نشينا من الصبح . . وسلمنا ع بعضنا . .
اونه نحس انه عيد :a050:
احلى شي في السالفه سلطان لابس كندوره ومتعصم . . اونه صدق عيد :h015:
نزلنا نتريق . . شوفو . . اخواني لاازم لااازم بيييض . .
وانا ياحليلي مع ريوقي . . والله لانه من عقب المنظار خفت آكل . .
تم في معدتيه الم غريب حتى لين رديت البلاد :eh_s(1):
سلطان يقلدني اونه بصور البيض مالي شراتج :h015:
وطلعنا متجهين إلى سفاري . .
كان الجو مغيم كالعاده في سما تايلند . . مع شويّه نفاف :a040:
وصلنا سفاري . . تبعد تقريباً ممممم 45 عن بانكوك داخل العاصمه نفسها . .
البقعه وايد حلوه . . ومش فيها سفاري بس . . يعني نروح عروض الحيوانات كرمتو وآخر شي سفاري . .
أول شي سرنا حضرنا عرض السبلان :eh_s(6): طبعاً بالصور مش حلو . . انا صورت فيديو بس ماعرف كيف ارفعه لكم -_-"
يومْ الأربعاء . .
بعد مشاورات قررّو يروحون دريم وورد . . مدينة ألعاب . .
مايحتاي اخبركم انا مالعبت غير شي واحد . . لاني خوافه وماحب ألعب اتم اهاوع :eh_s(6):
لازم الريوووق io:
ومن بعده هيّا بنا إلى هناك :a040:
من برعْ الصراحه شغل مرتب وشي عجيب . . التايلانديين مافيهم حيله . .
طبعاً اخواني ماشاءالله عليهم ماقصرو بأعمارهم . .
طلعو جيمة التذكره لعبو كل شي . . انا بس اطمش :eh_s(1):
الحديقه وايد حلوه . . من وروود وطريقة الترتيب . .
يعني شغل متعوب عليه حتى في كورنر حق عجائب الدنيا السبع بس مادري وين الصور -_-"
اوعدكم ان شاءلله بنزل مواضيع منفصله في قسم التصوير لـ كل هالأشيا :ay:
هذاك الشي اللي ع اليسار عقدتيه . . التلفرييك مادانيييه :a050:
وهم عادي عندهم كل شي يركبونه . .
وهني اونه مسوين بيت الرعب . . طبعاً اخسي مادخلت . . هم دخلو . .
وهذا من برع . .
ومنو يبى شعر بنات ؟
شوفو هاللعبه . . اخواني والله مينّنّ لعبوونها . .
انا بس مجرد اني كنت اراقب . . احس بغيت ازووع :eh_s(6):
وماخبرتكم اكتشفت طريقة اقدر اشرب فيها ماي شرات ماقال الدكتور . .
اني احط استرووو . . وما أحس واشرب كميه كبيره . . :==:
وفي مكان حق الثلج . .
مش كبير وايد بس فيه هاللعبه . . وهالشي الوحيد اللي لعبته . . نيلس ع شي جيه مدور ويدزونكم من فوق لين تحت . .
ومعثوره والله مت من الخوف تميت اصرخ :h015:
نلبس جاكتيتات وبوتس نفس جيه :
بس كان وناسه يعني io:
مقتطفات من الحديقه . .
فيها وايد العاب انا ماصورت كل شي . .
تمينا فيها لين جريب العصر . .
في نفس هذاك اليوم . . المغرب سرنا مسرحيه ..
هي استعراضيه . . عن الحضارات في تايلند ومعتقداتهم . .
لـ الأسف التصوير كان ممنوع :bad:
المسرحية شي أكثر من خيالي . . والمسرح بروحه داخل موسوعة غينيس . .
خرافيه من لبس العارضين والمؤثرات الصوتيه . .
والإضاءه والأشيا لي تستوي في المسرح . .
صدق صدق من احلى الأشيا لي شفتها :gooddw:
اشوفكم ع خير في آخر يوم . .
والسموحه ع القصور :ax:
يسعد لي أيامكمْ جميعاً . . اشحالكم عساكم بخيرْ . . ؟ ارد اكرر شكري وتقديري لكل المتابعينْ :ax:
الخميسْ . . آخر يوم في تايلند . . لانه طيارتنا كانت بالجمعه الصبحْ . .
متفقين انه هاليوم يكون حق الشوبنج اونه -_- :bad:
طلعنا من الفندق الظهر . . وكان في خاطرنا نتغدى سي فود . .
فـ هيّا بنا إلى الفش ماركت :eh_s(6):
مع اني موول ما أحب شي اسمه سمج . .
الا انّي احب الأكل البحري . . أحب القباقيب واللبستر والنغر :ah:
ومن العصر بدت الحواطه في المول لين المغرب . .
اووووف يا الملل :cm:
ردينا الفندق في الليل بسرعه عسب نحط اغراضنا . .
لانه 5 ونص الفير لازم نطلع من الفندق طيارتنا 8 وربع الصبح . .
وفي المطار الموقف السخيف اللي استوا لي :a050:
في واحد من الأدويه سائل . . وما آخذه الا اذا احس بألم . .
ما أمنت احطه في شنطتيه الكبيره فـ حطيته في الهاند باج . . يوم مرت من جهاز السكان . .
قالو مال منو هالشنطه -_- سرت عندهم . .
ظهر الدوا من الشنطه قال شو ها . . يعني شو تشوفه انه اكيد دوا :bad:
ومكتوب عليه اسمي وكل شي . . بس الفلسفه . .
قال لازم تبطلينه احينه جدامنا وتشربين منه . . عفواً :h035:
خبرته انه هالدوا مسكن للألم مايستوي آخذه ع الريج . . ماطعت اتفجج منه كرهته :h035:
امري لله . . اخرونّا عسب هالشي . . فتحته وشربت منه . .
والله اني طول الرحله جبدي لايعه مش رايمه ارفع راسي :a050:
ورجعنا دار زايد :a040:
بقول لكم عن العذاب النفسي لي كنت فيه . .
انا رجعت البلاد بالجمعة تدرون اني السبت داومت ع طول . . هي والله بالسبت . .
كان عندنا حدث مهم في مكان دوامي . . ويباله تحضيرات . .
صدق هلكت لاني مارتحت من تعبت السفر . . :a050:
بالأحد داومت دوام كامل . . وزياده بعد ماطلعت غير 5 من المكتب . .
بعدها توجهت الى قصر الإمارات . . حاجزين لنا غرف هناك لانه مكان الإجتماع . .
اقربو حياكم غرفتيه . .
وهذا المنظر اللي اطل عليه الغرفه . .
طبعاً في الليل كانت ختيه تيي تبات عنديه . .
يوم سرت القصر . . كانت زميلتي معايه يعني بنت قسمي . . انا وهي والله انكرفنا . .
وكانت لها غرفه عدالي بعد . .
يلسنا اول شي طلبنا لنا غدا انا وهي . . مش ماكلين من اصبحنا -_-"
ما مدانا يالسين ناكل اتصل مسؤولنا . .
والله نزلنا تحت . . وماسرنا غرفنا الا 1 في الليل :Afkr:
عـَسى فـ الليله اللي بِنتوادعْ حيِنها تَمطرْ . .
عشَان أقوُلْ لا منْ رحتْ إن موادعكْ خيرهْ . .
:wrd:
السَلامْ عَليكمْ ورَحمة الله وبَركاته . .
مساكمْ غيم أبيض . . مساكم خير بإذنه تعالى . . :ax:
في البدايه شكراً لكل من سأل عنّي في غيابي . .
شكراً لكل متابع لـ بقشة عيايز :bt:
كنت وايد مشغوله فـ الدوام . . وهذا هو سبب غيابي عن البرزه لمدة اسبوعين تقريباً . .
كنّا نحضر لمؤتمر يخص دوامي . . وأول مره تستضيفه دولة الإمارات العربية المتحده . .
نجهز له من شهرين . . بس آخر اسبوعين كان الضغط والجهد الكبير . .
أول اسبوع . . كانت بوظبي مدينة الضباب . .
وتنزل الضبابه بشكل كثيف من الصبح وما تروح الا وقت الضحى . .
طبعاً ما كنت اطلع من المكتب الا 7 المسا او 9 وآخر يوم قبل مانتوجه لفندق ياس لانه الموتمر كان هناك . .
ماطلعنا من مكاتبنا غير 12 منتصف الليل :212: بالإضافه لـ دوامنا الجمعة والسبت . .
هذا المؤتمر مشاركة فيه دول اسلامية فقط . .
مثل السنيغال . . اوغندا . . كاميرون . . بنغلاديش .. دول الخليج . . البانيا . . تشاد . . طاجكستان . . المغرب . . الادرن . . ايران !!!
ودول كثيره ماتخطر ع بالي . . تقريباً كانو شي وثلاثين دوله . .
كانت اعداد الوفود كبيره . . و داومنا متقسمين لـ لجان كلِ وشغله . .
فنيّه و تقنية المعلومات والإعلام والمتابعه وغيرها . . واهم لجنة لي كان عليها الضغط لجنتنا . . لجنة التنظيم والمراسم . . وخاصه عددنا قليل . .
الحدث كان اسبوع كامل كنت فيها في الفندق . . 4 ايام الاجتماعات . . وقبله وبعده ترتيب . .
تواجدنا قبل يومين من الافتتاح . . للتأكيد من ترتيبات الحجوزات والقاعه والورود وغيره وغيره . .
يامرحبا بكم في غرفتيه :
هذا كان يوم الجمعه الصبح . . اليوم الوحيد اللي رمت اتريق فيه ع راحتيه . .
باقي الأيام كلّه ركيض ومواصل ومانرقد شرا الناس :cm:
وهذا المنظر اللي اطل عليه غرفتيه :ah:
كنّا حاجزين الفندق كله حقنا من قاعات ومن غرف وسويتات . .
اعدادنا كبيره فـ تحسباً لـ اي ظروف سوينا فول بوكينج ع كل شي . .
كان عندنا شرات الاستراحه الخاصه فينا . .
فيها كمبيوتراتنا . . الفاكسات وغرفة اجتماعات صغيره و تلفزيون . .
هني كانت مرتبه لانه بعدهم مش الكل واصل . . عقب استوت العفسه . .
والشباب في الليل يودرون الشغل ويجمعون يشوفون مباريات كأس آسيا :3nb:
وانا خقاقه كل شي اباه اييبونه لي . . قلت لهم ابى ارونامين سي مايخصني وقهوه عربيه . .
هني بدت العفسه . . وحطينا لنا حلاوه نتسلى ابها لانه صدق ماكان شي وقت ناكل . .
بنات لجنة المتابعه كانو اللجنة الثانيه المكروفه شراتنا . .
جداول التحديثات عندهن مايرقدن الا تالي الليل :cry:
طلبت باتشي عسب تنحط ع الطاولات عن الاستعلامات :yaw:
الشباب تالي الليل يبدون يخرفون خلاص . . ويلعبون فيه وداقين سوالف :00eek:
ومسؤولي بيسير يرقد فجأه يتذكر الأشيا اللي لازم نسويها اليوم اللي بعده . .
هاي القاعة الرئيسة اللي كان فيها الإجتماع الكبير . .
بعييده عن الفندق كنّا نمشي لين نعيز -_-"
التحضير لـ العشا الرسمي . . هاي طبعاً بس الطاولة الرئيسية . .
وفي نفس يوم العشا . . كنّا متفقين مع المزيود للحربية . .
عشان البلاد الثانيه تشوف تراثنا . . يبنا حربيه وعياله . .
لـ الأسف ماصورت لاني رحت ارقد شوي كنت تعبانه ومواصله . .
هههههه تذكرت شي . . في مره بيتنا طرشو لنا نبج الفندق . .
تخيلو حطينا في اللوبي اللي يخطف ياكل . . واونه اللحينه الأفرييقيين بتيحرونه تفاح صغير cat
شكر خاص وكبير لـ متطوعي تكاتف :
كان عددهم كبير ومقسمينهم . .
مجموعه معانا مجموعه عند السيارات مثلاً ومجموعه حق الاستقبال . .
وغير المجموعه لي كانو في المطار . . ماشاءلله عليهم بياض ويه وماقصرو والله :122:
آخر يوم كان بالجمعه بعد . . كانت استراحة المحارب . .
بقى عدد قليل من الوفود ماراحو . . وخف الشغل شويه . .
لين ما طمنّا الامور طيبه وخلينا مجموعه من الشباب هناك . .
انا رديت البيت متولهه ع أهلي واايد :cry:
كان تعب واجهاد . . ضغط نفسي كبير . .
انا كلمتكم بشكل عام بس طبعاً كان شغلنا غير هذا كله وتفاصيل فرعية كثيره . .
لا تِمد رجِليكْ ولحَافكْ قِصير . .
ولا تِناظر فُوق تتـعب بالنظر !*
القــَناعه كَنز لو حِلمك كبير ;~
والحَياة درُوس والدِنيا عبـر `
♥ ,`
السَلامْ عَليكمْ ورحَمة الله وبَركاته . .
يسعد لي هالمسـا بكِل خيرْ وعافيه :00100:
اشحالكم عساكمْ بخير . . ؟
شكري المتجدد لكل متابع لـ صفحات بقشة عيايزْ :bt:
♥ ,`
الإسبـوعْ اللي طاف كنت ماخذه اجازه . .
ارتاح من الشغل شـوي . . وماسويت أي شـي مفيد :bad:
رقاد وسهـر والعَـكس صحيح ْ . .
يوم الخميس بمـا انه كان اجازه كنّا متفقين نسـير العينْ ونيلس يومين هنـاك . .
وضحى الخمـيس . .
سايره بـ عزيمة من اخويه الكبير بومحمد . .
فـ اعضاء الرحله اخويه وحرمته وعائلتهم الصغيره . . ( محمد و ميره و روضه ) وغناتي واختيه . . :eh_s(6):
أول وجه كانت لـ حديقة الحيوان :
برغبه وتخطيط من ميره ومحمد . .
وياليتني ماسرت . . اووووف زحمه من الخاطر . . الهنود كثر الدود :bad:
طبعاً الحديقه سخيفه اول مره احدرها . .
مساحتها كبيره ع الفاضي ومافيها وايد حيوانات وانتو بكرامه . .
و حاطين الحيوانات عزكم الله بعييييد يعني ماتشوف عدل . .
وشي قطار سخيف يخطف بنص الحديقه اونه ياخذ السياح جوله :bad:
انزين سوّو له مكان مخصص يمشي فيه هب عشوائي بين الخلق -_-"
وجانب آخر من الحديقه . .
وهنـي محل فيه سوفينيرات . .
بعد ماخلصنا من حديقة الحيوان . .
سرنا الفندق . . روتــانا . .
العصر سـرنا البوادي مـول . . حلو مولهم شِـرح . .
وفيه كل شي تبـاه . .
تـسوقنا وتمشينـا وعقبها خذنا لفه في مبزره ع السريع . .
طبعاً ما تنطاح من الزلمات والمهنده والجنسيات الاخرى . . فـ رجعنا الفندق . . :Afkr:
الجمعـة الصبح . .
ماكان عندنا اي مخططات عسب انه يوم اليمعه وصلاة . .
طبعاً انا بموت ابى ارقد بس ميره واختيه وايد متفيجات ومسويات ازعاج من صباح الله خير :1577_1186768770:
الله يمـسّي كل حَـارتك بالخيـر . .
ويسعـد مسـا سكـانها لجل عينك ♥
السَلام عَليكمْ ورحمة الله وبَركاته . .
مًساكم وصباحكم خير وعافيه :00100:
اشحالكم عساكم بخير ؟
افتقد مدونتي بقوة الصراحه :Afkr:
احس هالفتره عندي زحمة احداث في راسي . .
وايد مناسبات وكاتبتهن كلهن في دفتر عسب ما انساهن :a050:
هدايا ومصاريف من كل مكان :h015:
ماشاءلله في الدوام موسم ربى وكلهن اييبن بنااااات . .
باقي البنت اللي عنديه في المكتب :sheer:
وهالإسبوع عندي عرس ربيعتيه والشهر الياي اعتقد ملجة اخويه :Afkr:
المهـم قبل أمس قررت اسير دبي مع قوم بطـي . . وخطفو عليه البيت عقب الدوام .. وهيّا الى هناك . .
وصلنا العصـر شقتنا . .
وهذا المنظر اللي اطل عليه . .
صوب مرسى دبي . .
ونزلنا نتمشى تحت . . الجو كان وايد حلو . .