كِلمَا ضَمتْ عيُوني مِنك طِيفْ يَا بعدْ كِل الطيُوفْ . .
قِلت مَا مثلكْ على الدِنيا وصِيفْ لا حَشا مَالكْ وصُوفْ ;`
.
. ♥
.
.
السَلامنْ عَليكمْ ورَحمة الله وبَركاته . . صبّحكمْ ومسّاكم الله بالخير :fafaf:
غوتن مورغن . . في غت ايس . . ؟ شو رايكم فيه وانا ارمس الماني حسستكم صح :w'7:
شرات ماوعدتكم امس اليوم ببدا أول يومياتي في سفرتيه اللي استمرت 14 يوم تقريباً . . امايه و ابويه من اشد المعارضين للسفره بسسب البروده لي بتكون في اوروبا . .
وبعد مظاهرات ومعارك طاحنه ولواته وسياسة الإقناع . .
وافق ابويه يسلمني الجوازات . . وخلصت امور الفيزا لي ولـ اخواني . . شنغن - وأول محطة ألمانيا . .
وحتى بعد انتهاء الفيـز مازالت امايه متردده . .
بعدها توكلنا على الله وحجزنا التكيت . . وكان واحد منّا هب موجود . .
اللي هو الكايد كان في امريكا ومخلص فيزته قبل مايروح . .
بعد ماوصل قبل سفرتنا بـ 5 ايام . .
تكفل هو بحجوزات الفنادق . . ( متأخرين جداً ) . . انا كنت مشغولة في الدوام وماقدر اتنفس واخلص شي :eh_s(1):
ماكنت اعرف وين حجزوا وشو سوّو . .
كنت ارجع من الدوام ارقد وانش واروح الدوام وارجع ارقد مافي وقت . .
قبل السفر بيوم بس فضيت رحت خذت لي ملابس للبرد ورتبت اغراضي . . وتوجهنا لـ مطار ابوظبي الدولي . .
في المطار بدا الكايد يسرد عليه مخطط سفرنا بالضبط . .
وكانو افراد الرحلة ( غناتي - الكايد - اختيه - واخويه الصغير حمد haah )
ومع السلامة بوظبي . .
كانت رحلتنا في الليل وحاولت ارقد مارمت -_-"
ووصلنا مطار ميونخ . . تقريباً 6 الفير بتوقيتهم . . وهيّا الى الفندق . .
كان مطر والجو باااارد . .
يعني جيه تتنافض من البروده wahh
ووصلنا الفندق تنفست الصعداء لانه اللوبي دافي . .
اللحينه شو المشكلة . .
الفندق مايسوون جيك ان الا عقب الساعة 12 الظهر :ili:
واسواقهم ماتفتح الا 9 -___-"
لين يا الفرج واستوت الساعه 9 تقريباً . .
وهذاك الوقت طبعاً الشمس بعدها هب طالعه وكانت الدنيا مغيمه . .
قبل مانروح المانيا اخواني ماخذين فكره لا بأس فيها عن الأماكن لي ممكن نروحها . .
واهم شي عندهم شووبنق :212:
فـ بالتالي رحنا المارين . .
هالشارع او الساحة معروفه . . بمحلاتها وفيها مول يحتوي ع الماركات . .
وبنص الساحه اكشاك صغيره للورد والسوفنيرات والأكل وغيره . .
كنّا يواعا . . فدخلنا اول كوفي صادفنا عسب نتريق . .
وندفّا بنفس الوقت . . اول يوم ماكنا ماخذين احتياطاتنا باللبس واغراضنا في الكونسيرج . .
من بعدها عملية استكشاف المارين wahh
طبعاً البقعة كبيره وممتده في اماكن متفرقه . .
وان شاءلله بنزل لها موضوع منفصل في برزة التصوير . .
لاني مابى اظلم الصور هني بحجم صغير وماتبين التفاصيل وايد . .
يشدك شكل الكنائس والمباني الأثريه وطريقة تصميمها . .
شي عجيب ومن كم سنه يا ترى بانين هالأشيا . .
شكل الأكل لي ينباع في الأكشاك يشّدك . .
مع انّي من النوع المتحفظ وما اجازف وايد في انّي اذوق اي شي حتى في مطاعمنا . .
هالمره قلت بغامر وطبعاً هب اي شي بجربه لازم شي نظيف وخالي من اي كحول او غيره . .
وبدت تجارب تذوق كل شي يشدني :ml7:
وعلى مدار الساعات وتجوالنا في المارين بدت تجربه بعد الثانيه . .
هذا الشي لذييذ . . مكسرات تكون حاااره يعني HOT وفيه شويه سكّر . .
وهذا الشي انا ماجربته . . حمد جربّه بس جيه بطاطا مقليه . .
جربت عليه هو اول :ml7:
ومن بعدها يمي . . خبز حار عليه جبن . .
واايد عجييب timo
بعد ماتجولنا بين المحلات والأكشاك . .
وبدت سلامة تلقط من السوفنيرات " تذكارات " براويها لكم خلاف . .
دخلنا المول الموجود هناك . .
فيه ماركات مثل LV وبرادا وبربري وغوتشي وغيرهن . .
وفيه دبارتمنت ستور كبير وايد بعد . .
وسارو اخواني يتغدون وانا كنت شبعانه من الخربطان لي كلته . .
لين هذاك الوقت . . يت الساعه لي نقدر نسوي فيها جيك ان . . وتوجهنا للفندق . .
اذا كنا من قبل رايحين الفندق بنرقد ومابنش . .
واسواقهم تبند 8 . . يعني مابنلحق ع شي ابداً . . خاصه انه اليوم اللي عقبه بيصادف الأحد وكل شي مبند . .
فـ كانت فرصه حلوة انه رحنا المارين . .
وبعده باقي وقت عن يبند سوقهم . .
واخواني عيبتهم السالفة . . بيسيرون المارين مره ثانيه :ili:
وسرنا نفس المول لي يبونه -__-"
وهذا شكله من داخل . .
حاطوه طول بعرض . . متفيجييييين . .
ها سلامة عيبج شي . . ؟
انا : هي عيبني ابى هذا :ah:
فراش عليه خيييييييييييييل ♥♥♥♥♥♥
حصلت نظره من الكل نفس هاي بالظبط ( :ko:: )
انزين ليش اباااااه مايخصني :a050:
بعدها طلعنا برع نتسكع في شوارع ميونخ . .
البروده فضيعه . . كنّا نلبس من كل شي 2 :212:
كانت بعض المطاعم بعدها فاتحه . .
ودخلنا نتعشى . .
أنا ما آكل غير مارغريتا طبعاً . . دوومي مخالفه بأكلي مع اخواني عكسهم في كل شيoo:
ردينا الفندق نرتاح ونستعد لليوم اللي بـعده . .
هذا اول يوم لنا في ميونخ واتمنى الأجزاء القادمه تكون خفيفه عليكم وتستمتعون معايه :rose:
.
. ♥
.
.
أنا بِنت عودٍ قليلْ العذاريبْ . .
كم ديرةٍ من طيب أبوي اعرفتني
نكمل رحلتنا في ألمانيا . .
وبصبح الأحد . . صباح الخير يا ميونخ wahh
هذا اليوم يعتبر اجازتهم الدينيه طبعاً فـ كل شي مبند . . الحمدلله ----> وحده ماتبى تروح السوق :eh_s(6):
فـ قررنا نسير اولومبيك بارك . . واخويه سلطان كان ناعت لنا المكان . .
لانه من فتره بسيطه كان راجع من هناك . .
وسرنا الحديقة . .
وايد حلو المكان . .
وكان الجو بارد بس شمس . . لكن لطيف جداً . .
منو يبى جريييب :^^:
تمشينا في الحديقة كلها . .
وفيها محل للسوفنيرات . . وفيها مطعم . .
وفيها البرج العود بعدين بوديكم . . وفيها مسبح الالومبيات ضخم جداً . .
وجانب آخر من الحديقة . .
بعدها سرنا نتغـدى . .
من خلصنا غدا رحنا بنركب البرج . .
من خلاله نشوف ميونخ كلها . .
تخيلو قبل ما ندخل البرج جيه كان الجو برع . .
الأوضاع عاديه صح برد بس ماشي غيم الا خفيف . .
يوم طلعنا الجو كان يميل لـ السواد . . اختيه تقول : ماتحسون الجو غرييب . . ؟
هههههههههههههه فجأه ثلج قوي يطيح . .
وبـ دقايق الدنيا جيه استوت . . يا سبحان الله
ركضنا اندسينا في مكان لين هدئت الإمور . .
بس والله شعور حلو وانا الا آكل ثلج . .
وإهداء للبرزة الغاليه :fafaf:
من بعدها الدنيا ردت مثل قبل . .
وقالو اخواني بيرحون معرض الـ BMW . . قريب من الحديقه وتسير له مشي . .
يفصل بينهم جسر . .
ووصلنا المعرض . .
وبجانبه مُتحف الـ BMW وعارضين فيه الموتر المكسر اللي استخدمه توم كروز في آخر فلم له موشين امبوسبيل . .
الصراحه ماصورته بس اخواني صوروه -_-"
لين بدت الأسواق تسكر . .
رجعنا الفندق . . واليوم اللي عقبه غيرنا مكان سكّنا . . oo:
لانه الفندق لي ساكنين فيه حالياً ( سي بيرج ) وايد بعيد عن الداخل ومكان المحلات . .
مع انه يطل ع البحيره شي رائع . .
بس بعد المكان لي سرنا له احلى بواااايد . .
ووصلنا الكوفي . .
وطبعاً خويتكم ماكلت شي ابداً لاني ما آكل بيض وكلهم طلبو نفس الشي . .
وانا صدق اكره نفسي مرات معاناه ما احب اي شـي haah
بعد ماخلصنا رحنا نتمشى في شوارع لوزيرن . .
وسرت اصرف فرنكات . . ماكان عنديه غير يوووروات ----> جمع يورو :wnash:
ونحن نتسوق . .
شفت اولاد رادين من المدرسه جذبني شكلهم من بعيد وكل واحد ماسك كرة ثلج في ايديه . .
حاولت اصوره من بعيد انتبهو لي ربعه وأشرو له اني اصوره ابتسم لي :shyy::qlb::ah:
سرت اشتريت خبز عشان ااكل الحمام . .
واستويت اعشق هالشي واسويه كل يوم . .
مدلعتنهم بعد آخذ لهم فيه سكّر :3nb:
تسوقنا لين حان وقت الغــدا . . حيّاكم الله اقربــو . .
رجعنا الفندق صلينا ورجعنا طلعنا . .
سرنا المتحف . . وباجر بوديكم واحد ثاني احلى . .
هذا المتحف جريب من محطة القطار عداله ع طول . .
انزييين . . ممنوع فيه التصوير . .
فيه ابداعات ومواهب جيه تصوير وفيه رسم . .
والصراحه الصراحه فيه اشيا مال الميانييين غريييبه :ml7:
وفي بعد ابتكارات حلوه . .
تسكعنا ليلاً في شوارع لوزيرن . .
وفندقنا من بعيد . .
دايماً اكرر شكري لـ كل المتابعين . .
لاعدمت بصمتكم الجميلة :shyy:
بعد آخر يوم في لـوزيرن . .
كانت محطتنا التاليه ( جنيــف )
وصباح لوزيرن كان جميل ويفتح النفس كعادته . .
صـباح مُمطر . . وكأنه لوزيرن تودعني بالشي اللي أحبـه وأعشقه . . صوت المـطر . .
ذاكرتي سيئة قليلاً في الأوقات . .
قطارنا كان الساعه 10 يمكن !!!
بعـد ساعات . . لاتسئلوني كم !!
اذا ماخاب ظنيه ساعتين 45 دقيقه . . ؟ يمقن هيه يمقن لا . .
ووصلـنا لـ جنييف . .
لـ الوهله الأولى حسيت بدفأ وإنها ادفا من لوزيرن وميونخ . .
لكن فاجئتني بجوها المتقلب وبردها اللي يصقع في العظم وشمسها احياناً . .
توجهنا للفندق . . novotel geneva . .
حلو الفندق وموقعه جيّد . . تمشي لمسافة قليله للوصول لبحيرة جنيف المشهورة . .
تحتنا دكان البائع فيه مسلم جزائري . . سألته يوم وصولنا . . عندك بوصله . . ؟
قال لا . . ودلني كيف القبلة واكمل عبارته " اهم شي النيه في القلب " oo:
حطينا أغراضنا . . صلينا . .
وتوجهنا نحو البحيره . . ساعدتنا اختيه لانها لها زيارات سابقة لجنيف . .
ولها معرفه لا بأس بها بـ الشوارع والأماكن . .
بدينا نتمشى في شوارع جنيف . .
وبالأخص بحثاً عن مانور لي يبعد مسافة بعيده قليلاً -----> ماشي لياقه :bad:
مانور وهل يخفى القمر . . ؟ مانور كان شي منه في لوزيرن وسرناه بس لا يقارن في مال جنيف . .
عباره من ديبارتمنت ستور . .
ونصيحة من غناتي اختكم الصغيره timo
اذا كنت ساير جنيف لا تتعب وادور اماكن للصوغه توجه لـ مانور . .
فيه كل شي حتى الجوووكلييييييييت wahh
طلعنا من مانور . . واكملنا سيرنا في طرقات جنيف . .
المدينة الجديدة . .
دورنا مطعم ودخلنا نتغدى . . والله هو عشا وغدا . .
قدها الساعه استوت 6 المغرب :ko::
جنيف كانت ممطره وبارده فقط . .
لوزيرن كانت تسعدني بالثلج :a050:
الكايد يقول انه البيتزا مال هالمطعم احلى بيتزا كلها في حياته ViV
وكلمنا جولتنا . .
والماركات عدال بعض كلها . .
ونصيحة ثانيه من اختكم . . اذا في يوم من الأيام كان مخططكم مثل . .
جنيف بعدين باريس . . لا تشترون اي شي ماركة من جنيف . .
اسعارها غاليه بواااايد مقارنه في باريس :msafer:
بعدها بردت الدنيا بزياده . .
وحل الظلام وباقي شوي بتبند المحلات . .
رجعنا للـفندق . . وجيه تكون انتهت رحلتنا لـ أول يوم في جنيف
.
. ♥
.
.
A girl should be two things : classy and fabulous <3
شكراً جزيلاً . . بحجم السمَاء لكل شخص اعطى مدونتي جزء من وقته . .
ماعليكم زود والتحايا لكم مراضيف :rose:
وصلنا عند اليوم الثاني في جنِيف . .
هذا اليوم كان فرصتنا الأخيره بـ انه نتسوق وناخذ لي نباه من جنيف . .
لأنه اليوم اللي بعده بيصادف اجازة الكرسميس . . وكل الأسواق مبنده بإستثاء بعض المطاعم . .
وبعده بنغادر إلى ديزني wahh
كان الجو بارد ولطيف في نفس الوقت . .
وبديت نتمشى . .
احينه فهمت ليش دايماً يقولون الناس صدق جو اوروبي . .
احساس مختلف بالفعـل . . بس دايماً المطر والغيم في بلادي غير . .
كانت مهتمنا الأولى البحث عن شي في خاطريه . .
وعرفت انه في جنيف . . واخويه الكايد ماقصّر دوّر موقعه ع الخريطه . .
واتبعنا الإتجاه مثل ما شفناه . .
ووصلنا المكان . . وهذا من برع . .
عرفتوه ولا لا . . ؟
صح إنهّ لادوري wahh
بس وااايد صغيروني . . يعني قرقور . .
حتى ماشي يلسه او تروم تطلب شي ساخن للشُرب . . وبعد زحمه . .
المهم ما استسلمت ووقفت انتظر دوري . .
وبعدها اكملنا التجوال بين المحلات . .
وما اقدر اوصف لكم شعوري في تِلك اللحظات " وحده يائسة ماتبى تفتر في الأسواق " :ko::
وحـان وقت الغدا . .
واخواني اكتشفو مطعم هندي - ايراني . . وعيبهم وطاحو فيه يومين ورا بعض . .
ماعيبني غير الكراسي :ml7:
وطبعاً مايحتاي اخبركم عن خويّتكم لي ماتاكل اي شي ------> انقلعي مبزايه وبطرانه :h3:
شو تبين تطلبين سلامة . . ؟
ابى : جيز نان . . بس ؟ هي بس . . ما أحب الأشيا الثانيه :ili:
ونحن راجعين في طريق الفندق . .
لفت انتباهي كوفي من بعيد وشكل المينيو اللي ع الطاولات . .
فـ قلت لهم يوم بنطلع خلاف بعزمكم عليه . .
طبعاً اخواني ما أبدو اي معارضه . . مال بلاّش كثّر منه :3nb:
بما انه اليوم خمييس . .
وتوني مبندة التليفون عن أغلى صديقة ونبضي منى بعد فضفضة ساعة متواصلة . .
تحمست انّي انزّل الجزء الأخير من زيارة جنيف . . ولانه مافيه وايد احداث فـ جمعت يومين مع بعض . .
قلت حق الكايد وحمد يالله بنصوركم صور فنيّه . .
حاولو تسوون لي قلب . . وجتلوني من الضحك . .
طبعاً حمد القلب لي مسونّه معوّق . .
والقلب لي ع اليسار تحت فضييع وجريمه في حق القلوب الموجوده ع الدنيا :awxc:
بعدها كملنا مشي في جنيف . .
وصلنا الطرف الثاني من البحيره واكتشفنا الأماكن الموجوده هناك . .
مجرد انك تمشي وتتطالع وتصور بحد ذاته متعه . .
مشينا مسافات طويله وبعدها حان وقت الغدا . .
قلت لكم ردّو تغدو في نفس المطعم القبلي . .
وهذاك اليوم جربّو الجيز نان يوم طلبته وعيبهم . . وطلبو معايه زياده :nmnm:
ردينا الفندق صلينا وردينا طلعنا جريب العصر . .
توجهنا صوب السوق . . تعرفون عاد ع طول الرصيف . .
شي فرق موسيقيه تعزف مثلاً او حد يسوي حركات معينه وانت تحط لهم بيزات . .
ما استغربت غير من هذا . .
كيف جيه يالس بدون كرسي oo:
بعدها سرنا السوبرماركت ناخذ لنا خرابيط حق يلسة الفندق المسائية . .
اليوم اللي بعده . . آخر يوم في جنيف . .
كان موعد قطارنا جريب الضحى المتوجه الى ديزني . .
حبيت اودع البحيره واصدقائي البط وشلتهم :cm:
شكراً من قلب غناتي لـ كل عضو وعضوة في برزة الشحوح متابعين لـ صفحات بقشة عيايز . .
ماعليكم زود w0w
وصلنا ديـــزني " فيـس كلّه قلـوب " wahh
سكّنا في الميريوت - Marriott s Village dlle-de . .
ونصيحه منّي مكان ولا أحلى لا تترددوون في اختياره . .
من اسمه ماكان فندق كان عباره عن فلل في مجمع سكني . . المكان آمن وحلو . .
وكله سكيريتي . . صدق استانسا من بعد الفنادق وغرفها . .
حياكم الله اقربو . . هاي فلتنا ع اليمين وفي الصور المنظر اللي اطل عليه من ورا . .
الطابق السفلي . .
الصالة وغرفة الطعام . . ونسيت اصوّر المطبخ . .
الصراحه فيه كل شي . . غسالة ملابس وغسالة صحون ومن الصحون لين الجيك لين الخاشوقه هب مقصرين :eh_s(6):
اليوم لي وصلنا فيه ماكان في مجال نسوي اي فعاليات . .
يعني لازم تروح ديزني من الصبح عسب تخلص من وقت وماتصطك في الزحمه . .
وديزني نفسها مافيها شي غير ديزني لاند و لافيلاج اوت لت . . يعني هالمدينه والفنادق المبنايه بس عسب ديزني . .
يقول لكم انه ديزني اسعد مكان على وجه الأرض :ala:
انا امبوني احب افلام ديزني لاند واتابعها اول بأول . . وهذا لي خلاّني متحمسه للسيره . .
----> شو هاليهال :shebah:
واصبحنا وسرنا الكونسيرج واشترينا التكيت من هناك . .
ونصيحه لكم اشترو التيكيت من الفندق نفسه عن توقفون في الطابور عند الحديقه تشترون التيكت . .
ديزني مقسمه لـ قسمين : Disney land Bark و الاستديوwalt Disney studio
سعر التذكرة للكبار للحديقتين : 68 يورور . .
وفي مكان ثالث الدخول مجاني اسمه Village . . فيه مطاعم ومحلات وبعد . .
وتوجهنا لـ ديزني . .
OMG !! أهلا وسهلاَ بكم في Disney land Bark . .
افتتحو ديزني في باريس سنة 1992 وطبعاً تعرفون انه له افرع ثانيه . .
وهونج كونج وكاليفورنيا وفلوريدا . . واكيد تدرون اسمها جيه نسبتاً لمؤسسها Walt Disney . .
Disney land Bark اول ماتدخل تقدر تاخذ خريطة عسب تعرف مكان وجودك . .
وشو المطاعم والعروض الموجوده . . والمحلات والكشكات منتشره كل مكان . .
تبيع كل شي يخطر ع بالكم فيه شخصيات ديزني . .
والكايد يسوي لكم حبتين :eh_s(6):
آخر عمري انا اركب سيارة جيه واسوق شرات الصغاريه . . برستيجي اخترب . .
وأكلمنا جولتنا . . هني تبع فلم اليس في بلاد العجائب . .
وفي كذا مكان مثلاً علاء الدين وصوب سندريلا وهكذا . .
بعدين ركبنا لعبه ثانيه . .
هاللعبة انا يلست ادورها ع الخريطه لاني اذكر قوم بطي لاعبينا يوم كانو هناك عامات لوّل . .
اسمها Its a Small World . . حللللللللللللللوة :a040:
ادخلو يوتيوب . . اكتبو Its a Small World -Sing Along & Video Disney Land Paris . .
بتشوفون فكرة اللعبة . .
وزوايا مختلفة من ديزني لاند . .
شوفو هذا بعدنا ماسرنا القسم الثاني الاستديوwalt Disney studio . .
مازلنا في البارك الأول . . مالعبو اخواني وايد من الزحمه بس تمينا نتجول فيها وايد استانست . .
ودخلنا المحلات خاطريك تاخذ كل شي . . عاد انا عوقي اللّقط هالخربطان :ml7:
بعدها طلعنا وردينا سكنّا . . عسب نصلي . .
ومن عقبها توجهنا لـ walt Disney studio . .
المكان يختلف عن الحديقه انه الأفكار الموجوده فيه . .
تعرفك ع افكار ديزني وكيفية رسم الأشخاص وغيره . .
هذا المسرح .. ياويلي . .
عرضو فلم قصير عن الأفلام الجديمة الكلاسيكية في ديزني . .
يعني المشاهد لي فيها ضحك من كذا فلم ورا بعض . . المشاهد الحزينه وهكذا . . لقطة سيييبما تصييييييييح :a050:
وجانب آخر من الاستيديو . .
الاستيديو ماتمينا فيه وايد . .
وردينا طلعنا عسب نرجع القسم الرئيسي لانه نعرف بيكون في عروض مسائية مذهله هناك . .
من العروض المسائية وشوية ألعاب نارية بسيطة . .
من بعدها تتبدل لون القلعة واااااااااااااااااااااااااااو . . :yaw:
وهذا آخر عرض يكون في الحديقة . .
يبندون الليتات واييون الشخصيات راكبين ع المركبات المضيئة . .
وبجي خلصنا يومنا في ديزني لاند . .
وتحتاج يومين اذا كنتو حابين تزورون كل بقعه وتلعبون وايد . .
نحن اكتفينا بيوم واليوم لي عقبه رحنا القسم الثالث . .
لانه بنكرف قريباً وعندي ضغط في الشغل . .
وحرام مابقدر اكون متواجده دايماً :ko::
ومابقى وايد ع الرحلة . .
نكمل يومنا الثاني في ديـزني . . اللي اخواني كانو مخصصينه لـ لافيلاج اوت لت - فرنسا . .
بقول لكم نقطة . . طول الوقت ونحن هناك الكايد معلق ع اغنية بنيتي الحبوبه " فيس بينتحر " !!
تخيلو طول الوقت يغنيها طوال الوقت ht5
عاد هذاك اليوم انا ناشه اصلي الفير . . واسمعه هو واعي ونازل ع الدري يغني هالاغنيه :ta'7:
لا وبصوت عالي ماعرفت شو اقول بصلاتيه . .
هو امبونه متعود دوم ينش بدري وأول واحد فينا . .
طليت من الدريشه كان يوم ضبابي . .
نزلت تحت بعد ماطار الرقاد من عيني بسبة الكايد . .
شفته الحبيب رايق . . وشكله بعده عايش اجواء امريكا وانه يعتمد ع نفسه . .
يالس يحمص له توست ويسوي له جاهي . . ويلسنا نسولف لين ينشون البقيّه . .
وتوجهنا لـ الآوت لت . .
فكرة الآوت لـت بشكل عام . . فيه محلات ماركات عالميه وغيره . .
بس تكون بأسعار اقل . . بسبب مثلاً مرور ع البضاعه سنة او وراحت موضتها او ماكان عليها إقبال ومن هالقبيل . .
انا كان في خاطريه اشيا معينه حاطتنها في بالي . .
فـ دخلت هالمحلات ع طول بدون ما ايلس اقيّم الآوت لت كله :h015:
وبعدها سرت يلست اتريا اخواني لين يخلصون . .
----> دوم هالبنت رايقه . .
وغير هالمحلات في مول هناك بعد . .
ومافيه وايد اشيا بس اخواني فضولين ومحبين لـ الأستطلاع . .
وبعده كان ضباب . .
لين قبل المغرب راحت الضبابه . .
بعد ماخلصنا من الآوت لت . .
ردينا البيت نصلي ونرتاح . . وانا شو في راسي شي الاّ اسويه !!
تخيلو خاطريه اركب سيكل :ml7:
المهم اخواني قطعوني . . وقالو ماعليه مابنخلي الشي في خاطرج . .
لانه قاريه شي نأجر سياكل في المجمع والمكان آمن ..
تخيلو نحاستيه . . يوم سرت ماشي عسب الضباب وممنوع :a050::a050:
بعد المغرب قلنا بنسير القسم الثالث في ديزني لي خبرتكم عنه امس Village . .
في Village حصلت محلات مش موجوده في القسميين الثانيين . .
والله الأشيا وايد حلووة تصيّيييح . . احس عمري كبرت ع هالسوالف بس ماقدر اقاوم . .
وهني جانب آخر من المحلات . .
كم بصوّر . . وشو بصّور وشو بخلّي :ili:
عندي من الشغابات . . لانه موجوده في بوظبي محل شوارفسكي . .
يتني هديه كانت في خاطريه ♥♥♥♥
وخذت من التيشيرت مال ميني . . والتيشيرت اللي تحت ع اليسار . . wahh
ومن بعدها سرنا تعشينا . .
هالمطعم موجود في دبي . . موووول ماحبيت أكله :212:
وردينا الفندق عسب نحط اغراضنا . .
لانه بنصبح بنتوجه لـ باريس :ala:
.
. ♥ ♥
.
.
فِي الجنّة لن نشتاقْ ولن نَشكِي هماً ♡
ko:: )
