جسمك كلها انشدت وتاثر ظهرك منها انته لازم اتروح معايه باجر المستشفي الامريكي الي في دبي ايسولك فحص كامل
حط زايد ذراعه على ويهه وتم ساكت وهو يحس فعلا بالويع في ظهره
التفت بدر للكرسي الي في زاوية الغرفه وشاف فستان عشبي حس بقلبه ينقبض وهو يتاكد الحين ميه بالميه ان زايد ايحبها ويكابر بحبه
بدر:لا يهمك منصور يا زايد انا بعرف اصرفه
زايد:ايقولك خاليه ان ناس وايدين متكلمين عليها
بدر بابتسامه:يدورون قربك يا زاايد
زايد:وليش مايكونون شايفينها مثل ماتقول ان منصور شافها
بدر:يا زايد محد احتك بنور كثريه ولا تنسى انها يايه معايه من باكستان احلفلك بشوووه انيه عمريه ماشفتها وان شافها منصور اكيد انها صدفه
على طووول اتذكر زايد يوم تقوله نور ان ريال دخل وشافها
زايد:قالت اليه .....تذكرت مره قالت اليه ان في ريال دخل وشافها وانه دخل بدون استاذان...نفس اليوم الي زارنا فيه منصور في الليل بس ماياب طاري انه زارنيه الصبح
بدر:شفت ..الله براها...واكيد مارمس عشان ماتدري انه شافها
سحب زايد المخده وحطها على راسه وهو يحس بالرقاد يسحبه اثر الابره
زايد:اااه ...يا ويله الي بيفكر باجر ايقرب يخطبها.......نووور مش لاي حد....... نووور نور زاااايـ........ّ
ابتسم بدر وهو يسمع تنفس زايد الي شكله رقد
في اليوم الثاني كم اتصال يا زايد من منصور وكان يطنشه الي خلا منصور يعصب على الاخر ويحقد فعلا على زايد
بعد زايد كم مره طلب من هنيه اتروح اتنادي نور الي رفضت تطلع عنده وتم ايصارخ ويتوعدها
على الليل كان بدر منسدح يتكلم في التليفون ومبتسم مستمتع بسوالفها قرب مروان وقعد عداله التفت له بدر وهو يشير له خيير
مروان:اريد اكلم مي
بعد التيلفون بدر:هههه اتنكت انته
مروان فتح عيونه:ليش ان شالله
بدر:لبنيه بعدها صغيره انته بتخرب افكارها خلها في حالها لين اتخلص دراسه
عصب مروان وكتم غيضه
مروان:عطنيه التيلفون
بدر:اوووف صدق انك مغثه شتبااه
مروان:بكلم حرمة اخويه بوصيها على حرمتيه
بدر:يا شين الكلمه في ثمك حرمتيه هااك
مروان:مرحبا روضه
تخربطت روضه:هلا
قام مروان ومشى كم خطوه بعيد عن بدر
مروان:تدرين بدر شو يقول يوم اقوله هااه عندك حفوز للعرس
روضه:شو يقول
مروان:ايقول لاا عااادي شبعان من رمستها تونيه مسكر عنها ما احس انيه متلهف وااايد
فتح بدر عيونه وقام ومروان يركض في الحوش يسب على بدر
اخيرا مسك بدر مروان عقب ماترس راس روضه عليه
روضه بصراخ:انا ماعلييييه ان رمستك بعد اليوم لا تسمينيه رووضه
وسكرت التيلفون في ويهه
بدر بنظرات مستصيبه وجهها لمروان الي كان يضحك
بدر:يا خمام شو قلتلها
مروان:ههههه احسن عشان لبنيه تخلص سمانها بسرعه وعشان تحرم تصدر اوامر تخصنيه
شرد عقبها مروان برا راكب سيارته ورجع بدر ايحاول الاتصال بروضه الي ما رضت اترد عليه
وهذا حال بدر كل يوم ايحاول ايكلمها لاكن مافي فايده لين عصب في مره من المرات وكان يدريبها طالعه تتشرا
طرشلها مسج
بدر:حياتي في محل يديد ايبيع نعول كعبها عالي اذا تبين تتشرين امنه عالي وايد وايد
فتحت روضه عيونها وبدا الدم ايفور فيها وطرشتله
روضه:ادله الي عدال خياط الريايل الي يخيط الثياب الطويله بدون مايوفيهن من تحت(اي بدون مايحط قطعه زياده تحت)ّ
ضحك بدر بصوت عالي
بدر"ايوااااا الي مجابلتنهم لافته كبيره فيها اعلان عن كرتون الاقزام السبعه
روضه"فديتك عرفتها الي عدال النخله الطويله
بدر:هههههههه
ام بدر:ولديه شبلاااك على هالضحك هذا
اعتدل بدر وقام ايحب امه على راسها
بدر:سلامتج اميه واحد من الربع مطرش نكته
ام بدر:راح مروان
بدر:توه طالع وانا بطلع بعد شي تبين الغاليه
ام بدر:سلامتكم والله يحفضكم
كل ما التقى زايد بخاله فتح معاه موضوع منصور وكان زايد يتهرب امنه بتغيير الموضوع
قام زايد ودخل عند يدته بعدها بشوي دخل عليهم خليفه وحس زايد ان خاله خليفه متغير شكله والتعب باين تحت عيونه
زايد:علوومك يا خال
طالع خليفه زايد وكانت نظراته اتقول اي علوووم وانا حاليه هذا بسبتك
نزل زايد نظره تحت وطرش مسج لمروان
زايد"ماشي علووم عن حرمة الخال
مروان"حرمة خالك في بيت خالك ابو فهد وعند يدتك
استغرب زايد وهو يفتح عيونه وعقبها رفع نظره للموجودين مش مصدق
زايد"شدراك؟
مروان"صدنا اتصالين الها تكلم وحده من البنات في فلة خالك خليفه عشان تطمن على اليهال وفهمنا السالفه
وجه زايد نظراته لخاله ابو فهد وهو متضايق امنه يعني شو يريد ايسوي جذيه باخوووه مايشوف حاله الحين
قام خليفه يستاذن وكان الكل قاعد في صالة الجده اول ما طلع من الصاله وصلته رساله من زايد ايخبره بالسالفه وان حرمته موجوده داخل
رجع خليفه وفتح الباب عليهم وتم ايطالعهم
خليفه:وين نوره يا ابو فهد
التفت ابو فهد مستغرب كيف عرف:وانا شدرانيه
خليفه وهو يخطو داخل متوجه لغرفة الجده لاكن ابو فهد وقف
ابو فهد:مكانك يا خليفه لبنيه في عهدتيه
التفت له خليفه:شوووه عهدتك !!!...انته يا بو فهد اتسوي جذيه انته؟
ابو فهد:انته غلطت عليها
خليفه:غلطت عليها بشوووه؟
الجده:بعد بشوووه بتعرس عليها وبتيب حرمتك عندها اتغث عليها
خليفه:وبس هذي كل السالفه ...وانا ماهمكم حاليه طول الوقت الي فااات داسينها عندكم ومخلينيه على الحال الي تعرفونه
الجده:عشان تستادب
خليفه:استادب في شوووه ..استادب وانا شال همها طول الوقت ما اعرف وين اختفت ولا وين راحت..لعبه اهيه
انتو تدرووون بحاليه اشك والله واحد فيكم يدري بحاليه ولا بشوووه امر قسما بالله ولا واحد افتكر فيه انا شو بقول ولا شو بقول ليش اتسون جذيه ابيه انا ما ارقد الليل وانا افكر وين راحت وشو احوالها والله انيه مراات الف البيت وماخليت شبر فيه وانا ادورها فيه انتو تتحسبون الامر عاادي عنديه مافكرتو انا شو فيه بفكر بس بفتقدها والسلااام حرااام عليكو والله حرااام ...والحين شو لينه ناويين اتخلونها عندكم
ابو فهد:اسمعنيه يا خليفه
خليفه:انا ما اريد اسمع شي خلاااص انا اخوك وتسويبيه جذيه وانتي يا عمتيه لانيه ولد ضرتج رضيتي بالحال الي انا فيه
ابو فهد:خليفه انا كنت ناوي اييك بس انته الله يهديك قلتلها ان مارديتي تراج طالق وانا من يومها احاول فيها ولبنيه مش راضيه وحلفت علينا مانقولك وان مارضينا بتترك البيت وبتروووح
خليفه:وشووو بتخسرون يعني لو واحد فيكم طمننيه انا مابغصبها اترد انا ادري ان مالها حد وهذا الي ذابحنيه والله ما ارقد الليل وانا افكر في اسوء الاحتمالات ادري انها ماتقدر تستغنى عن اليهال والي بيمنعها اكيد شي كبير
كانت نوره في نفس الوقت في غرفة الجده وعندها البنات ودموعها تنزل بغزاره وهيه تسمعه
خليفه:اهيه لوعطتنيه فرصه جان وضحت الها اشيا وايده انا مابغيت اتكلم فيها الافي وقتها اعترف انيه جرحتها بدون قصد لاكنها تدري بغلاتها عنديه وانيه مستحيل اتخلا عنها
الجده:لبنيه عافتك خلااص سر عند بنت خالتك وخذها
خليفه بابتسامه هازئه:ما وصلج العلم يا عمتيه تراها طلقت ...طلبت طلاقها ولا طلاق نوره وطلقتها
طبعا خليفه ماحب يتكلم عن موضوع بنت خالته ويفضحها
وقف زايد وهو يحس انه متوتر :خاليه ازقر الحرمه خلها اترد مع ريلها
ابو فهد:يا ولديه انا ما اقدر اجبرها على شي ماتبااه وانا دوووم احاول فيها مب راضيه
خليفه:براحتها ...وانا بعد مش جابرنها المهم انيه عرفت على الاقل وين اهيه
ام فهد:يا ولديه اقعد مع حرمتك وتفاهمو
خليفه:ما اقدر يا ام فهد انا تعباااان تعبااان واريد ارتااح
تركهم خليفه وطلع وهو يحس بضيقه من الي صار صح ارتااح انه اطمن عليها بس اتضايق انهم كلهم يدرون ويدرون بحاله ولا واحد فيهم علمه
تم زايد عقب ماراح خليفه محتشر ويطلب منهم انهم ايرجعونها بيت ريلها
رخته الجده بعصاها على راسه:انته ترمس انته انطم جان فيك خير رح رد حرمتك بنت عمك الي انته اولى ابها من الغرب الي يايين يطلبونها
التفت زايد لجدته:ومنووو بعد ياي يطلبها؟
الجده:خلق الله كلها تباها...زين وادب واخلاااق وربيه مكملنها بدينها ما شافتها حرمه من يت الاوسالت مخطوبه ولا معرسه
زايد وهو بدا يتنرفز:طبعا يوم قلتولهم ان امها باكستانيه صرفو نظر
رخته العيوز مره ثانيه:يعلك تفداها امها ما ربتها الاعلى الدين والمذهب السنع....ا*** زايد الله يرحمه ماخذ باكستانيه وهو شيخ ماقال باكستانيه اتي انته تستعر منها وهيه بنت عمك سود الله ويهك....ما عليه الا هذا هب من قرادت حضها الامن قرادة حضك ولا اهيه ربيه بيعوضها وبتاخذ شيخ الريايل الي بيحطها على راسه انته تتحسب ربيه غافل عنها وهيه طايعتنه وماديه فرضها ومرضيتنه
التفت زايد الها :ومنو هذا الشيخ الي بيقرب راسه خليه ايقرب راسه جانه ريال
التفت عنهم وطلع وهو يصفق الباب بقو وراه
الجده:سود الله ويهك انته وخالك يالي ماتعرفون اتحشمون لحريم
على المسا رجع خليفه وطلب ايشوف نوره الي رفضت اتقابله...حاول كذا مره لاكن مافي فايده حتى الجده كلمها وتعذر الها عن الكلام الي قاله الصبح وصدت عنه
وهيه اتقوله انها مافكرت يوم يت نوره عندهم في انه ولد ضرتها وانها بس رحمة حال المسكينه الي مالها حد
حاول خليفه في ابو فهد ايكلمها ويقنعها لاكنه تعذره وهو يقوله انه من الصبح ايحاول معاها ومش راضيه وانه مايريد يضغط عليها عشان ماتفكر تطلع من البيت
........................................
خليفه من بعد ماعرف بمكان نوره شل اليهال وراح دبي قاطع اي علم الهم عنها وهذا الشي خلاها متوتره طول الوقت وكل شوي تسال البنات ايكلمونه يسالون عن اليهال
روضه:تيلفونه مغلق
نوره:ليش ايسوي جذيه حراام عليه
روضه:يابنت الحلال هذي حركااات بس عشان ترضين عليه
نوره:انا مستحيل ارضى وما برخص بعمريه
روضه:بس عميه يباج تعطينه فرصه وتسمعين كلامه
نوره:ما اريد سمعتله وايد.....روضه كلمي اي حد اييب اليه اخبار عنهم
اليازي:كلمي بدر يمكن ايعرف له رقم ثاني
طالعت روضه اليازي الي كانت مبتسمه بخباثه:مااااريد
بعد ثلاث ايام رجع خليفه وكانت نوره فيهن تطبخ من القهر عليه لين ماخبرتها اليازي انهم رجعو
نوره:فديتج روضه مري عليهم اليوم وهاتيهم
وبالفعل مرت روضه وحاولت في عمها تاخذ اليهال وماطاع
يومين بعد وخلااص وصلت نوره حدها بالصبر واتصلت عليه
خليفه وهو توه ياي ومنسدح:الوووو
نوره:وبعدين معاااك
قلبه خفق بقو واعتدال قاعد هذا صوتها ومش اي صوووت
خليفه:نووره
نوره:ليش انته جذيه مستكثر عليه شوفتهم ولا اسمع صوتهم
خليفه"فدييييت انا الصوت
انسدح خليفه وابتسم:تبينهم ادلين البيت محد بيمنعج من زيارتهم
نوره:انا مش راجعه البيت ولا تحاااول
خليفه:انزين ليش معصبه؟
نوره:تسالنيه ليش معصبه؟
خليفه:محد راغج من البيت انتي بروحج تبين فرقاهم
نوره:انته الي حديتنيه
خليفه:انا ماحديتج وانتي تدرين بمكانتج عنديه بحدج ليش
نوره:انا كنت بس فتره مؤقته لين تي الهانم
خليفه:نوووره وانا عن جد لو خيرتنيه بينها وبينج وانجبرت على هالشي بختارج انتي لانج انتي القلب .....اميره خلااص انتهى امرها وطلقتها والي كنتي خايفه امنه صار ماله وجوود
شو يمنعج الحين من الرده للبيت
نوره:ما برد انته جرحتنيه
خليفه:اسمعي انا وايد كلام اريد اقوله وما اعرف كيف اعبرلج مشكلتيه انج تفهمينيه غلط بس صدقينيه والله متعذب من فراقج
نوره:اريد اشوف اليهال
خليفه:نووره قلتلج تبين اتشوفينهم حياااج
نوره:انا مش راجعه البيت وخل اليهال ايونيه
خليفه:يعني شو لينه بتمين بيت اخويه ابو فهد
نوره:لين مايفرجها الله
خليفه وبدا ايعصب:شوفي بدورين وبدورين ومالج مفر الا انج اتردين اهنيه
نوره:انته ماتوووب بترجع مره ثانيه تجرحنيه...زين يا خليفه قص ريليه ان شفتنيه معتبه بيتكم...
خليفه:يعني بتمين طول عمرج عاله على بيت الناس
نوره بغيض:منووو قالك ترا حتى انا الناس تسال عنيه ومن اخلص عدتيه بتوكل مع اول واحد يتقدم اليه
سكرت حينها التيلفون في ويهه ووقف خليفه منصعق من الكلام الي قالته
خليفه وهو يمسك سفرته وعقاله "لااااا السالفه شكلها بتطول
ركب سيارته وعلى طووول راح لبيت اخوه
كان حاط سفرته على كتفه والوقت كان ظهر لقى مي في طريقه
خليفه:نوره وين؟
تمت مي اطالعه والتفت الها
خليفه:ميوووه نوره وين في اي حجره تقعد؟
مي:في غرفة الضيوف الي عدال قسم يدوووه
مسكها من يدها وسحبها وراه لين باب الغرفه
خليفه بهمس:حد عندها؟
هزت راسها بلا
واشار الها ادق الباب
ترددت مي وعقب دقت
نوره وهيه تمسح دموعها:منووه؟
مي: اا انااا
قامت نوره وفتحت الباب والتفتت تمسح دموعها وما حست بالي دخل وسكر الباب والتفتت له عشان تنصدم انه واقف جدامها
نوره:انته
خليفه مسكها وقعدها على طرف السرير:اصصصصص صوووتج ترا الليوان قريب
نوره:اطلع برا
خليفه وهو يوقف ويخلع ثوبه:مع اول واحد بيي يتقدم لج زييين متى ان شالله عقب ما اطلقج الطلقه الثانيه
وقفت نوره ودارت من ورا السرير:يا ويلك والله ان ماطلعت انيه اسويلك فضيحه
خليفه :عاادي المهم ان الباب مقفول..وانا ياي احللج بالطريقه السريعه
مسكها وتمت تقاومه
خليفه:هههه تدرين انيه امووووت على مقاومتج دقايق بس وتنتهي المقاومه
نوره:اكرهك وقح بطلنيه ما ارييييد ارجع لك
سكتها بقبله وهو يلمها لصدره منقهر منها ومشتاااااق حيل
مي برا حست بتوتر وشافت يدتها تطلع من القسم
الجده:منووو هذا يقرقع عنبوووه ماتقيلووون اذيتونا من يحط الواحد راسه قرقعتو فوق راسه مانقدر انقيل
ركضت مي ليدتها ومسكتها وهيه تقودها داخل:يدووه هذولا العمال خلاااص راحو خلصو شغلهم
الجده:ومنو معطننهم الحيين هيييه انا ادريبها رويض ماتقيل ملعوزتنيه
مي وهيه تدخلها الغرفه:تعالي يدووه ارقدي فديتج خلاااص ماشي حشره راااحو
الجده:عدنيه برخها على راسها مسودة الويه
مي:ماعليه ماعليه
قبل اذان العصر بشوي... لمها لصدره قوي
خليفه:بس عااده بااااااااس ذبحتينيه من هالدموووع
نوره وهيه تشاهق:انا مستحيييل ارضى عليييك وانته هذي معاماتك اليه دوووم ...كان ماليه قيمه
خليفه:منووو قاااال انتي كل شي في حياتيه
نوره بشهقه ورا شهقه:لو كنت انا انا حياتك ماعاملتنيه جذيه يعني كل مره تصحح الخطا بالخطا وتقنعنيه ان ماليه حد في الدنيا وانيه لو بحاول ماليه مرد الا انته
خليفه:يا نوره غصبا عنيه انا لو ماحسيت انج بطيرين من ايديه بعنادج هذا ماسويت الي سويته
نوره وهيه اتدزه وتحاول توقف:تتحسبنيه بردلك مابردلك وبشوف شو بتسوي
خليفه:هههه المهم انيه حللتج ومابقول حق حد وبشوف عاده عقب العده كيف بيتصرفون معاج هل بترضين تتزوجين اول واحد يتقدملج وانتي على ذمتيه
نوره وهيه توقف وتتوجه لغرفة الملابس:اكرهك اكرهك وبتشوووف شو بسوي
خليفه:زين يا نوره بنشوووف
لبس ثوبه وطلع
قرص مي الي لقاها في طريقه على خدها وهو مبتسم
خليفه:تحملي اتقولين حق حد انج شفتينيه اليووووم ههههه
حبها على خدها الثاني وراح
ابتسمت مي لضحكته وراحت فوووق
..........................
في شركة زايد استقبل زايد مهندس معماري مشهووور باكستاني الجنسيه وعايش في لكويت وعنده كذا شركه باسمه
كان شاب في الثلاثين وكاشخ واستغرب زايد حتى من طريقة كلامه الواثقه
بعد ما قعد مقابل زايد
جاويد:هل قرات سيرتي الشخصيه
ابتسم له زايد:ماشالله ...اهنيك على كل هالنجاح
جاويد:يجب على المرء ان ينظر في مستقبله من اجل النجاح
زايد:الله يوفقك ...بس يا اخ جاويد انا لين الحين مش فاهم سبب هالزياره
جاويد:اعطني فرصه من اجل ان اشرح لك مؤهلاتي
زايد:مايحتااي ...بدر خبرنيه عنك كل شي
جاويد:منذو الصغر وانا كل ما احلم به اسعى دائما من اجل نجاحه والحمدلله وفقني الله لتحقيق كل احلامي
هز زايد له راسه مشجع
جاويد:كل ماتمنيت اجتهدت كثيرا من اجل تحقيقه
استمر زايد بابتسامته وهز راسه ايحثه ايكمل
جاويد:هناك حلم واحد تبقا لي وقد كان منذو الصغر وارجو من الله ان يوفقني في تحقيقه
زايد:اقدر اساعدك فيه
جاويد:بالطبع الامر يعود اليك
زايد:الزبده الله ايخلييك
جاويد:نووور
فتح زايد عيونه
جاويد:انا جار نوور في باكستان ومنذو الصغر وانا اعشق هذه الفتاه التي لطالما نصحتني والدتي بالابتعاد عنها
لانها ابنة العرب وان من يستحقها يجب ان يكون شانه كبير ولاكنني من اجلها رفضت سماع كلام والدتي وقررت ان اكون ذو شان كبير كي اليق بها ومن اجلها انا اليوم انعم بهذا النجاح من اجلها هيه
انها امنيتي الاخيره ...فانا اريد ان اطلب يدها للزواج وانا على استعداد ان اعمل لها فرح لم يخطر على بال بشر انني على استعداد ان ادفع كل ما املك من اجلها
بلع زايد ريجه وحدقة عينه تتسع اكثر واكثر
زايد وهو فاتح عيونه وبعد صمت:ما قالولك انها عرست
جاويد:اعلم كما انني اعلم بانها طلقت
سحب زايد نفس قوي ايحاااول ايسيطر على اعصابه لاكن مافي فايده وقف
زايد:اسمحلنا يا اخ جاويد ماعندنا بنات للعرس سر دورلك حرمه من بلادك
جاويد:انا لا اريد زوجه غير نووور
زايد بعصبيه واضحه:قلتلك ماعندنا بنات للعرس شوووه يعني ياي تشتريها بفلوسك انقلع ياله اشوووف برا
جاويد تم فاتح عيونهمنصدم من رد زايد وهو قاعد ايحطم حلمه الاخير
جاويد:اسالك بالله يا رجل الاتفعل بي ذلك انني مغرم بها
زايد:جـــــــــــــــــــب الخرابيط هذي هب اهنيه رح دورها اهناك عند امك وياوييييلك تسمع ياويلك ان يبت طاريتها مره ثانيه ماناقصنيه عاااده الابتاااني ياي ايخطب اجلب ويهك اشوووف
حاول جاويد مع زايد الي زاااد صريخه ودخل بدر ومعاه بعض الموظفين وسحبو جاويد برا ورجع بدر لزايد ايهديه
في البيت رجع زايد وتم ايصارخ اينااادي نوور الي استغربت صريخه لفت شالها عليها وطلعت ووراها هنيه
التفت الها اول ما طلعت
زايد بسخريه:شوووه طلعت اخيرا ست الحسن والدلااال
نور:ليش اتصارخ؟
زايد:انا لو اذبح حد اليوووم محد بيلومنيه
نوور:شبلاااك
هدا اشويه زايد:اتعرفين واحد اسمه جاويد حسن خاااان
ابتسمت نوور على طووول:جاااويييد انته شعرفك به
زايد تم ايطالعها بنظرات وهو يشوف ابتسامتها
نور:انته من وين تعرفه ؟
زايد:كان عنديه في المكتب
نور:صدق ووو وين اهو الحييين
زايد:لا والله وشو تبيبه ان شالله
نور:لا انا بس اسال عنه جاويد ما شالله دارس في امريكا ويشتغل الحين في لكويت وماشالله عنده خير وايد الله يوفقه ان شالله بيتنا في باكستان
كان عدال بيتهم
زايد مقاطع كلامها:ايواااا وصايره قصة غرام بينكم
انصدمت امنه نوور:انته شو تقووول؟
زايد:الاستاذ قبل اشوي ياي ونافش ريشه عنديه وعنديه وسويت وسويت ومصدق عمره وياي يخطبج
تفاجئت نوور:يخطبنيه انا!!!!؟
زايد:ويوم انتي مسويه قصة حب مع الاستاذ شحقه مخليه باكستان جان رقبتيه لين ايرد المسكين
نور:لا تتهمنيه بزوور
زايد:انا اتهمج اهو بروحه قااال حب الطفوله وامنيتي الاخيره وان كل هالي سواااه عشانج
نور نزلت راسها تحت:احب ايديه مجلبه جان باخذ واحد مثل جاويد
زايد:طبعا عقب العز الي عرفتيه عنده
رفعت نور نظرها له:انته تدري ان العز والجاه اخر شي افكر فيه وانا ان فكرت فيه بفكر في دينه واخلاقه ايكون في علمك جاويد من حفاظ القران وانا على يده حفضت اجزاء وااايد وانا صغيره
انسان خايف ربه ومصلي وطايع والديه عمره ماغلط على حد ولا اذى حد بكلمه
زايد:انتي تبين تقهرينيه بتاااني ايظل بتاااني
نور :وانته شوووه في شوووه شايف نفسك على الاقل اهو عند رب العالمين احسن منك مية مره
الغيض كان يتصااااعد عنده:جب جب ولا كلمه بيبطي اهو ولا غيره ماخليتج تاخذينه انقلعي ياله داااخل
نور:وجاويد ويين؟
زايد:رقته وقلتله ما اريد اشوف ويهك مره ثانيه
نور:حراام عليك انته ماتعرف اتحشم حد
زايد:لااااااا تعصبييييبيه اكثر تراااانيه ما اعرف شو بسويلج عقب وسييييري عنيه في السعه
ما اريد اغلط
التفت عنها وهو منحرق وراح فوووق عقب اشوي نزل وكانت لابسه عباتها
صرخ وهو نااازل:على وييين
نور:اريد ارووح عند يدوووه
زايد:بتطلعين وانتي في العده
نور:مافيها شي
زايد:زيين انا بوديج
نور:بروح مع الدريول وهنيه باخذها معايه
زايد:قلت انا بوديج وهاتي هنيه جانج تبينها
طلع جدامها ولحقته اهيه وهنيه وكانت معصبه على الاخر
ركبت السياره
زايد:اشوي شوي على الباب
صدت عنه للجهه الثانيه
بدا ايسوق السياره ومزاجه معكر ليييش بتروووح عند يدته شووو في خاطرها
زايد:علووومج يا هنيه
هنيه:بخييير يا سعدة البااااشه
زايد:اخبااار الخدامات ليداااد
هنيه:ياسعة الباااشه دولا كتير والبيت مش عاوزله خدم دنا بكفي والبنت الفلبينيه
زايد:لااا زينااات الاثيوبيااات يمدحون شغلهن الا ما قلتيليه الغرفه كفت الكن
هنيه:والله مزحومين يا باااشه وماشالله البنات الجدااد حجمهم كبييير اوي
ابتسم زايد
هنيه:يا باااشه مش احسن ترجعهم دولا اعدااات بياكلن وماعندهمش اي مشغله
زايد:لا بيشتغلن ان شالله وانتي بنرقيج
هنيه:اه ترقيني ازاي يا باااشه
زايد:اطلعي انتي ونور واقعدن في الجناح الي تحت وخلي الغرفه الهن يمكن اييب بعد زياده
نور:ماعلينا شر الغرفه كبيره وجان في خااطرك تيب بعد حد هاته ان ماشلتهن الارض بنشلهن في عيوننا
تم موجه نظره للشارع جدامه منقهر منها
في بيت الخال شاف زايد سيارة منصور جدام الميالس وزاااد القهر عنده
زايد وهو يتحرطم:هذا شو يايبنه بعد...ياله انزلن وعلى طووول روحن داخل
نزلت نور وتبعتها هنيه واستانس الكل بييتهن زايد حصل خليفه ومروان في الميلس وبعض الريايل سلم على الكل وقعد قريب خاله خليفه
زايد:علووومه هذا شيايبنه اليوووم
خليفه:زاايد هب رفيجك منصور؟شعندك عليه؟
زايد:اون ماعندك علم بالي ياي حقه
خليفه وهو يسحب نفس:سمعت سمعت وبعدنيه مش متاكد وانته شرايك
زايد وهو يتصل لبدر:راييه وصله مالهم حق يتكلمون في الموضوع وهيه بعدها في العده
خليفه:شو المشكله.... عندك نيه ترجعها؟
زايد:الوو بدر وين انته ...انا اهنيه بيت خاليه تعااال الله يخليك اليوم انا اكيد بذبح حد
ابتسم مروان وخليفه
بعدها بدقايق وصل بدر وسلم على الكل وقعد قريب منهم وقف فهد ايصب الهم لقهوه
وجه زايد نظره لخاله خليفه الي كان يضحك ويسولف مع مروان
زايد:اشوف الخال مستاانس
خليفه:وليش ما استااانس
زايد:تحمل عاده تنجلب الموجه عند خاليه ويعزم على الريال بحرمكم
خليفه وهو يحرك حواجبه:حرمنا محد يقدرايدقها خلاااص حللناها
ابتسم بدر والتفت خليفه عنهم للجهه الثانيه بينما تم زايد ايطالعهم مش فاهم السالفه
زايد:شو يقصد حللناها
بدر بابتسامه:حللها
زايد:والمعنى
بدر قرب من زايد وهمس:زايد اونك مش فاااهم
زايد:يعني ملج عليها وهيه في العده
ضحك بدر وعقب سكت يوم اتوجهت الانظار له وهمس
بدر:زااايد في ذمتك الحين انته مش فاااهم
زايد:يعني بفهم وبستعبط علييك
بدر:دام انها في العده بمجرد مايلمسها ريلها اتصير حرمته فهمت ولا تبانيه بعد اشرحلك شو معنى يلمسها
فتح زايد عيونه وهو صدق ماكان يعرف بهذا الشي وفي اعتقاده ان العده معناها انها تظل في بيته بس
سكوت زايد وسرحاانه خلا بدر يتاثر امنه وتمنى لو ان زايد ايصارحه بمشاعره ناحية نوور الي متاكد انه ايحبها بس يدريبه مايحب يتكلم في هالموضوع
قام زايد بعدها وقال انه بيروح ايسلم على يدته
في البيت كانت البناات مجتمعاات وعند روضه صديقتين يايات ايشوفن شو اخر تجهيزاتها وعيال اخو خليفه بعد كانو عند نوره
قبل لا يدخل زايد سمع صوت بنت عند المغاسل تتكلم في التيلفون
البنت:يووووه يا منووور اتجنن اتجنن والله مابتصدقين ان امها باكستانيه تشبه ولدعمها كوبي عيونه وخشمه سبحاااان الخالق
وشووه كلااام ما شاااالله ادب واخلااق وبنت حشيييمه فديتها والله انيه حبيتها اول ماشفتها وتدرين شو القهر ان ولد عمها مطلقنها مستعر اونه ان امها باكستانيه مالت عليه مايدري ان عنده جوهره وشووو يعني امها باكستانيه والله ان الزين كله مكود فيها
بس شنقووول ريايل اخر زمن مايحبون الا المظاهر والطاري الزين مالت عليهم تدرين.....هيييه ادري ملج على بنت ابو سعد فارقت ويهها والله انه هب متعوض..اسمعي منووور كلمي جابر اخوووج لبنيه ماتتفوت وانا اشوووف انها مناااسبه له وااايد ماشالله جابر متدين ويدور بنت متدينه وغير عاده الزين الي فيها مابيحصل مثلها
تم واقف يسمع وهو منقهر في خاطره بس يدخل عليها ويعطيها كف يخليها تعرف ترمس عدل رجع للميلس وهو يغلي من الغيض
................................
نور كانت قاعده وتسمع البنات ايخططن حق ليلة الزفه وسمعت كلام وايد ماعجبها
التفتت لروضه:روووضه قي ذمتج بتسوين مكياااج بسبعة الاف حق كم ساااعه
تمت روضه ترمش بعيونها:شو اسوي نووور ماليه بد
نور:مكياااج بسبعة الااف؟؟!!!!؟
روضه:نور كل العرايس ايسون جذيه وبعظهن يطلبنها من مكان بعيد عشان جذيه اسعارهن غاليه
نور:بس حرااام
روضه:ادري انه حراام بس شو اسوي ...لا تنسييين ان في تصوييير وطلعتيه عند الناااس
هزت نور راسها رافضه هذا الشي
نور:يا رووضه انتي جمالج طبيعي شو بتزييد فيج هذي الاصباااغ...والله حرام الي تونه وشو فستانه هذا الي بتفصلينه بخمسة عشر حق ليله وعقب بترجعينه للمصمم
روضه واحراجها ايزيد:عاد ...شو اسوي المصمم بيصممه مثل ما اريد
نور:لاكنه في الاخير بياخذه له ..ضحك عليكن
ربيعة روضه:ماعليها تراها ليلة العمر والبناات كلهن ايسون جذيه اهيه غير يعني عنهن
نور:لا مب غير عنهن لاكن مش كل غلط انشوفه نمشي فيه وانقول مالنا بد امنه ...لازم الانسان ايفكر في كل حاجه ايسويها ويفكر في لفلوس في شوووه يصرفها لاننا محاسبين باجر عليها
ناس وايد تتزوج باقل الخساير والله مبارك الها في زيجاتها
ربيعة روضه:مالها بد شو تبينها اتسوي يعني شو تلبس وكيف تبينه شكلها ايكون
نور:المهم ان زوجها ايكون راضي عنها واهيه لو يدخل عليها بدون شي بيكون راضي
البنت:والناااس الي بتي شو تبينها اتقووول انها طالعه جلحا ملحا ماتتشاهد
نور:محد بيقول ماتتشاهد بالعكس ربيه بيعطيها من نوره وبتكون في احلى صوره ..زما اقول ماتحط شي اتحط اذا في خاطرها ومحد اليوم مايعرف يستعمل المكياج لاكن مش بالسعر الغير معقول....المهم الله ايكون راضي عنها ومن ارضى الله في سخط الناس رضى الله عنه وارضى النااس...ومن اسخط الله في رضى النااس
سخط الله عليه واسخط الناس...كل حاجه اسويها عشان ارضي ابها الناس وانا ادري ان الله غير راضي عنها بخسر رضى الله وبخسر رضى الناس
اما الي بسويه وانا ادري ان الناس مش راضيه عنه لاكن مرضي الله الا والله يرضى عليه فيه ويرضي الناس بعد
روضه والحيره بتاكلها:يعني شو اسوي
نور:انا مابجبرج على شي انتي مش مقتنعه به بس بطلب منج طلب انج تتوجهين لله وتسالينه
انه يدلج للصح ويجنبج الغلط اهيه ليله وبتعدي وعقبها مابيفيد الندم اطلبي من الله انه يبارك لج هذا العرس وصدقينيه بصدق طلبج الله بيعطيج وبيدلج على الصح وانتي عقب بتتاخذين قرارات ماخطرت على بالج بتتاخذينها وانتي راضيه عنها وانا من الحين اقولج احتفظي بقراراتج لين اتنفذينها عشان محد يضغط عليج عقب اتغيرينها والله يوفقج فديتج وسامحينيه اتمنى لج كل الخير
ابتسمت روضه وطاحت دمعتها وهيه تلوي على نووور
روضه:نووور والله انيه احبج وادري ان كل الي تقولينه صح وانا اوعدج ان الليله اطول قعدتيه مع الله عشان اعرف شو اسوي اللهم لك الحمد والشكر ادري انه قريب واحنا الي مقصرين في طلبه وسؤاله
احتشر زايد برا عشان يطلعون نور لانه بيرجع لاكن نور اعتذرت وطلبت من يدتها تقنعه انها اتريد اتم هالايام عندهم
كان زايد واقف جدام يدته ايطالعها ومش مقتنع بالي تقوله
زايد:وليييش من البدايه ماقعدت عندج شمعنا اليوووم
الجده:عاده اهيه على كيييفها اتم اهنيه ولا اهناااك انته شحارقنك ماتريد الفكه منها
زايد بعصبيه:زين زييين خليها مره دوووم عندج
التفت عنها وطلع وهو يتحرطم كالعادة
قضت نور بقية الايام عند جدتها لين ايام العرس بعد نوره رفضت ترجع لبيت خليفه وكان دوووم ايي وييب اليهال عندها ومرااات ايباتون
قبل العرس بكم يوووم اتصل بدر الي تعب وهو يحاول ايكلمها لاكن مافي فايده بس تستقبل مسجاته مرات مسجات حب ووله ومرات مسجات كلها طنازه
ضحكت روضه على اخر مسج ياها
التفتت الها مي بابتسامه
روضه:استخف والله انه استخف طالعي شو كاتب ههههههه...اقول مي خاطريه اكلمه في موضوع وما اعرف كيف اكلمه
مي:عن شوووه
روضه:ما اريد اغاني يوم العرس
مي فتحت اعيونها مستغربه اخر شخص تتخيله يمنع الاغاني يوم العرس اهيه روضه
مي:اتصليله وكلميه سمعت انهم بيبون مطربه
روضه:شوووه مطربه لالالا اي مطربه يا ويييليه هذا الي ناااقص انا لااازم اكلمه
اتصلت روضه على بدر الي طارت عيونه على الشاشه والاسم وطلع بسرعه من الميلس
بدر:هلا والله
روضه تمت ساكته اشويه
بدر وقلبه ايدق:الووو رواااضي
روضه:ههههه منيه رواضي هذي
بدر:لحضه لحضه اعتقد انيه ما اسمع عدل معقوووله انتي
روضه:اسمع لو ماكان في موضوع مهم جان ماكلمتك
بدر:حراااام عليييج ليييش اتسوين فيه جذيه
روضه:تستاااهل
بدر:صدقتي انتي مروان والله يكذب عليج
روضه:ماعليه بس بعد احسن
بدر:على كيييفج راح الكثير وماباقي الا القليل..اهنيه عنديه بعرف اادبج...
روضه:روعتنيه
بدر:اااه قلبيه وقف...امري شو الموضوع الي تبينه
روضه:سمعت انكم بتيبون مطربه
بدر:عشان الحلوين احسن مطربه
روضه:انا ما اريد مطربه
بدر:افا عيل شو تبين فرقه
روضه:لالالا انا ما اريد اغاني اصلا
بدر:ليش يالغلا؟
روضه:شو بقولك ...ما اريد اغضب ربيه في هاليوم عشان ايبارك النا في زواجنا ولا انته شو رايك
بدر تفاجئ منها:مادري بس كيف تبينا نفرح بالعرس والناااس كيف بتنبسط
روضه:يعني الناس اهم من الله ورضاه والله يابدر ان نفسيه عايفه الاغاني ومااريدها ومن خاطريه احس ربيه نزع حب الاغاني من قلبيه وما اريد الا الي يرضيه عنيه
بدر:معناه انج خلااص مابتسمعين اغاني
روضه:ان شالله
بدر:افا مابتستطربين معايه باجر على لعراقي
روضه:الله بيهديك ان شالله وبتودرها...وصدقنيه من ترك شيا لله عوضه الله بشي خيرا منه
استااانس بدر على كلااامها وحس انها كبرت في عينه
بدر:وانا اوعدج من الحييين تسمعييين مش يوم بتين عنديه انيه ماعاااد اسمع اغاني وحاااضر من عيونيه الحين ابدل المطربه واحجزلج
ديجيه لاروع القصايد والشلاات الي بتخلي الواحد يوم يسمعها اتضيع علومه من حلاتها
روضه:ههههه فديت روووحك
داااخ بدر:خلاص خلاااص لاعااد اتكلمينيه خلينا لين يوم الملتقى والله يصبرنيه ومشكووووره على حرصج ان ربيه يوفقنا في زواجنا
روضه:انته الي مشكور على تفهمك وموافقتك ..احبك بدر
بدر:خلااص عاده سكري سكري لا تخلينيه اخلي العرس باجر
روضه:هههههه
بدر:لا والله انج ناويتليه اليوووم ياله فديتج مع السلامه
سكر بسرعه وهو يحس بدقات قلبه تتسارع
دخلت صديقات روضه على روضه ليلة الزفه والكل اطلق صفير الاعجاب
البنات:يووووه يا روووضه اتجننين اتجننين
ابتسمت روضه وهيه اتحس بسعاااده تغمرها
بنت من البنات :شو هالجماااال شو هالزييين بسم الله ماشالله تبارك الرحمن
روضه:صدق سعاد
سعاد:والله ماتخيلتج جذيه والفستااان ايجنن وين سويتيه
روضه بابتسامه:مابقولج سر
سعاد:ياله عاده علينا
روضه:عقب العرس بقولكن
سعاد:زييين بننتظر بس مكياااجج روووعه
سحبت روضه نفس وهيه تحمد الله وتشكره
لان الي مكيجتها وحده من صديقاتها الخبيرات في المكياج وصديقتها هذي ماصدقت ان روضه حطت ثقتها فيها ومن يوم ماكلمتها روضه وهيه مسويه دراسه حق كل مكياج نازل يديد وماخذه خبره امنه واتقنت عقب المكياج الها اما الفستان بعد طلبته روضه من وحده من قريباتها وكان على قياسها ومنو يتذكر هذاك الفستان او يمكن ماكانو الي حضرو العرس هذاك هم نفسهم الي بيحضرون الليله المهم عند روضه انها بفستان وماعليها من شي
كانت راااضيه كل الرضى ومصممه انها عقب العرس بشهر اتخبر صديقاتها عشان اتكون الهن قدوه وتراها الا ليله وبتعدي
المفاجئه كانت عند القصيده الي دخلت عليها روضه وكانت بصوت بدر ومن تاليفه وباسم روضه حاولت روضه تحبس دموعها وهيه تسمع صوته وكلماته
روضه وهيه تحمد ربها"اللهم لك الحمدوالشكر ماتركت لك شي الا وعوضتنيه بشي احسن امنه والله مايا على بالي يابدر هالمفاجئه
همست الها نوره الي كانت تمشي عدالها وهيه لابسه فستان احمر صدق عذاااب:روضه تحملي اتصيحين
ابتسمت روضه ورمشت برموشها في محاوله صدق تمنع دموعها
خلتها نوره اتكمل طريقها ونزلت رايحه عند نور الي كانت تعرف بكل الي سوته روضه ومستانسه الها وتدعو الها بالتوفيق
نور كانت لابسه فستان عشبي وعليها عباتها والفستان هذا ياكثر مابات عدال زايد طرشه الها عشان تلبسه للعرس
كان بين المعازيم وبمجرد مايتخيلها فيه يقشعر جسمه ويحاول يحبس انفاسه
بدر كان في قمة سعادته وياب للريايل فرقه شعبيه بدون طبول والات موسيقيه
كتير من المعازيم عجبتهن فكرة الشلات والقصايد واعتقدو انها حركه جديده خخخخخ مسطل كل شي يبونه جديد
ابو فهد ازعجه خليفه وهو ايحاول يقنعه ايخلي نوره ترجع معاه
ابو فهد:يعني شو تبانيه اسوي بالبنيه اروغها
خليفه:يعني شو لينه بتم عندك كلمها مره اخيره وقللها الي تطلبينه خليفه مستعد له
ابو فهد:ماعليه ماعليه خل العرس ايخلص اول
خليفه:انا اريد الحين اتكلمها
ابو فهد انزعج صدق:يا ريااال وبعدين معاااك الحرمه الحين عند لحريم ومحد الحين فكارك
خليفه:هات تيلفونك بتصصللك عليها وكلمها الحين
ابو فهد:لا حول ولا قوة الا بالله
نوره:الووو
ابو فهد بقلة حيله:مرحبا بنتيه علووومكم
نوره:الحمدلله
ابو فهد:اسمحيليه يا بنتيه انا من بدا العرس وهذا ماكل قلبيه لا عرفت اسلم على ريايل ولا اشوووف حد
نوره مستغربه:خير ياعميه
ابو فهد:خليفه ماكل جبديه ويباج اتردين معاه البيت الليله ويقول مستعد ايسوي الي تبينه بس اتردين معاه وهو ترا الي متصل عليج من تيلفونيه
نوره:ماعليه قله بطرشلك طلبها مسج على تيلفونه
ابو فهد:الله يوفقج يابنتيه الله يوفقج ويبارك فييج وترا بيتيه مفتوح لج في اي وقت وان ماطاع اينفذلج طلبج طقعيله
نوره:ماعليه
سكر ابو فهد والتفت لخليفه:غد ريال يا ريال وطالع الحرمه شو تبا ونفذه الها
خليفه:شو قالت
ابو فهد:بطرش لك رساله اتقولك شو تبا
ابتسم خليفه:زيين وانا انتظر
وصله مسج على طووول وابتسم وراح متجه لسيارته
نوره"عنديه شرط ان وافقت عليه رجعت معاااك
خليفه"مواااافق مره موااافق بس ارجعي
نوره"ماتلمسنيه غصبا عنيه
خليفه وهو مبتسم طرشلها"وانا متى قد غصبتج
نوره"دوووم
خليفه"والله برضاج
نوره"على كيفك اذا مابتوعدنيه مابرد معاك
خليفه"ااااه شو اسوي امري لله المهم اتردين وانا عقب بتفاهم معاااج
نوره"توعدنيه وحتى المحاوله ماتحاولها
خليفه"وانتي بتطولين مش راضيه عليه
نوره"شو قلت ياله انا مشغوله
خليفه"زييين اوعدج ما المسج الا برضاج وما اغصبج فديييت انا الي لابسين احمر
اتسعت عيون نوره مستغربه كيف عرف
نوره"باجر برد معاك
خليفه"اسف وعديه على اساس اتردين معايه اليوم
نوره"زين يوم بخلص بسويلك مسج
خليفه"على احر من الجمر في الانتظار
ابتسمت نوره وحطت تيلفونها في شنطتها وهيه تقول في بالها ماعليه بنشوووف
تمت زفة بدر ومعاه زايد ومروان وخليفه وابو فهد وفهد
كانت عيون زايد اتدور لون الفستان العشبي لاكنه ماشافه ورد ايطالع جدام لين وصلو بدر وباركوله وطلعو اهو ومروان وتم خليفه وابو فهد وفهد وكشفو عن العروس
ذاب بدر وهو يختلس بعض النظرات الها وبعد ماطلعو ابو فهد وفهد مال عليها اشويه هامس
بدر:ماشالله دليتيه محل النعول
عضت روضه شفايفها وهيه تحاول تمنع ضحكتها
بعد ماقعدو شبك يده بيدها وهو يحس برجفتها ويضغط اكثر على يدها
بدر:احـــــــــــــــبج وتجننين طالعه
روضه احمرت اخدودها وهيه تحاول تسحب يدها من يده
الكل قرب منهم ايسلم عليهم ويبارك الهم
عند باب القاعد وقف خليفه وطرش مسج لنوره انه يرقبها عند الباب
قربت امنه وزادت دقات قلبه وهو يشوف لون الفستان
خليفه:هلاااا بالي علي طووول
تبعته وهيه ساكته لين ركبت السياره
مشى بالسياره وهو مبتسم
نوره:اخبار اليهال
خليفه:تونيه مكلم الخدامه وتقول رقدو كلهم ...ليش مابغيتيهم يحضرون العرس
نوره:ماله داعي من البارحه وهم موجودين ويلعبون ماريدهم يتعودون على اجواء العرس
خليفه:هممم
وصلو وكان خليفه واصلنه اتصال انشغل معاه ونوره نزلت قبله كانت الليتات مبنده الابعضها خلعت عباتها وشيلتها وعلقتهن في مكان للتعليقه دخل خليفه وزادت دقات قلبه من سحرها اليوووم غيير وكل يووم غير اااااه من هالعذاب
نوره:وين مفتاح القسم التحتي
خليفه:ليش بتباتين تحت تبين
نوره:هييه
خليفه:غرفتج فووق وسمانج كله فووق ولعيال فوق
نوره وهيه تصد عنه:ما اريد اروح فوق ببات اهنيه
خليفه:عشانيه يعني انا وعدتج وانا قد كلمتيه
نوره:اريد ارقد بروحيه
خليفه:حجرتج فوووق وبتظل حجرتج طول عمرج والبيت ترا كله مكتوب باسمج
نوره:شووه ليش ان شالله؟
خليفه:انا كتبت البيت باسمج من زمان عشان ماتفكرين انج بتنطردين امنه ولا لحد له فيه حاجه ملكج انتي وبس وانا بعد ملكج انتي وبس
نوره:ماكان له داعي هذا كله
خليفه:والله من خاطريه كتبته
نوره:والحين شووه مابتعطينيه المفتاح
خليفه:روحي ارقدي فوق وانا ببات تحت لين ترضين عليه
نوره:لا ماله داعي رح انته لغرفتك
خليفه وهو يسحبها من خصرها لصدره
نوره:وبعدييين
خليفه:بلاااج حرام بعد الوي عليج ولا اقبلج
نوره:بطلنيه
خليفه:لا تخافين طالعي احنا وين في الصاله مابسويبج شي
نوره:اصلا ماتقدر تسويبيه شي وانته واعدنيه
خليفه:ليييش تنتفضين جذيه قلتلج مابييج بس اريد قبله على الاقل
وبدون مايشاورها قبلها ومن عقب شلها متوجه ابها فوق
نوره:انته شوووه مايفيد فيييك شي
كان مبتسم وهو يغمض عيونه ويهز راسه بلاا
نوره :نزلنيه اقسم يا خليفه ان اخلفت وعدك انيه اطلع صدق وما ارجع مره ثانيه
نزلها على السرير:يابنت الحلال لييش هالروع قلتلج والله مابمسج انا بس حبيت اوصلج واخذليه ثياب
واتوجه للكبت وطلعله ثياب والتفت الها ووجهلها قبله في الهوا
خليفه وهو يطلع:تلحفي زييين ترا محد انا عشان ادفييج
وطلع وسكر الباب
تمت قاعده على السرير وقلبها ايدق بقو بعدها راحت لغرفة الملابس وطلعت الها تبديل واول مابدت اتبدل دخل وراها مثل العاصفه وصرخت وهيه اتلم ملابسها
نوره:يا وقح ليييش ماتدق الباااب
عض على شفايفه وهو مبتسم :سوري سوري كنت اريد فوده
خذله فوده وطلع
