بقـَشةْ عِيَايـزْ ;`

[غنَاتْيـے]

 

[غنَاتْيـے]

:a040:


السَلامْ عليكمْ ورحمة الله وبركاته . .
مساكم أفراح وسعادة بإذنه تعالى :ax:

إشحالكم عساكـم بخير . . ؟
في البدايه شكراً جزيلاً لكل متابعينْ بقشة عيايزْ لاخليت ولاعدمت timo

يوم ميلادي تاريخ 10 - 9 . .
صادف يوم الســبت . . كنت يومها في راك :eh_s(6):

بعد استقابل التهاني عبر المسجات والمكالمات . .
عصر السـبت . .
وصلت أول الهدايا . . من الذوق كله واخي العزيز الكايد :wnash:

اختار لي :

نفس اليوم المغرب . .
وصلت الهديه الثانيه من حرمة اخويه . . شكراً لج لاعدمتج يا الغاليه :shyy:

وبصباح يوم الأحد . .
مازالت الاحتفالات قائمة . . :ala:

وصلت أول هدية من صديقتيه في قسمي . .

وثاني هدية من زميلاتي في القسم الثاني . .

ووصلت ثالث هدية من صديقة عزيزة عليه خارج نطاق العمل . .

وماشاءلله واستمرت الهدايا . .
من اغلى اشخاص سكنو قلبي . . واليوم بوجودهم كان مختلف تماماً :qlb:

بذمتكم هب ذوق . . ؟


ووصلت بعدها الكيكة اللي أحبها من ليبون كافيه wahh

خلال هالساعات كلها مكتبيه تحول الى حديقة :3nb:

وخلّص اليوم الأول لـ استقبال الهدايا oo:

أدري الفضول يذبح . . الكل يبى يعرف شو داخل الهدايا . .
مابخليها في خاطركم :ko::

الأحد ما انقطعت الهدايا . .
ووصلت هدية كيوت . . من ربيعتيه الكيوت كركورتيه timo

ووصلني ايضاً بكس . . في سوالف بنات ممنوعة من العرض :shyy:

ولين أمس مازالت دياري عامره بالأفراح والمسرات . .
وفاجئتني اختيه بهدية منها :msafer:

واليوم ايضاً هدية راقية وصلتني المكتب . .
يابو لي شرات نظارتيه لي ضاعت عنّي :a050:
علنيه ماخلى منكم . .

وباقي لي بعد عزيمة عشا مع اخواني :a040:
مازلت استقبل التهاني والهدايا لـ يوم السبت ماعندي مشكلة ترا ----------> :eh_s(6):


YOU all made My day ♥♥♥♥♥♥
thanks thanks thanks Million from my heart :ax:
LOVE U ALL <3

 

[غنَاتْيـے]

بِسمْ الله الرَحمنْ الرَحيِمْ


إنتَقلت إلى رَحمة الله تعالى . .
{ عـُوشـة بـنت حَـمد المِهيـري }

اللهم إرحمهَا وإغفر لها . .
وعَافها واعفْ عَنها وأكرمْ نزلها ووسِعْ مدخلَها . .
واغسِلها بالمَاء والثلجْ والبردْ ونقهّا من الذنوبْ والخَطايا كَما ينقى الثوبْ الأبيضْ مِن الدَنسْ . .


اللهم إرحمْ مَوتانا ومَوتى المُسلمينْ جميعاً . .
اللهم آمينْ . . اللهم آمينْ . . اللهم آمينْ . .​

 

[غنَاتْيـے]

[align=right] لــمْ يــرحَلوا لـ نَبقى ; هــُم ســَبقونا فــقط . .

السَلامْ عَليكمْ ورَحمة الله وبَركاته . .
ذَهبنا اليوم إلى " دَبـا " . .

وذلك لتقديم واجب العزاء إلى صديق أخي سُلطان " عبدالله "
في وفاة المغفور لها بإذنه تعالى جدته . .

هنيئاً لها . . يوم الجمعة وفي أول يوم من ذي الحجة . .
منذ ان غادرنا " أبوظبي " وأنا أفكر في الموت حيث أنه تراودت على مسامعنا في الفتره الأخيره
موت الكثير من الأشخاص . .
وكم هي الحياة قصيرة . . أقصر بقصير ممّا نعتقد . .


وصلنا الى مسافي . .
كانت سيارة الإسعاف قادمة من ابوظبي تحمل جثمان الفقيدة . .
بعد ان كانت بينهم ليلة أمس . . تتحدث وتملىء المنزل بحنانها ودفء وجودها . . وبكامل صحتها . .

كان الهدوء يخيّم على مجلس النساء . .
إلى أن وصلت ام عبدالله وهي تبكي بصوت مرتفع . .
" راحت عنّي امي بعيد . . كيف بنرقد وهي محد في البيت اليوم . . الله يرحمها "


هُـنا لم اتمالك نفسي وبدأت بالبكاء وامساك يد اميّ . .
همست سراً . . يارب احفظ لي والديّ واحفظ لي امّي من كل شر واطل في عمرها . .

كانت تبكي بشّدة والنساء يرددون . .
" ماقصرتي فيها . . اعتنيتي فيها من سنين وسنين . . ادعي لها بالرحمه . . الموت حق "

كم اتمنى ان اكون مثل ام عبدالله . .
صابرة . . بارّة بـ امها إلى آخر دقيقة من حياتها . .

كان يوم مؤلـم بالنسبة لي . .
فلا رحيل يؤلم كرحيل الأموات . .
رحم الله أمواتنا وأموات المسلمين جميعاً . .


همسة للجميع :


حينما نفهم الموت جيدا . .
سنحيا افضل و نحب اكثر . .


سـ ننسى ان نحقد ان نكره ان ننتقم `
ان تخبئ في صدورنا خبث لهذا و شر لهذا . .
و الحماقات و التفكير المظلم . .

ســ نتمنى ان ننام طويلا . .
ولا نبتعد عن بعضنا كثيرا `
ولا نتفوه بكلمات سوداء كريهه . .

ســ نكره وحدتنا . . انغلاقنا على انفسنا . .
و ترديد كلمات عشوائيه كـ : اريد الموت و انا حزين/ و انا و انا و انا . .

سـ نتغير , نكبر , ننضج .. نقبل لـ كل يوم كانه اخر يوم لنا . .
نصدق فيه نحب فيه نحيا فيه . .
و ارواحكم تمضي بها الحياه بلا ارهاق افكاركم . .

اصنعو للغد ذكريات تضحكنا `
اصنعو للغد احباب لا يفارقونا . .
اصنعو للغد اصدقاء يمسكون بايدنا . .
اصنعو للغد انفاس شرحه مقبله بـ كل حلم و تفاؤل /`

فـ نحن في هذه الحياه للعيش !*
لا لـ للبحث عن اسهل الطرق للموت . .
فـ الموت قاسي و الفقد موجع و الحياه تريدنا احياء لا اكثر [/align]

 

[غنَاتْيـے]

يَاويل قَلبي لا غِدتْ غِيمْ وبروقْ . .
شَـي وَاحد بس هُو اللّي أخافه

أخَاف لا زاد المطَر زاد هالشُوق . .
وجيتك مع سِيل المطر وإنجرافه

السَلامْ عَليكمْ ورَحمة الله وبَركاته . .
صباحكم غيم أبيض وجو يشرح الخاطر sos3

اللّي عداله دريشه . .
يشوف الجو برع . . دخييلكم هذا جو مكتب ودواااام !!
والله جو عراقيب وميحد حمد ع العود :cRy:

والله فيني الصيحة . . مول ماتهنيننا بإجازتنا ..
اللي يجتل انّي مقدمة اجازة واوّنه حالة طواري ماينفع اطلع ماوافقو عليها . .
هي حسسوني يا درع الجزيرة :ml7:

المهم . . مباركِ عيدكم وعساكم من عواده ---> تو الناس :t6t:
كالعادة غَصب عنّا لازم نعيّد في راس الخيمة . .

قوم ابويه سارو بالخميس . .
وانا ماقدرت لاني طالعة من المكتب الساعة 8 المســـا :qq:

بالجمعة الظهـر هيّا إلى هُنــاك . .

لازم دلة الكرك معانا . . واللي يبى خنفروش حيّاه oo:
نحن آخر دفعة واصلين . . الباقين من امس هناك ماشاءالله وحشرة اليهال . .

ليلة العيد بدا سلطان والشلق ماله . .
واليهال يصارخون والنص يصيحون انزين ادخلو داخل haah

التجهيز لـ صباح العيد . .

وصبـاح العيد -----------> وبعدين يعني :eh_s(1):

وطبعاً انا محدثتكم . . ماعندي اي جدول . .
وما احب اطلع مكان . . المهم اسير بيت عمتيه اسلم عليها هي ويدوه . .
وبـ جيه يكون انتهى جدوليه . . امّا الباقين عندهم جدول حواطة -_-"

ثاني يوم العيد . .
الجو كان شـي خيال . . ناشة من 8 . . اصلاً من فترة طويلة . .
الرقاد مجافنّي :ili:

واتصلت في شقيقي الغالي اول يوم رمسته بس احس بعدني متولهه عليه . .
صدق العيد هب حلو بدونك :a050:

تيلست في الحوي . .
اهم شـي يفرشون الحصير ونتريق برع . .
هذا احلى شـعور في راك بالنسبه لي :eh_s(6):

اقربو . . كرك و قهوة . . بلابيط ومحلاّ ♥♥♥♥♥♥

وكردش ومردش يايين من الدكان . .
وبطي الحبيب مصيّف ياكل ايس كريم وهزاع مستقوي يشرب ارونامين سي وامايه محتشره عليه
انيّ انا لي معلمتنّه . . انا شو يخصني انزيييييييييييييييييين -__________-"

بعد صلاة الظهر . . بنتوجه لـ الشرق . .
خيييبه مايسوا علينا . . وقفنا في المركز تقريباً 45 دقيقه . .
الهنود والآجانب ht5

كنت بنزل بستوي متطوعة بسوي تايبنج . . وايد بطيئييين . . .
ووصلنا . .

قمنا بآداء واجبنا الإجتماعي . .
احم احم فديتني يوم اغدي حرمة :qlb:

وتلاقينا مع اخويه الكبير بعد :h015:
قمنا بزيارات جماعية . . وانا متواكله ابى اروح البحر ~> توج تقولين مستويه حرمه . .

وبعدها هيّا بنا إلى حـــــل wahh
يالله ما احلى البحر . . واحلى الأجواء . .
لولا وجود المهندة ع السيفة . .

رَعاك الله يا خلٍ سكن في داخل اعماقي ♥_♥

تمينا متيلسين ع البحر . .
N ; K ; A وخالوه وامايه واختيه . . احلى طلعة معاكن لاخليت منكن :00100:


صلينا المغرب وبعدها ردينا راك . .

أمس . .
بعد الحمدلله ع كل حال كان الجو مثل اليوم لي قبلة . .

قالن خواتي بيسيرن المول -_____-" هذا اللي مادانيه . .
يالله بروح معاكن باخذ لي كوفي ~> وايد رايقة هالبنت . .

وطلعنا إلى المول . .
اللحينه بقول شـي جد جد والله ما أتمصخر ولا حد يفهمني غلط . .

هالشي :

يعني من سنة الطبعة كل عيد طلعوه ورزوه في الشارع . .
هب من حلاته . . لين متى يعني . . ؟
طابوقة فيها عمود حليان وعيد سعيد يلامض . . عفواً يعني . . ؟
وفي رمضان يدسونها ويطلعون شراتها بس رمضان كريم !!
شكلها مش حضاري ابداً . . :ml7:


ماعلينا . . وصلنا المول . .
سارو خواتيه يتسوقن . . وانا توجهت الى ستار بكس . .

تميت يالسه خاري . .
واشوف البحر لكن زايغة اسير ههههههههه . .
بعده المكان فاضي بس عمّال . . خلاف تمّو اييون الناس تشجعت وسرت يلست هناك . .

الصراحة وااااااااااااااايد حبيت المكان . .
والجو كان جميل . . ومحمد عبده يغني ( قالو نسيته ) :a050:

لين ما أذن الظهر . .
زقرنّي خواتي وسرنا صلينا . .

ومن بعدها قالو بيتغدون في شيليز . .
مادري شو يحبون في هالمطعم :ta'7:

انا مالي اللي ع اليسار فوق . .
جبن طبعاً . . لاني ماحب أكلهم اصلاً -_-"

ردينا البيت . .
كلنا نستعد للرحيل . . كل واحد طلع بموتره . .
وامايه وابويه ماسوّو لنا سالفة تمو هناك :eh_s(6):

خطفو عاشوق هالمكان اللي ماحبه . .
---------> دخيلج انتي عيل شو تحبين ؟

وهيّا إلى أبوظبي . .

رحلة حلوة لو كانت اطول . .
احس انّي مارتحت . . كله ضرب خطوط . .
محتاجة راحة لمدة شهــر . .

السموحه ع القصور . .
والله يسقينا :cofee:

 

[غنَاتْيـے]

فوق بيتنا علـم ♥

الحملة لاقت تجاوباً كبيراً من مسؤولين وأفراد . .
من تغريـدة إلكترونية إلى واقع . .

أول من أطلقها هو صاحب السمو الشيخ عبدالله بن زايد آل نهيان
وزير الخارجيه [ حفظه الله ورعاه ]
عبر موقع تويتر . .
@ABZayed

أحتفلْ بروح الإتحاد . .
وكن جزءاً من تاريخ الدولة . .


ساهمو بصور بيتكم على الموقع : http://fogbaitna3alm.ae/

 

[غنَاتْيـے]

يَــا عسى عيد البلد عايد . .
ويرحم الله لي مشيدها

الفضل بعد الله لـ زايد . .
لي بنَى واسّس عمايدها

:yola::yola::yola:

السَلامْ عَليكمْ ورَحمة الله وبَركاته . .
صباحكمْ / مساكمْ خير وعافيه يارب o

اشحالكم عساكم بخير . . ؟

اول شي اهني نفسي واهنيكم جميعاً بيوم الإتحاد الـ 40 . .
فخوره بالتغطية الطيبه التي قام بها مصورين البرزة . .
فخورة بشيوخنا . . فخورة بـ بسمة بوخالد . .
فخورة بالإحتفال الرائع والعمل الجبّار والإوبريت المتعوب عليه . .

اللهم اجعل هذا البلد آمناً مطمئناً ♥

نرجع لـ يوم الأربعاء شوي . .
في الدوام أيضاً كانت لنا احتفالاتنا الخاصة . .
أول مره جيه نسوي . . الموضوع كان بينا نحن البنات بس . . خلاف الكل حب الفكره

وتحضيرات من نوع خاص . .



سوينا كيكتين وحده عليها شعار روح الاتحاد والثانيه لوجو دوامنا . .
الأجواء كانت خياليه لا توصف . . والجو كان " بونفريـن "

حسيت بفرحة الجميع مواطنين ووافدين . . موظفين كبار او صغار

بنفس اليوم . . كانت سفرتيه . .
بروح قــطر . . " الله يا عمـري قطـر " :hap:

طبعاً السفرة يت مفاجئة وقرارات سريعة من اخويه الكبير . .
تغييـر جـو لانّي محتاجـة هالشي من الخاطر :a050:

رديت من الدوام . . لين ماحطيت حطيت اغراضي . .

وهيّا بنا إلى دار بـُومشعل :yaw:

وعند الجمارك وايد من مواتر الإمارات . .
وخاصه عن منفذ البطحاء برررررد هب طبيعي ضروسك يصاككن من البرودة :imok:

الدرب بالنسبه لي أطول عن المره لي طافت يوم رايحه عن طريق بر . .
لانه في الليل والليل فـ الشتا طويييييييييييييل :ko::


ووصلنا الدوحـة بالسلامة ..
سكنّا في Fraser Suites . .

له فرع في دبي ومن اسمه كله سويتات ماشي غرف . .
حبيته هادي ومرتب ونظيف لانه يديد . .

يطل على المتحف الإسلامي oo:

هذي صالتنا ومطبخنا ونسيت اصور غرفتيه انا وميره بنت اخويه -_-"
( هاي الصورة طبعاً اليوم لي عقبه )

انا من تعبيه رقدت ع طول ماحسيت الا الخميس الصبح الساعه 8 . .
بنتحر ابى ارقد :good:

تمينا انا وميره يالسين ارواحنا هي بعد مغبشه . .

وقزرت وقتي . .

بعد مانش اخويه والبقيّه ولين خلصوّ ريوق . .
استعدينا للطلعه . .

وفي الدرب . .

لاخلينا منكم يا يا عيال الدوحة ♥___♥

كانت وجهتنا الأولى فيلاجيـو مول . .
سبق وسولفت لكم في صفحاتي السابقة وزيارتي لقطر قبل عنه . .
وبـما انّي الوحيده لي ماتريقت ومصدعه . . اول شي لازم . .

تسوقنا . .
وفصلت لي عبي من هناك cat
متفيجه صح ؟ بتيي عقب اسبوعين . . والله لو امايه درت بي :ml7:

بعدها يا وقت الغدا . .
تغدينا في مطعم لبناني اسمه سراي . .
ديكوره وايد حلو حتى الويترز لابسين طربوش وهالسوالف . . تذكرت باب الحارة timo

طبعاً قطر كانت بارده من الخاطر لانه قبل يومين كان عندهم مطر اصلاً ..
يعني مستحيل الصغارية يطلعون بدون جاكيتات ونغطي اذونهم . .

رحنا الأسباير بارك بعد سولفت لكم عنها المره اللي طافت . .
وايد المكان شِرح وجميل . .

كان الجو لطيف لولا الهوا البارد . . جيه تحس بنفضه والله :212:
واليهال استانسو ع البط . . وحتى انا :qlb:

وبعدها الى الفندق . .

يتـبعْ غداً بإذنه تعالى w0w

 

[غنَاتْيـے]

لَو شِفتْ بكْ يا صَاحبي جَرح ياجعكْ . .
أقولْ ربّي جَعل هالجرح فيني

وشْ عاد لو تحكي حبيبي موَاجعكْ . .
فداك عمرٍ لو بقى مِن سنيني

السَلامْ عَليكمْ ورَحمة الله وبَركاته . .
مساكمْ و صَباحكم غيمْ أبيض :ah:

في البداية شكراً من القلب لكل المتابعين . .
عساني ماخلى ولاعدم :00100:

اليوم الجمعة . . تاريخ 2 ديسمبر . .
كالعاده ناشه من وقت ويالسه روحي وسويت لي كوفي . .

وصباح الخير يا قطر :

طبعاً ماتنفع الطلعة الصبح . .
لين عقب ما اخويه راح يصلي الجمعة خلاف طلعنا . .

وخلال هالوقت نشّو الكتاكيت . .

يالبّى اليلسة بس . . فديت رواضي :qlb:
بعد ماصلينا الجمعة . . كانت وجهتنا الأولى لـ اللؤلؤة :a040:

وايد احب هالمكان يشرح الخاطر صدق جيه تتنفس . .
خاصه من الصبح لين وقت المسا يكون هادي وماشي زحمه . .

تغدينا وقلت لهم بعزمكم ع شوكليت بار ViV
ويامرحبا اقربو . .

تمشينا لين جريب العصر . .
وبعد قبل كلمتكم عن هالمكان وعن المحلات لي فيه والكوفيات . .

آخر مره زرت فيها قطر ماكانو بانين ( الحي الثقافي - كتارا )
شفت له وايد صور في النت وربيعاتي خبروني عنه . . وطلع عدال اللؤلؤة . .

مكان توه يديد وفي اشيا قيد الإنشاء . .
يجنن وايد .. فيه مطاعم مطله على البحر . .

وفيه جمعية المهندسين القطرين وغيره . .
واحلى محل وعليه الزحمه :

بس اكتشفت شي اصلاً لي يبيعه هذا هب جباتي الا براتا . .
اكيد صاحب المحل محشش فيه عرج قذافي :ml7:

تام في خاطريه الجباتي الله يسامح بعض الناس . .

وعقبها ردينا الفندق وشفنا الاحتفالات بالعيد الوطني عبر التفاز . .
يوم خلصت حاطين في بالنا نروح سوق واقف . . طبعاً حطنا نص ساعه ماشي باركنات -______-"
وقطر مستويه زحمه وايد شي هب طبيعي . .
قلنا بنروح السيتي ونفس الحالة السيد واقف واشارة الباركنات مكتوب عليها FULL !!!

مالنا غير فيلاجيو . .
وتمينا نحوط ونحوط وماشي باركنات . . خلاص اخويه لازم حركات هل الامارات . .
عفّد فوق الرصيف ووقف oo:

الشعلة :

وداخل وايد زحمه بعد :212:
نصيحة اللي بيسير يروح خلال ايام الإسبوع هب ويك اند . .

وحان وقت العشا . .

ردينا الفندق حطينا اغراضنا . .
عسب نصبح بس نروح سوق واقف ونرد دار زايد :yola:


وصبح السبت :

سوق واقف تايم wahh

يالله كيف اعشق هالمكان . . فكرته وكل شي جديم فيه . .
وخاصه المحلات لي حاطه الاغاني الوطنية القديمة . .

سرنا تريقنا :

ولقطّت شوي من الخربطان لي يبيعونه في الدواعيس . .
واهم شي حصلت Diam :

سوق واقف من زاويه اخرى :

وجيه نكون خلصنا رحلتنا السريعة لـ قطر . .
وردينا لـ الدار . .

ونحن رادين في منفذ البطحاء وقفونا ساعة كاملة :212:
من غير مايخلون اي سياره تخطف . . طلع السستم خربان . .
خلاف اظطرو يخطوف الناس بدون تشييك . .


وردينا العاصمة وهاي الصوغة . .

وايد استانست . . يمكن لانّي احب قطر وقريبه لقلبي ماعرف ليش . .
اتمنى اني كنت خفيفة عليكم بالسوالف وماطوّلت . .

واتلاقى معاكم في سفرات اخرى بإذنه تعالى :rose:

 

[غنَاتْيـے]

Back :klolooosh:


السَلامْ عَليكمْ ورَحمة الله وبَركاته :qlb:
مسَاكمْ وصَباحكمْ جوري أحمر . .

اشحالكم يا أعضاء البرزة عساكم بخـير . . ؟
عوده بعد غياب اسبوعين تقريباً . .

افتقدكم جميعاً sos3
كنت مسافرة وأمس رجعت الدار بالسلامه . .

مابخبركم وين سرت لين اسمع تخميناتكم . .
بحط لكم 3 صور من كل دولة زرتها . . وباللأصح رحنا 5 مناطق مختلفه . .

وين هالصور الثلاث في أي دوُل . . ؟
انتظر اجوبتكمْ oo:

 

[غنَاتْيـے]

.
.
♥
.
.
السَلامْ عَليكمْ ورَحمة الله وبَركاته . .
مسّاكم وصبّحكم الرحمن بالخير والسعاده sos3

عوده جديدة من بعد التخمينات . .
في تقاييم ضحكتني io:

لـ الأسف محد جاوب صح :awxc:
بس في مكانين أغلب التقييمات قالوها بس يعني ماشي اجابة صحيحة كاملة wahh

انا متعمده طبعاً حطيت صور مافيها اماكن سياحيه معروفه عشان اصعب عليكم . .
-----> حسسيني timo

الثلاث دول هي : من اليسار لـ اليمين . .
1 - ألمانيا
2 - سويسرا
3 - فرنسا

وكان خط سير الرحلة بالأصح بهاي الطريقة بالضبط . .
( ميونخ / لوزيرن / جنيف / ديزني / باريس ) :wnash:


لي عوده ان شاءلله اليوم المسا . .
او غداً . . بأول يومياتي في السفر oo:

شكراً لـ كل شخص تعنى وحدر مدونتي وشاركني بتقييمه . .
لاخليت ولاعدمت :qlb:
.
.
♥
.
.