خل العذول موطـي الراس منكوس..* معاني..*

[حووور]

رد: خل العذول موطـي الراس منكوس..* معاني..*

قصتج واااااايد روعه

 

[عيوز مشتطه]

رد: خل العذول موطـي الراس منكوس..* معاني..*

حصه ماتت !!

تخسون .. جتلتوها ؟؟

حرام عليكم .. الا حصييص ..

شو تبونها ..

جان جتلتي فتون .. والا امها النسره ..

ليش الطيبين يموتووون فالقصص :h_waa:

غيروا ..

اجتلوا شووق .. شوق حياتها خايسه كلها مشاكل وضرايب ..

حمودي منو بيربيييييييه :h_waa:

 

[الوصلاوية]

رد: خل العذول موطـي الراس منكوس..* معاني..*

قلبي على فرقاه ماهـو بضـاري وقلبه على فرقاي لاشـك ولهـان....على الصبر قل الجهد واقتداري..وفي داخلي شبت لهايب ونيران..

رفعت راسي امبطله اعيوني اطالع ذيااب عقب ما استوعبت كلامه دزيته و ضربته ع جتفه
و قلته ابعصبيه : جذااااااااااب انت جذااااااااااااب ..

و عفدت من مكاني شرات الخبله ...حاول يزخ ايدي بس انا صرخت عليه و يريتها بعصبيه..كنت احس ابا اسوي شي اعبر ما بداخلي بس الصدمه كانت وايد وايد كبيره علي ..فجيت الكبت علشان اظهر لي ثوب بس صكرته
و ربعت صوب الحمام علشان اغسل ويهي بس ما دشيت و صكرت باب الحمام ذياب يطالعني شرات المصدوم و انا قاعده ادور فـ الحجره ما اعرف شو ابا اخرتها طاحت عيوني ع الشماعه ربعت صوبها شلت عبايتي و شيلتي بيدي بروح لـ حصه ...حصه بألف عافيه .. و نعمه ..حتى ولدهها الي فـ بطنها ابخير ..

وذياب شدراه عن حاال حصه و هو قاعد معاي فـ الحجره ..زخني ذياب يوم حس اني قاعده اخربط زخني من جتوفي ..شوق وين رايحه ..
قعدت اتصارع معاه : فج عني بروح حق حصه ...فج ..
و يلست اضربه عشوائي باي مكان .الين ما ياني كف من ذياب رد لي عقلي يلست اطالع ذياب مفججه اعيوني ...هذي أول مره يمد ايده علي ..
حضن ويهي كان يتنفس بصعوبه : اهدي حبيبي
طحت بحضه و يلست اصيح منهاره بصوت عالي ...كل الاخبار ممكن تتجذب و ما تصدق الا خبر الموت ..
زخيته من كندورته و يريتها بعصبيه: حصه ماااتتت ...
حسيت ان الشجاعه و القوه الي حاولت اتحلى بها وقت حصه ما كانت تعبانه ما هي الا قناع انكشف و انهار عقب ما صدمني خبر موتها ..
كل شي كان حلو بها البيت نابع من ضحكات حمودي و صرخاته و لعبه حتى صياحه كان يأثر فينا يعطينا مشاعر و احساس قوي بالحياة خاصه ان سنين عايشيين من غير ياهل و عقب ما يااه حمودي كلنا حسينا ف البيت له طعم غير لكن كل شي ضااع و اختفى و غاب بغياب حصه عن الدنياا ...
حصه الانسانه الي عاشت معانا سنين قاسمتنا افراحنا و احزانا راحت من غير رجعه ...اول مره و انا قاعده بوسط صاله بيتنا احس ان بيتنا ثجيل ..يمكن من زحمة الناس و يمكن من صرااخ و صياح اهلهاا ...صحت وايد لين ما حسيت اني بعتمي خلاص وعقب ما تاكدت ان دموعي عمرها ما بترجع حصه ..زخيت القران و يلست اقرا و اقرا عل و عسى يرتاح بالي...
بس كيف بيكون البيت من غيرها كيف بتكون حياتنا و حياة سعيد و حمودي بالاخص من غيرها ..هذي حصه لو شو اقولكم عنها انتوا بتعرفونها و اكيد تعرفون طيبة قلبهاا و احساسها بالمسؤوليه صوبي و صوب شيخاني ...تنهدت حطيت القران و صعدت داري ها ثاني يوم لموت حصه و شيخاني حالتها حاله ...كانت اتصارخ و يغمى عليها و اتلوم نفسها بموت حصه ...الله يعينج شيخاني...سعيد ما جفته بس اكيد حاله لا حول له و لا قوه ..دشت حجرتي و التويت بالبطانيه ..موقف فضيع . و شي يخوف انك تخسر اقرب انسان لـ قلبك...آآه ما انسى حالة خالوه حليمه يالله توقعتها تنهار مثل اول مره بالمستشفى بس فاجاني صبرها سبحانك ربي و كأنها عارفه ان بنتها خلاص بتودع الدنيا مأجوره ع صبرج يا خالوه و الله يعوضج خير ...
حتى بدور..خوفتنا كلنا يوم يتها حاله انها ما تسمع وانربط لسانها بلافعل كانت صدمه قويه لنااا ...ما هز كياني و لا قطع قلبي الا حمودي الي كان يلعب بالحوي ولا يدري عن شيء..ولا يعرف شو الي يدور حوليه ..و كل ساعه يااه ينشد عن امه ..يا ويل حالك فديتك شو مخبايه لك الحياه عقب ما صرت من دون أم ..
مسحت دموعي يوم رن موبايلي كان المتصل ذياب ..رديت عليه : الوو ..
ذياب:
أحسن الله عزااكم ..؟؟
قلته بصعوبه: الدوام لله ..
سالني بنبره حنونه :شخبارج حياتي..؟؟
بلعت ريجي و قلته: تعباانه .."و عضيت ع شفايفي لاني كنت بصيح و خاصه هاي اول مره اسمع حس ذياب من البارحه "
ذياب يجرب صوته من الموبايل و يرمس بنبره هاديه: حبيبي لا تضايجين عمرها الدموع ما كانت حل
رصيت ع الموبايل : شسوي ذياب .هذي حصه ..تعرف شو يعني حصه ..
قال لي : ادري و الله اعرف شو بالنسبه لج هالانسانه ..بس اذا صج تعزينها ..اهم شي تدعين لها بالرحمه ..و تذكري دوم كلنا رايحين بها الطريج ...
بلعت ريجي و قلته : الله يعين سعيد..
رد علي و جنه يطمني: ما شاء الله عليه اليوم احسن عن البارحه بوايد صج انه ريال و قوي الايمان صابر و محتسب ..
قلت بصوت واطي : فديت سعيد "ورجعت اصيح "
ذياب بحنان: شوق حياتي ..
قلته و انا اصيح: حصه كانت مرتاحه بحياتهااا ..يا ليتني مت بدالهاا كنت برتاح من الدنياا..
ما سمعت اي رد من ذياب ............................................."سكت "
مسحت دمعي بظهر ايدي و تميت اشاهق ..
قال بصوت واطي: لا اتقولين هالرمسه هذي اخر مره اسمعج اتقولين جي .."سكت عقب كمل"تبين تطلعين معاي .
همست: وين ..
قال : اي مكان اتريااج برع بالسياره .
قلته: مقدر اطلع احس الكل محتاجني بها البيت ..و غير البيت ممزور حريم..
خذ نفس عقب قال: ما عليه حياتي جان احتجتيني اتصلي بي زين..
قلته: زين ..
ذياب: يلا الحينه مثل ما قلتج اشغلي وقتج بالدعاء و الصلاه و القران .. زين عمري ..
قلته: ان شاء الله ...
ذياب : في امان الله ..
و قبل ما يصكر زقرته: ذياب ..
ذياب: امريني ..
كنت بقوله اباك اتم طول العمر جريب مني بس حسيت ان الوقت مب مناسب موليه ..
همست : ماشي ..
سالني: متاكده
قلته: هيه
قال: وداعة الله ..
قلته: مع السلامه .
بالفعل سمعت كلام ذياب و اي راحه حسيت بها و انا اردد كلام ربي بين شفايفي الين ما رقدت ...نقزت ع صرااخ فريت اللحاف متروعه و ربعت برع ..كانت شيخاني اتصيح بصوت عالي و جم حرمه من فريجنا و ندى و موزي يحاولون يهدونها ..
شيخاني : كل مني كل مني ...
صحت يوم جفت هالمنظر مع ان البارحه تكرر وايد رجعت خطوه لورا متروعه اطالع بعيون زايغه شو صابها شيخاني ..ينت ها كله قضاء و قدر ...زين ان حمودي بيت خالوه حليمه جان بتروع ...
ندى: شيخاني و الله حرام الي تسوينه ..
شيخاني: محد يفهم ..انا لاني سكت لو رمست ما كانت ماتت"و تضرب بويهها "
موزي اتصيح: شيخاني ها اجلها لا اتسوي جي حرام و الله ...
كنت اتمنى اخفف عن شيخاني بس انا بروحي كنت بدوامه ...يتهم امايه و لوت عليها و هدت شيخاني.. دخلوها حجرتها ...لمحتني ندى واقفه عدال باب حجرتي اصيح بصمت ...يت صوبي .. و لوت علي ...ما توقعتها اتسوي هالحركه عقب الي صار في بيت ذياب
ندى و كانت اتصيح: شسوي شوق ما اتحمل اجوفج جي و انتي اختي و ربيعتي و مهما صار ما تهون العشره
ذكرتني بخالها مهما يكون جاسي بس جدام دموعي يتحول للانسان رقيق .. و ندى شراته ..
حضنتها بالقوه وقلتها: يا ليت ها كابوس انش منه ..
ندى طالعتني : الحمدلله ع كل حال الله يصبرنا ...
دشينا حجرتنا ..انسدحت عالشبريه ..اما ندى لمحت القران فشلته تقرا بصوت روعه خلتني اتاثر و اصيح الين ما رقدت ...
بموت حصه حسيت هدت النفوس و القلوب المتنافره بين كل شخصين بالعايله ..و اولهم انا وندى ..عقب اسبوع من وفاة حصه تمينا انروح بيت خالوه حليمه انا و ندى نقعد معاهم انخفف عليهم .ذياب ابد ما عارضني..اذكر مره قلته بنبره تردد: ذياب ابا اروح مع ندى بيت خالوه حليمه ..؟
طالعني و قال : روحي لازم اتكونين عندهم و تخفيف عنهم ..؟؟
رده ابد ما توقعته بس ريحني وايد ..
.اما شيخاني الي صج بهدلتنا ..بصراخها لدرجه قمنا اندخلها المستشفى حتى نعطيها مهداءات اخرتها اقترح سيفاني ان ناخذها مطوع ..بس للاسف حتى الطبيب النفسي ما ييااب نتيجه لهااا ...
صج عذبتنا و ما كانت تهدي الا اذا لوت عليها امايه ..و سعيد اعتكف عن الدنيا تم اسير حجرته .و ذكرياته و همومه..لحيته صارت كثيفه و طويله ...
حمودي كان يحس شي متغير بس عقليته الصغيره ما وصلته للي قاعد يصير بالواقع ...بالفعل حسيت ان سعيد شخص ثاني..قاطع ربعه و ناسه حتى دوامه و قصر بحق حمودي...علشان جي قمنا ناخذ حموي بيت خالوه حليمه ..كانت بداية قعدتنا بيت خالوه حليمه انا و ندى كلها احزان و هموم ..لكن عقب طلعنا من ها الجو شويه شويه .دشيت ع بدور الي كانت ترمس ربيعتها بالتلفون ...يلست عدالها اسمع كلامهاا عقب صكرت ...جفت سواد تحت عيونها ..قلتها : بدور اهتمي بحالج احسن ..
تنهدت : خليني شوق ..خليني مافي شي بها الدنيا يفرح..
ابتسمت لها: امبلى شي بس لازم نحن اندور ع الفرح...
فكرت اطالعها من الجو الي هيه فيه ...
فسالتها: شخباره ولد خالتج..
اشرت بيدها: بعده خبله
ضحكتني: ههههههههههههههه
بدور ابتسمت يوم جافتني اضحك: عادي عندج اسب اخوج ..
قلتها و انا اكتم ضحكتي : شسوي انتي تسبينه و هو يسبج..
عدلت بيلستها مب مصدقه رمستي: قولي و الله سبني ..الحينه بأدبه ..
سالتها: ترمسينه..
هزت راسها باسف: ما يطيع يكلمني ..
سالتها: ليش تزاعلتوا ..
بدور تاخذ نفس : لا بس يقهر اخوج ..اونه عيب نرمس بالتلفون من ورا اهلنا "طالعتني" زين اقوله اخطبني مب راضي .
حسيت قدرت ارجع بدور لـ طبيعتها و خبالها فضحكت عليها: هههههههههههههههههه

بدور : و الله ما اسولف اونه يباني اكمل دراسه ..
سالتها: كيف تراضيتوا دام انه مب راضي يرمسج عالتلفون ..
بدور منفعله: امسوي روحه شريف مكه يعني ما كان يرمس ساره ...يت علي انا فقيره ..
ابتسمت و قلتها: اصبري لي ما يخطبج ..
بدور : ما اصبر شوقاني قلبي يحترق ...اقوله زين تخيل انك ما اترمس بنت خالتك ياخي انسى اني بدور
ضحكتني: ههههههههههههه
بدور : و الله بعد مب راضي عنيد..هي انتي اضحكي شو عليج..
ما قدرت ايود عمري فحطيت ايدي ع بطني: هههههههههههههههههههههههههههههههههههههههههههه
بدور اتفرني بالمخده: زولي لااه انتي عني .. ها الي يتشكى لج..
حاولت اسكت: زين لا اتضحكيني "سكت " قولي كيف تراضيتوا ..؟؟
ابتسمت و كأنها تذكر: ماشي قصيت عليه ..
عقدت حياتي: قصيتي ع سيفاني
بدور بكل ثقه: اي نعم ..افا عليج ..
ابتسمت و حطيت ايدي ع خدي : غردي اجوف ..
بدور : ماشي عقب عرسج باسبوع ...امايه كانت مطرشتني بيتكم علشان اخذ لـ حصه الله يرحمها مجبوس دياي .."سكتت شويه حتى انا حسيت غير يوم طرينا حصه و من شويه كنا نضحك "
قلتها : الله يرحمها ...كملي بدور ..
بدور : ماشي شوق ...وديت المجبوس و يلست في بيت خالوه الين ما حسيت ان سيفاني ها وقته يظهر من الدوام
قلتها و انا مستغربه: كيف عرفتي ...؟؟
بدور : شو فيج كنت كل يوم اعفد فوق السطح اجوفه متى ايي و متى يظهر .
حطت ايدي ع حلجي: خبله انتي ..و الله فاضيه ..
بدور : بتسمعين السالفه ولا
قلتها : زين كملي...
بدور: المهم طلعت و تميت واقفه عدال باب بيتكم و من جفت اخوج ياي يبركن بسيارته تجدمت صوبه وقف سيارته بس انا سويت عمري صدمني ع الخفيف فطحت غشيانه ...

شوق: انتي من صدقج ولا اتقصين علي..
بدور: هههههههههه و الله ما اقص عليج ..كنت بموت من الضحك بس يودت روحي يوم نزل من سيارته متروع ههههههههههههه
ضحكت معاها : هههههههههههههههههههههه يا حظ سيفاني فيج..
بدور: احم احم ..المهم نزل من السياره يربع صوبي متروع بدور بدور و انا مغمضه عيوني بقوه ...و هو يضربني ع خدي..بدور بدور ..."زخت ايدي" شوقاني حسيت انه يحبني و الله ..
قلتها و انا متلهفه: كملي زييييين
بدور: اقولج ما تحملت صفعاته ع خدي و حسيت بالفشله اتعرفين بعد انسان غريب عني..
قلتها : و ابويي انا .
ضحكت : ههههههههههه زين المهم دزيت ايده بعيد عني و نشيت قلته وخر ايدك عني لااه ..
طالعني مستغرب و قال: قطوه بسبع ارواح..
استانست يوم ما كشف جذبتي فقلته: تمنيت اموت علشان اتعرف اشكثر انا اعزك..
تطنز علي: تسجنيني مؤبد لاني دعستج بالسياره و اتقولين اشكثر تعزيني..
وقفت و نظفت ثيابي و عبايتي من الغبره و اوني صابني دوار فساندت روحي بسيارته ..و حطيت ايدي ع يبهتي..
سيفاني زخني: ها ها عن تطيحين ..
قلته و اوني بصيح: ما اروم اتحرك بموت ..
سيفاني: اموت انا ولا يصيبج شي..
حسيت ان بدور جذابه لان سيفاني مستحيل يقول هالرمسه بس حلفت لي ...
بدور: و الله العظيم ..فضح عمره بزله لسااااااااان شوقاني..عقب ما سحبت عنه الرمسه ضحكت عليه و قلته اني قصيت عليك ..
طالعتها مستغربه: قويه عين ..
بدور: حبيبتي الحياه جي ماشيه ..لا اتضيعين وقت ..جذبي تحايلي علشان توصلين للي تبغينه ..
قلت بخاطري ذياب ما اييب راسه شي موليه ..
سالتهاا: اكيد عصب يوم عرف انج جذابه..
ضحكت بدور وكانها تذكر: هههههههههههه فـ البدايه حرج بس يوم تميت اضحك عليه بصوت عالي ضحك .. عقب تدرين شو سوا .
قلتها : شوه ..
قالت لي : خلني اروح البيت ركض متروعه
سالتها : هههههههههه شسوي شل لج الخيزرانه..
هزت راسها: لا ..جاف صرصور شله كان بفره علي فربعت بيتنا شردت ههههههههه ما انسى هاليوم..
قلتهاا: هههههه وع ع سيفاني..
بدور: شوقاني يحببني..
ابتسمت لها و قلتها بكل صدق: الله يوفجكم قولي امين ..
بدور آآمين..
قلتها: زين باخذ حمودي له برع .."و غمزت " ولا تبين انتي تاخذينه ..
بدور: لا بطالعه من الدريشه ..يضرابني يوم اتصل به او احاول ارمسه ..
قلت بقلبي ها الي يكون صادق و ما يرضى ع اهله مب شرات هالنذل كان يحرضني اشرد معاه تنهدت و نزلت اخذ حمودي لـ سيفاني...الي كان يترياني برع ..
...من بعد هاك اليوم ما رحت بيت خالوه حليمه .. الشي الحلو الي فرحني ..مثل ما فرحتني علاقه سيف بـ ندى .. هي...كانت معاملة ذياب لي وايد رقيقه ..و حتى انه حسسني ان حياتي معاه بدت تاخذ مجرى ثاني لاني كنت اجوفه ذياب الي عرفته ايام الملجه و اول ايام زواجنا ..كنت دايما ادعي ربي بصلاتي انه يكون دوم جي يعاملني.. الين يوم كنت فـ حجرة ندى اسولف معاها ..
قلتها بامانه:ندى انا ابا اخبرج شي و اخاف ترفضين تسمعيني شرات خالج ..
كانت ندى منسدحه عالشبريه ع بطنها و محطيه يدها ع خدها ...و انا كنت مجابلتنها و قاعده ع الكرسي ..
ندى: شوه شوق ..؟؟
قلتها بحذر : عن راشد ...
فاجاتني انها اتأشر بيدها مب مهتمه : انسي السالفه خالي ذياب فهمني كل شي ..انا اسفه .. بس و الله مدري شو صابني هاك اليوم صج تلومت منج و من خالي عقب ما قالي السالفه ..
يت صوبي و زخت ايدي : انا اسفه و الله حسيت بعمري شريره ..
ما كنت اعرف شسوي مصدومه سالتها: شو قالج خالج ..؟؟
ندى تاخذ نفس: صدق خالي يوم قال راشد انسان فاسد.."طالعتني مبطله عيونها" يعني كيف حاول يدمر زواجج انتي و خالي .
بطلت اعيوني : ندى شو قالج خالج..بالضبط..
ندى : قال ان ذياب و سيفاني متزاعلين مع راشد.. و راشد حاول يخرب عليهم
سالتها: ما فهمت ...؟؟
ندى: شو فيييج ِشوق تستهبلين ..
ابتسمت بخوف عرفت ان ذياب مجذب ع ندى بس صج بتطلع ملاك لو دافعت عني قلتها : لا ابا اعرف شو اتعرفين ..
ندى : الي تعرفينه ..
يا ربي و الله ما اعرف شي ذياب اكيد ما يسوي مشاكل علشان جي جذب عليها و انا اقول ليش ندى غيرت معاملتها معاي ولا جنه شي مستوي..
ندى جافتني سرحانه فقالت : زين قال ان راشد يبا يخرب عليهم كل شي لانه حاقد ...حاول يسوي مشاكل بينج وبين سيفاني ..فديت شوقاني علشان جي سيفاني كان يضربج ...
بلعت ريجي ..
و كملت : و حاول يفرق بينج و بين ذياب و نفس الشي بيني و بيينج..
بطلت اعيوني: يعني انتي كلمتي راشد..
هز ت راسها بمعنى هيه..
قلتها: راشد خبرج اني انا و هو كان من بينا ..............."ما قدرت اكمل "
ندى تلعب بظافرها: يوم خالي يضغط علي اني ارفض راشد اصريت اعرف السبب ...فكلمت موزي .. و شرحت لها السبب و موزي خلتني ارمس راشد .دار من بينا كلام وايد و منه سالته ليش خالي رافضك عطني السبب ..قال لي ابكل بساطه لاني كنت ع علاقه بـ بنت خالتي شوق ..
حسيت برجفه ..يا ربي كم احس بعمري رخيصه يوم اتذكر هالاوقات كيف رخصت نفسي لها الادامي ..
ندى: صكرت التلفون من الصدمه حسيت كم انج منافقه و حقيره ..
نزلت راسي بالارض..
زخت ايدي: انا اسفه شوق ..من خالي قال لي ان راشد جذاب ع طول صدقت لاني اعرف انج انتي مب جي موليه .. و عرفت انج كنتي تحاولين تقنعيني اني ما اخذه علشان هو سبب المشاكل بينج و بين سيفاني صح ..
غمضتني ندى لانها كانت ع نياتهاا و بسهوله اقنعها ذياب .
.لوت عليها و قلتها: فديتج ندوي انتي ملاك..
ندى تضحك: ههههههههه انتي الا ملاك ..
طالعتها : قلتي عمج..
هزت راسها بمعنى : كنا بنخبره بس فكرنا انا خالي عقب ما انييبج من بييتكم بس طلعت سالفه مرض حصه الله يرحمها ..
تنهدت : الله يرحمها ..
فديتك ذياب وين بلاقي شراتك قلي وين ...
وقفت : بروح حجرتي اخاف مهره اتنش من رقادها
ندى: ما عليه تصبحين ع خير ..
قلتها: و انتي من اهله ..
و طلعت عنها و مليون فكره في بالي ذياب ليش يدافع عني دوم ..؟ اكيد يحبني ... امبلى يحبني و خاصه من عقب ما توفت حصه اتغير معايه ...دشيت حجرتي و يلست اطالع قنوات التلفزيون كان كل شي ممل ..طالعت الساعه ذياب تاخر ..وايد ..نشيت رايحه الحجره اتصل به بس انفج باب الصاله ..شهقت يوم جفت كدمات بوييهه و يصب الدم من شفايفه ربعت صوبه و انا ميته من الخوف ...
حطيت اييدي ع قلبي الي كان يرقع: حبيبي شو فيك ..
اشر لي بيده: خلج بعيد ..
قلتها: بس شو صار لك ..
يلس ع الكنبه و شكله كان تعبان ما تحملت يلست عداله : حبيبي ..
دز ايدي الي انمدت صوبه بعيد عني وغمض اعيونه: قومي من ويهي ..
حسيته متضايج مني قلته : شو مستوي انا خايفه عليك..
حرج علي ووقف : ما ابا اسمع حسج..
كنت بصيح: شو الي غيرك بس ..
زخني من ذراعي بقوه .. ووقفني ارتجفت من الخوف تذكرت سيفاني يوم كان يضربني طالعته بخوف ..
سالني بعصبيه: كم مره جفتي راشد فـ بيت خالتج..
بلعت ريجي بخوف هزني : كم مره ..
صحت خوف من ذياب يفهم الموضوع غلط و ما يسمعني ..
صرخ علي : حتى و الناس حزنانه ما تضيعين وقت ..
قلته: حرام عليك لا تتهمني ..
دزني و جنه متجزز مني فيلست ع الكنبه و نزل يتجرب مني: يلا انطقي سمعيني شو عذرج..
ظنيت كلمة احبك بتنسيه الضيجه الي فيه فقلته: انا احبك..
صرخ علي : حبج عشرين برص انتي مليون واحد اتحبين ...
صحت مجروحه من كلامه: والله لا ..
ابتعد عني : احتقرج شوق احتقرج ..
لحقته و لويت عليه من ورا و دنفت ويهي بظهره و قلته بصدق : و الله جفته مره ... من جفته تغشيت عنه لاني تذكرت .. و كنت اعرف ان هالشيء ما يرضيك .. ولا يرضيني لاني وحده معرسه ..
حسيته قدرت اجذبه بالرمسه فج ايدي الي كانت حاضنتنه ووايهني : و عقب ...؟؟
كنت اتامل ملامح ويه ..يعني ذياب متضارب مع راشد ..يا ربي شو ها متى برتاح من ها العذاب متى بفج عنا و عن حياتنا هالنذل ..
رديت للواقع يوم قالي : و عقب شو اتفكرين بجذبه ..
بلعت ريجي بخوف من افكاره و قلته : لاء ..."وكملت" حمودي كان معايه ..كنت بظهره حق سيفاني الي كان يتريانا برع ..بس حمودي من جاف خاله ربع صوبه ..
زخني مره ثاني من ذراعي : و انتي ليش وقفتي اطالعينه اشتقتيله شوه..
هزيت راسي بمعنى لا : لااااا ذياب "صحت " عطيته ظهري كنت بسير ..بس هو الي لحقني و قام يعق علي كلام ينرفزني ...
طالعني متشكك ترجيته: صدقني ..
فج عني و قال: شو قلتيله ..
يوم ابتعد حسيت انه خلاص ببتعد عن حياتي فتجدمت منه وحضنت ويهه: ما قلته شي ربعت داخل ..كتمت غيضي لان حسيت ان عيونك ترقبني ..و انا اصلا من داخلي ما ابا ارمسه ..حرمت و الله حرمت ..

زخ ايدي و نزلها رجع لورا فقلته: صدقني لا تخليه يبعدنا عن بعض مره ثانيه..أنا ما صدقت ذياب..
قاطعني: ما ينفع انعيش ويا بعض شوق ما ينفع.
نزلت دموعي: لا اتقول جي..
صرخ علي: ما ابا اعيش مع وحده كل فتره اسمع من هالحيوان يرمس عن حرمتي..
ترجيته: طنشه خليه يولي..
دزني بعيد عني: ما اقدر فجي عني ...روحي باجر بيت اهلج ما ااباا اجوفج هني فـ البيت معاي...
و طلع من الصاله و من حياتي..للابد.
.

 

[الوصلاوية]

رد: خل العذول موطـي الراس منكوس..* معاني..*

يلست عالارض اصييييح منهاره شو اسوي ياربي ...شو الحل مع ها الحياه ..اكرهك راشد حقير قاعد يلعب بحياتنـا .عقب ساعه نشيت توضيت و صليت ركعتين ..دعيت ربي يفرج همي...و يوفقني بحياتي مع ريلي ...
رقدت ع طول مع اني كنت اتريااا ذياب ..بس شكله يااه ساعات الفير لاني سمعت صوت بالحجره كنت بنش اروح له بس غيرت رايي لاني خفت لا ايقولي روحي بيت ابوج و انا ما ابا ازيدهم هم ..كافي سعيد و حالته و شيخاني و مرضها النفسي ...رجعت ارقد و ما نشيت غير وقت الضحى يوم قومتني مهره يوعانه ..نزلنا تحت ذياب ما كان موجود ...
عقبها بساعات دشت علينا ندى و خوانها كانوا فـ بيت خالوه العوده ...اتريناا ذياب ع الغداا بس تاخر وايد خفت عليه فنشيت اتصل بس تفاجات يوم صكر التلفون بويهي..
ندى: شو ..
قلتها: ما يرد..
ندى: طرشي مسج..
قلتها: لا انتي اتصلي من موبايلج جوفيه ..
اتصلت ندى حسيت بالغيض و القهر يوم رد عليهااا صج هالانسان خلاص كارهني بس كيف اقدر اهده و انا ميته به و بمشاعري الي تحيا بقربه مني...تنهدت ..سمعت ندى اتقول لي: يقول تغدوا بتاخر شويه ..
انسدت نفسي ع الاكل كلت لقمتين و رحت حجرتي...يلست اكسر كل شي جدامي من الغيض ..صرخت بصوت عالي : خلاص ما عدت اتحمل ..يقربني منه و يوم اتولع به يهدني..
حسيت ابروحي خبله ..يلست عالارض منهاره اصيح ..اذا بتم طول عمري ع هالحاله بتعذب وايد..ذياب مهما عاملني زين بس عقب يرجع ويذلني...مسحت دمعي..طول ما راشد موجود و حي.. و طول ما ذياب يتأثر بـ نغزات راشد و تأثر ع علاقتنا يعني ماشي فايده من صبري ..فتره زواجنا كافيه اني اتطلق خلاص,,,مبروك عليك الفوز يا راشد ..
رحت صوب الكبت ..حطيت اغراضي بالشنط ...التفت لـ تلفون الحجره يوم رن ..رحت صوبه
رديت : ألو
امايه اتصيح: اختج وايد تعبانه
خفت : شو مستوي..؟؟
امايه كانت يائسه : اختج بهدلتني كل شويه اتصيح و تنهار علينا و سعيد لا اكل ولاشرب خلاص انا ما اتحمل هالعيشه و ابوج الحزن ياكل قلبه ع عياله ..
دمعت عيني غمضتني امايه قلتها : فديتج يا الغاليه ..
امايه: تعالي يمه تعالي سانديني ولا انا بلحقهم و بتخبل ..
قلته: زين ما يهمج بييج الحينه ..طرشي الدريول ذياب مب موجود متاخر بدوامه..
امايه: خلاص بطرشه ..
هديت الشنط الي كنت ارتب فيها اغراضي ..كانت المفروض اوقف مع امايه بس حياتي مع ذياب نستني ها الواجب ..زين يتني الحجه اذا سألوني ليش ودرت ريلي بخبرهم علشان امايه محتاجتني ..لبست عبايتي و شيلتي و ظهرت من جناحي مودره شنطي و اغراضي متبعثره عالارض و خذت لي ملابس اتكفيني يومين ..افرح يا ذياب و اتهنى ..هذا انت افتكيت من شوق ...
خبرت ندى اني بروح اقعد بيت اهلي و شرحت لها الظروف و بينت لها ان ذياب عنده خبر غمضتني مهره يوم يلست اتصيح تبا اتيي معايه ...
دشيت بيت ابويه ..جفت باباتيه قاعده يطالع التلفزيون رحت صوبه لويت عليه بسته ..
قلته: اشتقت لك وايد
ابتسم لي...كان ودي اتم بحضنه بس تذكرت امايه الي رمستي من شويه ..رحت فوق توقعت اتكون فـ حجرة شيخاني..بس التفت صوب حجرة سعيد فكرت أمر عليه دقيت باب الحجره بس ماشي رد ..
دقيت مره ثانيه و فتحت الباب ..شويه شويه جفت يالس ع الكنبه سرحان يطالع السقف حسيت ان سعيد صار اسير ذكرياته مع حصه ...تجدمت منه يلست عداله بهدوء و بداخلي قلبي تقطع ع حالته ...
زخيت ايده: اشحالك سعيد..
رد من غير ما يغير وضعه: الحمدلله ع كل حال ..
تأملته لحيته الي صارت طويله ..عيونه الحمر ..ويه الذبلان ..
همست: سعيد حمودي محتاجنك حرام متبهدل لي متى بتم جي..
تنهد: لي ما اموت
شهقت و حطيت ايدي ع جتفه: حراام عليك..من شويه امايه اتصلت بي اتصيح و متشكيه مب متحمله هالحال ..
سعيد.................................."ماشي رد"
ترجيته: سعيدان مب زين الي اتسويه فكر بحياتك ..دخيلك رد شرات قبل علشان ولدك و علشان امايه ..
غمض اعيونه و جنه يقولي كلامج مب مهم ..تنهدت ما ابا اصيح .لازم اكون قويه جدامهم ..كاافي ضعفهم ..طلعت من حجرته و انا ميته بداخلي ع اخويه سعيد ..
حصه راحت و خذت معاها كل حـلو بها البيت ...رحت حجره شيخاني جفت امايه يالسه ع طرف الشبريه و زاخه ايد شيخاني و شيخاني كانت راقده شكيت ان هالانساننه عايشه ..حالتها حاله ...غبيه اتلوم نفسها مع انها انخدعت مثلنا ..كان ويها شاحب شرات الاموات ..
امايه: توها بس رقدت ..
تجدمت من امايه و بستها ع راسها: فديتج يا الغاليه ..الله يعينج و يصبرج ..روحي ارتاحي
امايه : وين ارتاح ادريبها عقب شويه بتنش و بتقعد اتصارخ تباني ..
طالعت شيخاني باسف و قلت امايه: كل شي انجلب بها البيت ..مريت ع سعيد وايد صدمني كل ما مر يوم حالته اتسوء .
امايه اتهز راسها بمعنى لا حول ولا قوة الا باللله: شنسوي محد كاسر خاطري غير حمودي من بيتنا لـ بيت اختي متبهدل .هالصبي ,,
كانت بتصيح لويت عليهاا:امايه لازم نتحمل و ان شاء الله يفرج همنا ..
امايه: متى بس متى .
دش علينا سيفاني و جنه مب متوقع يجوفني: شوق.
سلمت عليه: شخبارك.؟
رد علي و هو يطالع شيخاني: ابخير ..شخبارها شيخه
امايه: مثل ما هيه ..
سيفاني: خبروني ع مطوع وايد زين ..
امايه بيأس: ماشي فايده يا يمه كم مطوع الحينه لفينا عليه ...
حسيت ان اهلي وايد متبهدلين و انا مب حاسه فيهم لاهيه بحياتي مع ذياب ..و يا ليت استفدت شي كل يوم يذلني و يروغني...تنهدت اهلي اولى و خاصه بهاي الظروف محتاجينـي...
قلت: المفروض شيخاني اتساعد نفسها بنفسها ..حتى سعيد ...
سيفانـي : و الله يا هي حاله ..
ظهر سيفاني من الحجره .. قلت امايه: ماماتيه روحي مع باباتيه حطي لهم غداا ..انا بتم مع شيخاني ..
امايه: و ريلج..
ابتسمت لها: ما عليج خبرته أني بتم هني جم يوم ...
طلعت امايه من حجره شيخاني جنها مب مصدقه ..رحت صوب دريشة حجرتها فتحت الدريشه لاني حسيت الحجره منكتمه جوها يخنق ..تنفست بعمق ..يوم حسيت الهوا يضرب ويهي ..ارتحت يوم جفت الدنيا مغيمه تمنيت يطيح مطر ..يلست ع الكنبه اراقب شيخاني و من غير ما احس رقدت ...
تروعت ع صراخ شيخااني كانت امايه اتحاول تاكلها بس
هي اتصرخ: ابا اموت ابا اموت .مثل حصه..
حسيت صج ان شيخاني يأسه من حياتها يلست اصيح بصمت ..فديتج امايه كم بتتحملين ...هالعذاب ..عقب ربع ساعه ودوها المستشفى ..تميت ابروحي في البيت قاعده مع باباتيه و سعيد بحجرته ..يلست بحضن بابا جفت الشقى بعيونه الله يصبرك و يصبرنا ع هالعيشه ...
باليومين الي مروا محد سالني ع ريلي و لا ريلي سأل عني جنه ما صدق اني رحت بيت اهلي ..توقعت توصلني اغراضي خلال هاليومين ..بس كل شي مر ابرود ؟؟
الشيء الوحيد الي اثر فيني و هز مشاعري من صوب اهل ذياب يوم اتصلت ندى اتسمعني صوت مهره اتصيح كانت متولهه علي تباني...حسيت بالخوف و الضيااع بعد ما حصه راحت كل شي تغير و انجلب ...و لو اهلي عرفوا سبب يلستي في بيت ابوي بزيد عليهم الهم ...

علشان جي فضلت اخلى الظروف و الايام هي تكشف اوراقهااا ..كنت استغرب كيف امايه متحمله 3 اسابيع من التعب ويا شيخاني و سعيد انا هاليومين الي يلست فيهم مرضتني و يابت لي الحمى ...وايد اسباب منها افكاري صوب ذياب و عدم سؤاله عني... و صوب حال اهلي و خاصه شيخاني و سعيد و بهدلت حمودي فديته و زادت علي مهره ..لاني وايد افتقدها شرات ما افتقد ابوهااا الي ما يستاهل ...
قفلت ع نفسي الباب متغطيه باللحاف احس ابروده ...ليتني اموت و ارتاح من ها ..ما صار في شي يونس بها الحياة ..الدنيا بعيني غاب عنها الفرح .. و حل محلها الضيج و الحزن ...فديت سيفاني صرت وحده عبء عليه دش علي المغرب : شوق نشي بوديج الطبيب

تجلبت ع الصوب الثاني و قلت بتعب: ما يحتاي..
سيف : شوق انتي محمومه قومي..
قلته: و الله ما اروم اتحرك .."كملت بصعوبه" داري ع امايه و شيخاني انا مب لازم خلني اموت برتاح..
زخني سيفاني و خلني اوايهه: شوق شو هالرمسه ..شو فيج..؟؟
غمضت اعيوني مب متحمله انا ما فيني شي غير شوق و وله لـ لانساان من زود غلاته يخطف انفاسي و روحي من فراقه
ما حسيت عقب شو صار و شو تم يقولي سيفاني لاني غبت بعالم ثاني عالم ما فيه الا السواد ..مثل الاوقات الي قاعدين نعيشهااا ....حسيت بحزن عود فـ قلبي لاني زدت ع اهلي بدال ما اوقف مع امايه و اساندها .. و حسيت بـ فراغ كبير فـ قلبي ابسبب ذياب الي ما اتنزل يسال عني و لو بـ مسج...
ما عرفت كم من الوقت طاف ولا دريت كم من الايام مرت ...صدمتي كانت صدمتين صدمه يوم فتحت عيني و جفت نفسي بالمستشفى ..و الصدمه الثانيه سعيد كان واقف عدال الدريشه يطالع برع ..كنت اظن اجوف خياله ..
بلعت ريجي بصعوبه و قلت : سع..سعي..د
التفت لي ابسرعه و ياه صوبي : شخبارج شوق ..
قلته: انت شخبارك "يوم جفت حالته نفس اخر مره جفته في بيت ابوي "
ابتسم: انا احسن عن حالج ...شو ها انتي من صوب و شيخاني من صوب و امايه من بينكم تعبانه ..
تذكرت امايه فدمعت عيني: حاولت بس ..............
يلست ع الكرسي و زخ ايدي و قال : الدنيا وايد جاسيه عليناا ..
ضميت شفايفي مب رايمه ارمس..
سعيد: شوق يوم كنت قاعد بحجرتي بالايام الي طافت لاني ظنيت بلحظه اني قاعد بكابوس بنش منه فـ يوم .
حسيت ببروده من كلامه
قال : بس صج كانت صدمه لي ما توقعت اعيش من دون حصه و اي حرمه بتكون بمكانه حصه ..
قلته بصوت واطي: الله يعوضك خير .
همس: آآمين ...سيفاني و ريلج كانوا من شويه هني..
قلته مب مصدقه: ذياب هني..سأل عني..
طالعني بنظرات شك ..لاني انا قاعده من يومين فـ بيت ابوي و ذياب ابد ما سال عني..
سالني: بينكم شي..
قلته : لا بس ظنيت انه ما يعرف .."حاولت اغير الموضوع علشان ما يكثر اسأله عن حياتي مع ذيااب فقلته" رب ضرة نافعه زين مرضت ..ع الاقل طلعتك من حجرتك..
قال : ظنيت اني موليه ما بدش المسشفى عقب حصه ..
شوق: سعيد لا اتسوي بعمرك جي..
تنهد : ما عليج رفييجي اقترح علي اروح العمره ..
كررت كلامه: العمره ..؟؟ انته و منوه !!
سعيد: بالاول ما اقتنعت لكن عقب قالي اذا رحت هناك بتحس ان الدنيا ما تسوى و موليه مالها قيمه ..و حالتي بتتحسن اكثر علشان جي فكرت اخذ شيخاني معاي...
قلته بصدق: ابا اروح هناك سعيد انا ولا مره اعتمرت ..
سعيد يواسيني: كان ودي بس لازم اتمين عند امايه و باباتيه انا و سيفاني بنروح وبناخذ شيخاني..لازم حد يداري عليها و محد غير سيفاني...و انا يالله بداري ع روحي...
غمضت اعيوني تمنيت اروح ها المكان الطاهر ..ان شاء الله فـ يوم ..
هزني سعيد:شوق انتي ابخير..
قلته: مصدعه ..واايد راسي بنفجر ...
ضغط سعيد ع الجرس يزقر الممرضه ..
قلته: تعبتك معاي و انت بروحك الله يعينك...
سعيد: لا اتقولين هالجلام ..مهما يصير فيني مستحيل اتخلى عنكم انتوا اهلي
كنت برد عليه بس ما رمت حسيت بتعب فضيع دشت المرضه رجعت ما بين صاحيه و مابين غيبوبه ما احس بشيء ..نشيت من الرقاد كانت الدنيا ليل طالعت الساعه كانت هنتين الفير ...و كأن كلامي مع سعيد كان حـلم ...شكيت ابصراحه ..صديت صوب الدريشه اطالع الدنيا ...حسيت بحركه داخل الحجره ..
قلت بخوف: منوه ...
جفت خيال ذياب جريب مني زخ ايدي : نشيتي شوق ..
حسيت برجفه باصابعي بين اصابع ذياب ..غمضت اعيوني .يوم ارتبط بها الانسان كنت افكر اهرب من عذاب لكن من عشت معاه جفت العذاب بعينه بس انا اكيد احلم ..اني زاخه ايده ..فبغيت اتأكد اني بحلم ولا علم
فهمست: انت منوه ..؟؟
جفت ينزل يتجرب مني و يقول بصوت واطي : انا اسير الشوق ..
فجيت اعيوني و كأني اتاكد من ملامحه ..و علشان اتاكد اني كنت احلم يوم كنت ارمس مع سعيد ولا حلم بعد فسالته: انت اليوم كنت مع سيفاني ...
قعد يلعب بشعري : هيه حتى سعيد معانا ..كان خايف عليج..
غمضت اعيونه مستسلمه للمساته قلته: انا قعدت فـ بيت ابوي يومين جفت العذاب انته موليه ما فكرت تسأل عني ولا عن حالي..
باس ايدي: كنت افكر فيج وايد ..
بلعت ريجي لاني حسيت بالعطش: اتقص علي...
ذياب : رد يلعب ابشعري : و الله شوق ..حتى مهاري كانت اتصيح تباج..
قلته بعذاب: ادري انا اباها بس انت حرمتني منها .."صحت و انا اتذكر اوقات و انا محتاجه له فقلته" انا ما اجوفك الا اذا ترقدت فـ المستشفى او صابني شي ..لكن اوقات ثانيه ابد ما تباني..
تجرب مني اكثر و قال بصوت عذب: حبيبي خلاص انتي تعبانه ارقدي ارتاحي..
ييرت ايده مع اني كنت ميته ع لمساته : ما اباا وخر عني..
حسيت ان ذياب ما توقع ردت فعلي : شوق !!!
صحت : ما ااابك انت قلت وقت ما تبين تردين بيت ابوج روحي..و انا الحينه رديت ما برد لك موليه .."كنت ارمس و اصيح بس رغم ها اظن كان فاهم شو اقوله "
تم ساكت يسمعني...مب مصدق
مسحت دموعي: انا هلي محتاجيني اكثر عنك .."حسيت ابروحي خبله ارمس و ارمس و هو يسمعني" بعدني احبك ..بس خلاص العيشه معاك مستحيله ...
قاطعني: حياتي انتي تعبانه ارقدي و باجر سولفي ع راحتج..
عصبت عليه: انا ارمسك جد انا مب تعبانه ..
وقف و ابتعد عني كنت بمد ايدي و ازخ ايده لا تبتعد عني ..بس صديت الصوب الثاني علشان اقاوم هالاحساس ...ظنيت بيروح و بخليني ابروحي بس الظاهر انه زقر الدكتوره الي ضربتني ابره و رقدتني مره ثانيه ...
فتحت اعيوني و ع طول غمضتها لان اشعه الشمس ضربت اعيوني ..رجعت فتحتها شويه شويه ..جفت امايه و ندى قاعدات ع الكرسي يتريقون ..مدري حسيت بشعور الانتعاااش شي حـلووو انك اتنش من مرض عقب اياام حتى ما اتعرف كم يوم مر عليك و ما اتحس ابعمرك ناسي هم الدنيا و شقها .. و عقب تفتحين عيينج و كانج مولوده من يديد ..
يلست بصعوبه كنت بفاجأهم بس حسيت بدوار ..فطلعت مني آآه التفت لي ندى و امايه ..عفدوا صوبي.
ابتسمت بتعب: كنت بفاجئكم بس احس بدوار ..
امايه: الف سلامه عليج يا الغاليه ..
قلتها و انا ارجع ارقد: الله يسلمج..
ندى: سلامات شوق شو صابج حبيبتي..
قلتها: مدري ندى بس احس اني الحينه احسن بوايد..
امايه: لازم من ثلاث تياام ما اتحسين ابعمرج..
صرخت متفاجأه: شوووو ثلاث تياام ..أأأأأأأأأأأأأي راسي ...
امايه: شوي شويه يمه ..
شويه و دشت عليه الممرضه ..
الممرضه: صباح الورد ..
ابتسمت لها : صباح النور ..
الممرضه: لااااااااااااه اليوم انتي محد احسن عنج ..
قلتها: ها الصدااع مب راضي يخوز عني ...
الممرضه: لانج مب ماكله شي ...
دقايق و حطوا لي الفطور ..كانت جبدي لايعه و مب راضيه اكل شي موليه ..لكن امايه و ندى ما رحموني..خلوني غصب عني اكل لي ما شبعت و حسيت حالي احسن و احسن .. و خاصه يوم ييووني قوم خالوه حليمه ..افتقدت وجود شيخاني و حصه ..قبلها ..
بدور: تدلع اونج تتحرين عمرج بمسلسل منخمده ثلاث تيااااام اتخربطين بالرمسه و تنخمدين مره ثانيه ..
موزي: بدوووووووووووور شو هالرمسه ..
ندى: هههههههههه
بدور: شو شو هاي الرمسه ..محد تعبان غير خالوه فديتها ..
امايه: شنسوي هذيلا العيال و تربيتهم ..كل ما كبروا كبر همهم و تعبهم معاهم ...
كنت اضحك ع سوالفهم ..
بدور: ول عيل ما بييب عيال ..خبرواا سيفاني ها شرطي...
موزي: قسم بالله هالبنيه ما تستحي...ع ويهها ..
بدور: انتي شو حارنج ..وحده و حميتها و عمتها انتي شو لج..؟؟؟؟؟؟؟؟
امايه+ شوق+ ندى: ههههههههههه

شوق : و الله ما حسيت بعمري غير البارحه سعيد موجود و ذياب ..
ذياااااااااب !!! انا شقلته البارحه ..مر شريط البارحه في بالي ...تقطع قلبي ..كيف قدرت انهي كل شي من بينا بس شكله مب مصدقني ..
ندى: هي صح خالي يابني و راح هو يرتاح..
بدور: واعليه شوق راقده مرتاحه و الي حوليها يسهرون ع راحتها..
ضحكت: هههههه ذليتيني ...مب ايدي و الله ..

خذتنا السوالف حتى اني اصريت اني اظهر من المستشفى بس الدكتور رفض موليه ...فضت حجرتي و تميت وحدي ..عقب الظهر كنت يالسه اطالع السقف افكر بقراري بـ علاقتي مع ذياب ..مع انه ما تفرق عنده ..خلاص اهلي محتاجيني اكثر ...
التفت صوب الباب يوم يتني مهره تربع فتحت ذراعي لها ..شلهاا لي ذياب و حطها بحضني يلست اصيح مشتاقه لهااا تقريبا اسبوع ما جفتها ..
قلتها: فديتج وحشتيني ...
مهره: انتي ليش ما اتيين بيتنا لانج مريضه ..
ابتسمت لها: هيه مريضه لكن الحينه استويت زينه من جفتج..
ذياب: شحالج شوق ...
طالعته: ابخير .."ورجعت اطالع مهره مب تطنيش له بس لاني خفت لو حطيت عيني بعينه اتراجع ع القرار الي اتخذته "
قلتها: مهره شخبارج .."بستها"
مهره: عموه الحينه بتنامين معاي ...
بلعت ريجي ما عرفت شو ارد عليها مهره: بتنامين معاي ..
قلتها بصوت واطي : هيه ..
يلس ذياب عالكرسي الجريب و شل مهره من حضني و قعدها فوقه قلته: ابا اظهر ..
قال: تمي بعد لـ باجر ..
قلته: طفرت ..من ها المكان ...
شويه ودش علينا سيفاني ..و معاه سعيد و بباباتيه و حمودي ..طرت من الوناسه ..حمدت ربي انهم يوو بها الوقت وقت ما ذياب موجود لاني قدرت اطنشه و حسيت هالشي ضايج ذياب ..قعدت الاعب حمودي و مهره ..عقب المغرب وبسبب حشره مهره و حمودي قروا انهم يروحون
فقلتهم شويه و بصيح: ابا اظهر من هني حرام عليكم اتخلوني ابروحي..
سيفاني: ريلج ما هدج طول ما انتي راقده هني ..فما اظن بهدج ها ليله تحملي بس ل باجر..
سمعت ذياب : بوصل مهره و بييج زين ..
سكت ما رديت عليه ..احبك ذياب احب قربك ...و يا ليتني اقدر اصد هالمشاعر ...ودعتهم و انسدحت عالشبريه متملله اطالع التلفزيون ..طالعت الساعه جفتها عشر الظاهر ذياب ما بيي كنت متلهفه لجوفته مالت علي و اوني بودره خلاص...غفلت بس فجيت اعيوني يوم حسيت حد زاخ ايدي فتحتها بكسل ..هذي حركات ذياب..
سألني: رقدتي..؟؟
عدلت بوضعي وقلت : كنت برقد من الملل
تم يطالعني و انا كنت اطالع الفرااغ الي جدامي بس علشان ما اجوووفه و يهز مشاعري قال لي: انتي متغيره ولا ها يتهيأ لي ..
سكت .................................." ما عرفت شو ارد"
تجرب مني و همس بأذوني: وايد خفت عليج و انا اجوفهم يعطونج إبر وحده ورا الثانيه خلال يومين ورا بعض..
طالعته اغير الموضوع علشان ما انجذب بكلامه : انا ابا اروح مع قوم سعيد العمره.
حسيت ان ويه تغير لاني غيرت الموضوع ..فانجلب يرمس بشكل جدي و هاشيء آلمني مع انه بيفيدني..
قال: ع راحتج اذا تبين ..
قلته: سعيد مب راضي يباني اتم مع امايه و باباتيه..
قال لي: شو تبيني اسوي لج..
قلته : ماشي خلاص انسى السالفه ..
حط ايده ع خدي و خلني اوايهه بللت شفايفي مرتبكه تنفست ابسرعه تجرب مني و انا كنت منجذبه له بشكل كبييير ..غمضت اعيوني يوم رفع الشعر الي طايح ع يبهتي بكل رقه ..
همست : ذياب ...
قال لي بصوت واطي : امريني ..
تذكرت اني ابا انهي كل شي بيني و بينه دام انه مب راضي يسامحني ع الي طاف كنت اتصارع مع مشاعري بعذاب اخرتها فكرت ها الحل الوحيد فصديت عنه بقوه و يلست
تفاجأ ذياب من حركتي سالني: شو فيج ..؟؟
كنت مرتبكه و ارتجف فما رمت ارد عليه ...........................
خلني اطالعه ترجيته: لا اتعذبني بسني..
ذياب: ما ابا اعذبج..
قلته بانفعال: لاني بالمستشفى يوم بظهر بتغير كل شي ..
سكت شويه و كأنه مب متوقع كلامي ..فذكرته: انا اتذكر كل كلمه قلتها لك البارحه قبل ما تزقر لي الممرضه ..
وقف ذياب و راح بعيد عني طالع برع و سألني : شو تبين شوق ..
قلته ابسرعه : اباك تسامحني ..ابا اعيش معاك مثل اي زوجيين مب تراضيني يومين و تعذبني ايااام..
التفت صووبي : اسامحج ..؟؟؟!!
كنت بصيح: قلتلك راشد خدعنـــــــــــــــــي انت ما تفهـم و انا هديتـه قبل ما ارتبط فيـك قبل ما اكون زوجتـك ..
حسيت ملامح ويه تغيرت يوم طريت له اسم راشد .
.قال لي: الي سويته شي سهل شوق..؟؟
نزلت نظراتي بالارض
تجدم مني و رفع راسي خلني اطالعه : شي سهل ..ردي..
قلته بـندم : لا بس انا حاولت اتجرب منك بس انت معذبني و اخرتها وين وصلنا انا فـ المستشفى ..
خذ نفس طويل : شتبيني اسوي ما اقدر انسى ..صعب صعب ..
ماشي فايده من هالانسااان خلاص راشد ربح ..و انت يا ذياب خسرت و انا الكره الي قاعدين تلعبون فيها من دون ما اتسون اي حساب اني بشر ...
قلته : و انا ما اقدر اعيش معاك بعد اليوم ..."قلته بمراره و انا اصيح" ما اباااااك تعذبني ..خلاص ما اتحمل
صحت و صحت تجدم مني يبا يمسح دمعتي بس صديت عنه فوقف ابمكانه ..يطالعني ..عقب سمعت خطواته رايحه صوب الباب و يتصكر وراه .و خلني ابروحـي اعيش عـذابي و اصارع دمعاتي.
و انتهت قصه عذاابي مع ذياب ..و الله يعيني ع الايام اليااايه .الي بتكون من دونه..

بنقل الوصلاويه


.
.
.

شو اسوى هاي معانى صيحتنا

هذا شوى جهزي بحر من الدموع

اهئ اهئ

 

[حمود الشحي]

رد: خل العذول موطـي الراس منكوس..* معاني..*

يسلمووووووووووووووووووووووووووووو
الوصلايه ع النقل

 

[oxford]

رد: خل العذول موطـي الراس منكوس..* معاني..*

؟؟


؟؟

 

[الذيب الوصلاوي]

رد: خل العذول موطـي الراس منكوس..* معاني..*

تسلمي اختي الوصلاويه عالنقل


الذيب الوصلاوي متابع القصه

 

[الوصلاوية]

رد: خل العذول موطـي الراس منكوس..* معاني..*

في غيبتك تثقل علي الدقايق والوقت مع غيرك فلا عاد ينطاق ربطتني مابين عهد ووثايق وخليتني بس للقصايد والاوراق واليوم اقولك دون الخلايق..ماعيني لغيرك من الناس تشتاااااااااااق

نزلت من الدري بعد ما لاعت جبدي من اليلسه فيـ حجرتي..حسيت بالوحده و الذكرياات بتذبحـني...جفت سعيد قاعد في الصاله و معاه باباتيه و شيخاني بس شكلها فـ عالم ثاني..المهم شي تطور انها فكرت عالاقل تظهر من حجرتهااا ...
سعيد: صبااح الظهر....
ابتسمت له: صباح الكسل ..
رحت صوب باباتيه بعد ما بسته و يلست بحضنه ..
حمودي: بابا شوق نونو ..
سعيد : هي نونو
حضنت باباتيه و انا احس بشعور ان حياتي ردت شرات قبل ما اعرس ..بس ناقصتنا حصه ...كانت امايه اتحط الغدااا ..
شيخاني وقفت: بروح حجرتي..
امايه: ما بتتغدين ..؟؟
شيخاني تصعد الدري: لا ..
حمودي: بابا شيخاني ليش كل اتصيح..
سعيد يرد عليه بصوت واطي: لانها مريضه ...
حمودي: حتى عموه شوقاني وايد اتصيح..
رفعت راسي بسرعه صوبه و قلته: جذااب حمودي لا تجذب ..
حمودي يطالع ابوه: بابا جفتها امس اتصيح وايد..
بلعت ريجي يوم طالعني سعيد...صديت عنه علشان ما تفضحني ملامح ويهي ..صحيح البارحه يوم ظهرت من المستشفى عشت بعذاااب يوم دشيت حجرتي و حسيت اني فقدت ذياب للابد يلست اصيح و بهذيج الحزه دش عليه حمودي مصدوم ..فديته ما قام يجوف بها البيت الا الصياح و الحزن...بس اسميه فضحني..
غيرت الموضوع : سعيد متى بتروحون العمره ..
سعيد بعد يومين بس نتريا رد من سيفاني بيعطونه اجازه او لا ...
امايه: ان شا الله يعطونه ..يمه اتصلي بـ ريلج جوفيه جان بيي يتغدااا عدناا .
بلعت ريجي ما عرفت شو ارد ما دروا ان الي بيني و بين ذياب انتهى ..متى بتكون الفرصه مناسبه علشان اخبرهم .الحينه ما اعتقد..و اصلا الجو ما يساعد عقب العمره يمكن ..بتكون الحاله النفسيه متحسنه وايد ..احس مجرد ما حط سعيد باله انه يروح العمره نفسيته وايد تحسنت ...
قلتها: مشغول
امايه: كله مشغول قلتي البارحه ما يااه يجوفوج لانه مشغول..
قلتها بانفعال: شسوي يوم هو مشغول...
عاتبني سعيد لاني بالغت بردي :شوووووووووق
غمضت اعيوني و تنهدت بعذاب...
حمودي: بابا انابروح العمره ..معاكم
سعيد: لا حبيبي انت بتم مع خالوه موزي و بدور و عموه شوقاني..
حمودي: محرج : برووووووووووووووح
قلته: شتسوي اتروح
حمودي: بنروح انجوف ماما ..
سعيد متفاجا من رد حمودي..
حمودي منفعل: انت قلت ماما مسافره يعني بنجوفها بالعمره..
صخينـا كلناا..مب متوقعين رد ها الياهل
حمود يصرخ:برووووووووووووووح معاكم..
سعيد متضايج شله ويلسه فوقه : خلاص زين اسكت ترا ما بوديك الالعاب...
حمودي وجنه يتذكر: بابا انت قلت بتوديني الالعاب..
سعيد: بعدين الناس الحينه يتغدون ...
دش سيف بها الوقت ...ربع حمودي صوبه فشاله سيفاني يبوسه و يفره فوق و حمودي يصاارخ بصوت .عالي مستانس.
حمودي مستانس: عمي انت بتوديني الالعاب صح..
سيفاني يفره حق سعيد: روح عند ابوك .ما عندك سالفه غير هالالعاب..
مد حمودي براطمه شبرين زعلان سعيد: ويويووويوو مسكين يحليله ..
حمودي يضرب سعيد بكسات و قعد يصيج بصوت عالي منحرج ..
سعيد و سيفاني: ههههههههههههههههههه
شوق: حرام عليكم ..
نشيت اروح اشيله اراضيه بس رفسني ما يباني ..انحرجت ..
سيفاني+ سعيد: ههههههههههههههههههه
يت امايه و شلته اتبوسه و تراضيه: بس اسكت حبيبي انا بويدك الالعاب..
امايه : بروح اجوف شيخاني ...
سعيد: بشر عطوك اجازه ..
سيفاني : قالولي اتريا باجر بردون لي خبر ..
سعيد: شكلهم ما بيعطونك..
سيف: حاس و الله كل يوم باجر ..
قلتهم: جان ما عطوك اجازه انا بروح بدالك و انته تم مع امايه و باباتيه ..
سيفاني رايح حجرته : يصير خير ..
قلته: تعال تغدا
رد علي: بتغسل و برد انزل..
طالعت باباتيه كان يبتسم يوم يجوفنا نضحك رغم انه ما يعرف شو السالفه فديتك باباتيه ..انا وايد اعزك ..يا ليتك اتعرف شو الي فيني يا ليتك تقدر اتسوي لي شي...نقزت يوم سعيد
قال لي: شخبارج ويا ريلج..
طلعته قلته بصوت هادي: ابخير ..
سالني بـشك : متاكده ..
هزيت راسي بمعنى هيه ..
نزلت امايه عقب ما تغديـنا رجعت حجرتي رجعت لـ عالمي الكثيب ..رجعت و انا خايفه اذا تميت هني فتره اطول بها الحجره مليون بالمية برجع المستشفى ..ذرفت دمعاتي و انا اقول وينج حصه لو جفتي حالتي كنتي دشيتي علي الحجره تساليني شو مضايجني..يا ويل حالنا من عقبج ..كم من الوقت يبالنا علشان اتمين فـ قلوبنا و نتقبل فكره انج خلاص ما بتكونين معانا ...نشيت من الرقاااد ..يوم يت امايه اتوعيني ..
اامايه: شوق يمه قومي حميتج برع هي و بنتها ..
فجيت اعيوني : هاه حميتي !!
امايه: هي ام فتون يوو يبون يتطمنون عليج ...
قعدت وقلتهاا: ونـدىىى
امايه ظاهره من حجرتي: محد ندى يلا لبسي و تعالي يبون يتطمنون عليج ..
يا حظي..يبون يتطمنون علي غريبه جان زين ذياب مطرشنهم ..علشان يعرف اخباري.. ولا همه ولا اتصل ينشد ولا افتكر جنه ما صدق يبا الفكه ..زين عالاقل طرش لي ندى انا وايد محتاجتنهااا ...صليت العصر بعد ما تغسلت و بدلت ملابسي ...نزلت تحت كنت اسمع سوالف خالوه العوده مع امايه و و فتون مالها حس موليه ..
نزلت: السلام عليكم.
خالوه العوده واقفه: عليكم السلامه هلا يمه الحمدلله ع السلامه ..
همست : الله يسلمج..
سلمت ع فتون: شحالج فتون ..؟
فتون: ابخير اجر و عافيه .
قلتها: الله يعافيج..
خالوه العوده: قبل ما انييكم سرنا حق حليمه ..انواسيها يحليلها بعدها تعبانه و ضايجه..
امايه: ضناها الضنى غالي...
تنهدت ما ابا يطرون ايام الحزن خلاص.
طالعتني خالوه العوده : و شخبارج الحينه يمه..
قلتها: الحمدلله أحسن عن اول ..
نشت امايه طالعه من الصاله..
فتون: اختج شيخاني شخبارها يقولون وايد تعبانه ..
قلتها : وايد تعبانه بهدلتنا و خاصه امايه الحينه سعيد و سيف بياخذوننها العمره ..
خالوه العوده : و انتي بتروحين معاهم بعد..
قلتها: لا انا بتم مع باباتيه و امايه لازم حد يتم فـ البيت ..
ردت علي: وريلج..
ما عرفت شو ارد عليها فسكت ..
عقت علي رمستها : لي متى بتخلين ريلج ابروحه في البيت عيل ليش هوه معرس ..علشان تقعدين في بيت اهلج .
عضيت ع شفايفي كنت بنش و اروح حجرتي بس دشت امايه فقلت : انا و ذياب متفجين .
امايه: متفجين ع شوه ما يستوي كل ما قلتج قولي له خل ايينا قلتي مشغول ...
يا ربي يا ليتني ما نزلت و تميت بحجرتي احسن لي شو هاا الهـم ..
خالوه العوده: و الله ما ينعرف لهم عيال ها زمان ...
كانت زيارتهم ثجيله ع قلبي ..و ما ارتحت الا يوم راحوا ع أذان المغرب ...رجعت اعتكف فـ حجرتي ..اتصلت بي بدور : شو اتسوين ..؟؟
قلتها: ماشي يالسه فـ حجرتي ...ليش بغيتي شي ..؟؟
بدور: كنت ابا شيخاني بس ما اترد علي .
قلتها: ولا بترد عليج ..
بدور: الله يشافيها ..اقولج تعالي بيتنا بدل ها الملل الي قاعده فيه..
كنت بقولها بيي بس ما ابا اجوف شيفة اخوها موليه فقلتها : تعالي انتي ...انا ما اروم..
بدور: فقدت الفساااد...
ضحكتني: ههههههههههههه

بدور : يلالا بييج بس السيف وينه ..
قلتها: هاااااااااااااااااااه يعني بتيين علشان سيفاني ..
ردت علي : هي لاني ابا اتضارب معاه .
قلتها: و انتي كل اتضاربين ..متصالحه وياه ولا متزاعله معاه..
بدور: هههههه عيل ليش يصك التلفون بويهي ما يستحي ..
قلتها: بدور اخاف اطيرين سيفاني منج بهاي الحركات ..
بدور وااثقه: ما عليييييييييييييييج ها محد اييب راسه غير بدور ..
بالفعل بدور طلعتني من الجو الي انا فيه فقلتها: يلا تعالي بيتنا ..و بالمره نقعد عند شيخاني
بدور: اوكى بييب حمودي و موزي معايه باي "وصكرت التلفون بويهي"
دقايق و كنا في حجرة شيخاني ...الي كانت منسدحه ع الشبريه مب مهتمه بوجودنا ...و نحن قاعدات حوليها انسولف ...
بدور تضرب شيخاني: انتي بسج ..قومي عيشي حياتج ...الي صار صار و كلنا بنموت ..
شيخاني موليه مالها بارض اتأشر بيدها مب مهتمه ..فقلت : ان شاء الله تتحسن نفسيتها يوم اتروح السعوديه ..
موزي: يا حظج شيخاني بتروحين العمره ...
بدور: يا ويل قلبي ريلي بيروح عني..
شوق: هههههههههههه
موزي: اونج انتي ريلج ...من متى معرسه و نحن ما ندرى ..
بدور: ريلي سيف شو فيج موزي ..وينه شوق ابا اتضارب معاه اكسر راسه..
موزي: شو انتي ولد..
بدور: لا بنت ..
شوق : ههههههههههههه "التفت لـ شيخاني جفتها متفهتننا و موليه مب قاعده اتشاركنا صاخه "
بدور: يلا يلا عرسي و فكينا منج..
موزي: قاعده ع قلبج..
بدور: ويه ندى رفضت رشود جان بتيي مكانج فـ البيت بتسلينا..
شهقت: ندى خلاص ما تبا اخوج..
موزي: هيه و الله تضايجنا يوم عرفنا حتى ابوي وايد زعل ..
بدور : كل من هـا الحقـ..."و سكتت اطالعني حطت ايدها ع حلجها و قالت " سوري نسيت انه ريلج..
عصبت عليها: بدور ..ذياب ما يخصه ..ندى ابروحها رفضت ..ذياب لو ما يباه بس القرار الاول و الاخير راجع لهاا..
بدور: زين اسولف ليش عصبتي ..
موزي: اصلا ريلج ما يداني اخوي ..
قلتها بانفعاال: حتى انا ما ادانيييييييييييييه
بدور متفيجه اتنكت: عيل انا ليش احب اخوج ..
موزي: بدور عن قلة الادب ..."و تضربها بجتفها"
قلتها: كل شي نصيب "بداخلي استانست لان ندى خلاص رفضت راشد"
بدور: ما جفتي كيف راشد انصدم ما كان متوقع ان ندى ترفض ...
سبيـته بـ خاطري ..
موزي: هيه انصدم .. تذكرين بدور وايد حرج و طلع من البيت يهدد و يتوعد..
ردت بي الذاكره لورا .علشان جي هذاك اليوم دش علي ذياب و كان متضارب مع راشد علشان هالسبب ..تنهدت بعذاب الله يعينا .
دش علينا حمودي : عموه شوق ..عمي ذياب برع ..
الشاهد الله بدونك ضايق صدري يفز قلبي الى من جابك الطاري انا ذبحني غيابك وانت ماتدري قلبك بعيد وعيونك تسكن افكاري اسوق عمري غلا يوم الغلا مشري وابيع كل البشر واصير لك شاري

وقف قلبي يوم سمعت هالجمله ..فجيت اعيوني ...بس قلت بصوت عالي يوم جفت سيفاني ياي يدش الحجره و جنه ما يدري ان بنات خالوه داخل : سيفاني شي بنات داخل ..
بدور تضربني: خليه يدش عادي ..
موزي محرجه: لا و الله و انتي متكشفه..
بدور تغايضها: ريلي ..
سيفاني من ورا الباب : تعالي شوق ريلج برع ...
مشاعري و افكاري كلها تلخبطت ...ذياب ياينـي استانست ذياب يحبني ..كنت حاسه انه بيزورني و بقول لي سامحتج ...
قلتهن: بييكـن عقب شويه.
موزي: خذي راحتج ..
طلعت من حجره شيخاني و كان سيف يتريا برع : منوه داخل .
قلته: بدور و موزي ...
سيفاني يهز راسه بمعنى هيه .بس انا مب متفيجه لهم رحت حجرتي جفت نفسي بالمنظره .رتبت نفسي شويه و نزلت تحت ...طالعت ندى يالسه تحت ف الصاله عند امايه ..سلمت عليها ...
شوق: امايه فديتج ودي ندى فوق عند موزي و بدور ..
ندى : خاينات زين اتصلوا بي انا يايه صدفه ..
ضحكت: هههههههههه فديتج سامحينا ..
امايه: روحي ريلج برع ...
بلعت ريجي تذكرت ايام ملجتي ايام ما كنت اتروع كيف ادش له الميلس ...فتحت باب الصاله ...كنت بشهق جفت ذياب شايل بنته و كان معطني ظهره مدري شو كان يقولها او شو يراويها ..بس لفتني انه كان لابس كااب و بنطلون لونه اسود و قميص أحمر ما توقعته جي شكله عسول و صغيرون .
.صكرت باب الصاله بقوه علشان انبهه اني واقفه وراه ..ع طول التفت لي .

كيف نخفي حبنا و الشوق فاضح ...و في ملامحنا من اللهفه ملامح..عاشقين و نبضنا طفل حنون..لو تزاعلنا يسـامح..

.طاحت عيني بعينه ..يالله اشكثر اشتقت لها الانسان ...تمنيت اطيح بحضنه الوي عليه اقوله عن شوقي عن عذابي بغيبته ...كان ودي يجوف اشكثر عانييييت من فراقه ..و اني ما اسوى شي بدونه ...بس كل شي طار من فكري يوم صرخت مهره : عمووووووووووه..
نزلها ذياب و يت تربع صوبي حضنتها و تميت ابوسها: فديتج اشتقت لج وايد..
مهره: انتي ليش ما اتيين بيتنا ..
طالعت ذياب ما عرفت ابصراحه الاقي رد لها الطفله بس ذياب قال: يبتها لج لانها تسال عنج..
و كـأنه يقول لي انا مب ياي عشانج بس مهره تبا اتجوفج..
بستها: وحشتيني و الله ...
مهره: انا كل يوم اصيح ابا اتين بيتنا ...انتي ما اتحبينا..
لصقت خدي بخدها و قلتها: و الله اني اموت عليج "و انتي قطعه من ذياب و ما تبيني احبج"
مهره: حتى انا و بابا انحبج وايد صح بابا..
نزل ذياب نظره بالارض و جنه بنته احرجته ...كنت بضحك ع شكله ويه بس انقذه سيفاني يوم ظهر و معاه حمودي...نزلت مهره بالارض علشان تلعب مع حمودي..
سيفاني: تعال دش يا رياال شتسوي واقف برع ..
ذياب: لا انا بمشي مشغول..قلت اييب مهره لـ شوق ..خلاص عيل بتسافرون..
سيفااني: و الله ما أظن مب راضيين يعطوني اجازه قاعد احاول فيهم ..
ذياب: خلاص مب مشكله جان انته ما بتروح انا و شوق بنروح مكانك..
كنت بنقز و بطير من الوناسه و اقول هي بروح بس سكت شي منعني.
سيفاني طالعني: عاد شوق ما بتصدق بطير من الوناسه ..ودها اترووح..
طالعني ذياب بس انا صديت عنه حس سيفاني بشيء فقال : عيل عقب بتصل بك بو سهيل نتفج و بنجوف سعيد..
سلم عليه ذياب: اوكى ما يهمك..
سيفاني: مع السلامه..
ذياب: وداعة الله ...
تم ذياب يراقب سيفاني لي ما ظهر من البيت طالعني: بتروحين العمره ..؟؟
بلعت ريجي و قلت : هي بس مب معاك..
ذياب: تدرين انج ما بتروحين الا اذا انا رحت ..
سكت ما رديت عليه ابصراحه كنت اتصاارع مع دقات قلبي الي كانت ترقع بقوه ..
تجدم مني و زخ ايدي : وحشتتيني..
رفعت راسي اطلعه فشليت الكاب منه و قلته: جي احسن..
ابتسم: شحالج..؟؟
قلته: ابخير ..انت شخبارك..؟؟
رد علي: بجوفج ابخير ..
ما صدقت ان ذياب ممكن يكون مفتقدني موليه زين يعني يابت نتيجه هاليومين الي يلست فيها بيت ابوي...
طالعني: متى بترجعين ..؟؟
استهبلت عليه: وين..
طالعني: البيت..
سكت ماشي رد...................................
قال لي: مهره محتاجتنج..
قلته ابسرعه : و انته..؟؟
سكت ................."ماشي رد"
قلته و كنت بصيح: وايد اتعذبت بفراقك بس ها أهون علي من اني اتحمل تجريحك لي..
ذياب: ما بجرحج..
قلته: بتعاملني زين بس اذا صار لك موقف مع راشد بتييي اطلع غيضك كله فيني...
ذياب: ليش تظنين ابسهوله اقدر انسى ..
قلته: عيل كيف تباني اعيش معاك..
حسيت انه حرج فزخ ايدي بعصبيه: ان كان عليه ما ييتج موليه لاني سبق و قلتج وقت ما تبين اتروحين بيت اهلج روحي لكن الي كاسرني مهره لاني انا الغبي خليتها تتعلق فييج..
ييرت ايدي منه بعصبيه وصحت : انت ابعمرك ما بتتغير ..
ذياب بغيض: اتغير ع شوه ...
توه شحلاته من طريت له راشد تخبل علي ..
بلعت ريجي و زخيته: تعال انروح داخل نتفاهم "حسيت اني ممكن اقنعه اخيرا انه يسامحني دام انه افتقد وجودي معاه"
بس رص ع ايدي و جربني صوبه بكل دفاشه: انا انسى انج كنت ع علاقات مع رياييل قبلي مستحيل ...
كنت بصفعه ع كلامه القوي بس كان زاخ ايدي بعصبيه و بقوه و كمل كلامه: و لا تظنين انا فـ يوم بكون محتاج لج انا بغيتج اتردين علشان مهره بس
ضربته بجتفه بغيض وصحت بمراره: حرام عليك اتعذبني و الله حرااام...
رفع راسه و اجبرني اطالعه حتى دموعي هالمره ابد ما لينة قلبه علي و لا حركت مشاعره بالعكس زاد علي رمسه و قال: انا بتزوج عليج و انتي تمي هني خايسه فـ بيت ابوج ..
حاولت ادز ايده ابعيد عني بس ما رمت كمل كلامه : دفعي ثمن غلطتج و ها الي يتلاعب بذياب
يلست اضربه بصدره: انته ما تفهمني ولا عمرك بتفهمني....كل ها و ما دفعت ثمن غلطتي شوو..تبا اكثر اتكون روحي و حياتي هي ثمن غلطتي..يعني اموت علشان ترتاح
شفت الشر يتطاير بعينه و قال : انتي ما اتهميني ولا عمرج بتهميني ..و انا لقيت الانسانه الي صج باخذها و انا مغمض عيوني انها بتكون احسن عنج و بتكون ام صالحه لـ مهره..
شعور ياني حسسني ان ذياب قام يعق علي رمسات علشان اتغايض بس ..حتى انه ما كان يثمن رمسته ...تمنيت حد من اهلي يظهر برع علشان يحط حد لها المصخره بس سيفاني ظهر و سعيد محد منوه بنقذني منه..فجاه طاح المطر من دون سابق انذااار ..اختلطت بدموعي بماي المطر..كنت اصيح يأسه من هالانسان صحيح ماشي حل غير الانفصال ...
حسيت ان السما اتشاركني احزاني...اتصيح لحالتي...عطاني ظهره و كأنه ما يبا يتأثر بدموعي حسيت ان وقفتي مالها معنى خلاص و كل شي بيني و بين ذياب انتهى ...بس بغيت اعرف شي واحد منوه هاي الانسانه الي اختارها علي... و فضلها ع قلبي
رحت صوبه واجهته رفعت راسي اطالعه سالته : منو هاي...
طنشني فضربته بذراعه بغييض : منوووه ..
ما كنت اجوفه زين ابسبب المطر أمرني: روحي داخل عن تمرضين ..
بس ها الي فالح فيه دزيته : مب قبل اتوقلي من هاي ..اكيد اختك هي دلتك عليهاا لانها تكرهني ما تدانيني..
كان ذياب واقف و الظاهر انه هدى عكسي انا الي تخبلت ع طاري سالفه زواجه
فرد ابرود: روحي داخل ولا تقعدين اتخربطين بالرمسه ..
قلته بعناد: مب قبل اتقولي منو هااي..
المطر بدا يبللنا ..ذكرني بايييام ماليزياا بس طردت هالذكرى من بالي لانه مب وقته ..
صرخ علي : ما يخصج..
صكيت ع اسناني: انت اتقص علي..
حرج مره ثانيه: ما يخصج "ودز ذرااعي" روحي داخل عن المطر..
ييرت ذراعي منه و صرخت عليه : مو قبل ما اتقول لي منو هاي...كيف عرفتها ..؟؟ يعني انته كنت اتخوني...و انا عايشه معاك..
ابتسم يتطنز علي: ليش وحدج شريفة مكه ..
حسيت برجفه يوم زااد المطر علينا و غير البرق الي قام يبرق بالسماا روعني..و نظرات ذياب الي كانت تلمع كانت بعد مخوفتني..بس كلها ما منع اني اعطيه كف ع ويهه ..حسيت ان نظراته تغيرت ما جفت غير العصبيه ..كنت برجع لورا بس شهقت يوم رد علي الصفعه بس كانت اضعافها و ييرني صوب الميلس ...حاولت ابتعد عنه بس كان اقوى مني بوايد ..دزني بقوه داخل لميلس كنت بطيح بطيح عالارض بس يودت روحي...
كنت احس بلمسات ايده للحين ع خدي...
وقفت ابمكاني اصيح ارتجف من الخوف و البرد غطيت مكان صفعته و
صحت شرات الياهل بصوت عالي: انت حقير انا اكرهك ..
تم واقف ابمكانه يمسح ع راسه و كأنه ينشف الماي من راسه ..تجدم مني تميت واقفه ابمكاني اصيح ..لوى علي و كأنه يبا يدفيني ..كرهت روحي يوم استسلمت له ها بدال ما اضربه و ادزه بعيد عني مثل ما كنت احس انه احتقره بس انا الغبيه حطيت راسي ع صدره اصيح ..
رفع راسي خلني اطالعه غمضت اعيوني لاني خلاص ما عدت اتحمل عذاب هالانسان ..ما عدت اتحمل كلامه ولا تجريحه لي...و المصيبه اني اتعلق به و اشتاق اذا ما جفته اياااااااااااام .
همس : شوق ..
سألته بصوت واطي..: لي متى ..؟؟
فاجأني يوم قالي : ماشي حل غير ..........."سكت " ننفصل ..
رفعت راسي اطالعه و جني مب مصدقه الكلام الي سمعته ..حسبت ان يتهيأ لي ..بس يوم جفت نظراته لي عرفت انه جدي بـ كلامه لصقت فيه : ليش ليش
ذياب حاول يبعدني عنه : بس شوق الي صار اليوم وايد و خلافنا كل ما ياه يوم يكبر و يكبر...
ترجيته: نعطي نفسنا فرصه ارجوك ذياب ..

رمز:
أموت من فراقك و اموت من لقياك...و اموت من جورك و اموت من حنانك...كل قضاه يموت مره و يفداك..و أنا اموت الفين مره علشان ..
يلست عالارض عقب ما ابتعد عني و ما رد علي يلست اصيح بصوت عالي " لا تفكر دمعتك تكسر عيوني ..لا و لا بعيش في هم و كـدر .."..ظنيت ذياب بحن علي برق قلبه صووبي بس سمعت صوت الباب يتصكر من وراه ربعت صوبه بس عجزت اني افتح البا ب و اترجاه اكثر لصقت في الباب و يلست اصيح ..انا ابا هالانسان انا احبه ...تحملت وايد و صبرت ع اهاناته و اهانات اهله بس علشانه لاني اعتقدت اني بقدر اوصل لقلبه مره ثانيه ...
يلست اشاهق من الصياح يعني ذياب فعلا في باله وحده صج ولا ليش قال يبانا ننفصل ..رحت حجرتي اربع و انا متروعه من صوت الرعد و البرق ..حسيت نفسي تعبانه غمضتني روحي..قفلت علي الباب و انا اسمع ضحكات و صرخات مهره و حمودي بالممر...
.كنت اصيح و بعدني مب مستوعبه اني ذياب قال خلاص ننفصل ..هاليله قضيتها ما بين الدموع و الوونات و ما بين الصلاه و الدعاء علشان ربي يفرج همي و ع هالسبب نشيت الصبح بكسل مب رايمه افتح اعيوني ظنيت ع دقت الباب ان ورقة طلاقي وصلت اكيد اهلي بجتلوني ...اكيد اليوم موتي...شو صابه باباتيه شو صابها امايه ..ربعت ابسرعه صوب الباب ارتجف..
فتحت و انا اتوقع ورقه تنمد لي بس ارتحت يوم جفت امايه اتقولي : بسج رقااد حشى ...
عطيتها ظهري و انا احمد ربي الف مره ان ذياب بعده ما قالهم انه طلقني..لحقتني امايه
قالت لي: بسم الله شو فيج ...
قلتها : ماشي..
امايه: جفتي ويهج بالمنظره جنج وحده ميته شو فيييييييييييييييييج
صرخت بعصبيه: ماشي ماشي ماشي ..
و غطيت ويهي ببدي و يلست اصيح منهاره كانت امايه اطالعني مصدومه من حركتي بس عقبها حضنتني و لوت علي..اول مره احس بالفعل اني محتاجه حصه فيلست اصيح بصوت عالي
قلتها : انا تعبانه ماماتيه تعبانه ابا امووووت ...
امايه بدت اتصيح: بسم الله شو فيج ...شو مستوي فيكم يا عيالي ..
ابتعدت عن امايه و رحت ايلس ع طرف الشبريه امسح دموعي يوم دش علينا سعيد: شو السالفه ..
امايه:ما ا دري اختك ضايج حالهااا مدري من شوه ...؟؟
قعد عدالي سعيد و حضني : شو بلاج حياتي..؟؟
حطيت راسي بصدره و كنت اشاهق و ارتجف سعيد يسالني بصوت حنون : شوق..؟؟
غمضت اعيوني : ليت الموت خذني قبل حصه ..
امايه من سمعت هالعباره يلست اتصيح بصوت عالي حتى سعيد حسيت انه تضايج ..فلوى عليه
سعيد: اماايه خلني معاها ...؟؟شويه ..
ها الي ما كنت اباه ما ابا سعيد يسالني شو السالفه وشو مستوي ...اخاف يضغط علي و عقب افضح المستور كله ...علشان جي تميت ساكته..
امايه و هي ظاهره: لا حول ولا قوة الا بالله ....
سعيد : شوق..
قلته ابسرعه: ما ابا ارمس عن شيء.
سعيد بحنان: زين انا ما ابا اسالج عن شي موليه ..لاني اظن هالسبب متعلق فيج شخصياا
رفعت راسي اطالعه مب فاهمه قصده ..كمل كلامه: انا البارحه ما كنت موجود بس خبروني ان ذياب ياااه فاستبعدت انج متزاعله معاه ..
ما كنت فاهمه كلام سعيد علشان جي تميت ساكته خفت لا انطق بشيء و تطلع الفضايح ...
قال : حتى الحينه انا اكيد ضيجج مب مرتبط بـ ريلج لان ياني مستانس عقب ما اتفجنا امس فـ ليل ان انروح العمره باجر..
قلته مب مصدقه: انا بروح العمره ..
سعيد: انتي و انا و شيخاني و ذياب..
صرخت: ذياااااااااااااااااااب
سعيد: ههههههه هي بلاج مب مصدقتني ليش البارحه ماقالج جدام سيفاني انكم بتروحون العمره ..لان سيفاني ما بيعطونه اجازه ...
هزيت راسي بمعنى هيه لان فعلا ها الكلام الي صار ....
قلته اتاكد: ذياب بيروح معانا ..
ابتسم: هييييييييييييه ...الحينه لازم اتروحين بيتج علشان تزهبين اغراضج..
سالته : جم بنتم هناك ...؟؟
رد علي : يومين في المدينه و ثلاث تياام في مكه ..
تنهدت يعني ذياب بطلقني عقب اسبوع ...بلعت ريجي و الله انا موليه مب فاهمه ها الادمي...يقول بطلقني و الحينه سعيد يبشرني انا بنروح العمره ...ابرايه ..ما لي علاقه بـ ذياب المهم بروح العمره ..و انا محتاجه لها السفره حالي حال سعيد ..و شيخاني..
يير خشمي و جنه يذكرني انه موجود : اييييييييييه وين وصلتي ..
ابتسمت له : معاك ..
سعيد: زين الحينه خبريني من شو متضايجه و ليش كارهه حياتج..
وقفت و مدري شو الي خلاني اقوله : عقب ما نرجع من العمره بخبرك ...
يمكن قصدي ان عقب ما نرجع و ذياب يطلقني بتنكشف الامور و ما يحتاي اخبرك يا سعيد عن شو الي مكرهني بحياتي...
سالته: شيخاني درت ..؟؟
قال لي : استانست و الحينه قاعده تزهب شنطتها ..
قلته: زين بتاخذني البيت علشان ازهب شنطتي ...
سعيد : طيارتنا باجر بتكون 12 الظهر ..يعني عندج وقت جان ريلج مشغول اليوم ..يوديج باجر ..
عضيت ع شفايفي كيف اطلب من ذياب ايي يخذني عقب الي صار من بينا البارحه انا خلاص موليه ما برمسه و ما بيني و بينه اي شي موليه ...
قلته: خلاص يصير خير ...
باسني سعيد و ظهر من حجرتي ..حالتي النفسيه تحسنت وايد ..انسدحت ع الشبريه افكر كيف اييب لي ثياب من بيت ذياب ...نشيت و اتصلت بـ ندى .
ندى : هلا بالي اندست عنا البارحه من جافت ريلهااا ..
ابتسمت: شحالج ندوي ..؟؟
ردت : انا بخير ..مب جنج طولتي متى بترجعين ..
يعني ذياب ما قالهم شي ..
قلتها: ما دريتي انا باجر بنروح العمره ..
ندى: امبلى علشان جي اقولج من اتيون ع طول اتين بيت ريلج استحي عاد ..
قلتها : ان شاء الله ..
ندى: شو قاني بلاج مب طبيعية شو مكدرنج اعرفج زين ترا ..
قلتها: ماشي يمكن لاني مصدعه ...اقول اترومين اتزهبين لي شنطتي الله يخليج..
ندى: هي عادي و الله بس انتي ما بتيين شوه ..
قلتها: لا انا تعبانه ..
ندى: عيل كيف باجر بتسافرين ..
قلتها: ان شاء الله باجر بكون احسن ...الحينه بتزهبينها لي ..
ندى: ما طلبتي
قلتها: تسلمين بمر المغرب باخذها ..و بسلم عليج بالمره .. ديري بالج ع مهره ..
ندى: من اعيوني.
قلتها : زين خلاص انا بخليج الحينه بروح اتغداا ..
ندى: هني و عافيه ..ع فكره ترا سالفه الصداع مب داشه بالي بس ما عليه بنطوفها لج هالمره ..
ضحكتني: هههههه في أمان الله..
ندى: مع السلامه ..
انسدحت عالشبريه ...بعد ما صكرت عن ندى يا ربي شو بيصير بعدين ..انا وايد خايفه من الاياام اليايه يا الله شو بصير لناا ..عقب المغرب اتصلت بـ موزي
موزي: ها قلتلج ما بركبج سيارتي جان ما حضرتي ملجتي..
قلتها: موزي جان بتذليني بصكر عنج الحينه ..
موزي: بسم الله شو بلاج اسولف معاج ..
شوق: مدري ليش انا متوتره ..
موزي: يمكن من باجر علشان السفر ...
قلتها: دريتي اني انا بروح بدال سيفاني ..
موزي: هي درينا يلا امر عليج اوديج بيت هالتعبان..
مدري ليش دافعت عنه: موزي لا اتسبينه حرام ..
موزي: زيييييييييييين يلا ظهري برع
قلتها: اذا حمودي عندكم ييبييه ..
موزي: حمودي مع ابوه ...
شوق: اوكى باي..
قلتها: فـ أمان الله ..
عقب ربع ساعه كنا انا و موزي واقفات عدال بيت ذياب ...كنت اعرف بها الوقت ذياب ما يكون موجود علشان جي اخترت هاللحظه اروح اييب شنطتي و عقب ما ارجع من العمره بشيل اغراضي كلهاا ..بيت ابوي ع قولتهم ارحم ...
موزي: بترياج ..
قلتها: ما بتنزلين ندى داخل ..
موزي اتاشر بيدها : لالالالالالالا شو انزل ....
قلتها: اوكى ..
نزلت و قبل ما ادش البيت حسيت برجفه ...و خوف بي طردت هالشيء من بالي ..و كملت طريجي دخلت الصاله ...جفت مهره منسدحه ع الكنبه الظاهر كانت اتطالع رسوم و رقدت رحت صوبها بستها غمضتني وايد وقفت يوم سمعت حس ندى من وراي : شوق !!
التفت صوبها و سلمت عليهاا
ندى: بلاج داشه شرات الحراميه ...
قلتها: لا مستعيله ..
طالعتني ندى و قالت : انتي مب طبيعيه ..شو فيج ..خالي مضايجنج بشي ..
ما بغيت اضيع وقت و غير ان موزي برع تترياني ...رحت صوب الدري و انا اقولها نفس كلام
سعيد: يوم برجع من العمره بخبرج بكل شي يصير ..

ركبت معاي ندى لين ما وصلنا حجرتي اقصد حجرة ذياب ....
ندى : جوفي الاغراض الي حطيتها لج داخل الشنطه ...جيكي يمكن اشياء ما تبينها ..
قلتها : مب لازم ..
كنت ابا اهرب من كل ذكرى حلوه في ها الجناح ...طاحت اعيوني ع صورتي و صورة ذياب موجوده ع التسريجة و فـ برواز ..
طالعت ندى ابتسمت: حطيتها انا ..حق شو داسينها فـ الكبت..
سألتها: جفتي ألبوم عرسي ..
ندى: هيييه حتى خالي راوانـي شريط فيديو في ماليزياا ..مينونه انتي ما قعدتي هناك فتره طويله..
عقدت حياتي : متى صار كل هاه ..؟؟
ندى: من يومين بس ..كان يبا يراوي مهره كانت اتصيح تباج فسكتها بهاي السوالف ..
قلت بصوت واطي : فديت مهرتي .. و الله .."تذكرت موزي" يلا بروح موزي تترياني برع ..
ندى : بزقر ميري اتيي اتشيل عنج الشنطه ..
كنت بقولهااا ما يحتاي بس ظهرت من الحجره ....فتحت ادراج التسريحه كنت ادور كاميرا الفيديو اذكر اني حطيتها بها المكان ..بس ما جفت شي مدري وين حطها ذياب ..سمعت صوت الباب ينفتح فقلت
ميري: هذي الشن................................."سكت يوم جفت ذياب بطوله ساد الباب"
...أحب الوصل لعيونك أنا يا شوق مجنونك أتشد عنك يا غالي عساك بخير و شلونك

رجعت ورا ابخوف بس عقب تداركت الموقف و صديت عنه ما ابا اعيونه تأسرني ولا اباها اتغير رايي و قراري ..
حتى هوه من نظراته ما أظن غير شي من قراره بخصوص الطلاق خله يشبع بالي يعرفها ...
يت ميري فقالها ذياب: ودي الشنطه بـ سيارتي ..
التفت ابسرعه اقولها : لا خذيها .........."سكت لانها ما اتعرف موزي فكملت" خليها انا بروحي بوصلهاا ..
بس سبقني ذياب و قال : موزي روحت ..
طالعته بعصبيه: منو سمح لك اتمشيها انت ع كيفك..
رفع حياته : كيفي ما ابااها توقف حذال بيتي ..
حطيت ايدي بخصري : يا سلام ...
طنشني ذياب و قال حق ميري : ودي الشنطه سيارتي ...
لفيت علي الشيله ناويه اظهر من الحجره بس جفته واقف ابمكانه بطلت اعيوني اطالع يوم صكر الباب وراه قلته: انا بروح بيتنا ...
قال ابرود: ها بيتج..
حسيت بالغيض لان حسيت ان ذياب يلعب بمشاعري و احاسيسي و مليون راي له ..ولا يمكن يقول لي ها الرمسه علشان يغايض بي و يقهرني ...
صديت عنه و قلته : انت ما تباني و انا ما ابـاك ...
تجدم و يلس جريب مني: تمي الليله هني ..
وقفت : لااااع
زخ ايدي و يلسني و قال و شكله طفران: بس تمي الليله هاي شو بيقولون اهلج صار لج ايام فـ بيت اهلج..
ما كنت ابا اجوف اعيونه .. ولا استسلم للمشاعر الي بدت اتخوني ...
قلته: انت قلتلي وقت ما تبين اتروحين بيت اهلج روحي..و انا خلاص قررت ما اباك...
ذياب : ولا حتى عشان مهره
تطنزت عليه: عودها ع حرمتك الي اخت.............."ما قدرت اكمل"
تم ذياب ساكت و حسيت انه قاعد يطالعني كنت بصيح فعضيت ع شفايفي امنع دموعي ..
وقف و قال بصوت كله اسف: يالله بوصلج زين ..
شليت شنطتي و لحقته ..
ارجوك تنـساني و انا اوعدك بنساك و انسى اني كنت بحياتك حبيه ..مدام غيري عايش الحب وياك ما اريد اكون بوسط قلبك غريبه...كنت افتكر فرحي ع كف يمناك.. و احلم اعيش العمر منك قريبه ...لكن فرقنا القدر يوم لقيااك الله و اكبر يا الظروف العجيبه ..

 

[دلوعة الزهور]

رد: خل العذول موطـي الراس منكوس..* معاني..*

بل:h_9admah: للحين انتو ما كملتو القصة:h_9admah:

انا قريتها مرتين على التوالي:mf_cupidh وافديت معاني انا بس و قصصها و كتاباتها

مشكلة اني احبها موت هالحشرة و لا جان من زمان فالعه عمري باكبر ملاس ع راسي من زود الشوق بسبة قصصها

خخخخخ ابشركم على هالقصة انا تميت مواصله يومين اقراها :m_shoo: لاني ما ارقد و انا متهنية و بالي مرتاح الا يوم خلصت القصة و دريت بالنهاية و لا مافيني على حرقان الاعصاب و الكوابيس بشوق و ذياب:h_yalahwy

قراءة ممتعه.. تسلم معاني و يسلم قلمها الذهبي.. :mf_cupidh



.•:*¨`*:••دلوعـــــــــــــــــ الزهور ــــــــــــــــــة.•:*¨`*:••

 

[الوصلاوية]

رد: خل العذول موطـي الراس منكوس..* معاني..*

انا بعد يومين ما رقدت امي خافت على ههههههه
بس هم شكلهم ما يبون القصه ما احصل تجاوب كيف تبونى انزلها


الوصلاويهـ